Huis van Restourasie

18/06/2026

Goeiemôre almal!
Ons tema vir vanaand is: Waarom God kan wraak neem, maar ons moet dit nie doen nie?
Ons lees in 2 Kon 2:23-25 hoe Elia wraak neem oor kinders wat Hom gespot het en twee bere verskeur 40 van hulle. Dieselfde met die mense wat in opstand gekom het teen Moses en God skeur die aarde oop en hulle, met alles wat hulle het en almal wat aan hulle behoort verdwyn in die afgrond. So is daar baie ander voorbeelde. Tog sê die Woord ons moenie self wraak neem nie, maar dit oorlaat aan God wat sal wraak neem en wat elkeen sal vergeld wat verkeerd doen. Hierdie lering is baie nodig om nie toe te laat dat ons van God se seën en voorsiening beroof word nie. Wees daar as jy kan. Dit is ons laaste byeenkoms vir die kwaartaal.
Sien later vanaand! Vrede vir jou. Pastoor Herman

15/06/2026

👔VADERSDAG | HIERDIE SONDAG🏕️

Hierdie Sondag vier ons Vadersdag, en ons wil graag al ons vaders uitnooi om saam met ons hierdie besondere dag te geniet.

Ons eer jou vir die pa en man van God wat jy is, en bid dat jy opnuut jou waarde en roeping sal besef.

Kom met verwagting.
Kom met ’n oop hart.
Kom beleef God in Sy asemrowende grootheid en liefde.

Ons sien daarna uit om hierdie spesiale dag saam met jou te vier!

Jy is welkom!

14/06/2026

Baie geluk aan elkeen wat vandag gedoop is!
AGS Huis van Restourasie Kimberley

14/06/2026

Pastoor Herman Steyn
Kyk anders na jouself!
AGS Huis van Restourasie Kimberley

13/06/2026

My Tema vir môre:
Kyk anders na jou jouself.
Judas het Jesus verraai vir 30 silwer muntstukke. Maar, na die tyd berou gehad, die geld gaan teruggee en het erken hy het ‘n onskuldige “Man” verraai. Tog het dit geen redding of verandering in sy lewe tot stand gebring nie. Inteendeel, hy het homself gaan ophang. Waarom? As jy dít verstaan, sal jy anders oor jouself kan d**k.

Ek weet dit is langnaweek, maar as jy nie weg is nie, maak asb seker jy is daar. Ek sien daarna uit, om saam met jou die Here te aanbid.
👧🏻🧒🏼Daar sal ook kinderkerk wees! Vrede vir jou. Pastoor Herman

13/06/2026

Ons Worship Aand was waarlik 'n asemrowende en geseënde belewenis. As jongmense het ons saam in die teenwoordigheid van die Here gekom, Sy Naam verhef en ons harte oopgemaak vir dit wat Hy vir ons wou leer.

Gedurende die aand het ons saam Nagmaal gebruik en opnuut besef wat Jesus vir ons aan die kruis gedoen het. Ons het ook geleer dat ware aanbidding baie meer is as net liedere sing – dit is 'n leefstyl van oorgawe, gehoorsaamheid en liefde vir God.

Dit was wonderlik om te sien hoe die Heilige Gees harte aanraak, mense versterk, bemoedig en nader aan die Here trek. Ons glo dat baie van die jongmense 'n lewensveranderende ontmoeting met God gehad het wat nog lank vrug sal dra.

Baie dankie aan elkeen wat die aand bygewoon het en deel was van wat God gedoen het. Bo alles gee ons al die eer en heerlikheid aan die Here.

"God is Gees; en die wat Hom aanbid, moet in gees en waarheid aanbid." – Johannes 4:24

"Kom, laat ons neerbuig en aanbid; laat ons kniel voor die Here, ons Maker." – Psalm 95:6

Dankie Here vir U teenwoordigheid, U liefde en U genade. Ons sien uit na dit wat U nog in ons lewens gaan doen.

12/06/2026

https://youtu.be/MmdpjYxnT44?si=EpXzO7UmuDZa279L

Enjoy the videos and music you love, upload original content, and share it all with friends, family, and the world on YouTube.

12/06/2026

🌊 DOOPSONDAG – HIERDIE SONDAG 🌊

Hierdie Sondag vier ons Doopsondag! Kom beleef saam met ons hierdie besondere geleentheid waar mense hulle geloof in Jesus Christus openbaar deur die doop.

Maak seker jy mis nie hierdie wonderlike geleentheid om saam as geestelike familie die Here te aanbid, te vier en getuies te wees van wat Hy in mense se lewens doen nie.

"Gaan dan heen, maak dissipels van al die nasies en doop hulle in die Naam van die Vader en die Seun en die Heilige Gees."
— Matteus 28:19

Ons sien uit daarna om jou daar te verwelkom!

11/06/2026

Goeiemôre almal ⛪

As dit moontlik is, moet jy asseblief nie vanaand se byeenkoms misloop nie. Ek wil graag verder met jou gesels oor die tema van innerlike genesing van emosionele pyn.

Innerlike genesing gaan oor baie meer as net jouself. Dit gaan wel oor jou eie herstel, maar ook oor al die mense in jou lewe wat daardeur bevoordeel of benadeel kan word. Ons moet innerlik gesond word en wees om gesonde verhoudings te kan hê. Wanneer ons nog seerkry, verlies en trauma uit die verlede met ons saamdra, maak ons dikwels ander mense seer, al is dit nie doelbewus nie.

Moenie tevrede wees met wie jy nou is, as daar nog meer is wat jy kan wees nie.

Ek sien daarna uit om hierdie belangrike onderwerp verder saam met julle te bespreek en om jou vanaand weer te sien.

Vrede vir jou.
Pastoor Herman

AGS Huis van Restourasie Kerk
6 Constantia Laan, Royldene, Kimberley

10/06/2026

🌟 Vakansie Bybelskool 2026 🌟

"Tree vir Tree met Jesus"

Die Kerk van die Nasarener nooi alle kinders tussen 4 en 13 jaar uit na 'n opwindende week van geloof, pret en avontuur!

Kom ontdek saam met ons hoe om stap vir stap met Jesus te wandel, nuwe vriende te maak, Bybelstories te leer ken en deel te wees van wonderlike aktiwiteite wat jou verhouding met die Here sal versterk.

📅 Wanneer: 29 Junie – 3 Julie 2026
📍 Waar: Kerk van die Nasarener, Riviera, Kimberley
💷 Koste: R120.00 per kind vir die hele week (etes en verversings ingesluit)

Moenie hierdie besondere geleentheid misloop nie! Bespreek vandag nog en gee jou kind die kans om geestelik te groei, God se liefde te ervaar en onvergeetlike herinneringe te maak.

"Laat die kind die weg leer wat hy moet volg; dan sal hy ook wanneer hy oud word, daarvan nie afwyk nie."
– Spreuke 22:6

Ons sien uit daarna om jou kind by Vakansie Bybelskool 2026 te verwelkom!