21/05/2021
Akhriso jabkii Israa'iil ka soo gaadhay weerarkii ay 11-ka beri ku wadday Falastiin:
11 maalmood oo uu socday dagaalkii dulmiga ahaa ee Yuhuuddu ku qaadday shacabka Falastiin ee Qaza, xili danbe oo xalay ah markii lagu dhawaaqay xabad joojinta, Dabaaldegyo heerkoodu sarreeyo ayaa ka bilowday Qasa. Dagaalku intii uu socday waxaa ku dhintay Ku dhawaad 300 oo qof, 189 dabaq baa lagu dumiyey, hanti 300 malyan gaaraysana waa ku khasaareen shacabka Falastiin.
Dhanka kale, Yuhuudda 10 qof keliyaa ka dhimatay sida ay sheegteen. Guusha ugu weyn ee ay reer Falastiin gaareen waa in intii weerarradu ku socdeen ay Yuhuuddu shubab ku hoos jireen. Afar milyan oo Raisulwasaaruhu ku jiro ayaa dhulka hoostiisa ku dhuumanayay.
11-kaa maalmood waxaa hoos u dhac weyni ku yimid dhaqaalihii Yuhuudda, waxaa istaagtay dhammaan noloshii. Ma jirin wax nolol ah oo ka socotay guud ahaan dhulka dulmiga ay Yuhuuddu ku deggantahay, ganacsi, waxbarsho iyo nolol kaleba ma aanay jiri, Garoommadii ayaa xirmay, magaalo walba waxa ay marti u ahay gantaalaha Xaq u dirirka Xamaas oo waxaa fashilmay nidaamka Difaaca Gantaalaha Yuhuuda ee Iron dome.
Reer Falastiin keliya kuma guuleysan in dagaalka ay ka dhigaan labo dhinac balse, sidoo kalena, waxa ay door ku lahaayeen go’aanka dagaal joojinta. Waa markii ugu horreysay ee Yuhuuddu aanay awoodin in ay dagaalka keligeed bilowdo keligeed na joojiso.
Raysal wasaaraha Yuhuudda ayaa ku Dhawaaqay inay joojiyeen sadexdii arimood ee uu markii h**e ba dagaalka ka kacay. Maxkamad ku sheeg Gacanta ku haysay Kiiskii Guryihii falasdiiniyiinta Laga rari lahaa ee xaafada sheekh jaraax ee Magaalada Qudus ayaa joojisay Kiiska Guryahaas. Sidoo kale waxaan la joojiyay Socdaalkii dheeraa ee xuska Dabaaldega Maalinta Qudus ,Xuskaas oo ay bulshada Yuhuudu Sanad kasta samayn jirtay. Waxaa kale oo joogsaday Bulshadii Yuhuudda ee booqanysay Masjidka aqsaa.
