Atlanta Christian Brethren Church

05/26/2026

🚨 USCIS မူဝါဒအသစ် (PM-602-0199) ကြောင့် Green Card လျှောက်မယ့်သူတွေ အကုန် မိခင်နိုင်ငံပြန်ရတော့မှာလား❓

မကြာသေးခင်က ထွက်ပေါ်လာတဲ့ အမေရိကန်လူဝင်မှုကြီးကြပ်ရေး (USCIS) ရဲ့ မူဝါဒအပြောင်းအလဲကြောင့် မိဘပြည်သူတွေကြားထဲမှာ စိုးရိမ်ပူပန်မှုတွေနဲ့ သတင်းအမှားတွေ အတော်လေး ပျံ့နှံ့နေပါတယ်။

တကယ့်အမှန်တရားက ဘာလဲဆိုတာကို ဒီဗီဒီယိုထဲမှာ ရှင်းရှင်းလင်းလင်း ခွဲခြားပြောပြပေးထားပါတယ်ခင်ဗျာ။

💡 အဓိကသိထားရမယ့်အချက်များ -
ဒုက္ခသည် (Refugees) နဲ့ နိုင်ငံရေးခိုလှုံခွင့်ရသူများ (Asylees) နဲ့ လုံးဝ (လုံးဝ) မသက်ဆိုင်ပါဘူး။ အမိမြေကို ပြန်စရာမလိုဘဲ အမေရိကန်နိုင်ငံထဲမှာတင် Green Card ဆက်လက်လျှောက်ထားနိုင်ပါတယ်။

သတိပြုရန် ⚠️: ဒုက္ခသည် (Refugees) များအနေနဲ့ အမေရိကန်ကို ရောက်ရှိလို့ (၁) နှစ်ပြည့်တာနဲ့ Green Card (Form I-485) ကို အချိန်မဆွဲဘဲ ချက်ချင်း လျှောက်ထားဖို့ မူဝါဒအသစ်အရ ပိုမိုတင်းကျပ်ထားပါတယ်။
ဥပဒေအပြောင်းအလဲကာလမှာ လူထုရဲ့ ကြောက်ရွံ့မှုကို အခွင့်ကောင်းယူမယ့် လိုင်စင်မဲ့ပွဲစားတွေရဲ့ လိမ်လည်မှုကို သတိပြုကြဖို့နဲ့ သတင်းအမှန်ကို သိရှိနိုင်ဖို့ ဗီဒီယိုလေးကို အဆုံးထိကြည့်ရှုပေးကြပါဦးခင်ဗျာ။

⚖️ တရားဝင် အကိုးအကားရင်းမြစ်များ (Official Sources):
USCIS Policy Memorandum (PM-602-0199) - May 21, 2026
Immigration and Nationality Act (INA) - Section 245(a) & Section 209

💬 မိမိက (၁) နှစ်ပြည့်တော့မယ့် ဒုက္ခသည်ဖြစ်စေ၊ ခိုလှုံခွင့်ရထားသူဖြစ်စေ Green Card လျှောက်ဖို့ အကူအညီလိုရင် အခုပဲ Comment (သို့မဟုတ်) Direct Message (DM) ကနေတစ်ဆင့် ကျွန်တော်တို့ဆီကို ယုံကြည်စိတ်ချစွာ ဆက်သွယ်မေးမြန်းနိုင်ပါတယ်ခင်ဗျာ။

05/20/2026

ဘုရားသခင်အတွက် တနင်္ဂနွေနေ့တိုင်း ဆိုင်ပိတ်ပြီး ဘီလီယံနာဖြစ်လာခဲ့သောသူ

Samuel Truett Cathy ကို ၁၉၂၁ ခုနှစ်၊ မတ်လ ၁၄ ရက်တွင် အမေရိကန်ပြည်ထောင်စု၊ ဂျော်ဂျီယာပြည်နယ် (Georgia)၊ အီတွန်တွန် (Eatonton) မြို့ငယ်လေး၌ မွေးဖွားခဲ့ပါသည်။ သူ၏ ငယ်ဘဝသည် ချမ်းသာကြွယ်ဝမှု မရှိခဲ့ဘဲ အမေရိကန်၏ ကမ္ဘာ့စီးပွားပျက်ကပ်ကာလနှင့် တိုက်ဆိုင်နေသဖြင့် မိသားစုမှာ အလွန်ရုန်းကန်ခဲ့ရပါသည်။

