09/06/2026
[PRAAT SAAM] ’n Nuwe privaat Afrikaanse universiteitskampus van sowat R3,2 miljard neem vinnig vorm aan in Pretoria-Oos en die eerste studente gaan na verwagting in Januarie 2028 verwelkom word.
Die kampus word op ’n terrein van 220 hektaar ontwikkel en bouwerk het vroeër vanjaar amptelik begin. Die ontwikkeling vorm deel van een van die grootste private onderwysbeleggings in Suid-Afrika en sal uiteindelik duisende studente kan akkommodeer.
Die kampus sal onder meer leer- en lesingsentrums, ’n biblioteek, laboratoriums, kantore, ’n amfiteater, koffiewinkels, ’n kafeteria en ’n studentesentrum insluit. Studenteverblyf met plek vir 750 inwoners word ook opgerig. Die fasiliteite sal daagliks deur ongeveer 2 500 studente en 400 personeellede gebruik word.
Tydens die bouwerk in 2025 is sowat 360 000 kubieke meter grond verskuif. Die ontwikkeling sluit ook 40 km veseloptiese kabels, 23 km ondergrondse waterpype, 19,3 miljoen liter waterbergingskapasiteit en 30 000 vierkante meter teeroppervlak vir paaie en parkeerareas in.
Wat d**k jy - is daar nog plek vir 'n 100% Afrikaanse universiteit in Suid-Afrika?
