Qale Tsedq ZeTewahdo ቃለ ጽድቅ ዘተዋሕዶ, Temple Hills, MD (2026)

09/12/2026

እንቋዕ ካብ ዘመነ ማርቆስ 2018 ናብ ዘመነ ሉቃስ 2019 ዓመተ ምሕረት ብሰላምን ብጥዕናን ኣብጽሓና!!

https://youtu.be/4mN0zDvGYpk?is=m5sng2LoYqLlQq59

His Grace’s Benediction for the 2019 New Year“You crown the year ...

09/12/2026

ቃለ ቡራኬ ብጹዕ ኣቡነ ኤልያስ ናይ ርእሰ ዓውደ ዓመት ቅዱስ ዮሐንስ: ዘመነ ሉቃስ ፳፻፩፱/ 2019

በስመ አብ ወወልድ ወመንፈስ ቅዱስ አሐዱ አምላክ፡ አሜን::

ወትባርክ ኣክሊለ ዓመተ ምሕረትከ:
ንዓመት ብሳህልኻ ትኽልላ: (መዝሙር 65:11)

እንቋዕ ካብ ዘመነ ማርቆስ 2018 ናብ ዘመነ ሉቃስ 2019 ዓመተ ምሕረት ብሰላምን ብጥዕናን ኣብጽሓና።

ዘመን ናይ እግዚኣብሔር እዩ፤ ንሕና ድማ ኣብዚ ዘመን’ዚ ብምሕረቱ ንመላለስ ኣገልገልቱን ውሉዱን ኢና። ነቢይ ዳዊት ንዓመት ብሣልኻ ትኽልላ ንስኻ ኣብ ዘለኻዮ ጽጋብ ኣሎ(መዝሙር 65:11) ከም ዝበሎ፡ እግዚኣብሔር ኣምላኽ ነዛ ሓዳስ ዓመት ናይ ምሕረትን ናይ በረኸትን ዘመን ይገበርልና::
ኣብዛ ዘመነ ሉቃስ ሕይወትና ብበረኸት ዝመልአ ክኸውን እዞም ዝስዕቡ ሰለስተ ዓበይቲ ኣዕማድ መሰረት ክንገብሮም ይገባእ፡

ሓዳስ ዓመት ብሓድሽ ልቢ ምጅማር፡
ዓመት ጥራይ ምቕያሩ እኹል ኣይኮነን፤ ልብናን ሓሳብናን እውን ክሕደስ ኣለዎ። ሓዋርያ ቅዱስ ጳውሎስ ኣብ 2ይ ቆሮንቶስ 5:17 ከም ዝበሎ: እምበኣርከስ ሓደ እኳ ኣብ ክርስቶስ እንተ ኣልዩ፡ ንሱ ሓድሽ ፍጥረት እዩ፤ እቲ ብሉይ ሓሊፉ፡ እንሆ ኩሉ ሓድሽ ኮይ::
ካብ ሕሉፍ ጌጋታትና ተማሂርና ናብ እግዚኣብሔር ብንስሓ ሰብነትና ከነሕድስ ይግብኣና።

መኣዲ ፍቕርን ይቕሬታን፡
ወንጌላዊ ቅዱስ ሉቃስ ብዛዕባ ምሕረትን ፍቕር ኣምላኽን ኣስፊሑ ዝጸሓፈ እዩ። ጐይታና ኢየሱስ ክርስቶስ ኣብ ወንጌል ሉቃስ እቲ ሰማያዊ ኣቦኹም ርሕሩሕ ከም ዝኾነ፡ ንስኻትኩም ከኣ ርኅሩኃት ኩኑ (ሉቃስ 6:36) ይብለና። ስለዚ ንዝበደሉና ብምሕረት ክንሓልፍ፡ ጽልእን ቅርሕትን ኣርሒቅና ብፍቕሪን ሰላምን ክንነብርን ክንመላለስን ይግባኣና::

