04/12/2025
𝑽𝒂𝒌𝒂𝒕𝒖𝒓𝒆: 𝑶𝒓𝒓𝒆𝒍𝒊𝒔 / 𝑪𝒍𝒂𝒗𝒊𝒏𝒐𝒗𝒂-𝒃𝒆𝒈𝒆𝒍𝒆𝒊𝒆𝒓
NG Kerk Krokodilrivier – Brits
NG Kerk Krokodilrivier, ’n gevestigde gemeente wat sedert 1914 bestaan en ’n ryk en mooi geskiedenis het, nooi hiermee aansoeke uit vir die pos van Orrelis / Clavinova-begeleier. Die gemeente is een van twee NG gemeentes binne die dorpsgrense van Brits, wat omring word deur ’n welvarende landbou-, nywerheids- en myngemeenskap. Brits lê op die drumpel van Gauteng, sowat 60–70 km vanaf Pretoria en Johannesburg. Ons het ongeveer 1150 lidmate, met twee leraars, wat ’n sterk jeug- en jongvolwasse komponent insluit.
Ons glo dat musiek ’n kernrol speel in die dra van die boodskap tydens die erediens, en dat dit die liturg ondersteun in die verkondiging daarvan.
𝐏𝐨𝐬𝐛𝐞𝐬𝐤𝐫𝐲𝐰𝐢𝐧𝐠
Ons soek ’n vindingryke, passievolle en aanpasbare musiekbegeleier wat die gemeente met inspirasie kan begelei — afwisselend op beide die orrel en die Clavinova.
𝐃𝐢𝐞 𝐩𝐨𝐬 𝐛𝐞𝐡𝐞𝐥𝐬 𝐨𝐧𝐝𝐞𝐫 𝐚𝐧𝐝𝐞𝐫𝐞:
• van ons totale musiekbediening.
• Inspirerende begeleiding van gemeentesang.
• Voorbereiding en begeleiding van eredienste (klassiek en kontemporêr).
• Alle voorbereiding rondom liturgie in samewerking met die leraars.
• Gebruik van Flam-, Vonkk- en Liedboek-liedere, asook ander liedere soos versoek, die gemeente is gereed vir nuwe geestelike musiek wat beskikbaar is.
• Voorbereiding en begeleiding van ander musiekbydraes tydens eredienste.
• Musikale versorging van spesiale of ander geleentheidsdienste.
• Samewerking met sangers en instrumentaliste; begeleiding van koor of ensemble waar nodig.
𝐕𝐞𝐫𝐞𝐢𝐬𝐭𝐞𝐬
𝐃𝐢𝐞 𝐢𝐝𝐞𝐚𝐥𝐞 𝐤𝐚𝐧𝐝𝐢𝐝𝐚𝐚𝐭 𝐦𝐨𝐞𝐭:
• entoesiasties en passievol wees oor musiekbediening;
• oor toepaslike musiekkwalifikasies, vaardighede en relevante ondervinding beskik;
• oor goeie tegnologiese vaardighede beskik;
• binne spanverband, effektief kan funksioneer;
• ervaring hê in die begeleiding van ’n gemeente (vereiste);
• bereid wees om saam met die leraars oor die toekoms te kan droom en beplan;
• beskikbaar wees vir ’n Saterdag speelgeleentheid (op die orrel en die Clavinova), ’n Sondag oggenddiens en ’n onderhoud daarna.
Vergoeding
Onderhandelbare salaris volgens SAKOV-skale as riglyn, afhangend van kwalifikasies en ervaring.
• Spel tydens begrafnisdienste vir lidmate word ingesluit by die maandelikse salaris.
• Spel tydens begrafnisdienste van nie-lidmate word nie ingesluit by die maandelikse salaris nie.
𝐀𝐚𝐧𝐬𝐨𝐞𝐤𝐩𝐫𝐨𝐬𝐞𝐬
Stuur asseblief ’n kort CV per e-pos na: [email protected], vergesel deur die volgende:
1. ’n kort skriftelike motivering waarom u glo dat u goed in die pos sal pas,
2. ‘n kort selfoonvideo, waarin u u self bekendstel (aangeheg by CV per epos),
3. ‘n kort selfoonvideo van u orrelspel (aangeheg by CV per epos),
4. drie referente.
Sluitingsdatum vir aansoeke: 31 Januarie 2026
𝐋𝐖: 𝐃𝐢𝐞 𝐤𝐞𝐫𝐤𝐫𝐚𝐚𝐝 𝐛𝐞𝐡𝐨𝐮 𝐝𝐢𝐞 𝐫𝐞𝐠 𝐯𝐨𝐨𝐫 𝐨𝐦 𝐧𝐢𝐞 ’𝐧 𝐚𝐚𝐧𝐬𝐭𝐞𝐥𝐥𝐢𝐧𝐠 𝐭𝐞 𝐦𝐚𝐚𝐤 𝐧𝐢𝐞..
Vir enige navrae kontak vir Ds Theo Oosthuyzen 0823885002 of Francois Hanekom (Kerkraadvoorsitter) 0828517894
