Gereformeerde Kerk Kroonstad

04/06/2026

Ons het Saterdagaand (30 Mei) 'n heerlike sop- en sjerrie-aand met dr. Willem Daffue aangebied. Die Here het gegee dat ons 'n heerlike aand kon beleef met Dr Willem Daffue se vertelling van een van sy vele reise, die keer na Indonesië waar hy na die Berg Mwera gaan soek het. Natuurlik was dit gedokumenteer met asemrowende foto's van Hesté de Beer. Daarna het ons lekker sop met verskeie tuisgebakte broodjies geniet onder die geklank van mooi rustige musiek met 'n saksofoon.

Dankie aan elkeen, veral die susters onder leiding van die sustersbestuur vir al hulle reëlings en werk om die aand so 'n groot sukses te kon maak.

16/05/2026

Sondag - 10 Mei 2026
Ons het die vorige naweek weer 'n groot voorreg gehad om die sakrament, die Heilige Doop, te beleef toe die verbondseuntjie, Elijah du Plessis gedoop is. Dit is ons ouderling en teologie student Jaco en sy vrou Lynette se seuntjie wat ook hierdie teken kon ontvang as teken van God se genadeverbond ook met hom. Prof Henk Stoker het die erediens gelei.

07/05/2026

27/04/2026

🎉 Gereformeerde Kerk Kroonstad Werkende Jeug Rolbaldag 🎉
Wat ’n LEKKER dag!
Baie gelag, goeie kompetisie en nog beter geselskap – dit is wat dit alles werd maak!
Dankie aan elkeen wat deel was van die pret. Sulke dae bring ons net nóg nader aan mekaar!
Wie is reg vir die volgende een?

26/04/2026

Gereformeerde Kerk Kroonstad is dankbaar - daar is vandag twee jong manne as diakens bevestig. Ons is baie gelukkig om soveel nuwe jonger lidmate (gesinne) by te kry die afgelope jaar. Ook is Pieter Deysel as ouderling bevestig. Hy is die jongste ouderling in ons gemeente se geskiedenis. Hy bedien ons gemeente tans met die Woord. Hy het klaar gestudeer en moet nou net sy preekeksamen slaag, waarna hy by sy tuisklassis kan aanmeld vir finale eksaminering met die oog op beroepbaarstelling. Op die foto van links na regs is MJ Scheepers, ds Willem van Heerden (ons konsulent vanaf GK Parys), Pieter Deysel en Leon-andre Lourens.

15/03/2026

Ons gemeente verwelkom finalejaar teologiestudent, Pieter Deysel, wat vir tyd en wyl 'n bedieningsooreenkoms met die Gereformeerde Kerk Kroonstad aangegaan het. Dankie vir jou diensbaarheid, ons bid u die seën van die Here toe.

22/02/2026

Na die bediening en gebruik van vanoggend se nagmaal, kon die gemeente aansit vir 'n heerlike maaltyd. Dankie aan ons knap span susters wat dit keurig en smaakvol voorberei en bedien het!

14/01/2026

Vroeg in die nuwe jaar het ons die afgelope Sondag die voorreg gehad dat die sakrament, die Heilige Doop aan die verbondseuntjie, Herman Scheepers, bedien was hier by GK Kroonstad. Hier is hy saam met ma Jeanette en pa MJ. Ds Nardus Buys, van GK Bothaville, het ons erediens waargeneem.

09/11/2025

Gesellige Nagmaal Kersete om die jaar af te sluit dankie vir die diakens wat gebraai het en die susters vir die smaaklike bykosse!

Waar geloof, liefde en kos bymekaar kom, is die Here self teenwoordig.🙏