Speel met die Mak Leeu se Stert

Speel met die Mak Leeu se Stert Contact information, map and directions, contact form, opening hours, services, ratings, photos, videos and announcements from Speel met die Mak Leeu se Stert, Church, Paarl.

Vanoggend sit ek en blaai deur die nuus en my oog vang weer die storie van die openlik gay imaam wat oor die naweek dood...
16/02/2025

Vanoggend sit ek en blaai deur die nuus en my oog vang weer die storie van die openlik gay imaam wat oor die naweek doodgeskiet is. Muhsin Hendricks, is sy naam. Soos ek die syorie verstaan, is hy doelbewus doodgeskiet vir geen ander rede as dat hy sy waarheid geleef het nie.

Opsigself is dit alreeds vir my ‘n skok en ‘n diep seer wat ek nooit regtig sal kan verstaan nie. Maar, ek maak toe die fout om die kommentare te lees. Kommentare van mede-Suid-Afrikaners én gelowiges. Ek lees haat, oordeel en mense wat lekker kry en juig oor die tragedie. Al wat ek d**k is: “Here wees ons genadig”. Dan vang my oog die een kommentaar…

“God has done it again!”

En ek kan nie help om te d**k: “what the actual f**k?” (Ja, dit is letterlik wat in my gedagtes opgekom het).

Hoe kan ons in 2025 nogsteeds so eng d**k en met (letterlike) moord wegkom? Hoe kan ons sien hoe ‘n medemens - ons naaste - koudbloedig vermoor word en dan skryf ons dit toe aan God? Watter God is dit wat mense laat doodmaak? Wie is die God wat jy aanbid?

Nie my God nie. Daarvan is ek oortuig.
Mense vra my baie hoekom ek so sterk standpunt inneem as dit net “moeilikheid” veroorsaak. Hierdie is hoekom.

So, ek hoop julle sit vanoggend heerlik vroom in julle tempels en geniet die gewydheid en die saligheid. Vanoggend sit ek in my binnekamer en ek huil - hard en lelik en rou.

Aan al my LGBTIQ+ vriende en geloofsfamilie - ek is jammer dat gelowiges (watter geloof ookal) so uiters liefdeloos kan wees. Mag julle liefde en behoort vind, by God, maar ook in gemeenskappe waar julle veilig is. En mag God dié wat nog nie verstaan nie vergewe. (Want, die Here weet ek sukkel vandag!)

“Wie sy naaste verag, doen sonde; wie medelye het met die mens in nood, met hom gaan dit goed.”
‭‭SPREUKE‬ ‭14‬:‭21‬ ‭AFR83‬‬

2025 | Trustfall Ons lewe te gemaklik in ander mense se weergawes van ons eie stories, dat ons vergeet dat ons saam met ...
01/01/2025

2025 | Trustfall

Ons lewe te gemaklik in ander mense se weergawes van ons eie stories, dat ons vergeet dat ons saam met God besig is om aan ons storie te skryf (of ons is veronderstel). Jaar na jaar survive ons, ons behaal die nodige sukses en ons doen wat ons moet. Maar, skryf ons die storie wat ons moet leef? Of net stories van oorlewing?

Dalk is ons nog nooit dapper genoeg gewees om ons stories van lewe te skryf nie. Maar, hierdie jaar is dalk net die jaar van dapper wees. ‘n Jaar van dapper verander en groei. Dapper van plan of rigting verander. Dapper val in vertroue. Dapper tradisies en gewoontes oorweeg en evalueer. Dapper mense aanvaar vir wie hulle is. En dapper myself wees en vertrou dat mense my net so gaan aanvaar.

Hierdie dapperheid vra die tipe vertroue wat ek laas as kind gehad het toe ons op die Laerskool se skoolgrond “Trustfall” gespeel het. Die speletjie waar jy jou oë toemaak en val, en blindelings vertrou dat iemand jou gaan vang. Die paar sekondes voor impak is terrifying. Maar, iemand het my altyd gevang.

Ek bid vir ‘n jaar wat ‘n Trustfall is. ‘n Jaar waarin ons in vertroue val - al is dit terrifying - sodat ons kan word wie ons is. Dit vra van my om dieper te val in wie ek is. Om dieper te val in vriendskappe en verhoudings. Om dieper in God in te val, in spiritualiteit, in die Skepping - en vertrou dat die God, mense en dinge in my lewe my gaan vang. En gaan vashou.

