Rev. Pasteur Josue Pierre

26/06/2023

Le cri de mon âme s'élève vers Toi
Elle te réclame Jésus pour son Roi
Ton joug est facile, ton fardeau léger
Sur mon cœur docile, règne bon Berger.

Alléloua! (Bis)
Béni soit ton nom.

Manke 60 minit avan yon nouvo jou mete pye. Ou santiw dekouraje ak pwoblèm lavi kap pote w ale. Ou anvi sonbre anba depression.
Zanmi m, frèm, èske w te konnen Bondye relew vin depoze chay ou ba li Nan moman. Li vle chanje lavi w. Lap pran fado ou yo, lap montre w chemen.
Alelouya! Se gras a ou seyè!
Pa kite jounen an pase sanw pa pwoche kot Bondye, pa kite jounen an pase San w pa remèt li Sa ki rann ou deprime a.

Mete 2 jenou w atè nan minit sa, pwostène Devan Bondye. Leve men ou, di sa ak lafwa:
"Papa, men mwen Devan ou. Se ou sèl mwen genyen. Mwen Santi m bouke. Chay Mwen lou. Mwen ap soufri. Tanpri pote m sekou."

Amen!

05/04/2023

Vin jwenn Jezi lap ba ou limyè.
Vin jwenn Jezi lap ou viktwa.
Vin jwenn Jezi lap ba ou bonè.
Vin jwenn Jezi se la lavi w VA chanje.

AMEN.

NOU TOUT ENVITE NAN LAMONTAY JAKMÈL.

18/09/2022

https://youtu.be/muv_pdGf-Zw

titre: La nouvelle naissanceComment Share like Nap tann kesyon yo

13/09/2022

Frèm ak sèm yo, koman nou ye?

Koman semèn nan komanse pou nou?
Mwen espere lapè benediksyon Bondye ap kontinye domi lakay nou.
Map pwofite moman sa pou m envite nou al tande mesaj mwen. Klike sou link la.

Bondye beni w.

VÉRITÉ BIBLIQUE _ Part 1 AVEC PASTEUR JOSUÉ PIERRE Soti lendi rive vandredi kite yon komantè, nap pot repons pou ou n...

06/09/2022

"Apre Jezi te fin desann mòn nan, li kontre ak yon lepre. Lepre a di l: seyè, si ou vle ou ka rann mwen pi.
Jezi reponn li: mwen vle, ke w pirifye.
La menm lepre a geri."

Lepre a pat yon moun menm jam ak nou ki an sante. Men l te kwè Jezi ka ede l. E fwa sa te lakoz li geri.
Konbyen fwa w priye ak konfyans? Konbyen fwa w mete asirans ou nan seyè a pou travay ke l fè nan lavi w?

Siw kwè seyè a ka edew ak pwoblèm ou yo, mete jenou w atè kounye a menm, di: "alelouya! Alelouya! Se gras a ou seyè! Kite gras ou koule sou mwen."

Anpil fwa wap priye, priyè w pa janm egzose. Se pa paske Bondye bliye w. Men pito paske w pa gen konfyans ke saw mande a wap resevwa.
Kite pratike sa, asire w nan seyè a menm jan ak Lepre a.

Bon laprè midi nan Jezi.

07/04/2020

"Siw wè map viv, se gras a ou seyè.
Sim egziste, se gras a ou seyè.
Si van lavi a ta pote m ale.
Siw wè map viv, se gras a ou seyè."

Letènèl g'on jan l fè w damou li; Letènèl gon jan li chanje lavi w ak lanmou li pote ladan l. Se pa jwèt non zanmi mwen.
Maladi vini, gras Bondye ou toujou vivan.
Ennmi an fè kont sa l.kapab pou jete w, gras Bondye ou toujou vivan.
Eske ou merite sa zanmi? Non. Bondye sa son Bondye ki tèlman gen lanmou, menm lèw sot fè pi gwo move aksyon an devan fas li, li relew li padone w.

