12/09/2025
ඩෙන්මාක් ජාතික මෙත්තාවිහාරී
හිමියෝ අපවත් වෙති.
පරම පූජනීය අග්ග මහා පණ්ඩිත මඩිහේ පඤ්ඤාසීහ මහා නායක ස්වාමීන්ද්රයන් වහන්සේගේ සහ අති පූජනීය අම්පිටියේ ශ්රී රාහුල මහා ස්වාමීන්ද්රයන් වහන්සේගේ ආචාර්ය උපාධ්යත්වයෙන් උතුම් පැවිද්ද ලැබූ ඩෙන්මාක් ජාතික මෙත්තාවිහාරී හිමිපාණන්ට අමා මහා නිවන් සුව අත් වේවා.
1945.02.21 ඩෙන්මාර්කයේදී උපත ලැබූ Jorgen Jacob මහතා සැදැහැවත් චන්ද්රරත්න පවුලේ වසන්තා චන්දරත්න මහත්මිය හා විවාහ දිවයට පත්වීම එතුමන්ගේ දිවි ගමනේ වැදගත් සන්ධිස්ථානයක් විය. උපතින් කිතුණු බැතිමතෙකු වූ එතුමා බුදු දහම වැළඳ ගැනීම පමණක් නොව සිය පවුලේ වැඩි පිරිසක් බුදු දහමට නැඹුරු කරගන්නට සමත් විය.
චන්ද්රරත්න - රණතුංග පවුල් යනු මහරගම සිරිවජිරඤාණ ධර්මායතනය හා බැඳුණු, මහා නායක ස්වාමීන්ද්රයන් වහන්සේගේ හා අම්පිටියේ ලොකු සමිඳුන්ගේ උදාර ශාසනික මෙහෙවරට උරදුන් සමීපතම දායකයෝ වූහ.
Jorgen Jacob මහතා. දක්ෂ ව්යාපාරිකයෙකු වූ අතර වසන්තා මහත්මිය අති දක්ෂ ප්රකට ගෘහනිර්මාණ ශීල්පනියක වූවාය.
සියලු ව්යාපාර හා තානාන්තර අත්හළ මේ පින්වත් යුවළ මෙත්තා විහාරී හිමි නමින් හා උපේක්ඛා මෙහෙණිය නමින් සසුන්ගත වූයේ 1988.06.26 දින ය.
පරම පූජනීය මඩිහේ මහා නායක ස්වාමීන්ද්රයන් වහන්සේ උත්තරීතර මහානායක පදවියට හිමි රාජ්ය වරප්රසාද කිසිවක් පරිහරණය නොකරන බව දන්නා මෙත්තාවිහාරී හිමි ඇතුළු පවුලේ සැම නා සමිඳුන්ගේ ශාසනික මෙහෙවරට සහාය පිණිස VOLVOR වර්ගයේ කාර් රථයක් ශාසන සේවක සමැති වෙත පූජා කරන ලද්දේ පැවිදි වීමට පෙරය.
මහානායක ස්වාමීන්ද්රයන් වහන්සේගේ සංකල්පයක් අනුව ත්රිපිටකය පරිගණක ගත කිරීමේ ව්යාපෘතිය මහරගම සිරි වජිර වජිරඤාණ ධර්මායතනයෙන් 80 දසකයේ අග භාගයේදී ආරම්භ වූයේ මෙත්තාවිහාරී හිමියන්ගේ සහායෙනි.
ඉතා නොදියුණු පරිගණක මෙවලම් හා මෘදුකාංග භාවිතා කරමින් ආරම්භ කළ එම ව්යාපෘතියේ වගකීම තමන් වෙත පවරාගත් පවරා ගත් මෙත්තා විහාරී හිමියන් ධර්මායතනයීය ස්වාමීන් වහන්සේලාගේ සහායෙන්, විශේෂඥ දැනුම ඇති පිරිසකගේද සහායෙන් , ශාසන සේවක සමිතියේ අනුග්රහයෙන් ඉංග්රීසි සිංහල ත්රිපිටකය පරිගණක ගත කිරීම සිදුකෙරිණි.