အသက် ၈ နှစ်အရွယ်ကတည်းက Truett သည် မိသားစုဝင်ငွေကို တစ်ဖက်တစ်လမ်းမှ ကူညီရန် Coca-Cola ပုလင်းများကို လက်လီဝယ်ယူပြီး အိမ်နီးနားချင်းများကို ပြန်လည်ရောင်းချခြင်း၊ Atlanta Journal သတင်းစာများကို တစ်အိမ်တက်ဆင်း လိုက်လံပို့ဆောင်ခြင်းတို့ဖြင့် လုပ်ကိုင်ခဲ့သောသူ

ဖြစ်ပါသည်။

သူ၏မိခင်သည် အိမ်ငှားခရရန်အတွက် အိမ်ခန်းအချို့ကို၊ ငှားရမ်းလေ့ရှိပြီး

ထိုသူများအတွက် ကြက်ကြော်နှင့် ဟင်းလျာများကို ချက်ပြုတ်ပေးလေ့ရှိသည်။ မိခင်ဖြစ်သူ၏ အစားအသောက်ချက်ပြုတ်မှု နှင့် ဧည့်ဝတ်ကျေပွန်မှုတို့သည် Truett ၏ စိတ်ထဲ၌ နက်ရှိုင်းစွာ စွဲထင်ကျန်ရစ်ခဲ့ပြီး နောင်တစ်ချိန်တွင် စားသောက်ဆိုင်လုပ်ငန်း လုပ်ကိုင်ရန်အတွက် အုတ်မြစ်ဖြစ်လာခဲ့သည်။

သူသည် ဒုတိယကမ္ဘာစစ်အတွင်း အမေရိကန်ကြည်းတပ်၌ တာဝန်ထမ်းဆောင်ပြီးနောက် ၁၉၄၆ ခုနှစ်၊ မေလ ၂၃ ရက်တွင် သူ၏မောင်နှမဖြစ်သူ Ben Cathy နှင့်အတူ စုဆောင်းထားသော ငွေကြေးအချို့နှင့် ဘဏ်ချေးငွေကို အသုံးပြုကာ ဂျော်ဂျီယာပြည်နယ်၊ ဟက်ပီဗေးလ် (Hapeville) မြို့၌ "The Dwarf Grill" (နောက်ပိုင်းတွင် The Dwarf House ဟု လူသိများလာသည်) ဟုခေါ်သော အလွန်သေးငယ်သည့် ၂၄ နာရီဖွင့် စားသောက်ဆိုင်လေးတစ်ဆိုင်ကို စတင်တည်ထောင်ခဲ့ပါသည်။

နောက်ပိုင်းတွင် သူက အရည်အသွေးအကောင်းဆုံး ကြက်ရင်ပုံသား (Fillet) ကို အမေရိကန်အဆင့်အတန်းသတ်မှတ်ချက် "Grade A" နှင့် နှိုင်းယှဉ်ကာ "Chick-fil-A" ဟု အမည်ပေးခဲ့သည်။

အစပိုင်းတွင် အခြားဆိုင်များသို့ ကြက်သားဘာဂါ သီးသန့် လိုက်လံရောင်းချပေးခဲ့သော်လည်း ၁၉၆၇ ခုနှစ်တွင် အတ္တလန်တာမြို့ရှိ Greenbriar Mall ကုန်တိုက်ကြီးအတွင်း၌ ပထမဦးဆုံးသော Chick-fil-A သီးသန့်ဆိုင်ခွဲကို စတင်ဖွင့်လှစ်နိုင်ခဲ့သည်။

