NG Kerk Springfontein/Gariepdam/Hydropark

24/10/2023

𝗕𝗲𝘀𝗽𝗿𝗲𝗲𝗸 𝗵𝗶𝗲𝗿 ➡ https://www.ngkerkvrystaat.co.za/gebeure/deel-van-god-se-storie-vrouekonferensie-2024/

16/10/2023

Baie geluk aan die Vrystaatse moderator ds Jan Lubbe wat as voorsitter van die Algemene Sinode van die NG Kerk verkies is. Ds Lubbe is leraar van die NG Gemeente Berg-en-Dal.

09/10/2023

06/10/2023

Pastorale brief ná nóg groot brande in die Vrystaat
Vrydag, 6 Oktober 2023

𝗘𝗻 𝗻𝗮́ 𝗱𝗶𝗲 𝘃𝘂𝘂𝗿 '𝗻 𝘀𝘁𝗶𝗹𝘁𝗲

𝗟𝗲𝗲𝘀 𝗛𝗜𝗘𝗥 👉 https://mailchi.mp/ngkvs/sinodale-bydraes-202122-deurkollekte-vir-30-januarie-13878774

https://www.ngkerkvrystaat.co.za/

03/10/2023

𝗩𝗢𝗢𝗥𝗕𝗜𝗗𝗗𝗜𝗡𝗚 | Ons bid saam vir Christof, Anél en hul seun Eben (3) Hellmuth, skoonseun, dogter en kleinseun van ds Fanie Spamer (leraar van NG Gemeente Reddersburg) vir volkome herstel.

Christof het oor die naweek erge brandwonde opgedoen tydens brande in die Bultfontein-distrik en sterk tans aan by Busamed Bloemfontein Hospitaal. Bid ook asseblief dat die Here hulle sal help om die trauma van die brande te kan verwerk.

NG Kerk Vrystaat

02/10/2023

Veertig Vrystaters onderweg na die Algemene Sinode van 2023 Op Sondag, 15 Oktober, sal veertig Vrystaters hul op die paaie na Gauteng bevind; sommige met ‘n bus uit Bloemfontein, ander per motor uit die ooste of noorde van ons provinsie. En ons ken die paaie deur die Vrystaat: Dié verg versigtigh...

02/10/2023

Om stil te bly vir die Waarheid, of nie
deur Stephan Joubert

Spreuke 26:4 sê jy moenie ’n dwaas antwoord op dieselfde dwase manier, as hoe hy met jou praat nie. Dan is die grap op jou. Maar vers 5 sê die teenoorgestelde: “Antwoord ’n dwaas op dieselfde dwase manier, anders d**k hy, hy is wys in sy eie oë.” In hierdie twee verse het ons ‘n klassieke geval van wysheid, wat in afsonderlike situasies verskillend toegepas word. Dit wat in een konteks reg klink, is in ’n volgende konteks nie die regte roete nie.

Van praat en stilbly gepraat, die ou Joodse Talmoed vertel juis hoe die beroemde rabbi Kahana II op ’n dag uit Babilon in Israel aangekom het. Dadelik is hy genooi om te gaan sit op ’n ereplek in die eerste ry van die akademie van rabbi Jochanan. Maar hy wou nie aan enige debatte van die geleerdes deelneem nie. As gevolg van sy volgehoue stilte is rabbi Kahana uiteindelik terugskuif, ry vir ry, totdat hy uiteindelik in die laaste ry van die klas tussen die onbelangrike studente opgeeïndig het. Rabbi Jochanan het toe gesê dat daar ’n leeu in sy klas, genaamd rabbi Kahana, aangekom het, maar dat hy uiteindelik as ‘n nietige jakkals opgeëindig het. Hierdie opmerking het allerlei verdere nadraaie gehad, wat rabbi Kahana op die ou end tog wel laat seëvier het. Maar hy het goed geweet om nie betrokke te raak in ‘n godsdienstige gestry nie. Hy was bereid om eerder as ’n draadsitter beskou te word as om sy integriteit te verloor.

Stilbly vir die waarheid is soms die regte roete. Dit beteken nie dat die waarheid dan in gedrang is nie. God se waarheid is immers ook soos ’n brullende leeu, soos wat die kerkvader Augustinus gesê het. Sy waarheid is baie groter en sterker as ons. Ons leef hierbinne. Vertrou ook die Heilige Gees om die waarheid op sy eie maniere te verdedig. Daarom kan ons stilbly wanneer ons die slag moet. Ons doen graag wat Paulus vir Timoteus in 2 Timoteus 2:23-24 geskryf het: “Ignoreer dwase en ‘n oningeligte gestry. Moenie daaraan deelneem nie. Jy weet dat dit tot groot konflikte lei. Dienaars van die Here moenie baklei nie. Hulle moet sagmoedig teenoor almal wees.”

https://tinyurl.com/2p8y8b4m

02/10/2023

*LEKKER VERJAAR*

Baie geluk aan al ons gemeente lede wat hierdie week verjaar.

02/10/2023

Hierdie is definitief enetjie vir die dagboek. Teken die datum gerus aan.

01/10/2023

𝗚𝗲𝗯𝗲𝗱 𝘃𝗮𝗻 '𝗻 𝗯𝗲𝗷𝗮𝗮𝗿𝗱𝗲

As ek oud word, O Heer, maak my minsaam en lief.
As alles te swaar word en so vol ongerief.
As dit skyn of mense nie meer omgee vir my.
As ek treurig en alleen voel, wil U tog by my bly.

As my liggaamskragte verswak elke dag.
As pyne en smarte en lyding vir my wag.
As die laste te swaar word en ek begin vrees.
As ek dan tot U roep, wil U tog by my wees.

As ek my kwel en bekommer oor elke klein saak.
As alles my steur en alles my raak.
As ek dan vir ander tot las voel, o Heer.
As ek dan tot U kom, troos my tog teer.

As die jare verbygaan so een vir een.
As ek stil in my kamer soms sit en ween.
As ek my hart voor U blootlê, o Heer.
As ek so tot U kom, help my tog weer.

As ek miskien binnekort die doodsdal deurgaan.
As ek eersdaags miskien voor U troon sal moet staan.
As ek dan voor U kniel met bewing en vrees.
Laat die bloed van Jesus my beskerming wees.

[Onbekend]

26/09/2023

*KENNISGEWING*

Neem asseblief kennis dat daar geen Dames Bybelstudie op 27 September 2023 sal wees nie.

Die weeklikese Bybelstudie sal weer hervat word op 4 Oktober 2023.

25/09/2023

Seënwense aan al ons gemeente lede wat hierdie week verjaar.