Die vraag is net: is ek dapper genoeg?

Refleksie oor KerstydParty maal hang Kersfees swaarmet verlepte drome en verwagtingswat buitensporig hoog gestel word.Da...
26/12/2024

Refleksie oor Kerstyd

Party maal hang Kersfees swaar
met verlepte drome en verwagtings
wat buitensporig hoog gestel word.
Dan wonder ek oor die klein baba,
die mamma en die pappa
en oor hulle drome en verwagtings
en of hulle ook vir familie dieselfde
tipe eise sou stel?
Of sou hulle
Tevrede
Vol vrede gewees het
Met dit wat (en wie)
Is.

So, mag ons jaar vorentoe
vol aanvaarding wees
sonder oordeel
uitskel
of eensydige stories.
Mag ons die tafel dek
met wedersydse respek
die nodige spasie
en omarming
Mag ons onthou
familie is veel meer as net die mense tussen wie ons groot geword het
Maar ook die mense saam met wie ons groei
Daagliks
Gedurig
In liefde.
Mag ons streef na tevrede
vol vrede
leef

So kies die familie saam wie jy groei
Uit die maag uit lag
en groot drome kan droom
selfs al is daar geen verwantskap
bloed of van
(Want kom ons erken maar,
dié verwantskap is ook ‘n keuse!)

Geseënde Kersfees en voorspoedige einde tot 2024!

Kers(w)eesEk wonder die laaste ruk baie oor die eerste Kersfees. Ek d**k dit moes absoluut chaos gewees het. ‘n Eenvoudi...
12/12/2024

Kers(w)ees
Ek wonder die laaste ruk baie oor die eerste Kersfees. Ek d**k dit moes absoluut chaos gewees het. ‘n Eenvoudige onaangename en deurmekaar ruimte - ‘n stal - ‘n skreeuende baba, ‘n ma wat uitgeput is en ‘n pa wat waarskynlik heeltemal oorwedig is.

Ek onthou ons eerste Kersfees met ons seuntjie, dit was rof. Ons was moeg en oorstimuleer. Ons harte was dankbaar, maar flip, dit was tough. Ek onthou hoe skuldig ek gevoel het dat ek nie meer moeite gedoen het om sy eerste Kersfees spesiaal, blink, netjies en memorable te maak nie. Maar, vir wie? Want, ék onthou die eerste Kersfees as gesin. Dit was nie special oor die “goed” nie, maar oor ons saamwees. Al was dit deurmekaar.

Die volgende jaar was ons Kersfees nog meer deurmekaar en woes. En die jaar daarna, selfs nog meer. En ek is seker hierdie vierde Kersfees saam gaan al die vorige Kersfees vieringe se chaos oortref. Die enigste manier waarop ons Kersfees kan oorleef, is om die eenvoud binne die chaos te ontdek. En ons het besluit om hierdie jaar kersfees nog meer eenvoudig te doen, en hier is vyf tips, vir die wat belangstel:

(1) koop minder, maak meer: geskenke, kos, versierings
(2) disconnect to connect: moenie die televisie aanskakel nie en speel ‘n speletjie, gaan ry fiets of lees ‘n boek
(3) rus gereeld en genoeg: slaap genoeg, laat en lank
(4) raak verveeld: moenie jou dag vol beplan nie, verveeld wees kweek kreatiwiteit
(5) moet nie heeltyd opruim nie, dit gaan jou moeg maak, embrace the chaos!

En laastens: Present over Perfect

Wees in die oomblik. Wees jouself (en as jy nie jouself kan wees rondom die mense saam met wie jy die Kersseisoen spandeer nie, mag jy maar die vakansie kortknip!). Wees rustig. Wees net.

Wees net en weet. Jesus is in chaos gebore. Daar is geen verwagting van jou om op enige ander manier Sy geboorte te herdenk nie.

04/12/2024

KATEDRAAL

Gisteraand was die eerste keer in 6 maande wat ek my voete, liggaam en siel in ‘n kerk kon kry. Ek d**k nie daar sou ‘n beter “softlanding” wees as hiérdié gebou ( ) en hierdie musikant (Coenie de Villiers nie).