එම ඓතිහාසික ව්යාපෘතිය කොළඹ හත බෞද්ධාලෝක මාවතේ සරණ පාරේ නාරද බෞද්ධ ධර්මායතනය වෙත ගෙන යන ලද්දේ මහාචාර්ය ධම්මවිහාරී හිමියන්ගේ සහායෙන් බෞද්ධ පර්යේෂණ ආයතනයක් ආරම්භ කිරීමේ අරමුණ ඇතිවය.
එම ස්ථානයේ ඇති පහසුකම් හා විවේකය ප්රයෝජනයට ගනිමින් metta.lk වෙබ් අඩවිය ආරම්භ කළ මෙත්තාවිහාරී හිමියන් අන්තර්ජාලය භාවිතා කරමින් ත්රිපිටකය හා බෞද්ධ පොත්පත් පරිහරණය කිරීමේ අවස්ථාව පාඨකයිනට සලසා දුනි.
ලොව පුරා වෙසෙන බෞද්ධයිනට දහම් පිපාසා සංසිඳුවීමේ අරමුණින් ධර්මවාහනී නමින් වෙනම නාලිකාවක් මුල්වරට ආරම්භ කරන ලද්දේද උන්වහන්සේ විසිනි.
වර්තමානයේ ලංකාවේ බොහෝ විහාරස්ථානවල මෙන්ම විවිධ මාධ්ය ඔස්සේ විකාශනය කෙරෙන මහරගම සිරි වජිරඥාන ධර්මායතනයේ ඝණසජ්ඣායන මහා පිරිත් දේශනය නවීන තාක්ෂණය භාවිතා කරමින් පටිගත කොට නිර්මාණය කිරීමේ ගෞරවය ද මෙත්තා විහාරී හිමියන්ට පිරිනමමි.
මහරගම සිරි වජිරඤාණ ධර්මායතනය සහ වජිරාරාම සම්ප්රදායට අතිශයින්ම ප්රිය කළ උන්වහන්සේ ජීවිතයේ වැඩි කාලයක් පිණ්ඩපාතයෙන් යැපෙන්නට පුරුදු වූහ. පාවහන් පැළදීම පවා ප්රතික්ෂේප කල උන්වහන්සේ සියලු කටයුතු වෙනුවෙන් යා යුතු හැම තැනම පා ගමනින්ම වැඩම කරවීම සිරිත විය.
මඩිහේ මහානායක ස්වාමීන්ද්රයන් වහන්සේගේ හා අම්පිටියේ ශ්රී රාහුල ලොකු සමිඳුන්ගේ චරිතය පරමාදර්ශ කර ගනිමින් ඉතා සිල්වත් ජීවිතයක් ගත කළ අතර මහණකම ප්රමුඛස්ථානයේ තබාගෙන සසුන් මෙහෙවරෙහි යෙදුණු , මෙත්තා, කරුණා, මුදිතාදී ගුණයන්ගෙන් පිරුණු, තමන් අප්රකටව සිට සසුන් මෙහෙවරෙහි යෙදුණු, විවිධ දක්ෂතාවලින් පිරිපුන්, අදිෂ්ඨානශීලී කැපවීමෙන් යුත්, අනෙකාගේ දක්ෂතාවය අගය කරමින් හා අන් අයට දිරි දෙමින් කටයුතු කළ අතර ඉවසීමේ ගුණය මැනවින් පුරුදු කළ, වචනයේ පරිසමාප්ත අර්ථයෙන්ම මෙත්තා විහාරී ජීවිතයක් ගත කළ අති පූජනීය ඩෙන්මාර්ක් ජාතික මෙත්තා විහාරී මාහිමියන්ට අමා මහා නිවන් සුව අත්වේවායි ඉත සිතින් ප්රාර්ථනා කරමි.
රජවැල්ලේ සුභූති හිමි
The ultra-soft pillowtop hugs your body for instant comfort, gently adapting to your shape and relieving pressure on your shoulders, back, and hips. Whether you sleep on your back, side, or stomach, this plush layer provides the perfect cushioning to help you relax and drift off into deep sleep effo...