Truett Cathy သည် ၁၉၄၆ ခုနှစ် Dwarf Grill ဆိုင်လေး စဖွင့်ကတည်းက "တနင်္ဂနွေနေ့တိုင်း ဆိုင်ပိတ်ခြင်း" (Closed on Sundays) မူဝါဒကို စတင်ကျင့်သုံးခဲ့ပြီး Chick-fil-A အင်ပါယာကြီးတစ်ခုလုံးကို ချဲ့ထွင်ချိန်အထိ အသက်ထက်ဆုံး သစ္စာရှိစွာကျင့်သုံး လိုက်နာခဲ့သည်။

သူသည် ခရစ်ယာန်ဘာသာဝင်တစ်ဦးဖြစ်ပြီး သမ္မာကျမ်းစာထဲက ပညတ်တော်ဆယ်ပါးတွင် ပါဝင်သည့် "ဥပုသ်နေ့ကို သန့်ရှင်းစေလော့" ဆိုသည့်အချက်ကို အလေးအနက် ယုံကြည်သူ ဖြစ်ပါသည်။

သူက""ကျွန်တော်တို့အတွက် စီးပွားရေးထက် ပိုပြီးအရေးကြီးတဲ့ အရာတွေ ရှိပါတယ်။ အဲဒါကတော့ ဘုရားသခင်ကို ဦးထိပ်ထားဖို့နဲ့ မိသားစုကို အချိန်ပေးဖို့ပါပဲ။" ဟု အမြဲပြောဆိုလေ့ရှိပြီး၊ ကျင့်သုံးခဲ့ပါသည်။

သူက ဝန်ထမ်းများသည် ငွေရှာရုံသက်သက်မဟုတ်ဘဲ "မိသားစုများနှင့် အချိန်ပေးရန်၊ ဘုရားကျောင်းတက်ရန်နှင့် အနားယူရန်" အခွင့်အရေး ရှိသင့်သည်ဟု ၊ယူဆခဲ့သူလည်း ဖြစ်ပါသည်။

၁၉၆၇ ခုနှစ်တွင် Chick-fil-A အမှတ်တံဆိပ်ကို စတင်တည်ထောင်ပြီး ကုန်တိုက်ကြီးများအတွင်း ဆိုင်ခွဲများ ဖွင့်လှစ်သည့်အခါ ကုန်တိုက်ပိုင်ရှင်များက "တနင်္ဂနွေနေ့သည် လူအစည်ဆုံးနေ့ဖြစ်သဖြင့် ဆိုင်ဖွင့်ရမည်" ဟု အကျပ်ကိုင်ခဲ့သော်လည်း Cathy က "တနင်္ဂနွေနေ့ မပိတ်ရရင် ဆိုင်မဖွင့်ဘူး" ဟုအပြတ်ငြင်းပယ်ကာ ၎င်း၏ ဆုံးဖြတ်ချက်အပေါ် သစ္စာရှိခဲ့ပါသည်။

Chick-fil-A သည် တစ်ပတ်လျှင် ၆ ရက်သာ ဖွင့်သော်လည်း၊ တစ်ဆိုင်ချင်းစီ၏ ပျမ်းမျှရောင်းအားတွင် ၇ ရက်ပတ်လုံးဖွင့်သော အကြီးမားဆုံးပြိုင်ဘက် McDonald's ထက် နှစ်ဆကျော် ပိုမိုများပြားခဲ့သည်။

"တနင်္ဂနွေနေ့တိုင်း သေချာပေါက် အနားရမည်" ဟူသော ယုံကြည်ခြင်းကြောင့် အမေရိကရှိ အရည်အချင်းအရှိဆုံးနှင့် စရိုက်လက္ခဏာ အကောင်းဆုံးသော လူငယ်လူရွယ်များက Chick-fil-A တွင် ဝန်ထမ်းအဖြစ် ဝင်ရောက်လုပ်ကိုင်ရန် တိုးဝှေ့လျှောက်ထားခဲ့ကြသဖြင့် လုပ်ငန်း၏ ဝန်ဆောင်မှု အဆင့်အတန်းမှာ ကမ္ဘာကျော်ခဲ့ပါသည်။

