Moruti Maine

06/09/2026

ESAIA 61:1 "Moya wa Morena Jehova o dutse ho nna, hobane Jehova o ntlotsitse h**e ke tle ke bolelle ba madimabe taba tse molemo; o nthomile ho fodisa ba robehileng dipelo, ho bolella ba tlamilweng tokoloho, le ho tsebisa ba teronkong ho bulwa ha yona" Banabeso, kajeno ke ne ke bua pelo ya Jehova Kroonstad, mme ka bona matla a Modimo a theohela hodima bana ba Hae. Ke a kokobela, HO PHAHAMISWE LEBITSO LA MORENA JESU KRESTE. Ke fa Modimo sebaka a etse mosebetsi 🙏🙏🙏

05/09/2026

Ke lekgetlo la pele ke ba le tsoselletso WELKOM, 25-27 Sep 2026. Ho kgahlile Modimo h**e selemong sena ke tle HANI PARK, ke tlo bua matla a Lentswe la Hae a lokollang, a phedisang, a fodisang, a phahamisang, a ntjhafatsang. Le wena tsoselletsong ena o tlo kgutla ka karabo ya bophelo ba hao. Hopola THEME ya matsatsi ana a 3: TABA EO, MODIMO O A E KGONA. Ako behelle tsohle ka thoko, o tle tsoselletsong ena. Hona le taba eo Modimo a ntshwarisitseng yona bakeng sa hao. Na o tla be o le teng HANI PARK PRIMARY SCHOOL, WELKOM?

05/09/2026

Ngwaneso, leha leqhubu lena la moya o batang (Cold Front) le re etetse, ho bata tjena, ke ntho ya nakwana feela. Season ya Mariha yona e fetile. Ho tlo tjhesa hape. Ke mang eo ke buang le yena? Ho ntse ho tlo tjhesa ha monate bophelong ba hao. Mohatsela ona wa ho dula ka pelo e bohloko, o ipotsa dipotso tse hlokang dikarabo, o ikahlola, o itshola, O TLO FETA. BOPHELO BA HAO BO NTSE BO TLO FUTHUMALA. O ntse o tlo ja "joy" ka kgaba e kgolo, ka Lebitso la Morena Jesu Kreste. Amen 🙏

03/09/2026

Ngwaneso, Modimo a o etsetse sebaka h**e re be mmoho Hani Park Primary School, Welkom ho tloha 25 - 27 September 2026. Tsoselletso ena ekaba qaleho ya leeto le letjha la bophelo ba hao. Bua jwaloka Moshe o re: "A nke ke fapohele, ke shebe pono ena e kgolo,..." Exodus 3:3. Fapohela tsoselletsong ena hle. Theme e re: TABA EO MODIMO O A E KGONA. O ka kgutla sekgeo se pelong ya hao se tlatliswe. O ka kgutla o fodile maqebeng ao batho ba sa a tsebeng. Tloho hle o tlo tlatswa ka matla a matjha, ka ditshenolo tsa Lentswe la Modimo.

02/09/2026

Ho ngwaneso ya balang molaetsa ona: Kganya ya hao e se e qadile ho hlaha, le ha marunyana a ntse a bonahala bophelong ba hao. Marunyana ao a ditsh*tiso, tiiehiso, boima ba leeto la bophelo, a keke a thiba kganya eo. MAHLO A HAO A TADIME KGANYENG e seng marung a o bakelang bodutu. Nnete ke ena: LESEDI LA PHUNYELLETSO LE SE LE QADILE HO HLAHA ka Lebitso la Morena Jesu Kreste. Jwale, leboha Modimo ka mehauhelo ya Hae. Amen and Amen 🙏

30/08/2026

28/08/2026

Sontaheng sena a ke re kopane ka Livestreaming mantsweng ana: "Dintho tse ding ha di o hana, di a o thusa". Sontaheng sena o tlo fumana senotlolo sa tokoloho ya hao. Dintho tse neng di o llisa di tsietsing hobane Sontaheng sena o tlo ba le mantswe a reng: MAHLOMOLA HA A SA BABA. Ke kopa o be karolo ya livestreaming ena ka Sontaha hle. Bohloko bo pelong ya hao ka baka la batho kapa Maemo a itseng, bo tlo pakela thoto, bo falle pelong ya hao. Sunday - 18:00.

27/08/2026

Ha ke tsebe na molaetsa ona ke wa mang: Ngwaneso, ke kopa o seke wa nyahama, noka eo ya tshokolo, o tlo e tshela. Noka eo ya ho phela ka dikgapha, Modimo o tlo o tshedisa yona. Noka eo ya dikoloto le bophelo bo hlokang tokoloho, o tlo tswa ka hare ho yona. Ho sa kgathalletsehe mofuta wa noka eo o tobaneng le yona, o tlo e tshela ka Lebitso la Morena Jesu Kreste. HA O NO SHWELLA MAEMONG AO A BOHLOKO - O TLO E TSHELA NOKA EO. It's a done deal. Amen and Amen

25/08/2026

Ntate ke a rapela hodima bophelo ba ngwaneso ya balang molaetsa ona. KE KOPA O BOLOKE BOPHELO BA HAE. Ke kopa o mo hlothe ka hara metsi a dintwa le diketselletso tse batlang bophelo ba hae. Modimo wa ka, ako mo hlwibile menong a lehloyo le dipelo tse mpe tse batlang ho bona bophelo ba hae bo eme nqa e le nngwe. NTATE HANA KA BOPHELO BA HAE HLE. Hanela diriti tse mpe ha di tshira bophelo ba hae. MO TLOSE KA HARA MEFEREFERE YA TSH*TISO. Ke rapela ka Lebitso la Morena Jesu Kreste. Amen

24/08/2026

Hi kgahlile Modimo h**e selemong sa 2026 ke ilo bua Lentswe la Hae Welkom, HaniPark. Ngwaneso, ke sa tshepile Modimo bakeng sa ditshenolo tse tlo thusa bophelo ba hao. 24 - 26 SEP 2026 ke tla be ke bua pelo ya Modimo. Banabeso, tlohong re tlo ba tlasa modumo wa Lentswe la Modimo. Moshe o ile a thuswa ke ho fapohela. LE WENA A KO FAPOHELE TSOSELLETSONG ENA o kgutle ka matla a matjha.

My mission is to work in accordance with the teachings of God's Word for the Gospel of Christ, for salvation of souls, & for the edification of the children of God