16/09/2026
Hoërskool: LEEUWENHOF 7’s RUGBY & NETBAL FAST FIVE
Wat ’n ongelooflike dag op Leeuwenhof Akademie se sportkalender!
Ons wil graag ’n hartlike dankie sê aan al die borge, organiseerders, afrigters, beamptes en almal wat agter die skerms gewerk het om die Leeuwenhof 7’s Rugby- en Netbal Fast Five-dag so ’n groot sukses te maak. Julle harde werk, entoesiasme en toewyding het gesorg vir ’n sportdag om te onthou.
Die 7’s-rugby het deurgaans opwindende en spanningsvolle wedstryde opgelewer, met Leeuwenhof se spanne wat uitstekend presteer het. Die O/17-span het ’n puik 4de plek uit 12 spanne behaal, terwyl die O/15A-span met ’n uitstekende 3de plek uit 12 spanne geëindig het.
Op die netbalbane was die aksie net so indrukwekkend, met kookwater Fast Five-netbal wat vir groot opwinding gesorg het. Leeuwenhof se O/15-spanne het besonder goed gevaar: die Wit span het 2de, die Groen span 3de en die Geel span 4de geëindig.
Die O/17-afdeling het nóg ’n hoogtepunt opgelewer toe die Leeuwenhof O/17 Groen span as toernooiwenners gekroon is! Die O/17 Geel span het ook uitstekend gevaar en ’n verdienstelike 4de plek behaal.
Baie geluk aan al ons spelers en afrigters met hierdie uitstekende prestasies, en baie dankie aan elke persoon wat tot die sukses van die dag bygedra het.
Dit was voorwaar ’n ongelooflike dag op ons sportkalender, gevul met talent, spanwerk, sportmanskap en Leeuwenhof-gees!
Ons sien reeds uit na ’n nog groter en beter Leeuwenhof 7’s Rugby- en Netbal Fast Five-toernooi in 2027!