စားသုံးသူများက သူ၏ ကတိသစ္စာ၊ယုံကြည်ချက်၊ ရိုးသားမှုကို လေးစားသဖြင့် စနေနေ့တွင် ကြိုတင်ဝယ်ယူခြင်းနှင့် တနင်္လာနေ့ ရောက်သည်နှင့် တဖွဲဖွဲ လာရောက်အားပေးခြင်းများကြောင့် ဆိုင်များတွင် အမြဲတမ်း လူပြည့်လျှံနေခဲ့ပါသည်။

သူသည် အသားတင်ကြွယ်ဝမှု အမေရိကန်ဒေါ်လာ ၆ ဘီလီယံကျော် ရှိခဲ့သော်လည်း၊ သူသည် စည်းစိမ်နောက်သို့ လိုက်မသွားခဲ့ပါ။

သူသည် စီးပွားရေး ဘီလီယံနာကြီး ဖြစ်နေသည့်တိုင် ဘဝနှောင်းပိုင်းအထိ နှစ်ပေါင်း ၅၀ ကျော်တိုင်တိုင် တနင်္ဂနွေနေ့တိုင်း ဘုရားကျောင်းတွင် ကလေးငယ်များကို သမ္မာကျမ်းစာ သင်ကြားပေးသည့် ဆရာအဖြစ် နှိမ့်ချစွာ အမှုတော်ဆောင်ခဲ့သည်။ ထို့ပြင် WinShape ဖောင်ဒေးရှင်းကို တည်ထောင်ကာ မိဘမဲ့ကလေးငယ်များ၊ လမ်းမှားရောက်နေသော လူငယ်များအား ပြုစုပျိုးထောင်ရန် ဒေါ်လာသန်းပေါင်းများစွာကို ရက်ရက်ရောရော လှူဒါန်းခဲ့သည်။

၂၀၁၄ ခုနှစ်၊ စက်တင်ဘာလ ၈ ရက် အသက် ၉၃ နှစ်အရွယ်တွင် ကွယ်လွန်ချိန်အထိ သူသည် ဘုရားသခင်အပေါ် သစ္စာရှိသော ယုံကြည်သူတစ်ဦးအနေဖြင့် စံပြနေထိုင်ခဲ့သူဖြစ်ပါသည်။

Credit MYINT TUN

05/08/2026

🛑 V**e ဆိုတာ အပျော်အပါးမဟုတ်ဘူး... သင့်ဘဝကို ဖျက်ဆီးမယ့် ထောင်ချောက်ပါ 🚨

02/19/2026

01/24/2026

❄️ဂျော်ဂျီယာပြည်နယ်အတွက် ရေခဲမုန်တိုင်းသတိပေးချက်

အချိန်ကာလ: ယနေ့ ဇန်နဝါရီ ၂၄ နေ့ မှ တနင်္လာနေ့ ဇန်နဝါရီ ၂၆ နေ့အထိ။

❄️ဂျော်ဂျီယာပြည်နယ်အတွက် ရေခဲမုန်တိုင်းသတိပေးချက်

အချိန်ကာလ: ယနေ့ ဇန်နဝါရီ ၂၄ နေ့ မှ တနင်္လာနေ့ ဇန်နဝါရီ ၂၆ နေ့အထိ။

ဖြစ်ပေါ်နိုင်သည့်အခြေအနေ: ပြင်းထန်သော ရေခဲမုန်တိုင်းကြောင့် သစ်ပင်များလဲကျခြင်း၊ လျှပ်စစ်ဓာတ်အားလိုင်းများ ပြတ်တောက်ခြင်းနှင့် လမ်းမများပေါ်တွင် ရေခဲများဖုံးပြီး အလွန်အန္တရာယ်ရှိနိုင်သောကြောင့် တတ်နိုင်သမျှ အပြင်မထွက်ကြရန် တိုက်တွန်းနှိုးဆော်အပ်ပါသည်။

