Elias Girma Pastor

10/09/2026

🌻🌼"…አዲስ እራፊ ለአሮጌው አይስማማውም"
(ሉቃ 5:36)
🌼በመላው ዓለም ላላችሁ ወዳጅ ዘመዶች ሁሉ 🌼🌻እንኳን ለ2019 በሰላም አደረሳችሁ። 🌼🌼🌻

07/09/2026

እንኳን ለ2019 ዓ.ም በሰላም አደረሳችሁ።

02/09/2026

"…እኔ የእግዚአብሔር ነኝ ብሎ በእጁ ይጽፋል…"
(ኢሳ 44:5)

23/08/2026

"… እስከ አሁን ድረስ እግዚአብሔር ረድቶናል ሲል አቤንኤዘር ብሎ ጠራው"( 1ሳሙ 7:12)

ባለፉት አራት ቀናት በGrahamstown በእግዚአብሔር ምሕረት መልካም ጊዜ አሳልፈናል። ክብር ለእግዚአብሔር ይሁን።

18/08/2026

11/08/2026

በፒተርማርስበርግ መልካም ጊዜ ነበረን። ክብር ለእግዚአብሔር ይሁን።

27/07/2026

ትናንትና ማለዳ በኢትዮጵያ ወንጌላዊት ቤ/ን ጥሩ ጊዜ ነበረን።

21/07/2026

ከዚህ ነገድ እንደ ሙሴ ያለ ነጻ አውጪ፣ እንደ አሮን ያለ ሊቀ ካህን፣ እንደ ሳሙኤል ያለ ፈራጅ፣ እንደ ኤርሚያስና ሕዝቅኤል ያሉ ነብያት ወጥተዋል። የእናት ሆድ ዥንጉርጉር ነው እንደሚባለው በመሳ 17 ላይ የተሻለ ኑሮ ፍለጋ ከቤተልሔም ይሁዳ ሲንከራተት የነበረውም ሌዋዊ ከዚያ የወጣ ነው።

እንዳለመታደል ሆኖ ሚካ የተባለ ጣዖት አምላኪ እጅ ወደቀ። አባትና ካህን ሁነኝ፣ እከፍልሃለሁ፣ ምግብና ልብስ ከእኔ ሲለው ልጸልይበት፣ ላስብበትም አላለውም። "በአንድ አፍ" አይነት ብሎ ነው የፈረመለት። ችግሩ ግን የተሻለ ለከፈለው ሁሉ መፈረሙ ነው። ገና የሚካ ቤት ፊርማ ሳይደርቅ "ለአንድ ሰው ቤት ካህን መሆን…ወይስ ለነገድና ለወገን ካህን መሆን ማናቸው ይሻልሃል?' ሲሉት "በልቡ ደስ አለው" ይላል (መሳ 19:18 ) የተሻለ ያሳየ ይወስደዋል ማለት ይሄ ነው እንግዲህ። ዛሬስ ስንቱ የሃይማኖት አባት፣ የአገር ሽማግሌ፣ ስንቱ ምሁር ይሆን በሆዱ የወደቀ? ለእውነትና ለህሊናው ያልኖረ?

በሕዝ 44:9-15 ሁለት አይነት የሌዋውያን አገልግሎትን እናያለን። የመጀመሪያው በቁጥር 10 ላይ እስራኤል በሳቱ ጊዜ ተከትለው የሳቱ ሌዋውያንን ሲሆን በቁጥር 15 ላይ ደግሞ እስራኤል በሳተ ጊዜ ተከትለው ያልሳቱ የሳዶቅ ልጆች ሌዋውያን ካህናት ናቸው። በእነዚህ ሁለት አገልጋዮች መካከል ያለው ልዩነት ደማቅ ነው።

