What are the opening hours?

Tuesday 10:00 - 17:00 Wednesday 10:00 - 17:00 Thursday 10:00 - 17:00

https://www.facebook.com/735193723332559/

Jesus Unlimited, Bloemfontein (2026)

31/08/2026

2. HOE LEEF JY?

Ons moet versigtig wees om God altyd die skuld te gee wanneer dinge nie verander soos ons wil hê nie.

Dit is maklik om te sê: “Maar die Here wil my nie help nie,” of: “Hoekom bring God nie uitkoms nie?”

Maar soms moet ons eerlik voor God gaan buig en vra:

Het ek werklik gedoen wat die Here vir my wys?
🍃 Is daar iets waaraan ek nog vasklou?
🍃 Is ek gehoorsaam wanneer God met my praat?
🍃 Verwag ek uitkoms, maar neem ek nie my eie geestelike lewe ernstig op nie?

Ons kan nie aanhou volgens die vlees leef nie, ons eie wil volg en God se leiding ignoreer, en dan God blameer wanneer ons die gevolge daarvan dra nie.

Dit beteken nie dat elke moeilike situasie die gevolg van ongehoorsaamheid is nie. Soms gaan gelowiges deur moeilike tye en beproewings. Maar ons moet ook nie God beskuldig sonder om eers ons eie hart te ondersoek nie.

📖 “Nader tot God, en Hy sal tot julle nader.”
– Jakobus 4:8

Die Here se hulp beteken ook nie altyd dat Hy ons onmiddellik uit ’n situasie verwyder nie.
Soms wys Hy ons wat ons moet verander, soms roep Hy ons tot bekering, soms vra Hy gehoorsaamheid, en soms dra Hy ons deur die storm terwyl Hy ons geestelik versterk.

Moenie net vra:
“Here, hoekom help U my nie?” Hoekom gaan dit so in my lewe?
Hoekom kan dit nie beter gaan nie?

Vra ook:
“Here, wat wys U vir my, wat sien ek nie raak nie?
“Waar moet ek verander?”
“Is daar iets wat ek moet los?”
“Wat vra U van my?”
💛 God sit mense op jou pad om jou te help, aanvaar die hulp, en draai volkome terug na God. Sonder God is jou ondergang baie naby.

God is getrou. Maar ons kan nie verwag om die vrug van ’n lewe in die Gees te dra terwyl ons aanhou om volgens die vlees te leef nie.

Neem jou geestelike lewe ernstig op. Soek die Here. Bid. Lees Sy Woord. Wees gehoorsaam wanneer Hy jou oortuig. En vertrou Hom, selfs wanneer die uitkoms nie onmiddellik kom nie.

👑 God se stilte beteken nie noodwendig dat Hy afwesig is nie. Maar ons moet ook bereid wees om stil te word en te luister na wat Hy vir óns sê.
Ons eie hart ondersoek of ons in Sy wil leef. En alle haat, woede en bitterheid aflê, vergewe die wat jou seergemaak het, en te na gekom het. Spreek vry, in Jesus se Naam.
En wees gehoorsaam aan Sy Woord.

🩸Laat toe dat die Bloed van Jesus jou kom reinig, heilig en skoonwas van alle kwaad.
📖👑🩸🔥

24/08/2026

Watter lewe kies jy vir jouself?

Almal het ’n verlede — maak nie saak hoe oud jy is nie.

Daar was dalk teleurstellings, moedeloosheid, hartseer, verwerping en dinge wat nie uitgewerk het soos jy gehoop het nie. Miskien is daar selfs dinge in jou verlede waaroor jy vandag nog spyt is.

Maar jou verlede hoef nie jou toekoms te wees nie.

Wat met jou gebeur het, bepaal nie wie jy is nie. Jou foute definieer jou nie. Jou teleurstellings is nie die einde van jou verhaal nie.

Watter lewe kies jy vir jouself?
Kies jy om vas te bly kyk na wat agter jou lê, of kies jy om jou oë op Jesus te rig en vorentoe te beweeg?

God kan dit wat stukkend was, herstel. Hy kan ’n nuwe begin gee. Hy kan jou hart verander en jou op ’n nuwe pad lei.

“Kyk, Ek maak alles nuut.”
— Openbaring 21:5

Moenie toelaat dat jou verlede jou identiteit steel nie.

Jy is nie wat met jou gebeur het nie.
Jy is nie jou grootste mislukking nie.
Jy is nie jou grootste teleurstelling nie.

Wanneer jy jou lewe aan Jesus Christus oorgee, is daar ’n nuwe begin.