Coenie begin deur ‘n eenvoudige sin: “musiek behoort in die kerk”. Ons is so besig om te baklei oor wie en wat nie in die kerk hoort nie, dat ons vergeet wie en wat eintlik daar hoort. Soos, musiek.

Soos, ek.

Die wêreld skreeu soms dat ek (dalk jy?) nie hoort in sekere ruimtes of plekke nie. Dalk mag daar nie musiek in jou kerk gespeel word nie. Maar, die Here weet, hierdie reëls en regulasies maak ons armer.

Dan, maak Coenie de Villiers se lied “Katedraal” se woorde vir my soveel meer sin:

In my kerk is daar geen dak nie
Geen relief of skildery nie
Geen kandelaar wat hoog moet hang nie
Almal kan hier toegang kry
Want my kopel is die hemel
Hoog genoeg vir al die sterre
Breed genoeg vir die planete
Hier sal jy stilte
Hier sal vrede
hier sal jy rus by my

Stilte. Vrede. Rus.

As jy dit nie in ‘n gebou kry nie, gaan soek dit elders. As jy dit nie tussen mede-gelowiges kry nie, gaan soek dit by iemand wat jou sal vashou. As jy dit nie in tradisie kry nie, gaan kry dit by jou Bron.

Vandag het ek waardering vir my katedraal wat soveel groter is as ‘n gebou, maar ek is ook dankbaar vir gisteraand se kerkgebou, se musiek, se kerk-wees sonder voorgee, oordeel of toestemming.

Unpopular opinion?Sorry not sorry.Ons is in ‘n tyd in die kerk se bestaan waar daar meer en meer vrouens in die bedienin...
06/11/2024

Unpopular opinion?
Sorry not sorry.

Ons is in ‘n tyd in die kerk se bestaan waar daar meer en meer vrouens in die bediening is. Bekwame, talentvolle, diep geestelike en hardwerkende vroue.

Dit grief my om herhaaldelik en aanhoudend ruimtes te sien (ek betree nie meer die ruimtes nie) waar vroue maar in die pasassiersitplek moet klim (of soms verkieslik maar eerder agterna stap). Daar is konferensies oor die “toekoms en roeping” van die kerk wat deur slegs mans aangebied word (en dan moet ek byvoeg wit, afrikaanse mans). Daar is retreats VIR VROUENS wat deur mans gelei word. Die leierskap se stemme wat tel (sorry to say) is mans.

En nee, ek glo nie in ‘n kerk waar mans nie ‘n plek mag hê nie. Maar, ons sit aan dieselfde tafel. Baie van ons het minstens dieselfde kwalifikasies en vaardighede, party het selfs meer. En die een ding wat ons het, is dat ons weet hoe om hard te werk en te veg vir ‘n plek, so daar is niemand in die kerk wat harder werk as ons vroue kollegas nie.

As jy lees wat “demasculinize” beteken, is dit:

“Demasculinize” means to remove or take away the masculine qualities or character of something.

Maak dit jou ongemaklik? Well, sorry to say, maar dit sê baie meer oor jou as oor ons as vrouens in die bediening. Die kerk was nog nooit ‘n man of manlik nie. Die kerk was nog altyd ‘n bruid. Verwelkomend en liefdevol. So liewe mans kollegas, hou asb op om vir ons te probeer leer wat dit beteken om ‘n vrou in die kerk en bediening te wees (julle sal nooit weet nie). Hou asb op om vir ons te probeer leer hoe ons moet stilraak en bid (ons doen dit al van die begin van lewe af). Hou asb op om ons “toe te laat” in ruimtes en maak net vir ons plek (which means: staan terug en ondersteun). God het ons ook geroep en ons die vaardighede gegee wat ons nodig het om ons eie pad in die kerk uit te kerf.

En dan smeek ek julle, hou op om ja te sê vir ruimtes waar julle nie eintlik hoort nie. Want, ek glo die hel sal op ons neerdaal as ek julle by ‘n mans retraite kom lei of moet kom leer oor “masculinity”. Ken jou plek. Langsaan my. Nie bo my nie.

