Die Pinkster Christen Kerk Roepersfontein

12/04/2026

Goeiemôre Geliefdes

Die dienste sal binnekort weer uitgesaai word. Ons benodig 100 "followers" alvorens ons weer "live" kan gaan.

08/04/2026

07/04/2026

My gebed vir u vanoggend

01/04/2026

My Nuwe Begin.....
Daar kom ’n oomblik in elke persoon se lewe waar jy besef dat ek kan nie meer vashou aan wat was nie. Die ou seer, die ou gewoontes, die ou denke en dit het dalk vir ’n seisoen sin gemaak maar dit dra jou nie in 'n nuwe seisoen in nie. Soms hou ons vas aan dit wat bekend is, nie omdat dit goed is nie, maar omdat dit veilig voel. Tog vra ’n nuwe begin in jou lewe moed.Moed om te laat gaan.
Ou sleutels kan nie nuwe deure oopsluit nie. Jy kan nie ’n nuwe seisoen betree met ’n ou ingesteldheid nie. God roep jou vorentoe, nie terug nie. God doen nuwe dinge, maar ons mis dit omdat ons hande vol is van gister. Om die nuwe te beleef, moet jy eers bereid wees om klaar te maak met die oue.
Miskien beteken dit om vergifnis te kies waar daar bitterheid was. Miskien beteken dit om weer te glo waar hoop verlore geraak het. Of dalk beteken dit eenvoudig om ’n besluit te neem: “Ek bly nie meer hier nie.” Want jou nuwe begin wag nie vir eendag nie, dit begin die oomblik wat jy kies om vorentoe te stap.
Onthou, God maak alles nuut. God herstel, Hy genees en Hy lei jou op ’n nuwe pad van genade en hoop. Moenie bang wees om los te laat nie, want wat voorlê, is groter as wat agterbly.
Gebed:
Here, gee my die moed om die oue te los en die nuwe te omhels. Lei my in U pad en maak my hart oop vir dit wat U voorberei het. Amen.
Past. Stef

29/03/2026

Ons Kerk se trots, mag die Here ons kindertjies styf vashou🥰

29/03/2026

Paas konferensie dienstye.