Kies vandag die lewe. Kies Jesus. Kies om vorentoe te beweeg.
Die beste van jou verhaal hoef nie agter jou te wees nie.

🙌Hemelse Vader,
Vandag kom ek na U toe en gee my verlede in U hande.
Alles wat my seergemaak het, alles waaroor ek spyt is, elke teleurstelling, elke mislukking en elke herinnering wat my terughou — ek lê dit voor U neer.

Here, help my om te verstaan dat my verlede nie my identiteit en ook nie my toekoms bepaal nie.

Waar ek myself nog veroordeel, leer my om myself deur U genade te sien.
Waar ek nog vasgehou word deur onvergewensgesindheid, gee my die krag om te vergewe.
Waar daar pyn is, bring genesing.
Waar daar moedeloosheid is, gee my nuwe hoop.

Ek kies vandag om nie langer terug te leef in dit wat verby is nie. Ek kies om vorentoe te kyk en my oë op Jesus Christus te vestig.

“Maar een ding: ek vergeet die dinge wat agter is en strek my uit na wat voor is.”
— Filippense 3:14

Here, help my om die dinge wat agter my is, werklik los te laat. Gee my moed om vorentoe te stap, selfs wanneer ek nie weet wat môre bring nie.

Ek vertrou my toekoms aan U toe.
Maak my hart nuut, versterk my geloof en lei my op die pad wat U vir my voorberei het.

In die Naam van Jesus Christus bid ek.
Amen. 🙏

02/08/2026

Job. 10:14-15

Hierdie is een van die diepste uitsprake wat Job maak. Hy worstel met sy lyding en voel dat hy, ongeag sy toestand, nie voor God kan staan op grond van sy eie geregtigheid nie.

Hoeveel mense worstel met een of ander krisis?
Finansies, Huwelik, woede, selfbeheersing, siektes ens!!

📖Job 10:14–15
“As ek gesondig het, sou U my waarneem en my nie vryspreek van my ongeregtigheid nie. Was ek skuldig—wee my! En was ek regverdig, ek sou my hoof nie kon ophef nie, sat van skande en bewus van my ellende.”

* “As ek gesondig het…” – God sien elke sonde raak. Niks is vir Hom verborge nie, en Hy is regverdig in Sy oordeel.
* “Was ek skuldig—wee my!” – As ek skuldig is, verdien ek straf.
* “En was ek regverdig…” – Selfs al het ek opreg geleef, kan ek nie met trots my kop oplig asof ek voor God op my eie verdienste kan staan nie.
* “Sat van skande en bewus van my ellende.” – Job se lyding en gebrokenheid het hom laat besef hoe klein en afhanklik hy voor God is.

Hierdie gedeelte wys dat niemand op sy eie geregtigheid voor God kan roem nie.

📖Jesaja 64:6:
“Al ons geregtighede is soos ’n besoedelde kleed.”
📖 Romeine 3:23: “Want almal het gesondig en dit ontbreek hulle aan die heerlikheid van God.”
📖 Efesiërs 2:8–9: Ons word uit genade gered deur geloof, nie uit werke nie.

Job het nog nie die volle openbaring van Jesus Christus gehad nie. Vandag weet ons dat ons nie op ons eie geregtigheid kan staatmaak nie, maar op die geregtigheid van Christus, wat aan elke gelowige toegereken word deur geloof.

Daarom kan ’n Christen met nederigheid, maar ook met vrymoedigheid, na God kom—nie omdat hy sondeloos is nie, maar omdat Jesus sy sonde gedra het en hom regverdig verklaar het (Romeine 5:1; Hebreërs 4:16).

Job se woorde herinner ons daaraan dat ware nederigheid nie beteken om God se genade te betwyfel nie, maar om te erken dat ons volkome van God afhanklik is.
👑🙌

31/07/2026

“Dood en lewe is in die mag van die tong; en elkeen wat dit graag gebruik, sal die vrug daarvan eet.” Spreuke 18:21
(1933/1953)

Hierdie vers beklemtoon dat ons woorde groot invloed het. Woorde kan opbou of afbreek, bemoedig of verwond, waarheid spreek of leuens versprei.
En die vrug van jou tong is dan nie soet nie. Dis n bitterheid wat oor jou en jou nageslag kom sit.

“Wanneer jy dood spreek of ander vloek, ontneem jy jouself om in tale te spreek.”
Om die gawe van spreek in tale te ontvang, gaan jy mis.

Die Skrif waarsku ernstig teen ’n tong wat God loof en terselfdertyd mense vervloek.

