NG Haakdoorn

01/06/2026

01/06/2026

Oggendoordenking: Dankie Here dat U mens geword het en woon nou deur die Heilige Gees in ons.
Ds. J Nel
NG Gemeente Haakdoorn

30/05/2026

30/05/2026

As jy nie weet wat om vandag te doen nie, kom kuier saam by ons basaar! Lekker aktiwiteite vir oud en jonk, klomp verskillende kosse, koeke, poedings te koop, Pieter Smith sing om 13:00, kom kuoer lekker saam!

28/05/2026

Oggendoordenking: Dankie Here dat U die groot Oorwinnaar is.
Ds. J Nel
NG Gemeente Haakdoorn

EK STAAN LOS VAN SKULD EN KWAAD

Ek weet my Losser leef.
My Loskoper —
my Kinsman,
familie wat instaan
waar ek self nie meer kan nie.

Hy sal my van pes en pestilensie red.
Soos in Ruth se dae,
toe die Losser opgestaan het
vir naam en toekoms,
so staan Hy ook vir my in.

Hy maak my los
van skuld en kwaad,
van aardse vasklou
en swaar wat nie wil wyk nie.

Hoe losser ’n mens raak,
hoe vryer raak jy.

God is ’n Ontknoper.
Hy wikkel ons los
uit die kraaines van spyt,
bekommernis en oorlaai.

Ons hoef nie, soos Job,
ou wonde oop te krap
of aan rowe te bly trek nie.

Die wrakinspeksie is verby.
Nou kyk ons vorentoe.
Nou kyk ons boontoe.

Want my Losser leef.