15/01/2025
Kom vier 25 jaar se Zambia uitreike saam met ons!!
As jou hart in die sendingveld is, is hietdie die uitreik vir jou!
Lukus 2:10
En die Engel sê vir hulle: Moenie vrees nie, want kyk, ek bring julle n goeie tyding van groot blydskap wat vir die hele volk sal wees.
Jy kan ook soos die engel van ouds die goeie tyding van groot blydskap aan 'n onbereikte village gaan vertel, die blydskap van redding wat net deur Jesus Christus kom!!
Ons nooi jou uit om saam met ons op hierdie sending uitreik te gaan of om finansieel by te dra.
Vir enige inligting (kostes, reis program ens) kontak ons gerus.
Changing the sound!!
Na 8 jaar sit ons weer saam met Pastor Oliver Matambo en sy vrou onder ‘n boom in Zambië, dié keer by ‘n skool in Siamatika Village. Ons deel ons harte, ons visie en Vader se opdrag . Na jare se stilte oor Zambië, kom die opdrag hard en duidelik… ”Gaan sonder n span vooruit, gaan kyk watter altare opgerig is en wie die sterkmanne is, want die frekwensie van Jesus se naam moet harder vibreer as die tromme van Afrika.”
Die van julle wat al Afrika beleef het, diep Afrika daar waar niks is, sal weet…Na 24 uur se aanhoudende slaan op die tromme voel dit of elke slag binne in jou hart slaan. Jou ritme sommer omver wil gooi ! Daar waar jy wéét die gees wêreld is oop en aktief...Die tromme is ‘n familiêre geluid vir die Zambiërs, hul kry dit in nog voor moedersmelk. Die opdrag was duidelik, hierdie keer moet die naam van Jesus die klank van die tromme stil maak in die gees.
Tot ons skok vind ons uit dat sedert ons 8 jaar gelede daar was het NIEMAND die evangelie in die afgeleë villages kom verkondig nie. Daar was groot crusades in die stedelike gebiede gehou, maar niemand was bereid om na die stowwerige villages toe te kom waar die meeste ou mense nog ongeletterd is nie, daar waar nie stages met matte en ligte en bands is nie. Daar waar jy face to face met ‘n witchdoctor te doen kry wat letterlik uit die lug val nadat hy in ‘n vuurkolom vasvlieg tydens ‘n Jesus Film vertoning. Daar waar hul soveel keer kom vertel het: “Ons wou jul in die nag kom doodmaak, maar daar het te veel mense rondom julle tente gestaan (engele), of die muur van vuur rondom jul kamp was net te hoog om oor te kom.” Daar waar jy wurms uit ‘n wond sien loop, ‘n vrou met ‘n beroerte voor jou kom neersit word of waar jy ‘n gebraaide rot aangebied word om dankie te sê. Daar waar jy sien hoe 2000 mans in hul krygsdrag stampvoetend nader kom om jul 3 vrouens te omsingel en al wat jy het is ‘n bottel salfolie, jou geloof en die naam van Jesus. Daar waar jy sien hoe die krygers in gelid stop en nie een dit waag om ‘n tree oor die olie streep in die stof te gee nie….juis daar waar Jesus die streep kom trek het.
Glo my, ons is diep dankbaar vir elke crusade en elke evangelis met ‘n roeping en ‘n hart vir Afrika. As die liggaam van Christus is daar plek vir elke bediening met ‘n Koninkryks visie het. Meer as 24 jaar gelede het ons ‘n Woord van God gekry dat hy ons roep as pioniers, daar waar niemand nog was of wou gaan nie. Ons het hand opgesteek…toe en nou weer…
Ons nooi jou uit om betrokke te raak by die visie om al 22 villages rondom Siamatika te bereik met die Jesus Film en persoonlike bediening. Jy kan die voorreg hê om die eerste 5 kerke (langs die Kariba meer) gedurende hierdie uitreik te help plant. Die onderhandelings is afgehandel en ‘n plan van aksie is in plek.
As jy avontuurlustig is, bereid om jou water met ‘n handpomp te pomp, om nie te kla oor muskiete, hitte , stof of die lang pad wat jy moet ry nie, jy kan submit onder leiding van die Heilige Gees en hierdie skrywe laat jou hart vinniger klop, kontak my so gou as moontlik.
Jy kan ook finansieel betrokke raak in hierdie visie. Jou saad kan ‘n groot impak op hierdie uitreik maak.
Ons benodig fondse vir: Brandstof, Bybels, Traktate, Huur van ‘n bussie met brandstof vir die tolke, Kos vir die tolke, Kos en kontant vir die chief. ( Die protokol is dat jy nooit by ‘n koning opdaag sonder geskenke nie.) Sponsors vir span hempies.
Terwyl ons gesels raak pastor Oliver skielik stil, kyk ons stip in die oë en sê: “As we sit here, right now, the witch doctors already know that you are here, because of the light you carry with you”.
Bring jou “liggie” en word deel wees van CHANGING THE SOUND Crusade waar ons Jesus aan die verlorenes bring!
Joël 3:13 “ Steek die sekel in want die oes is ryp!”
Dr Petrus & Marinda Mundey
