22/10/2023
#១៦ទស្សនៈអំពីជីវិត
ទស្សនៈ មានន័យថា ការឃើញ, ដំណើរយល់ឃើញ, បញ្ញាសាមញ្ញ។ ខាងក្រោមនេះជាទស្សនៈអំពីជីវិត ១៦ ប្រយោគ ពីអ្នកប្រាជ្ញនានា ដែលអាចធ្វើឲ្យយើងយើ់កាន់តែប្រសើរអំពីជីវិត៖
១. គោលដៅនៃការសិក្សា គឺសិក្សាដើម្បីជីវិត។ គោលដៅជីវិត គឺទ្រទ្រង់ខ្លួនជាមនុស្សមានសតិ មានគុណធម៌ និងសេចក្តីក្លាហាន។
២. យើងត្រូវជាម្ចាស់លើជីវិត មិនមែនជាទាសកររបស់ជីវិតនោះទេ។
៣. ជីវិតជាបទកំណាព្យដែលសរសេរគ្មានថ្ងៃចប់ ពួកយើងត្រូវប្រើឈាមនិងទឹកភ្នែកមកធ្វើឲ្យកំណាព្យនេះមានតម្លៃ មានអត្ថន័យកាន់ខ្លាំងឡើង។ ជីវិតជាបទភ្លេងដែលមិនមានថ្ងៃច្រៀងចប់ យើងមិនអាចបញ្ឈប់វាបានរហូតទៅនោះទេ។
៤. ជីវិតដែលពិតប្រាកដ ជាជីវិតដែលមានសេចក្តីសុខ។
៥. ខ្លឹមសាររបស់ការកើត មិនមែនសេចក្តីសុខ តែជាសេចក្តីទុក្ខ ជាសេចក្តីសោកសៅ គឺសំឡេងស្រែកយំ មិនមែនសម្លេងសើចក្អាកក្អាយ គឺចំណងលក្ខខណ្ឌ មិនមែនសេរីភាពនោះទេ។
៦. ជីវិតគឺការតស៊ូយ៉ាងមិនដាច់រយៈ។
៧. ជីវិតគឺសមរភូមិប្រយុទ្ធដែលពេញទៅដោយឈាម និងភ្លើងសង្រ្គាម ចូរកុំធ្វើខ្លួនជាពពែដែលត្រូវគេកាប់ចិញ្ច្រាំនៅកណ្តាលទីលានប្រយុទ្ធ យើងត្រូវមានចិត្តហ៊ឹកហ៊ាក់ក្លាហាន ឈានទៅខាងមុខយ៉ាងអង់អាច។
៨. បើចង់ជ្រាបអត្ថន័យ គុណតម្លៃ ហើយនិងសច្ចធម៌នៃជីវិត យើងត្រូវបំពេញតួនាទីក្នុងភាពជាមនុស្សឲ្យដល់ទីបំផុត។
៩. ថ្វីបើជីវិតរបស់មនុស្សយើងសែនខ្លី តែប្រវត្តិសាស្ត្រនៅគង់វង់យឺនយូរ។ ចូរប្រគល់ស្នាដៃដ៏មានគុណតម្លៃក្នុងជីវិតរបស់អ្នក ឲ្យដល់អនុជនជំនាន់ក្រោយទៅចុះ ហើយអ្នកនឹងមានជីវិតនៅយ៉ាងអមតៈ។
១០. មនុស្សខ្លះមានជីវិតរស់នៅជាមនុស្ស។ មនុស្សខ្លះមានជីវិតរស់នៅស្រដៀងមនុស្ស។ មនុស្សខ្លះមានជីវិតរស់នៅដោយមិនដឹងថាខ្លួនឯងជាមនុស្ស។
១១. លទ្ធផលដ៏ផ្អែមត្រជាក់ដែលមនុស្សទួទៅបានទទួលក្នុងវ័យជរានោះ ភាគច្រើនជាផលដែលពួកគេបានសាបព្រួសទុកក្នុងកាលវ័យកម្លោះក្រមុំ។
(សូឡូម៉ន)
១២. ការស្លាប់ ឬរស់នោះ មេឃបានលិខិតទុករួចស្រេចទៅហើយ ព្រោះហេតុនេះយើងគួរមានសេចក្តីសុខជាមួយកំឡុងពេលណាមួយនៃជីវិត បណ្តោយឲ្យសេចក្តីស្លាប់ក្លាយជាឆាកពណ៌ខ្មៅដែលឆ្លុះបញ្ចាំងពណ៌ចម្រុះរបស់ជីវិតឲ្យស្រស់ស្អាតកាន់តែខ្លាំងឡើងចុះ។
១៣. អ្នកដែលអាចទទួលរក្សាទុកនូវសេចក្តីសុខ ដែលបានកើតឡើងដោយចៃដន្យពីជីវិតដែលពេញទៅដោយភាពរលាក់រលែក ឬអ្នកដែលអាចទទួលដឹងនូវសេចក្តីទុក្ខដែលកើតឡើងដោយចៃដន្យពីជីវិតដែលសែនរាបរលូន បុគ្គលនោះឈ្មោះថាជាអ្នកចេះជ្រើសរើសប្រើជីវិត។
១៤. មិនចាំបាច់រំឮកឈ្មោះបុគ្គលដ៏អស្ចារ្យក្នុងរឿងនិទានឲ្យពួកយើងស្តាប់ទេ ព្រោះថាវ័យកម្លោះក្រមុំរបស់យើង ក៏គឺវេលាដ៏រុងរោចន៍បំផុតក្នុងជីវិតរបស់យើង។
១៥. ក្នុងលោកនេះ មិនមានរបស់ដែលហៅថាបានទាំងអស់ ហើយនិងបាត់បង់ទាំងអស់នោះឡើយ។
១៦. មនុស្សដែលសើចយ៉ាងមានក្តីសុខ ព្រោះមានជីវិតស្រស់ស្អាត ប្រដូចការដើរនៅលើផ្លូវដែលរោយរាយដោយស្រទាប់នៃផ្កាកុឡាបនោះ មិនមែនជារឿងប្លែកអ្វីឡើយ តែបើអ្នកនោះនៅតែសើចបានទៀតក្នុងខណៈដែលជីវិតពេញទៅដោយសេចក្តីទុក្ខលំបាក បុគ្គលនោះរមែងមានតម្លៃគួរដល់ការគោរពរាប់អានយ៉ាងក្រៃលែង។
#រាត្រីសួស្ដីពីដែនដីកម្ពុជាក្រោម!
#ការអភិវឌ្ឍខ្លួនទស្សនៈនិងគំនិត
