16/06/2022
Waarin glo jy?
Die eerste antwoord wat ons hierop gee sonder om tweekeer te d**k is: "Ek glo in die Bybel?"
Die uitdaging hierop is: "Regtig?"
En dan kyk jy my skeef aan.
U sien, die "kerk" het vandag vir hulle 'n Jesus geskep wat by hulle goedkoop bekering en sogenaamde heiligheid pas. Geen erns met sonde en onreinheid nie, geen standaard nie, ek kan maar net maak wat ek wil!
As dit is hoe jou "Jesus" lyk, staan jy op baie gladde plekke!
Ek glo in die Bybel behels berou oor my sonde. O hoe maklik gly dit by ons verby dat ons eens VYANDE VAN GOD was.
Dawid roep uit, deurgrond my o God, en kyk of daar by my 'n weg is wat U nie behaag nie.
Ek glo in die Bybel behels dat ek berou het oor sonde. Vergifnis soek al is ek nie die skuldige nie
Ja maar dis nie my skuld nie.
O geliefdes, sê vir my hoeveel keer word ons "offer" nie aanvaar nie omrede die horisontale verhouding met my medemens troebel is.
As jy jou offer na die altaar bring en dit geval jou DAT JOU BROER IETS TEEN JOU HET, los dan jou offer en gaan versoen jou met jou broer.
"Ek glo in die Bybel!"
Bostaande stelling weeg nou skielik swaarder, is dit nie.
Gryp dan die Pinksterbetekenis vas geliefdes, wat meer is as net n preek oor die uitstorting van die Heilige Gees, dit is die Lewende God wat deur Sy Gees jou instaat wil stel om Hom te behaag. Om vrug te dra, om Heilig te lewe, om te groei.
Staan dan nou asb op van die geestelike kitskostafel en delf in die Woord, wat jy sê jy glo!
en kom ons dra vrug wat God verheerlik.
Kom...ons het werk om te doen.
Seën vir julle
Francois