Jakobus 3:9–10
“Daarmee loof ons God en die Vader, en daarmee vervloek ons die mense wat na die gelykenis van God gemaak is. Uit dieselfde mond kom seën en vervloeking. My broeders, dit behoort nie so te wees nie.”

As ’n gelowige christen aanhou om met sy tong te sondig, kan dit sy verhouding met God, sy geestelike groei en sy getuienis benadeel. Sowel as sy finansiele welstand. Die Heilige Gees roep ons om ons tong te gebruik om te seën en lewe te spreek.

Dood en lewe is in die mag van die tong. Wanneer ons ander vervloek, leuens spreek of dood oor mense uitspreek, bedroef ons die Heilige Gees en dra ons die vrug van ons eie woorde. Jy veroorsaak jou eie probleme en ontneem jouself van die seëninge van God waarmee Hy jou wil seën. God roep ons om met dieselfde mond waarmee ons Hom loof, ook lewe, waarheid en seën oor onsself, ons kinders en ons nageslag uit te spreek.

27/07/2026

God moenie die spaarwiel in tye van nood wees of wanneer dinge misluk nie. Nie net wanneer jy Hom nodig het nie.

Hy is die vaste fondament van ons vertroue in Hom.
Hy is God in goeie en slegte tye.

Jer. 17:7
Geseënd is die man wat op die Here vertrou, en wie se vertroue die Here is.
🙌

19/07/2026

⚠️ Die grootste tragedie is nie noodwendig die fisiese dood nie, maar dat iets kosbaars binne-in ’n mens kan “sterf” terwyl jy nog leef.

* Wanneer hoop sterf, leef ’n mens sonder verwagting.
* Wanneer liefde sterf, word die hart koud.
* Wanneer geloof sterf, verloor ’n mens jou vaste anker.
* Wanneer vreugde sterf, raak die lewe ’n las.
* Wanneer drome sterf, hou ’n mens op om vorentoe te kyk.

Vir ’n Christen is daar egter hoop, want God kan dit wat dood lyk, weer lewend maak.

“Die dief kom net om te steel en te slag en te verwoes. Ek het gekom, dat hulle lewe en oorvloed kan hê.” – Johannes 10:10

“Hy genees die wat gebroke is van hart, en Hy verbind hulle wonde.” – Psalm 147:3

“Die grootste tragedie van die lewe is nie om te sterf nie, maar om toe te laat dat hoop, geloof, liefde en die roeping wat God in jou geplaas het, sterf, terwyl jy nog leef. Maar waar Jesus is, kan selfs dit wat dood geword het, weer lewe ontvang.”

Dit herinner ons daaraan om ons hart in Christus te bewaar, want Hy alleen kan weer lewe gee aan dit wat deur teleurstelling, pyn of sonde doodgegaan het.

Sommige mense “bestaan “ net van dag tot dag in n kleurlose roetine, terwyl ander weer vol en bevredigend “leef”.

🔺Het jy iets waarvolgens jy leef?
-Ja. As mens dit as ’n lewensbeginsel sou verwoord, sou dit iets soos die volgende wees:

“Soek die waarheid, behandel mense met respek, en probeer om in elke gesprek iets te doen wat opreg help.”

Vir iemand wat vanuit ’n Christelike perspektief leef, is die hoogste riglyn egter God se Woord. Jesus het gesê:

“Jy moet die Here jou God liefhê met jou hele hart en met jou hele siel en met jou hele verstand. Dit is die eerste en groot gebod. En die tweede wat hiermee gelyk staan: Jy moet jou naaste liefhê soos jouself.” (Matteus 22:37–39)

“Maar ek en my huis, ons sal die HERE dien.”
(Josua 24:15)

“Leef só dat God verheerlik word, mense geseën word, en jou gewete skoon bly.”

🔺Het jy iets waarvoor jy leef?

* vra na jou doel, roeping of lewensdoel.

* Om God te verheerlik
* ⁠(1 Kor. 10:31).
* Om Jesus Christus te ken en te volg (Filippense 3:8–10).
* Om die wil van God te doen (Romeine 12:1–2).
* Om die evangelie uit te dra en dissipels te maak
* ⁠(Matt. 28:19–20).
* Om eendag die woorde te hoor: “Mooi so, goeie en getroue dienskneg.” (Matteus 25:21).

’n Gelowige Christen leef volgens die Woord van God en leef vir die eer van God.

Ek leef waarvolgens God se Woord my leer, en ek leef waarvoor God my geroep het.

So word jy iemand met vreugde in jou lewe.
👑🙌👑💫

18/07/2026

TRIOMFANTLIKE NEDERLAAG

Ter wille van U word ons die hele dag gedood; ons is gereken as slagskape.”