ጸሎትን ትግሃትን:
በረኸት ዓመት ዝርከብ ብጸሎትን ብትግሃትን እዩ። ያዕቆብ ድማ፡ እንተ ዘይባረኽካኒስ ኣይሓድገካን እየ ከምዝበለ ኣብ ዘፍጥረት 32:26:: ንሕና ድማ ክቡራት ናይ መንፈስ ደቀይ “ኅሱ ሰላማ ንሃገር ወበሰላመ ዚኣሃ ይከውን ሰላምክሙ: ንሃገርኩም ኮነ ነታ እትነብሩላ ሃገር ሰላም ለምኑ ብናታ ሰላም ድማ ሰላም ክኾነልኩም ኢዩ ከም ዘበለ ነቢይ ኤርምያስ ኣብ መልእኽቱ (ትንቢት ኤርምያስ 29:7) ሰላም ንሃገርና፡ ርግኣት ንኣእምሮና፡ በረኸት ንመኣድና ካብ ኣምላኽ እናለመንና ብጽቡቕ ግብሪ ክንተግህ ይግብኣና::

እግዚኣብሔር ይባርኽካን ይሓሉኻን ኣብ ዘሁልቁ 6:24 ከም ዝተጻሕፈ፡ እዛ ሓዳስ ዓመት ዘመነ ሉቃስ ናይ ሰላምን፡ ናይ ፍቕርን፡ ናይ ዕልልታን ይገበረልና::
እግዚኣብሔር ንህዝቡ ሓይሊ ይሃብ፡ እግዚኣብሔር ንህዝቡ ብሰላም ይባርኽ (መዝሙር 29:11) ከም ዝበሎ፡: ኣብ ኣህጉርናን ኣብ ብዘላ ዓለምን ዘሎ ምፍልላይን ኣልዒሉ፡ ናይ ሓቅን ዘላቕን ሰላም የውርደልና: ንሕሙማት ፈውስ፡ ንዝተጨነቑ መጸናንዒ፡ ንጽጉማት ረድኤት ይኹኖም::

“ንሱ ከምታ በብእዋኑ ፍሬኣ እትሁብ ቆጽላ ዘይነቅጽ ኣብ ወሰን ወሓዚ ማይ ዝተትኽለት ኦም ኢዩ” (መዝ 1:3) ከም ዝተባህለ: እዚ ሓድሽ ዓመት ኣብታ ዓይኒ ዝኾነት ቤት ክርስትያና ተተኺልና ብበረኸት ምድርን ሰማይን ክንመልእ: መንፈሳዊ ፍረ ክንፈሪ እግዚኣብሔር ጸግኡ የብዝሓልና: እግዚኣብሔር ንሃገርና ሰላምን ቅሳነትን ሂቡ ናይ ልምዓትን በረኸትን ክገብራ: ከምኡ ድማ ንህ
ሕዝብና ፍቅርን ሓድነትን: ንቤት ክርስትያና ድማ መንፈሳዊ ዕብየት እንጓናጸፈሉ ዘመን ይግበረልና።

እቶም ዝዘራእናዮ ሰናይ ዘርኢ: ብዕጽፊ በረኸት ኣፍርዩ ንምሕፋስ የብቅዓና::

ርሑስ ዘመነ ሉቃስ 2019 ዓመተ ምሕረት ይገበረልና::

ስብሐት ለእግዚአብሔር ልዑል:
ወለወላዲቱ ድንግል:
ወለመስቀሉ ክቡር::

08/21/2026

ትርጓሜ ቅዳሴ ማርያም ጉባኤ ፲፫ (Tirguamie Qidasie Maryam 12)

Let us listen and share for others to receive the blessings of St. Mary.

ብሩኽ ጾም ይግበረልና::

EriTewahdo TV: ትርጓሜ ቅዳሴ ማርያም ጉባኤ ፲፫ (Tirguamie Qidasie Maryam 13)