သက်ရောက်မှုရှိနိုင်သည့် ခရိုင်များ: Gwinnett, Fulton, DeKalb, Cobb နှင့် အခြားဂျော်ဂျီယာ မြောက်ပိုင်းခရိုင်များ အားလုံး ပါဝင်သည်။

✅ ကြိုတင်ပြင်ဆင်ရန် အချက်များ:

စားနပ်ရိက္ခာ: အနည်းဆုံး ၃ ရက်စာ လုံလောက်သော အစားအစာနှင့် သောက်သုံးရေကို ကြိုတင်စုဆောင်းထားပါ။

ချက်ပြုတ်ရေး: လျှပ်စစ်မီး ပြတ်တောက်နိုင်ခြေ ရှိသောကြောင့် ဟင်းချက်ရန် Gas Propane Tank များ အဆင်သင့်ရှိပါစေ။ (သတိပြုရန်: Propane ကို အိမ်တွင်း လေဝင်လေထွက်မရှိသော နေရာ၌ အသုံးမပြုပါနှင့်)

အိမ်သုံးပစ္စည်း: ရေပိုက်များ ခဲပြီး ပေါက်ထွက်ခြင်းမှ ကာကွယ်ရန် ရေကို အစက်ချ (Drip) ထားပေးပါ။

ဆက်သွယ်ရေး: ဖုန်းများ၊ Power Bank (ဘက်ထရီ) များကို အားအပြည့် သွင်းထားပါ။

အိမ်မွေးတိရစ္ဆာန်: အိမ်မွေးတိရစ္ဆာန်များကို အိမ်တွင်း၌သာ ထားရှိပေးပါ။

အားလုံးပဲ ဘေးကင်းလုံခြုံစွာဖြင့် ဤဆိုးရွားသော ရာသီဥတုကို အတူတူ ကျော်ဖြတ်ကြပါစို့။
အရေးပေါ် အခြေအနေတစ်စုံတစ်ရာ ရှိပါက 911 သို့ ချက်ချင်း ဖုန်းခေါ်ဆို အကူအညီတောင်းခံပါ။

01/24/2026

✨ Update: သတင်းထူး- မြန်မာ TPS ရပ်ဆိုင်းမှုကို တရားရုံးက ခေတ္တဆိုင်းငံ့လိုက်ပြီ 🤗

ဇန်နဝါရီလ ၂၃ ရက်၊ ၂၀၂၆ ခုနှစ်

အခုပဲ ကျွန်တော်တို့ မြန်မာနိုင်ငံသားတွေအတွက် အလွန်အရေးကြီးတဲ့ သတင်းထူးတစ်ခု ထွက်ပေါ်လာပါတယ်။

အစိုးရက လာမယ့် ဇန်နဝါရီ ၂၆ ရက်နေ့မှာ မြန်မာ TPS ကို ရပ်ဆိုင်းဖို့ စီစဉ်ထားတာကို ဖက်ဒရယ်တရားရုံးက ခေတ္တဆိုင်းငံ့ဖို့ (Pause) အရေးပေါ် အမိန့်ချမှတ်လိုက်ပြီ ဖြစ်ပါတယ်။"

အသေးစိတ်အချက်အလက် (The Details)

ဒီအမိန့်ဟာ IRAP လို အဖွဲ့အစည်းတွေက မြန်မာ TPS ကိုင်ဆောင်ထားသူတွေကိုယ်စား တရားစွဲဆိုခဲ့ရာကနေ ရရှိလာတဲ့ အောင်မြင်မှုတစ်ခု ဖြစ်ပါတယ်။ အမှုတွဲအမည်ကတော့ Aung Doe v. Noem ဖြစ်ပြီး ဇန်နဝါရီ ၂၀ ရက်နေ့မှာ ကြားနာမှုပြုလုပ်ခဲ့တာ ဖြစ်ပါတယ်။

ဇန်နဝါရီ ၂၆ ရက်နောက်ပိုင်း ဘာဖြစ်မလဲ? (What happens after Jan 26?)

