Sumu Za Chikhristu Na Malombo

Sumu Za Chikhristu Na Malombo Monile mose wabale na wakutemweka mose. Malo agha nga Sumu Za Chikhristu Na Malombo. Ichi ntchikumbusko waka ku wali yose kuti tose tili walendo pano pasi

MAZGO GHANKONDE NA GHAWIRI GHA YESU PA MPHINJIKA
1. Luka 23:33-34 «Wadada muwagowokere! chifukwa ichi wakuchita wakuchimanya chara!»
2. Luka 23:39-43 «Nkhukunenera kuti mhanya wuno-wuno wamkuwa nane ku Paradizo»
3. Yohane 19: 25-27 «Mama, uyo ni mwana wako» «Awa mbanyoko»
4. Mateo 27:46 «Eli Eli! lama sabakatani! Chiuta wane! Chiuta wane! Mwanisidirachi?»
5. Yohane 19:28 «Nili n

a nyota!»
6. Yohane 19: 30 «Vyose vyamara!»
7. Luka 23:46 «Wadada, nkhuwika mzimu wane mu ma-woko ghinu!»

Remember Christians
12/04/2019

Remember Christians

27/03/2019

27 MARCH 2019
SABATA YA CHITATU YA LENTI
--------------------------------------------

Malango cha Chiwiri
(4:1,5-9)

(Mozesi wakuchiska ŵaIsraele kuŵa ŵakupulikira)

“Ntheura imwe ŵaIsraele, pulikirani marango na vilayizgo ivyo nkhumusambizgani kuti muŵe na umoyo, ndipo munjire kuya kapoka charu icho Fumu, Chiuta wa ŵasekuru ŵinu wakumupani.
“Ine ndamusambizgani marango na vilayizgo umo Fumu, Chiuta wane wakandilangulira mwakuti mughachitenge mu charu icho mukuyako kuya kapoka kuŵa chinu. Mukaghasunge na kughachita, pakuti cheneichi chiti chirongorenge ŵanthu ŵa mafuko ghanyakhe kuti imwe muli ŵavinjeru na ŵakupulikiska. Para ŵamkupulika marango ghose gheneagha ŵamkuti, ‘Nadi ŵanthu ŵa fuko likuru ili mba vinjeru na ŵakupulikiska.’
“Palije fuko lirilose, manyi ndikuru uli ilo liri na Chiuta wakhe, pafupi nalo nga ndi umo yiliri Fumu, Chiuta withu kwa ise apo pose tikuromba kwa iyo. Ndiposo ndi fuko likuru ilo liri na marango na vilayizgo ivyo ndi vya urunji nga ndi marango ghose agha gheneagho nkhumupani muhanya uno. Muchenjere, ndipo muŵe maso mwakuti mureke kuruwa ivyo mukaviwona panji nesi kuti vifumemo mu mitima yinu mazuŵa ghose gha umoyo winu. Sambizgani ŵana ŵinu na ŵazukuru ŵinu,

Mazgo gha Fumu...

27/03/2019

Tiwonge Chiuta

Mzina la Wadada Mwana na Mzimu Mtuwa..

Fumu muwongeke chifukwa cha umoyo uwu mwatipa mu dazi liphya,la mhanyauno, Ndise wakwananga nyengo zose lekani pakumba kuchezga namwe tikwiza na kuthera pamaso ghinu, kuti mtigowokere kwananga kwithu.

Vipwirikiti vakupambana pambana vazula mwa ise, mbembe, sanje bina, tigowokereni nakutikumbuska kuti ndise wamoza mu zina linu.

Pose apo tiyendenge, kuteweta ,tumani Mzimu Mtuwa wawe nyali nakukhozga umoza mwa ise.

Wanji mbaluwali, wanyoloreni nakuwachizga,
Perekani vawanangwa kwa wose wakusowa kwakuluska chawanangwa chakumumanyani imwe.

Pokererani Mizimu ya wakusoreka winu awo mwawachema kwiza kwinu,

Mzina la Wadada Mwana na Mzimu Mtuwa..... Amen

20/03/2019

Uthenga wa Yesu Khristu umo Ukalembekera na Mateyu Mtuwa

Yesu wakuphara kachitatu vya nyifwa na kuwuka kwakhe

17Apo Yesu wakarutanga ku Yerusalemu, wakatorera pa mphepete ŵasambiri 12 ndipo pa nthowa wakati kwa iwo,

18 “Sono tikuruta ku Yerusalemu, ndipo Mwana wa Munthu wamkuperekeka ku ŵasofi ŵarara na ŵamanyi-marango. Iwo ŵamkudumula kuti wakomeke.

19 Ndipo ŵamkumupereka mu mawoko gha ŵamitundu kuti ŵamugoske, ŵamuthyapule na kumupayika pa mphinjika, kweni wamkuwuskika pa zuŵa la chitatu.”

