NG Kerk Constantia

14/05/2026

Met Hemelvaart word – in mense-terme – die “weggaan” van Jesus Christus gevier, as’t ware ’n fees van afstand! En tog, word met die Hemelvaart juis die nabyheid van en intimiteit met Christus op ’n nuwe manier vir gelowiges moontlik gemaak. Ons Hoof, die Een wat oor alles en almal heers en die ereplek langs God beklee, is in daardie posisie net so naby aan ons as wat Hy was aan die dissipels en volgelinge wat Hom op aarde kon volg. Dalk selfs meer omdat ons nou ook deur die Gees toegang tot Hom het en daardeur toegang het tot heilige kennis, ’n hartsveranderende ken van die Seun van God. Kom vier vandag, 14 Mei 2026, vanaf 17:00 saam met ons die Hemelvaart by Constantia.

07/05/2026

04/05/2026

"Eerbiedig Christus as Here in jul harte, altyd gereed om julle te verantwoord teenoor elkeen wat van julle rekenskap eis oor die hoop wat in julle leef." (1 Petrus 3:15). Dit is ons teks vir Sondag. D**k en bid saam met my oor die betrokke teks. Sien jou Sondag 10 Mei om 09:00 by Zwaanswyk en om 10:00 by Constantia.

26/04/2026

Christenskap is veel meer as 'n “self-improvement makeover”; dit is ’n identiteitsverandering wat God bewerk. Dit is ons tema vir Sondag, 3 Mei 2026 om 10:00 by die gesamentlike diens van Constantia en Zwaanswyk by Constantia. Die teks is 1 Petrus 2:1-10. D**k, wonder en bid saam met my hieroor.

20/04/2026

Ons is nie net verlos nie, ons is ook anders. Die lakmoestoets vir hierdie andersheid kom natuurlik wanneer ek aan die ontvangkant van onreg staan. Ons is geroep om anders te reageer. In 1 Petrus 2:19-25 gee Petrus vir ons 'n paar riglyne om onreg sinvol te benader. Wonder en bid saam met my oor die teks. Sien jou Sondag, 26 April 2026 om 09:00 by Zwaanswyk of om 10:00 by Constantia.

13/04/2026

Jy is nie net vergewe nie, jy is verander! Dit is die groot tema in 1 Petrus 1:19-23 waarop ons op Sondag, 19 April 2026, gaan fokus. Hierdie verandering help ons om met die valse self te breek en die ware self te ontdek. Eredienste is om 09:00 by Zwaanswyk en om 10:00 by Constantia.

06/04/2026

Word jy deur vrees beheer, deur swaarkry gebreek, deur die wêreld gedefinieer, of leef jy met 'n lewende hoop wat net God skenk? Dit is die vraag waarop Petrus reageer in 1 Petrus 1:3-9 en dit is die vraag waarmee ons Sondag, 12 April 2026, gaan besig wees. Sien jou Sondag om 09:00 by Zwaanswyk of om 10:00 by Constantia.

04/04/2026

Kom vier saam met ons die Opstanding van Jesus Christus op Sondag, 5 April 2026 om 09:00 by Constantia.

02/04/2026

Jy is genooi om Vrydag, 3 April, om 09:00 saam met ons by die voet van die kruis van Christus te kom staan en opnuut die waarde van die kruis te beleef.🎚️ Die erediens word eers op Sondag, 5 April, met die viering van die opstanding afgesluit. Sien jou daar. 🕯️🌸💃🕺

23/03/2026

Wanneer "Maak leeg" eintlik "Maak vol" behels. Dit is ons tema vir eerskomende Sondag, 29 Maart 2026 met Palmsondag of Passiesondag. Ons teks is Filippense 2:1-11. D**k saam met my na oor die teks. Sien jou om 09:00 by Constantia se kerk.