AFG - The Road Community

22/06/2026

"امْتَحِنُوا كُلَّ شَيْءٍ. تَمَسَّكُوا بِالْحَسَنِ." (1 تس 5: 21).

أكيد فيه سؤال جه في بالك قبل كده وقلت" مش وقته"؟
أو"ليه الكنيسة بتقول كده؟"
أو حتى:"أنا لو سألت السؤال ده هيبقى شكلي إيه؟"

السؤال ده وقته جه وابونا ميخائيل هيجاوب عليه🙏

ابعت أي سؤال محيرك عن العقيدة أو الإيمان أو اي أمور شائكة بالنسبالك في الـ Story Box، أو اسأله بنفسك انهاردة الاتنين فى الإجتماع .

مستنينكوا الساعة 8:00 بالظبط .. عشان نصلي ونرنم مع بعض 🤍🕯️

15/06/2026

14/06/2026

لأَنَّ كُلَّ الَّذِينَ يَنْقَادُونَ بِرُوحِ اللهِ، فَأُولَئِكَ هُمْ أَبْنَاءُ اللهِ."(رومية ٨: ١٤)

الروح القدس مش ضيف بيزورنا وقت الأزمة أو وقت الصلاة وبس، ده حاضر معانا في كل تفصيلة: بيطمن، بينبه، بيعزي، وبيدينا حكمة وقوة في قراراتنا اليومية.

فيا ترى... أنا بفرح فعلًا إن روح الله ساكن فيا؟
بسيب له مساحة يقود حياتي ويغيرني؟
ولا عايش وكأن وجوده جوايا مالوش تأثير؟

مستنينكوا الساعة 8:00 متتأخروش عشان نصلي ونرنم مع بعض 🤍

11/06/2026

"لأَنَّهُ حَيْثُمَا اجْتَمَعَ اثْنَانِ أَوْ ثَلَاثَةٌ بِاسْمِي فَهُنَاكَ أَكُونُ فِي وَسْطِهِمْ." (مت 18: 20)

اعمل حسابك هتحضر معانا قداس يوم 18/6 من 8:00 - 10:00 🙏🏻

القداس ده مميز لأنه بيتعمل مخصوص لينا كـ قطاع شباب، فشجع أصحابك في شباب وأناسيمون وتعالوا نصلي مع بعض في كنيسة مارمينا والبابا كيرلس🥰

متنساش تملأ الفورم علشان نعمل حسابك في الفطار، متحمسين نشوفكوا كلكوا 🤍

https://docs.google.com/forms/d/e/1FAIpQLSct6IczpbIr-768_a_p5tH_EC_6VQjHy_JVUaZ4BWHN8gQxYg/viewform?usp=dialog

08/06/2026

"اِفْرَحُوا فِي الرَّبِّ كُلَّ حِينٍ، وَأَقُولُ أَيْضًا: افْرَحُوا." (في 4: 4)

الفرح مش مجرد شعور بنحسه لما الأمور تمشي زي ما إحنا عايزين... المفروض نكون فرحانين على طول.

لكن لو بصينا على نفسنا، هنلاقي إن الفرح مش دايمًا حاضر في حياتنا، وأحيانًا بيختفي مع أول مشكلة أو ضغط أو تجربة.

فإزاي نقدر نعيش فرح حقيقي يفضل ثابت حتى لو الظروف اتغيرت .. ده اللي هنتناقش فيه النهاردة ..متتأخروش عشان نصلي ونرنم مع بعض 🙏🤍

01/06/2026

It's time to break the routine! With Movie Time 🔥🎬

انهاردة عندنا يوم مختلف🥰 تعالى قضي وقت لطيف معانا في مسرح الكنيسة 🤍
شجع صحابك وتعالى وسيب الفشار علينا 🍿

مستنيينكواااا الساعة 8:00 في مسرح الكنيسة 🥰

25/05/2026

"لَا بِالْقُدْرَةِ وَلَا بِالْقُوَّةِ، بَلْ بِرُوحِي قَالَ رَبُّ الْجُنُودِ." (زك 4: 6)

ساعات كتير بنكون فعلًا تعبنا وإحنا بنحاول نوصل لحاجة معينة، أو نحل مشكلة، أو حتى نحارب حرب روحية… لكن أوقات بننسى دور الروح القدس.

تعالوا نصلي مع بعض برجاء إن ربنا يشتغل جوانا بروحه القدوس، ويغيرنا ويرشدنا مهما كانت حالتنا 🤍

مستنينكوا النهاردة الساعة 8:00 تعالوا بدري عشان نصلي ونرنم مع بعض 🕯️🥰

20/05/2026

تَحْتَ ظِلِّهِ اشْتَهَيْتُ أَنْ أَجْلِسَ، وَثَمَرَتُهُ حُلْوَةٌ لِحَلْقِي.» (نش 2: 3)

خلاص قربنا لنص السنة…
ومحتاجين نرجع نسأل نفسنا: إحنا فين في علاقتنا بربنا؟🤍

جهزوا نفسكوا هنطلع خلوة دير مارمينا -أبيار يوم 12/13 يونيو.

هتكون فرصة حلوة أننا نقضي مع بعض وقت روحي جميل مليان صلاة وترانيم 🕯️🙏

Price: 1000 LE
Booking: Form 👇
https://2u.pw/4iBVFy

18/05/2026

" مر وقت كاد فيه العالم كله أن يصبح أريوسيًا، لولا أثناسيوس". القديس چيروم

ازاي كانت عنده القوة انه يقف قدام كل الناس دي ؟
ازاي من صغره كان عارف يتناقش ويرد ؟
منين كان جايب الشجاعة والثقة دي ؟

تعالوا نتكلم ونشوف ده في حياة البابا اثناسيوس ، شفيع كنيستنا وشفيع الاجتماع 🙏🏼🤍

تعالوا بدري عشان نصلي ونرنم مع بعض 🥰

11/05/2026

عارفين إن في حاجات بسيطة جدًا ممكن تكون هي اللي معطلاكوا في شغلكوا، علاقاتكوا، أو حتى ثقتكوا بنفسكوا؟ 👀
ومن كتر المشغولية والزحمة… ساعات مبناخدش بالنا منها 🤍
عشان كده مستنيينكوا انهاردة في
AFG Soft Skills Cafe ☕🔥
قعدة مختلفة، كلام حقيقي، و activities هتتبسطوا بيها جدًا 🥰

تعالوا بدري وشجعكوا أصحابكوا🥰💪