"အားလုံး စိုးရိမ်နေကြတဲ့ ဇန်နဝါရီ ၂၆ ရက်နေ့ သက်တမ်းကုန်ဆုံးမယ့်အရေးကို တရားရုံးက တားဆီးလိုက်တာ ဖြစ်တဲ့အတွက် -
• နံပါတ် (၁) - သင်တို့ရဲ့ TPS အခြေအနေဟာ ဇန်နဝါရီ ၂၆ ရက်နေ့ ကျော်သွားပေမယ့်လည်း ဆက်လက် တည်ရှိနေဦးမှာ ဖြစ်ပါတယ်။
• နံပါတ် (၂) - အလုပ်လုပ်ကိုင်ခွင့် (EAD) ကတ်တွေဟာလည်း ဆက်လက် အကျုံးဝင်နေဦးမှာ ဖြစ်ပါတယ်။
• နံပါတ် (၃) - နေရပ်ပြန်ပို့ခံရမယ့် အန္တရာယ်ကနေလည်း တရားရုံးက လက်ရှိမှာ ကာကွယ်ပေးထားပါတယ်။"

သတိပြုရန်

ဒါဟာ အမြဲတမ်း သက်တမ်းတိုးပေးလိုက်တာ မဟုတ်ဘဲ တရားရုံးမှာ အမှုရင်ဆိုင်နေစဉ်အတွင်း ခေတ္တဆိုင်းငံ့ထားတာ (Pause) ဖြစ်တယ်ဆိုတာကို သတိပြုစေချင်ပါတယ်။ ဒါကြောင့် ဒီကာလအတွင်းမှာ သတင်းတွေကို မျက်ခြေမပြတ် စောင့်ကြည့်ကြဖို့ လိုပါတယ်။

ဒီသတင်းကြောင့် ကျွန်တော်တို့ မိသားစုပေါင်း ၄၀၀၀ နီးပါး လက်ရှိမှာ စိတ်အေးသွားရပြီ ဖြစ်ပါတယ်။
*** နောက်ထပ် ထူးခြားတဲ့ သတင်းတွေရှိရင်လည်း ချက်ချင်း တင်ပေးသွားပါမယ်။ ကျွန်တော် Abel Aung (ကိုအောင်) ပါ။ အားလုံးပဲ ဘေးကင်းကြပါစေ 🙏🏻

အဓိက သတင်းရင်းမြစ်များ (Official Sources)

• AALDEF (Asian American Legal Defense and Education Fund): ဒီအဖွဲ့ဟာ အမှုတွဲကို ဦးဆောင်နေတဲ့ အဖွဲ့ဖြစ်ပြီး သူတို့ရဲ့ ဝဘ်ဆိုဒ်မှာ တရားရုံးရဲ့ နောက်ဆုံးအမိန့်နဲ့ ပတ်သက်တဲ့ သတင်းထုတ်ပြန်ချက်တွေကို ဖတ်ရှုနိုင်ပါတယ်။
AALDEF Newsroom: https://www.aaldef.org/press-releases/ - Google Search https://www.google.com/search?q=https://www.aaldef.org/press-releases/&hl=en

• IRAP (International Refugee Assistance Project): မြန်မာ TPS ကိုင်ဆောင်ထားသူတွေဘက်ကနေ တရားစွဲဆိုပေးနေတဲ့ အဖွဲ့ဖြစ်ပြီး အမှုရဲ့ အသေးစိတ် အခြေအနေတွေကို ဒီမှာ ကြည့်နိုင်ပါတယ်။
IRAP - Aung Doe v. Noem Case Updates: Aung Doe v. Noem: Challenging the government’s termination of TPS for Burmese nationals | International Refugee Assistance Project https://refugeerights.org/news-resources/aung-doe-v-noem-challenging-the-governments-termination-of-tps-for-burmese-nationals