Travel met jou toddler?HIGHLY RECOMMEND!Daar is niks wat jou stadiger laat beweeg as ‘n kleuter wat nie kan besluit of h...
14/10/2024

Travel met jou toddler?
HIGHLY RECOMMEND!

Daar is niks wat jou stadiger laat beweeg as ‘n kleuter wat nie kan besluit of hulle wil self loop of vir ‘n hele dag gedra wil word nie. Op ons onlangse travels na Griekeland het ek ‘n paar lesse geleer by hierdie kleuter van ons. Die oorsee trip was heel anders as wat ek en my man gewoond is: stadiger, eenvoudiger, minder. Met tye het dit ons frustreer, maar as ek nou terug d**k, het ek eintlik baie geleer op hierdie trip.

Hier is vyf lesse wat ons 3-jarige vir my geleer het en die redes hoekom ek graag weer met ‘n kleuter sal reis:

1. Kleuters is nie haastig nie. Ons het baie stadiger gereis en langer tyd op ‘n plek spandeer. Ons kon meer inneem, tuiskom en regtig tussen deur rus.
2. Geen ry of wag was frustrerend nie. Dit was die tye waar ons stories gehoor het, met karre gespeel het of elkeen ‘n superhero identiteit moes aanneem om almal rondom ons te protect of save. Dit was tye waar kreatiwiteit en verbeelding ingespan is sonder moeite.
3. Alles was ons seuntjie se “favourite”. Hy het meeste dinge vir die eerste keer beleef en dit was elke keer ‘n hoogtepunt. Om ‘n oorsee trip deur die oë van ‘n drie-jarige te beleef was ‘n droom.
4. Daar was vir K geen verskil tussen ons en die Grieke en ander inwoners en toeriste in Griekeland nie. Hy het hulle gegroet en met hulle engage soos wat hy by die huis sou. Dit het ons ook herinner dat die dinge wat ons skei van ander mense eintlik maar mens-gemaak is.
5. Ons het ‘n hiccup of twee gehad en ons seuntjie het aangepas sonder om eers daaroor te d**k. Toe ons vir ‘n paar dae langer in Atene moes bly agv visas en deurmekaar vlugte, het hy vir almal vertel dat dit ons “nuwe huis” is en ons het deur sy gemak, aanpassing en aanvaarding van die situasie dit maklik reggekry om die beste te maak van die (op daardie stadium se) krisis.

Daar was natuurlik tye wat dit moeiliker was en tye wat ons maar ingegee het vir bietjie ekstra skermtyd, die 3e sjokade vir die dag of om te gaan swem wanneer ons eintlik iets anders wou doen. Maar, dit is ouerskap. Ek het met ander oë deur Griekeland gereis en my dapper stapper kind het ons op baie plekke deurgedra.

Ek doen dit graag weer!

Is ek ‘n kunstenaar? NeeIs ek kreatief? JaHou ek van perfek verf? NeeHou ek van speel? JaOm kuns te doen is om te speel ...
11/09/2024

Is ek ‘n kunstenaar? Nee
Is ek kreatief? Ja
Hou ek van perfek verf? Nee
Hou ek van speel? Ja

Om kuns te doen is om te speel en om te speel is ‘n kuns. Ontdek joy in die kleure wat speel en dans en opdaag op jou blank canvas. Probeer. Misluk. Probeer weer.
Gebruik jou verbeelding en verander.
Verf toe.
Verf oor.
Gaan groot en bold en helder.

Speel.
Die lewe baie lekkerder as jy daardeur speel.

G L I M M E RDaar is baie dinge in die lewe wat ons trigger. Soos wanneer iemand te hard praat, of oor jou praat of self...
26/08/2024

G L I M M E R

Daar is baie dinge in die lewe wat ons trigger. Soos wanneer iemand te hard praat, of oor jou praat of selfs net iets onskuldig sê wat ‘n hele klomp slegte en negatiewe ervarings herroep.

Daar is vir my niks so sleg soos my liggaam se reaksie wanneer daar triggers opkom nie. My brein slaan aan die brand, my hande sweet en ek kan voel hoe daar bloed agter my oë klop asof dit vuur is wat moet uit. Ek eindig gewoonlik dan ook met trane wat oor my wange stroom, selfs al huil ek nie eers nie. Dit neem nogal maklik oor en die hele res van die dag, week of maand leef onder hierdie donker wolk van angs, woede en ongemak.