Pempho la nyina wa Yakhobe na Yohane

20 Penepapo muwoli wa Zebediya wakiza kwa Yesu pamoza na ŵana ŵakhe, ndipo wakajikama panthazi pa Yesu na kuromba kanthu.

21 Yesu wakamufumba wakati, “Kasi ukukhumbachi?”
Mwanakazi yura wakazgora wakati, “Mulangure kuti ŵana ŵane ŵaŵiri aŵa, yumoza wakakhare ku maryero munyakhe ku mazere mu Ufumu winu.”

22 Yesu wakazgora wakati, “Mukumanya chara icho mukuromba. Kasi mungamweramo mu nkhombo ya visuzgo iyo ine ndizamkumweramo?”
Ŵakamuzgora ŵakati, “Inya tingamweramo.”

23 Yesu wakaŵaphalira wakati, “Nadi, mwamkumweramo mu nkhombo yane, kweni kukhara ku woko lane la maryero na la mazere kuti nkhwane chara kupereka. Kweni nkhwa awo Ŵadada ŵali kuŵanozgera.”

24 Para ŵasambiri ŵanyawo khumi ŵakapulika ichi, ŵakakwiyira ŵana ŵaŵiri pa wiskewo ŵara.

25 Kweni Yesu wakachema ŵasambiri ŵakhe wose pamoza ndipo wakati, “Mukumanya kuti awo ŵakupimika kuti mbakuwusa mu ŵamitundu ŵakuŵawusira ŵanthu ŵawo mu mazaza, ndiposo ŵarongozgi ŵawo nawo ŵali na mazaza pakuwusa ŵanthu ŵawo.

26 Kureke kuŵa ntheura mukati mwinu. Kweni yose uyo wakukhumba kuŵa mukuru mukati mwinu, wakwenera kuŵa muteŵeti winu.

27 Yose uyo wakukhumba kuŵa wakudanga, wakwenera kuŵa muteŵeti mukati mwinu.

28 Nga ndi umo Mwana wa Munthu wakizira kuti ŵanthu ŵamuteŵetere chara, kweni kuti iyo wateŵetere ŵanthu na kupereka umoyo wakhe kuti wawombole ŵanthu ŵanandi.”

Uthenga wa Fumu...

19/03/2019

UTHENGA WA YESU KHRISTU UMO UKALEMBEKERA NA MATEYU MTUWA
(1:16,18-21,24a)

ndipo Yakhobe wakababa Yosefe uyo wakatora Mariya, nyina wa Yesu, uyo wakuchemeka Mesiya.

Kubabika kwa Yesu Khristu

Sono kubabika kwa Yesu Khristu kukaŵa ntheura: Mariya nyina wa Yesu wakajalirika na Yosefe, kweni pambere ŵandamanyane, Mariya wakasangika kuti wali na nthumbo mu nkhongono za Mzimu Mutuŵa. Yosefe mufumu wakhe, pakuŵa munthu murunji, kuti wakakhumba chara kumukhozga soni muwoli wakhe. Kweni wakaghanaghana kuti wamulegherezge waka mu udesi. Apo wachali kughanaghana na ichi, mungelo wa Fumu wakamuwonekera mu maloto ndipo wakati, “Yosefe, mwana wa Davide, ungopanga kutora Mariya, muwoli wako. Pakuti nthumbo iyo wali nayo nja mu nkhongono za Mzimu Mutuŵa. Wati wababenge mwana mwanarume, ndipo uti umuthyenge zina lakuti Yesu, chifukwa ndiyo wizamkuponoska ŵanthu ŵakhe ku zakwananga zawo.”
Para Yosefe wakawuka mu tulo, wakachita nga ndi umo Mungelo wa Fumu wakamulangulira. Ndipo wakamutora Mariya, muwoli wakhe.

Uthenga wa Fumu...

14/03/2019

14 MARCH 2019
THURSDAY
SABATA YA KUDANGA YA LENTI
St. Matilda
----------------------------------------------
Uthenga wa Yesu Khristu umo Ukalembekera na Mateyu Mtuwa
(7:7-12)

Rombani, penjani, ndipo khung'uskani

7“Rombani, ndipo ŵati ŵamupaninge. Penjani ndipo muti musangenge. Khung'uskani, ndipo ŵati ŵamujuliraninge.

8 Pakuti yose uyo wakuromba, wakupokera, uyo wakupenja wakusanga, ndipo uyo wakukhung'uska, kuti kumujulikirenge.
9. Kasi ndi njani mwa imwe, usange mwana wakhe wakuromba chingwa, wakumupa libwe?