Maten 7 Avril sa, ou leve; maldi pa sou ou, lanmò pa pase lakay ou. Se Gras!!!
Leve men ou anlè, balanse l devan Bondye ou a. Avan menm ou franchi pòt la, kriye devan bon papa w la, mande l padon; lap padone w! Lap padone w zanmi mwen!!!
Beneswa Letènèl!!! Se gras a ou seyè!!! Alelouya!!!
Bondye Beni w.
Bon lajounen zanmi mwen.

06/04/2020

Seyè, anyen m pa ka ba ou,
Sèl yon kè ki bouke soufri;
E san ou mwen pa ka geri.
Mizè mwen devan ou.

Pran mwen jan ou wèm la seyè,
San fòs e san soutyen.
Jan ou wè m la, jan ou wèm la.
O Jezu gran frè mwen.

San li koule a va blanchi m
Sentespri ou va pirifye m
Richès ou yo va anrichi m.
Men mwen vini sove m.

Nenpòt kote w ye nan mond la.
Nenpot sa wap fè a,
Nenpòt jan ou ye a,
Pa neglije leve menw nan moman sa.
Mande Bondye padon frèm ak sè mwen.
Se pa ou bon pase lòt yo.
Leve menw, balase menw devan sila a ki konn tout bagay la. Ann di ansanm: Jezi w vivan!!! Letènèl dèzame se fòs mwen!!! Bondye w fidèl!!! Bondye w reyèl!!! Alelouya!!!

Zanmi, èske w te konnen pa gen anyen kap pase nan mond sa ki pat gentan ekri nan gran liv Bondye a. Siw epaye, se pa bon ou bon. Se gras Bondye fèw. Li pap kite w peri.
Ou nan konfinman, ou pa ka travay. Kesyon an se: Kisa w deside fè ak gras sa Bondye fèw la? Se yon siy ke l vle sove w. Eske ou menm ou vle sove???

M kite w reflechi! Pran bon desizyon.
Ke pisans Bondye vivan sa map sèvi a kontinye kouvri w, beni w ak tout fanmi e zanmi ou. Chache fas Bondye avan li two ta. Bondye renmenw zanmi.

05/12/2019

Li kache nanm mwen nan mitan gwo wòch yo;
Li kouvri m anba lonbraj li.
Kounye a m konnen, lavi mwen asire,
M pa pè sa k ap rive m demen....

Zanmi m, konbyen fwa nan lavi w ou rive nan bouch enmi an Bondye sove w? Konbyen fwa w te ka tonbe, Bondye pa kite w tonbe?
Lavi w gen yon sans nan je Bondye.
Si ou kwè Bondye gen plan nan lavi w pou 2020 an, leve menw kote ou ye a, di: A la gran Bondye m nan!!!!

Bondye pa nan kase fèy kouvri sa ak pèsonn non zanmi m. Pa neglije apwoche l, imilye w lèw ofanse li.
Li pap janm.lage w, lap kontinye kouvriw anba lonbraj li.

16/09/2018

Bonjou zanmi mwen.

Ki jan ou leve maten Dimanch la?

Eske w konnen li lè siw pot ko gen Jezu pou chache prezans li?

Men yon yi istwa:

Te gen yon sèvitè Bondye ki te zele nan travay li. Lap tap chante, preche toupatou, temwaye zèv Bondye yo.
Men nan antouraj li te gen yon gwo manbo.
Tout maji manzè dèyè sèvitè a, li pa pran l. Tout kout poud, tout vèvè...an ven!!!
Car le Dieu des cieux devan, anyen pa ka rive sèvitè li. Amen!!!

Lè manbo a wè sa, li di si l pa ka pran sèvitè a ak maji, lap pran l ak zam knmèm.
Li voye anplwaye li al lokalize kay sèvitè a pandan jounen. Yo note adrès kay la byen note. E yo wè sèvitè a la byen en chair.
Nan aswè yo deranpe pou y al chache sèvitè a ak gwo zam pou zam pou elimine li paske lap preche toupatou, chak maten nan radyo vwa li te konn ap reveye moun ak pawol la. Bagay sa te rale rayiman manbo a sou li.
Ebyen zanmi m, lè nèg sa yo rive, yo chache kay la, yo pa ka jwenn li. Yo bwase, yo bwase, Anyen!!!
Bondye avegle je yo, yo pèdi.

