14/08/2025
Birth to Bride Konferensie – Die Tweede Trimester🧬
DIE VORMING VAN DOEL EN IDENTITEIT
🎉 Die datums vir Bethlehem en Pretoria is hier – en ons kan nie wag om jou daar te sien nie! Jy hoef nie Trimester Een bygewoon te hê om Trimester Twee by te woon nie.
Trimester Een was ’n groot sukses in:
Bethlehem✅
Pretoria✅
Rysmierbult✅.. en nou is ons reg vir die volgende tree!
📍 Bethlehem: 30-31 Augustus 2025
📍 Pretoria: 06 September 2025
📍 Rysmierbult: (Datum binnekort beskikbaar)
🔗 Registreer hier: https://forms.gle/E7m9bnzBAE4FEyEd6
Wat om te weet van die Birth to Bride belewenis:
Ons elkeen is geskape na die volmaakte beeld en gelykenis van God – met ander woorde perfek na liggaam, siel en gees. Fyn aanmekaar geweef in die moederskoot met ‘n volwasse gees van God. Ons kyk spesifiek na fyn aanmekaar geweef. Vanaf konsepsie, die eerste selletjie en hoe hulle vermeerder en hoe elke komponent van die liggaam ontwikkel. Hoe weef hierdie entiteite liggaam, siel en gees in mekaar. Hoe pas elke dimensie bymekaar aan. Hoe God drie eenheid in ons geweef is.
Ons behandel die normale – soos God dit bedoel het deur in detail te gaan kyk na die embriologie en die ontwikkeling van die baba – reeds vanaf konsepsie en wat daar gebeur. Die geesmens se integrasie hier word ook belyn met die fisiese vorming van die baba. Ons kyk na bevrugting na aanleiding van vlees en gees, die inplanting van die embrio en die groei van die embrio in al die dimensies. Die genetiese poel, die ontstaan van bloedlyne en sielsbande via naelstring en nog vele meer.
Ons verstaan dus die perfekte, ondersoek die abnormale en kyk waar is die aanval van die vyand op die mensekinders reeds vanaf konsepsie en selfs reeds daarvoor.
Vlugtig raak ons ook aan die poorte, die salwing en die shofar – the breath of God wat ‘n kardinale rol speel in hierdie hele konferensie – van begin tot einde. Sonder die asem van God kan daar geen lewe wees nie. Die inligting is so legio dat ons die kursus in Drie Trimesters verdeel het en dan in diepte gaan kyk na die ontwikkeling en die aanval volgens elke trimester se ontwikkeling van en op die mens.
Die parralel van ons eie geestelike lewens word ook deurgetrek tot by bruidskap. Vrae word geantwoord soos waarom moet ons dan weer gebore word ensovoorts.
Hierdie kursus is steeds besig om te ontwikkel en nuwe dieptes word ontdek met elke aanbieding. Dit is die moeite werd om by te woon en die terugvoer ontvang was nog net positief.
Die sprekers Eugéne Marais, Niël en Lynette Basson wat ook spesialiste is op hulle eie onderskeie gebiede maak dat die kursus se fondasie solied is, Wetenskaplik feitlik korrek is, deur die Skrif gefundeer is, gelei deur die Heilige Gees.
SIEN JULLE DAAR!🥳
