09/02/2015
HOOP.
Ons kan dit nie sien nie, ons kan dit nie voel met ons hande nie, ons kan dit nie ruik nie, ons kan dit nie proe nie en ons kan dit nie hoor nie, want dit het nie ‘n geluid nie.
Geen van ons vyf sintuie wat ons van God ontvang het, kan hierdie woordjie beskryf nie, want al vyf van ons sintuie is vleeslik. Die woord HOOP in teendeel is geestelik.
Hoekom sou God ons dan hierdie dinge gee wat nie deur die vlees ervaar kan word nie. Hoe moet ons op enige manier ervaar sonder ons sintuie? Wanneer die woord van God vir ons gelees word hoor ons dit en ons kan ‘n keuse maak of ons dit op ons siel wil laat vrug dra of nie. Ons self lees die woord so ons kan dit sien en weer het ons die keuse om dit te laat vrug dra of nie.
Romeine 7 en 8 vertel ons hoe die vlees in stryd is met die gees en hoe ons as vleeslike wesens nie die geestelikheid van God sal kan verstaan sonder die Gees van God wat vir ons gestuur is nie. Wanneer ons vlees sterker as ons gees is, kan ons nie die geestelike dinge soos bv. Hoop ervaar nie. Romeine 8 se vir ons dat die vlees teen God rebelleer. Ons moet verstaan dat daar niks goed in die vlees is nie. Daarom dat God vir ons nie vleeslike sintuie gee om hierdie geestelilheid te ervaar nie. Hoe sal ons dit dan verstaan as ons die heeltyd in stryd is met dit wat God vir ons bepaal het.
Rom.7:14-20 Want ons weet dat die wet geestelik is, maar ek is vleeslik, verkoop onder die sonde. Want wat ek doen, weet ek nie; want wat ek wil, dit doen ek nie, maar wat ek haat, dit doen ek. En as ek doen dit wat ek nie wil nie, dan stem ek die wet toe dat dit goed is, Maar nou is dit nie meer ek wat dit doen nie, maar die sonde wat in my woon. Want ek weet dat in my, dit wil se in my vlees niks goeds woon nie; want om te wil, is by my aanwesig, maar om goed te doen, dit vind ek nie. Want die goeie wat ek wil, doen ek nie, maar die kwaad wat ek nie wil nie, dit doen ek. Maar as ek doen wat ek nie wil nie, dan doen ek dit nie meer nie, maar die sonde wat in my woon.
Rom 8:7 omdat wat die vlees bed**k, vyandskap teen God is; want dit onderwerp hom nie aan die wet van God nie, want dit kan ook nie.
Die woord hoop dan is geestelik en ons het die volgende geestlikhede ontvang om hoop te kan verklaar en te ervaar. U emosies, u siel, u wil, u gees. Die woord hoop beteken om op iets te wag wat nie bestaan nie. Hoop kan positief wees of ons kan dit ‘n negatiewe betekenis gee. “EK hoop net nie ek is alleen nie.” hierdie sin bevat vrees. Vrees vir alleen wees. Vrees dat niemand my sal kan hoor of optel sou ek val nie. Vrees dat ek nie liefde sal ervaar nie. Die laaste deel is baie belangrik, want almal van ons smag na liefde al d**k ons nooit daaraan of wil nie daaraan d**k nie. Mense is soms baie hard so liefde maak vir hulle geen verskil nie, maar diep binne in hulle soek hulle dit eintlik. Die verskil is net, hulle ken dit nie, so hulle weet nie hoe om hulle emosies te identifiseer nie.
As ons hierdie sin positief wil verander gaan ons hom deur gee as; “Ek hoop op die teenwoordigheid van iemand wat my kan bystaan en liefhe.” Dan soek ons na dit wat nie bestaan nie. Ons vertrou deur daardie woorde dat ons daardie teenwoordigheid sal ontvang. Ons hoop word natuurlik gevestig deur ons geloof dat God wel iemand vir ons in plek gesit het. En ons hoop word vervolmaak deur die liefde wat ons daarin plaas.
Daarom dat die geloof eerste staan en dan hoop en dan liefde. Die liefde maak alles volmaak. Die liefde is die punt van elke sin. Die liefde is wat dinge maak gebeur.
Mans en vroue wat hoop op ‘n herstelde huwelik, glo dat daar ‘n kans en ‘n manier is om die gebreekte brug te herbou sodat ons weer by ons maat sal kan uit kom. Hoop herstel ook die vertroue.
Hoop bring herstel aan emosies wat gebroke is. “Ek het 30 skape verloor, maar hoop om hulle binne die volgende week terug te he.” Ons glo dat hulle steeds in die veld is. Ons glo dat ons volle tal herstel sal wees teen die einde van die week.
Sien julle hoe ons geloof hoop bring. Dan is die liefde die volmaakheid van hierdie twee, want sonder die liefde sou ons nie geglo het nie en ook nie gehoop het nie. 1 Kor. 13:13 en nou bly geloof, hoop, liefde – hierdie drie; maar die grooste hiervan is die liefde.
So glo God in elke siel wat Hy in elke wese geplaas het, Hy hoop vir die volle herstel van die getal mens wat hy geskep het en Sy liefde maak alles volmaak. Sonder Sy liefde sou Hy nie in ons geglo het nie en sou Hy nie op ons gehoop het nie. So moet u en ek glo in alles wat ons van die Vader bid en ons hoop daarin plaas om dit te ontvang deur die liefde wat alles volmaak maak. 1 Pet. 4:8 maar bo alles moet julle mekaar vurig liefhe, want die liefde sal ‘n menigde sondes bedek.
Ons moet nie die wereld oordeel nie, ons moet glo dat die wereld se mense kan verander en ons moet hoop op die verandering waarvoor God Sy goedertierenheid aan die wereld gee, met die liefde wat God in ons harte geplaas het. Dit is so volmaak. Dit kan alles verander. Hoekom moet ons in afguns, haat, jaloesie en wraak lewe.
Ek hoop dat God, u, Sy liefde sal kom leer soos Hy die mens liefhet, sodat u daarin sal funksioneer in elke aspek van u lewe.
Geseend is u in Christus naam!