• Newsweek သတင်းဌာန: မြန်မာနိုင်ငံသားတွေရဲ့ စိုးရိမ်ပူပန်မှုနဲ့ တရားစွဲဆိုထားတဲ့ အခြေအနေကို အသေးစိတ် ဖော်ပြထားတဲ့ သတင်းဆောင်းပါး ဖြစ်ပါတယ်။
Newsweek: Burmese Migrants Speak Out as Trump Admin Ends TPS: https://www.newsweek.com/burmese-migrants-trump-admin-tps-myanmar-lawsuit-2015024 - Google Search https://www.google.com/search?q=https://www.newsweek.com/burmese-migrants-trump-admin-tps-myanmar-lawsuit-2015024&hl=en

• USCIS (Official Government Site): တရားဝင် သက်တမ်းတိုးမှု သတင်းအချက်အလက်တွေနဲ့ EAD ကတ် အလိုအလျောက် သက်တမ်းတိုးမှုတွေကို ဒီမှာ အမြဲ စစ်ဆေးနိုင်ပါတယ်။
USCIS Burma TPS Page: Temporary Protected Status Designated Country: Burma (Myanmar) | USCIS https://www.uscis.gov/humanitarian/temporary-protected-status/temporary-protected-status-designated-country-burma-myanmar

By; Abel Aung (ကိုအောင်) - Pending DOJ Recognition & Accreditation

01/23/2026

⚠️ မြန်မာ TPS အဆုံးသတ်ခြင်း- TPS EAD နှင့် Asylum EAD ဘာတွေကွာခြားသလဲ?

အဓိက အချက်အလက်များ (Key Details)

• TPS အဆုံးသတ်မည့်ရက်: မြန်မာနိုင်ငံအတွက် TPS အကာအကွယ်ပေးထားမှုသည် ၂၀၂၆ ခုနှစ်၊ ဇန်နဝါရီလ ၂၆ ရက်၊ ည ၁၁:၅၉ နာရီ တွင် တရားဝင် ကုန်ဆုံးပါမည်။

• အလုပ်လုပ်ကိုင်ခွင့် (EAD): Category A12 သို့မဟုတ် C19 ပါရှိပြီး နိုဝင်ဘာ ၂၅၊ ၂၀၂၅ (သို့မဟုတ်) မေ ၂၅၊ ၂၀၂၄ (သို့မဟုတ်) နိုဝင်ဘာ ၂၅၊ ၂၀၂၂ တွင် သက်တမ်းကုန်ဆုံးသည့် ကတ်များသည် ဇန်နဝါရီ ၂၆၊ ၂၀၂၆ အထိသာ အကျုံးဝင်ပါသည်။

(မှတ်ချက်။ TPS အောက်မှာရရှိထားတဲ့ EAD နဲ့ Asylum (ခိုလှုံခွင့်) လျှောက်ထားဆဲကာလမှာရရှိတဲ့ EAD ဟာ မတူညီတဲ့ အမျိုးအစား (Category) တွေ ဖြစ်ကြပါတယ်။ သင့်လက်ဝယ်ရှိ အလုပ်လုပ်ကိုင်ခွင့် (EAD) ကတ်၏ ရှေ့မျက်နှာစာတွင် "Category" ဆိုသည့်နေရာကို ကြည့်ရှုပါ။