10 Panji para wakuromba somba, wakumupa njoka?

11 Usange imwe mwa ŵaheni, mukumanya kuŵapa ŵana ŵinu vyawanangwa viweme, asi chomene kwakuruska Ŵawiskemwe awo ŵali kuchanya ŵati ŵaŵapenge vyawanangwa viweme awo ŵakuŵaromba?

12“Ntheura ivyo mukukhumba kuti ŵanthu ŵamuchitiraninge, ndivyo namwe muŵachitirenge. Chifukwa ichi ndicho ching'anamulo cha Dango la Mozesi na visambizgo vya nchimi.

Uthenga wa Fumu...

09/03/2019

Uthenga wa Yesu Khristu umo ukalembekera na Luka Mtuwa
(5:27-32)

Yesu wakuchema Levi

27 Pamanyuma pa vyeneivi, Yesu wakafumira kuwaro ndipo wakawona wakusonkheska msonkho zina lakhe Levi wakhara mu nyumba yakusonkheramo msonkho. Yesu wakati kwa iyo, “Ndirondezga.”

28 Ndipo wakareka vyose, wakawuka na kumurondezga.

29 Ntheura Levi wakanozgera Yesu chiphikiro chikuru mu nyumba yakhe. Pakaŵa mzinda ukuru wa ŵakusonkheska msonkho pamoza na ŵanthu ŵanji awo ŵakakhara nawo pa chakurya.

30 ŴaFarisi na ŵamanyi-marango ŵawo, ŵakamba kudinginyikira ŵasambiri ŵakhe ŵakati, “Chifukwa uli mukurya na kumwa pamoza na ŵakusonkheska msonkho na ŵakwananga ŵanji?”

31 Ndipo Yesu wakaŵazgora kuti, “Awo mba msuma kuti ŵakupenja ng'anga chara, kweni ŵarwari ndiwo.

32 Ine kuti nkhizira kuchema ŵarunji chara, kweni ŵakwananga kuti ŵang'anamuke mu mtima.”

Uthenga wa Fumu...

24/01/2019

UTHENGA WA YESU KHRISTU UMO UKALEMBEKERA NA MARKO MTUWA
(3:7-12)

Mzinda ukurondezga Yesu ku nyanja

7 Yesu wakafumapo pamoza na ŵasambiri ŵakhe na kuya ku nyanja ndipo mzinda ukuru wa ŵanthu ukamurondezga kufumira mu Galileya. Kufumaso ku Yudeya,

8 Yerusalemu na Idumeya, ku sirya linyakhe la mronga wa Yorodani, ndiposo na kuzingirizga vigaŵa vya Ture na Sidoni, ŵanthu ŵanandi ŵakiza kwa iyo ŵakati ŵakapulika vyose ivyo wakachitanga.

9 Pakuti mzinda wa ŵanthu ukaŵa ukuru, Yesu wakaŵaphalira ŵasambiri ŵakhe kuti ŵamunozgere ngaraŵa pafupi na iyo, mwakuti ŵanthu ŵareke kumufinyirizga.

10 Pakuti Yesu wakachizga ŵanthu ŵanandi, ntheura ŵarwari wose ŵakamufinyirizganga kuti ŵamukhwaske.

11 Para ŵanthu ŵa mizimu yiheni ŵakamuwona, ŵakawa pasi ndipo ŵakachemerezga ŵakati, “Imwe ndimwe Mwana wa Chiuta!”

12 Kweni wakaŵachinyinthizga chomene kuti ŵareke kumupharazga.

Uthenga wa Fumu...
__________

24/01/2019

24 JANUARY 2019
-------------------------------------------

SABATA YA CHIWIRI MU CHIRIMIKA
-------------------------------------------

(CHAKA CHA FRANSIS DE SALE)
-------------------------------------------------

KALATA WA KU WAHEBERE
(7:25-8:6)

25 Ntheuraso wakumanya kuŵaponoska nkhanirankhanira awo ŵakusenderera kwa Chiuta kwizira mwa iyo pakuti wali na umoyo kwa muyirayira kuti waŵaŵeyererenge ŵanthu kwa Chiuta.

26 Pakuti chikaŵa chakwenerera kuti tiŵe na musofi mukuru wa ntheura, uyo ndi Mutuŵa, wambula uheni, wambula kukazuzgika, wakupatukako ku ŵakwananga, ndipo uyo wali kukwezgeka pachanya pa mtambo.

27 Iyo kuti kukukhumbikwa chara kuti wapereka sembe zuŵa na zuŵa, pakudanga za uheni wakhe ndipo pamanyuma za uheni wa ŵanthu, nga ndi umo ŵakachitiranga ŵasofi ŵakuru ŵanyakhe ŵara. Ichi iyo wakachitira wose kamoza pera para wakajipereka yekha kuŵa sembe.

