30/07/2026
“Die God wat my sien.”
Saterdag, 25 Julie 2026 het die NG Kerk Bothaville Moedergemeente se Vrouediens die voorreg gehad om ‘n damesoggend vir 130 vroue aan te bied met Lizelle Coetzer wat tydens die geleentheid ‘n kragtige getuienis gelewer het.
‘n Vars reuk van gekneusde roosmaryn en vars suurlemoene🍋🍋 het die saal gevul. Die tafels was keurig met geel en groen gedek en die spyseniering was weereens uit die boonste rakke.
Aldine Venter het die geleentheid geopen met die voorlesing van die treffende woorde van die liedjie van Onbeskaamd –
“Die Een wat my sien”
en het ook verwys na Gen 16:13 met Hagar se woorde :
”U is die God wat my sien. Het ek werklik die Een gesien wat my sien?”.
Dit was dan ook Lizelle Coetzer se tema van haar getuienis. U kan Lizelle se getuienis volg op YouTube https://www.youtube.com/watch?v=d5UNtpvl5jc&t=22s
Ons dank aan elke vrou wat op ‘n koue Vrystraatse oggend die funksie bygewoon het, elke bestuurslid wat betrokke was met die voorbereidings en ‘n spesiale dank aan Corné Allen vir haar leiding en entoesiasme om van die oggend ‘n reuse sukses te gemaak het.💐💐