Ek vermy deesdae triggers. Dit is net makliker. Maar, ek sien gister oggend iemand deel ‘n prentjie op facebook wat die volgende sê:

“Today I learned about a term called GLIMMER. Which is the opposite of trigger. Glimmers are those moments in your day that makes you feel jou, happiness, peace and gratitude. Once you train your brain to be on the lookout for glimmers, these tiny moments will appear more and more”.

Van vandag af gaan ek probeer om nie net triggers te vermy nie, maar ook op die uitkyk te wees vir glimmers. En ek d**k in hierdie proses sal ek die nodige energie en moed kry om my triggers sinvol te verwerk. Want, ongelukkig is en bly dit maar interne werk.

Is dit nie maar uiteindelik hoe ons dit gaan regkry om as kinders van die lig te leef nie? Kinders van glimmers!

“Want vroeër was julle wel duisternis, maar nou, in die Here, is julle lig. Leef as kinders van die lig!”
‭‭Efesiërs‬ ‭5‬:‭8‬ ‭AFR20‬‬

“Mamma, ek wil ‘n dogtertjie wees” kom dit van ons amper drie jarige seuntjie so rukkie terug. Dit is ‘n tema wat herhaa...
23/08/2024

“Mamma, ek wil ‘n dogtertjie wees” kom dit van ons amper drie jarige seuntjie so rukkie terug. Dit is ‘n tema wat herhaaldelik in ons huis opkom.

Elke Donderdag by hulle skooltjie het hulle ‘n oom en ‘n tannie wat vir hulle speletjies en aktiwiteite kom aanbied, wat hulle met ontwikkeling help. En elke Donderdag kom ons kind met ‘n blou sticker en trane in sy oë by die huis. “Pienk is vir dogtertjies en blou is vir seuntjies”.

Ons het hom geleer om mooi, met respek, vir die oom en tannie net te sê: “seuntjies mag ook pienk stickers kry” en ons het met die skool gaan gesels vir ekstra ondersteuning. En so gaan dit goed (ek d**k hulle deel sommer nou vir almal oranje stickers uit deesdae).

Maar, so kom die seuntjie weer by die huis: “Mamma, ek wil ‘n dogtertjie wees”. Ek vra maar die regte vra en luister net. En so kom dit uit. Sy beste maatjie (‘n dogtertjie wat altyd pienk mag dra!) se hare is deur die tannie by die skool in ‘n franse vlegsel gevleg. (In ons huis bekend as die “let-it-go-vlegsel”). En hy wil ook ‘n prinses wees. Maar, die tannie sê hy kan nie want hy is ‘n seuntjie.

Ons sê toe vir hom miskien is sy haartjies net bietjie kort, maar hy moet vir die tannie sê dat seuntjies mag ook “let-it-go-vlegsels” kry en prinsesse wees. Die onderwerp is vir ‘n rukkie still totdat ek hom eendag by die skool gaan haal en hy byna uit sy vel uit spring, want sy gunsteling tannie het vir hom “let-it-go-vlegsels” gemaak en hy is ook nou ‘n “let-it-go-prinses” soos sy beste maatjie.

Ons weet ons kind is biologies ‘n seuntjie. Maar, ons gaan nie dat dít hom beperk en voorskryf waarvan hy mag hou of nie hou nie. Ons gaan nie dat dít bepaal wat sy gunsteling kleur mag wees nie. En ons gaan verseker nie elke keer paniekerig raak as hy sê hy wil ‘n dogtertjie wees nie. Ons gaan hom ontmoet waar hy is met die struggle wat hy op daardie oomblik het en ook die grootte van die kwessie deur hom laat bepaal.

Dit is die beste parenting hack wat ek het. En dit is ongelukkig harde werk.

So, as jy my seuntjie in ‘n bright pienk top sien met sy “let-it-go-vlegsels”, ontspan and let it go, hy is happy en dit maak my happy!
(Swipe om K se let-it-go-vlegsels te sien 🤭❄️😍)

Address

Paarl

Website

Alerts

Be the first to know and let us send you an email when Speel met die Mak Leeu se Stert posts news and promotions. Your email address will not be used for any other purpose, and you can unsubscribe at any time.

Shortcuts

Share

Category