የመጀመሪያዎቹ የብዙሃኑን ፍላጎት የሚከተሉ ሲሆኑ የሁለተኛዎቹ ደግሞ የእግዚአብሔርን ሃሳብ ለማገልገል የጨከኑ መሆናቸው ነው። የሚገርመው ግን ከነጣዖትዋ እስራኤልን የሚያገለግሉትን አገልግሎታቸውን አልነጠቃቸውም ወይም አላስቆማቸውም።
ነገር ግን ወደ እኔ አይቀርቡም፣ በፊታቸው ያገለግሏቸዋል በማለት ራሱን ሰውሮ አገልግሎቱን ፈቀደላቸው። እነርሱም ያለ መገኘቱ የሆነ አገልግሎት "በአፍንጫችን ይውጣ" አላሉም ቀጠሉ።

እስራኤል በሳተ ጊዜ ያልሳቱ ሌዋውያን አገልጋዮች ግን ወደ እኔ ይቀርባሉ፣ ያገለግሉኝም ዘንድ በፊቴ ይቆማሉ ይላል።
ከዚህ የሚበልጥ ምን ክብር አለ?

10/06/2026

ዛሬም መንፈስ ቅዱስ....መንፈስ ቅዱስ 🔥🙏

ትላንት ከእርሻ መጥቶ ያለ ውጊያ ልምድ በሬዎችን ቆራርጦ ለጦርነት ነጋሪት ጎስሞ ጠላትን ድባቅ መትቶ ከተማይቱን ያዳነው ብንያማዊው ሳኦል ዛሬ ከቤተመንግስት ወጥቶ፣ ተደራጅቶ፣ ልምድ ዝና እያለው በፍርሃት የራደው አልፎም ጠላትን የሚጥልለትን ማፈላለግ የተያያዘው ለምንድነው?

ካልን መልሱ ቀላል ነው ያኔ ያጀገነው የወረደበት መንፈስ ዛሬ ስለራቀው እንደሆነ በእነዚህ ክፍሎች መረዳት እንችላለን። (1ሳሙ 11:6፣ 16:14 ምዕ 17)
የትላንቱን ድል ዛሬም ለመድገም በመንፈስ ከመሞላት ውጪ ምን አማራጭ አለን? እንደ ሳኦል የሚጥልላችሁን በማፈላለግ እደጅ እደጁን የምታዩ ወዳጆቼ መንፈስ ቅዱስ በውስጣችን ነውና በእኛ ለእኛ እኛን እንዲሠራ ዕድል እንስጠው።

ሌላኛው ብንያማዊው ሳውል ሐዋርያዊ ተልዕኮውን "ሀ"ብሎ ከአንጾኪያ በመንፈስ ቅዱስ ምሪት አብያተ ክርስቲያናትን ከተከለ፣ "አማልክት ሰዎችን መስለው ወርደዋል" እስኪባሉ ምልክትና ድንቅ በእጆቹ ከተደረገ በኋላ

እንደ ቀድሞው የመንፈስ ቅዱስን ድምፅ ለመስማት፣ ለመመራት የተዘጋጀ ልብ ነበረው።
በሁለተኛውም ሐዋርያዊ ጉዞ ላይ ወደ እስያና ወደ ቢታንያ መንፈስ ቅዱስ እንዳይሄዱ ሲከለክላቸው ወደ ሜቅዶንያ እንዲሄዱ ሲልካቸው ለእርሱ ለመታዘዝ አልተቸገሩም።(ሐዋ 13 እና ሐዋ 16)። ከብዙ ስኬትና ድል በኋላም ያኔ ውጤታማ ባደረጋቸው በመንፈስ ቅዱስ ላይ እንጂ በልምምዳቸው አይታመኑም ነበር።

አደጉለት እንጂ አላደጉበትም። ልጅ ሲጎረምስ ለያዥ ለገራዥ የሚያስቸግርበት ጊዜ ይኖራል ልክ ከአባቱ ባገኘው ነገር ያለአባቱ መኖር እንደሚችል አስቦ ከስሮ እንደመጣው የጠፋው ልጅ (ጎረምሳው)
አለችኝ በምንላት ነገር ማካበዱን ትተን ለመንፈስ ቅዱስ ቀለል ብለን ለመላክ እንደግለት እንጂ አንጎርምስ ለማለት ነው።