Didasko Bybelskool

10/08/2026

Basil Williams het ook nou aangegaan, daar van sy laaste uitspanplek by Saldana.

Die nuus van sy sterwe het baie swaar by baie van ons wat hom geken het, getref. Sy gereelde oproepe om net weer seker te maak van wat hy geleer en ervaar het; 'n getuienis wat hy moes oordra. So was hy.

Basis het een dag by die Bybelskool opgedaag. Hy het reeds vele "papiere" gehad, maar hy wou net nog leer. En hy het. Vir meer as 5 jaar was hy deel van die Didasko Bybelskool - nog daardie jare voor COVID, toe ons nog fisies klas gedraf het - en dit nie altyd gerieflik was (veral in die koue, soos ons dit tans ervaar nie). Maar hy wou en hy het. En nie opgehou nie. Selfs jare nadat hulle op Saldana gaan "aftree" het. Dit sou ook weer 9 jaar van diens wees.

Ons gaan jou mis, ou Grote.

(Begrafnisreëling is nog nie bekend nie.)

08/07/2026

15/01/2026

Die skole het begin! 😅
Nou kan jy dink: Wat doen ek hierdie jaar met en vir myself? 🤔
Ah, die BYBELSKOOL! 😀🤓
Die eerste lesing is Maandagaand 19 Januarie 2026 - daar's nog tyd om in te skryf ... JUST DO IT!
Vir meer inligting, stuur 'n e-pos na [email protected].

11/01/2026

Laaste week vir Inskrwings: [email protected]

22/11/2025

JONATHAN SE BESOEK
‘n Heerlike, vroeg-Saterdagoggend koffie met oud- en (potensieel) nuwe studente.

Jonathan Prins (langs my op die foto) was in die dae voor COVID ‘n student by die Bybelskool – die hele 5 jaar program. Hy is steeds aktief betrokke by sy gemeenskap op die plaas. Hy doen gereeld uitreike tot ver in die Klein-Karoo.

Maar hy wil ook hê dat sy mense meer moet leer van die Bybel. So kom stel hy vanoggend twee (potenseel) nuwe studente voor. Dit is die egpaar Ivadine en Jacobus Godfrey. En of hulle ook die aanlyn-besigheid sal verstaan. My troos vir hulle was: “As ek dit kon regkry, kan enige ander mens dit regkry!”
Hierdie ontmoetings is so belangrik omdat die aanlyn-aanbieding die student maklik “afgesny” kan voel van ander studente, veral omdat die aanlyn-Bybelskool student trek van letterlik oor die hele wêreld.

Die komende week is die laaste lesings by die Bybelskool vir die jaar (Almal dink nou net Kersfees, sien?) Maar nou wil jy ‘n aantekening maak van die begindatum vir 2026 – die week na die skole geopen het (Want dan dink almal net oortrek van boeke, sien?).

Vir ‘n volledige inligtingspakkie: [email protected]
Die Didasko aanlyn-Bybelskool: Tuis in jou eie huis, oral waar jy is.