NG Moedergemeente Bothaville

27/08/2025

Counterpoint Acapella Sanggroep- ten bate van Huis Maranata
06 September 2025 - NG Kerk Bothaville Moedergemeente- kerksaal

20/08/2025

Gesinsbedieningskursus aangebied deur Dr Johan Smith op 28, 29 en 30 Augustus 2025 in Moedergemeente se kerkgebou. Bywoning is GRATIS. Almal is welkom om die kursus by te woon.

20/08/2025

Pelgrims Dankdag - Sondag, 24 Augustus 2025.

27/05/2025

12/09/2024

Braaifees, Vrydag 20 September 2024 vanaf 18:00 by NG Kerk Bothaville Moedergemeente se kerksaal.

26/08/2024

BYBELSONDAG - 25 Augustus 2024.
Op 25 Augustus het die drie NG Gemeentes van Bothaville, ‘n pelgrimtogs aangedurf ter viering van Bybel-Sondag. Die gemeenskap het wonderlik geondersteun, omdat elke mens weet die grootste geskenk wat jy vir iemand kan gee is om die Lewende Woord van God in hulle hande te sit. Dit was die doel van die dag. Om soveel Bybels soos moontlik te kan insamel, wat weer versprei gaan word, deur skenkings aan die Bybelgenootskap, maar ook om Bybels in ons eie gemeenskap te kan versprei.

Op hierdie pelgrimstog het ons gesing ter eer van die Lewende en Enigste God, ons het oordenkings vanuit Psalm 121 en Eksodus 33 hanteer, sodat ons tot die besef kan kom, dat ons alledaagse lewe is ‘n pelgrimstog wat ons nie sonder God kan stap nie. Hierdie geleentheid het ons terug geroep na die Here, om ‘n lewende offer vir Hom te wees.

Wat ‘n geleentheid. Prys die Here! Soli Deo Gloria!

22/08/2024

Gemeentekamp 09 - 11 Augustus 2024
FAK Udolpho Parys
Tema : "'n Venster op God se wêreld"
Teks : Matt 24 : 3-14
Die belangrikheid daarvan om te besef dat elkeen van ons as kinders van Jesus het ‘n rol te speel in die evangelisering van die wêreld.

14/06/2024

So vertrek 'n groep jongmense van Bothaville saam met Ds Dylan Allen en lidmate van Bothaville en Kroonstad na die Caprivi vir die jaarlikse uitreik aan die gemeentes daar. Voorspoed vir die lang reis. Seën op jul werk daar in die Caprivi.

20/05/2024

NG Kerk Bothaville hou basaar op Saterdag, 01 Junie 2024. Hekke open om 09:00.
Heerlike pannekoek, basaarpoeding, vleistafel, kafeteria met heerlike braaivleis en sosaties.
Koektafel asook 'n koffiekroeg. Hope pret vir kinders met groot pryse om te wen.