28 Pakuti Dango la Mozesi likwimika ŵanthu awo mba kutomboroka kuŵa ŵasofi ŵakuru. Kweni mazgu agho ghali na chirapo, agho ghakiza pamanyuma pa marango, ghakumwimika Mwana mweneuyo wali kunozgeka kuŵa wakufikapo kwa muyirayira.

Yesu ndi Musofi withu Mukuru

1 Sono pa ivyo tikuyowoya fundo ndi iyi yakuti, tili na Musofi Mukuru, mweneuyo wakukhara ku woko la maryero la chizumbe cha Ufumunkhuru kuchanya.

2 Iyo ndi muteŵeti nga musofi mukuru mu Malo Ghakupatulika Nkhanira, mu Chihema chenecho icho kuti chili kujinthika na munthu chara, kweni na Fumu.

3 Pakuti musofi mukuru waliyose wakwimikika kuti waperekenge kwa Chiuta vyawanangwa, ndiposo sembe. Ntheura nchakwenerera kuti musofi uyu nayo waŵe nacho chakupereka.

4 Sono waŵenge kuti wali pa charu cha pano pasi, mphanyi ndi musofi chara, chifukwa ŵalipo kale ŵasofi awo ŵakupereka vyawanangwa kwakuyana na dango.

5 Mlimo uwu wa usofi nchiyerezgero na muzgezge wa Chihema Chakupatulika kuchanya. Pakuti Mozesi para wakatenge wajinthe Chihema, Chiuta wakamuphalira kuti, “Uwoneseske kuti upange vyeneivi kwakuyana na chiyerezgero icho chikarongoreka kwa iwe pa phiri.”

6 Kweni na umo vinthu viliri Khristu wakapokera mlimo wapachanya kuruska mlimo wa ŵasofi ŵa kale ŵara. Pakuti phangano ilo iyo wakutiphemaniskirapo ndiweme chifukwa liri kupangika pa vilayizgo viweme kuruska pa vya phangano la kale.

Mazgo gha Fumu...
------------------------------------------

24/01/2019

TILOMBE

Mzina la Wadada nala Mwana nala Mzimu Mtuwa, Amen.

Chiuta withu, Tawana winu kumuwongani chifukwa cha lusungu linu pakutiwuska na umoyo tikuti yewo.

Tikupereka kwa imwe vyose ivyo tighanaghanenge,ivyo tiyowoyenge, nakuchita mhanyauno.

Mtovwire kuti milimo yithu yose ya muhanya uno tiyitewete mu kufiska khumbo linu, mwakuti tichindike nawo Imwe.

Lawiskani wose awo mbaluwali ndipo mulusungu linu muwachizge.

Wose awo watondeka kufika mu zuwa ili, muwapokerere nakuwagowokere zakwananga zawo.

Mupembuzge wose awo wali muvitima.

Mzina la Wadada nala Mwana nala Mzimu Mtuwa,

Amen.

23/01/2019

Tiyeni timutumbike Chiuta

22/01/2019

UTHENGA WA YESU KHRISTU UMO UKALEMBEKERA NA MARKO MTUWA
(2:23-28)

Fumbo pa za zuŵa la Sabata

23 Nyengo yimoza pa zuŵa la Sabata Yesu wakasorotanga mu minda ya tirigu. Apo ŵakendanga, ŵasambiri ŵakhe ŵakamba kupurura mphonje za tirigu.
24 Ntheura ŵaFarisi ŵakati kwa Yesu, “Chifukwa uli ŵasambiri ŵako ŵakuchita icho nchambula kulangurika kuchita pa zuŵa la Sabata?”
25Yesu wakati kwa iwo, “Kasi mundaŵazgepo icho wakachita Davide para wakasokwa ndipo njara yikamukora iyo na awo wakaŵa nawo?
26 Iyo wakanjira mu Nyumba ya Chiuta apo Abiyatara wakaŵa Musofi Mukuru, ndipo wakarya Chingwa cha Uŵapo wa Chiuta icho chikaŵa cha dango chara kuti waliyose warye, kweni ŵasofi pera. Ndiposo cheneichi, wakaŵapako awo ŵakaŵa nayo?”
27 Yesu wakati kwa ŵaFarisi, “Zuŵa la Sabata, likimikikira munthu, kuti munthu wali kuŵirako chifukwa cha zuŵa la Sabata chara.
28 Ntheura Mwana wa Munthu ndi Fumu ya Sabata.”

Uthenga wa Fumu...

Address

325 Rivonia Boulevard. Rivonia
Johannesburg
2128

Telephone

0835632317

Website

Alerts

Be the first to know and let us send you an email when Sumu Za Chikhristu Na Malombo posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Sumu Za Chikhristu Na Malombo:

Shortcuts

Share

Category