Paulus haal hier Psalm 44:23 aan. Hy beskryf dat gelowiges soms vervolg, verwerp en selfs doodgemaak word omdat hulle aan God behoort. Dit beteken nie dat God hulle verlaat het nie, maar dat hulle getrou bly, selfs te midde van lyding.

▫️Die volgende verse bring groot hoop:

“Maar in al hierdie dinge is ons meer as oorwinnaars deur Hom wat ons liefgehad het.”
📖Romeine 8:37

▫️Hierdie is ń kragtige belofte:

“Want ek is versekerd dat geen dood of lewe of engele of owerhede of magte of teenwoordige of toekomstige dinge of hoogte of diepte of enige ander skepsel ons sal kan skei van die liefde van God wat daar in Christus Jesus, onse Here, is nie.”
📖Romeine 8:38–39

Soms voel dit asof die wêreld teen God se kinders draai. Ons kan miskien soos “slagskape” voel— verstoot uit alles, weerloos en vervolg. Tog sê God se Woord dat ons nie verslaan is nie. Ons is meer as oorwinnaars deur Jesus Christus. Geen lyding, vervolging of moeilike omstandighede kan ons van Sy liefde skei nie.

Al gebeur hierdie slegte dinge met ons, is ons nogtans OORWINNAARS !
Ons deel in Jesus Christus se reuse oorwinning teen die vyand, omdat Hy ons so baie liefhet.

WANNEER GOD JOU VORM, IS DIT PYNLIK.
HY GEE ONS DIE OORWINNING!!

TRIOMFANTLIKE NEDERLAAG- die oorwinning is oor die nederlaag behaal, deur die bloed van Jesus, en die woord van jou getuienis!!!

📖 Fil. 1:10-11
Om die dinge waar dit op aankom, te onderskei, sodat julle rein en vir niemand n aanstoot mag wees nie, tot op die dag van Christus,
:11- vervul met die vrug van geregtigheid wat daar is deur Jesus Christus tot heerlikheid en lof van God.
🔺dit sal julle instaat stel om diè dinge te onderskei wat regtig saak maak!

Vir die kind van God is ’n nederlaag nie die einde nie, want in Christus is ons meer as oorwinnaars
📖(Romeine 8:37).

Ons mag soms struikel, maar God rig ons weer op en gee ons die oorwinning deur Jesus Christus.

🔺Al ly jy n fisiese nederlaag.. maar jy het die oorwinning in die gees behaal, is dit die grootste oorwinning ooit.

“Triomfantlike nederlaag” klink op die oog af soos ’n teenstrydigheid, maar in ’n geestelike en Bybelse konteks dra dit ’n diep betekenis.

’n Triomfantlike nederlaag is wanneer iets soos ’n verlies of mislukking lyk, maar uiteindelik tot God se oorwinning en eer lei.

Die grootste voorbeeld hiervan is Jesus Christus aan die kruis:

* Vir die wêreld het dit gelyk asof Jesus verslaan is.
* Sy vyande het gedink hulle het gewen.
* Maar juis deur Sy dood het Hy die sonde, die dood en Satan oorwin.

“En nadat Hy die owerhede en magte ontwapen het, het Hy hulle in die openbaar tentoongestel en daardeur oor hulle getriomfeer.”
— Kolossense 2:15

Ook in die lewe van gelowiges kan daar ’n triomfantlike nederlaag wees:

* Jy verloor dalk aardse besittings, verloor wedstryde, finansies, maar wen geestelike rykdom.
* Jy ly ter wille van Christus, maar ontvang ’n ewige beloning.
* Jy gee jou eie wil prys om God se wil te doen, en daarin lê die ware oorwinning.

Jesus het gesê:
“Want elkeen wat sy lewe wil red, sal dit verloor; maar elkeen wat sy lewe om My ontwil verloor, sal dit vind.”
— Matteus 16:25

🔸’n Triomfantlike nederlaag is ’n verlies wat God omskep in ’n ware en ewige oorwinning. Dit herinner ons daaraan dat God dikwels deur nederigheid, opoffering en gehoorsaamheid werk om Sy triomf te openbaar.

📖Romeine 8:37 verklaar:
“Maar in al hierdie dinge is ons meer as oorwinnaars deur Hom wat ons liefgehad het.”

Selfs wanneer dit voel asof jy verloor, kan jy in Christus reeds die oorwinning hê.

🙌Here Jesus, gee my die krag om getrou te bly, selfs wanneer ek swaarkry ter wille van U. Help my om te onthou dat ek in U meer as ’n oorwinnaar is, en dat niks my ooit van U liefde kan skei nie.
Amen.