Amen!!! Bondye sa nap sèvi a pi fò!!!
Konbyen nan nou la ki pè di Bondye bon devan yn zanmi paske zanmi sa se pitit yn manbo?
Zanmi m siw wont pale de Bondye, ou poko pitit li non.
Siw pot ko deside, maten an, al met rad sou ou, antre nan legliz bo lakay ou a, priye Bondye, mande li padon, mande li benediksyon pou lavi w chanje.

Amen!!!

Pa bliye LIKE paj la, PATAGER publikasyon yo. Se yon jès kap ede plus moun konn pawol la e oryante lavi yo.

Bondye beni w.

16/09/2018

Map leve menm, fè Bondye santi janm rekonesan...
Pou levanjil ke map tande san m pa peye...
Se pa lajan ki mete m nan plas sa,
Se yon gras Bondye fè m...
Map leve menm, fè Bondye santi janm rekonesan...

Gloire!!! Allélouia!!!
Gloire au Dieu des cieux!!!

Engra w ta engra w ta engra zanmi m.
Pou sa Bondye fè pou ou, li merite glwa ak louwanj.

Si w leve jodi Dimanch sila, ou pa yn engra, tape AMEN. SE GRAS A OU BONDYE SI MWEN VIVAN.

Pa bliye LIKE paj la, PATAGER publikasyon yo pou plis moun ka jwenn pawol l.

Bondye Beni w.

16/09/2018

Gen de lè m rete, m santi m abandone.
Mwen chache sekou sou latè; m pa jwenn.
Mwen leve je mwen, mwen rele: Jezuuuuu.
Li dim vin jwenn li si m santim fatige.

Alelouya!!! Alelouya!!!
Ooooo!!! Jezu w se wa!!!

Konbyen nan nou la maten an ki leve? C gras Bondye fè ou. C pa bon ou bon pase sila yo ki kouche lopital ap pase mizè.
Se pa bon ou bon pase sila yo ki gentan anba tè.
Bondye fèw gras! Pa rete engra non, zanmi m Leve menw nan minut sa, rele Jezu.

Anba zèl Jezu, bgy yo asire!!!

13/09/2018

Wap priye lajounen kou lannwit. Wap mache nan jèn chak semèn paske w bezwen peye kay la, lajan pa ka vini, paske w bezwen peye lekol la, lajan pa ka vini, paske w bezwen al nan peyi etranje ou pa ka jwenn posiblite, priyè w pa janm egzose. Wap plenyen Bondye bliye w. Finalman w kouri al ka ougan mande yon pwen. Ougan diw fow sakrifye mari/ madanm ou pou w jwenn pwen an.

Zanmi m eske w konn poukisa priyè w pa ka egzose?

Se paske lespri pi okipe ak bagay ki ka fini aloske w bliye sa ki pi enpotan nan lavi w la: Nanm ou.
Jezu di ou: Pa okipe w pou sa w gen pou met nan bouch ou, pou saw gen pou met sou ou ak lot bgy ou gen bezwen. mande bgy ki anwo nan syèl la, sa k sou tè yo wap genyen yo an abondans paske Bondye wap sèvi a konn sa w gen bezwen.
Gade zwazo yo, yo pa travay, yo pa plante. Poutan papa a ki nan syèl la nouri yo. Eske w pa pi enpotan devan Bondye pase yon zwazo?

Zanmi m, sispann viv lakay Bondye pandan wap fè lago ak dyab la.

Si ou kwè aprè midi a ke Bondye se wa e ka sove e ofri w tout sa w gen bezwen depi w ap sèvi li, tape: "Amen!! Jezu avèw map mache."

Pa pliye LIKE paj la. Pataje publikasyon yo. Bondye va beni w