12/07/2026

Dit is ’n kosbare belofte wat ons herinner dat ons nie ons laste alleen hoef te dra nie.

“Werp jou sorg op die HERE, en Hy sal jou onderhou; Hy sal nooit die regverdige laat wankel nie.”
Psalm 55:23

Die Here nooi ons om elke bekommernis, elke vrees en elke swaar las by Hom neer te lê. Hy vra nie dat ons eers sterk genoeg moet wees nie; Hy vra net dat ons op Hom moet vertrou.

Wanneer ons ons sorg op die Here werp, belowe Hy om ons te onderhou, te versterk en deur elke moeilike seisoen te dra. Al verander die omstandighede nie altyd onmiddellik nie, bly Sy trou onveranderlik. Hy gee krag wanneer ons swak is, vrede wanneer ons hart onrustig is, en hoop wanneer die pad donker lyk.

Moenie jou laste alleen dra nie. Bring dit na Jesus Christus in gebed, vertrou op Sy Woord, en rus in die wete dat Hy jou nooit sal verlaat nie. Die regverdige se fondament is die Here, en daarom sal Hy hom nooit laat wankel nie.

Mag hierdie belofte vandag vir jou ‘n herinnering wees: Die las is joune om neer te lê; die sorg is die Here s’n om te dra.

12/07/2026

“Word vyf mossies nie vir twee stuiwers verkoop nie? En nie een van hulle is voor God vergeet nie. Maar selfs die hare van julle hoof is almal getel. Moenie vrees nie; julle is meer werd as baie mossies.”
– Lukas 12:6–7

Jesus herinner ons dat selfs die kleinste mossie nie buite God se sorg en aandag is nie. Nie een van hulle word deur Hom vergeet nie. As God dan so getrou na die voëls omsien, hoeveel te meer sal Hy nie na sy kinders omsien nie?

Jy is vir God kosbaar. Hy ken jou by die naam, Hy ken elke behoefte, elke traan en elke stryd. Daarom hoef jy nie in vrees of bekommernis te leef nie, maar mag jy met vertroue op Hom wag.

Onthou vandag:
As Jesus vir die mossies sorg, sal Hy ook vir jou sorg. Hy sal jou nooit verlaat of begewe nie. Vertrou op Hom, want Sy liefde en trou hou vir ewig stand.

Dit is ’n kragtige herinnering dat God se kinders vir Hom baie meer werd is as die blomme en die gras. As Hy vir die natuur sorg, sal Hy sekerlik ook vir ons sorg. Daarom hoef ons nie in vrees of bekommernis te leef nie, maar kan ons ons vertroue op Hom stel.

As God die voëls voed en die veld met skoonheid beklee, hoeveel te meer sal Hy nie vir jou sorg nie. Hy ken jou behoeftes nog voordat jy dit uitspreek. Vertrou Hom vandag – Sy voorsiening, liefde en trou sal jou nie begewe nie.

Gebed:
Vader, dankie dat U belowe om vir my te sorg. Help my om nie deur bekommernis oorweldig te word nie, maar om my vertroue volkome in U te stel. Ek glo dat U my ken, my liefhet en op U tyd in elke behoefte sal voorsien. In die Naam van Jesus Christus bid ek.
Amen.

11/07/2026

Moenie dat moeilike tye jou geloof in God verdof nie.

Moeilike omstandighede is nie ’n bewys dat God jou verlaat het nie. Dikwels gebruik Hy juis daardie tye om jou geloof te versterk, jou karakter te vorm en jou nader aan Hom te trek.

Hou vas aan Sy beloftes, selfs wanneer jou omstandighede anders lyk. God is getrou, ook in die storm. Hy is by jou, Hy dra jou, en op Sy volmaakte tyd sal Hy vir jou ’n uitkoms gee.

“Want ons wandel deur geloof en nie deur aanskouing nie.” — 2 Korintiërs 5:7

“Maar die wat op die HERE wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.” — Jesaja 40:31

Mag jou oë op die Here gevestig bly, ongeag die uitdagings wat oor jou pad kom.
🙌📖

Jesus Unlimited

31/08/2026

24/08/2026

02/08/2026

31/07/2026

27/07/2026

19/07/2026

18/07/2026

12/07/2026

12/07/2026

11/07/2026

Address

Opening Hours

Telephone

Website

Alerts

Contact The Place Of Worship

Shortcuts

Share

Listing takedown request

Tuesday	10:00 - 17:00
Wednesday	10:00 - 17:00
Thursday	10:00 - 17:00