• TPS EAD: ၎င်းတွင် A12 သို့မဟုတ် C19 ဟု ရေးသားထားပါမည်။ ဤကတ်သည် ၂၀၂၆ ခုနှစ်၊ ဇန်နဝါရီလ ၂၆ ရက်နေ့တွင် သက်တမ်းကုန်ဆုံးပါမည်။
• Asylum Pending EAD: ၎င်းတွင် C08 ဟု ရေးသားထားပါမည်။ ဤကတ်သည် TPS သက်တမ်းကုန်ဆုံးမှုကြောင့် သက်ရောက်မှုမရှိပါ။
• TPS EAD (A12/C19): ဤကတ်များသည် မြန်မာနိုင်ငံအတွက် TPS အစီအစဉ် ရပ်ဆိုင်းလိုက်ခြင်းကြောင့် ဇန်နဝါရီ ၂၆ ရက်နေ့နောက်ပိုင်းတွင် အသုံးမပြုနိုင်တော့ပါ။
• Asylum EAD (C08): ဤကတ်၏ သက်တမ်းသည် ကတ်ပေါ်တွင် ရေးသားထားသည့် ရက်စွဲ (Expiration Date) အတိုင်းသာ ဖြစ်သည်။ သင့်တွင် Asylum Case တစ်ခု ရှိနေပြီး C08 ကတ် ကိုင်ဆောင်ထားပါက TPS သက်တမ်းကုန်သွားသော်လည်း အဆိုပါကတ်ဖြင့် အလုပ်ဆက်လုပ်နိုင်ပါသည်။

သင်လုပ်ဆောင်ရန် အချက်များ (Action Steps)

၁။ သင့်ကတ်ကို စစ်ဆေးပါ: သင့်တွင် EAD ကတ် နှစ်ခုရှိနေနိုင်ပါသည်။ သင့်အလုပ်ရှင်ကို တင်ပြထားသည့်ကတ်သည် C08 (Asylum) အမျိုးအစားဖြစ်ပါက ဘာမှလုပ်ရန်မလိုပါ။
၂။ အလုပ်ရှင်ကို အသိပေးရန်: အကယ်၍ သင်သည် ယခင်က A12/C19 (TPS) ကတ်ဖြင့်သာ အလုပ်သွင်းထားပြီး၊ သင့်တွင် C08 (Asylum) ကတ် အသစ်ရှိနေပါက ဇန်နဝါရီ ၂၆ ရက် မတိုင်မီ အလုပ်ရှင်ထံ အဆိုပါ C08 ကတ်အသစ်ကို တင်ပြ၍ Form I-9 ကို ပြန်လည်ပြင်ဆင် (Reverify) ခိုင်းရပါမည်။
၃။ EAD အသစ်လျှောက်ရန်: အကယ်၍ သင့်တွင် C08 (Asylum) ကတ် မရှိသေးဘဲ TPS ကတ်တစ်ခုတည်းသာ ရှိပါက၊ သင့်တွင် Pending Asylum Case ရှိနေကြောင်း အထောက်အထားဖြင့် Category C08 အတွက် အလုပ်လုပ်ကိုင်ခွင့်ကတ်အသစ်ကို USCIS ထံ ချက်ချင်း လျှောက်ထားသင့်ပါသည်။

အနှစ်ချုပ်ပြောရလျှင် - TPS သက်တမ်းကုန်ဆုံးခြင်းသည် TPS ကတ်များ (A12/C19) ကိုသာ ပျက်ပြယ်စေခြင်းဖြစ်ပြီး၊ Asylum လျှောက်ထားသူများအတွက် ထုတ်ပေးထားသော C08 ကတ်များကို ထိခိုက်မှု မရှိပါ။)

လက်ရှိမှာ 'Aung Doe v. Noem' ဆိုတဲ့ အမည်နဲ့ ရှေ့နေတွေက ဒီ TPS အဆုံးသတ်မှုကို တားဆီးဖို့ တရားရုံးမှာ ရင်ဆိုင်နေကြပါတယ်။ ဇန်နဝါရီလ ၂၆ ရက် နောက်ဆုံးမိနစ်မှာ တရားရုံးကနေ တစ်စုံတစ်ရာ အမိန့်ထုတ်ပြန်ပြီး ဒီအဆုံးသတ်မှုကို ရွှေ့ဆိုင်းပေးမလားဆိုတာကို USCIS ရဲ့ တရားဝင် ဝဘ်ဆိုက်မှာ မျက်ခြေမပြတ် စောင့်ကြည့်ဖို့ လိုပါတယ်။

ကျွန်တော် Abel Aung ပါ။ နောက်ထပ် ထူးခြားတဲ့ သတင်းတွေ ထပ်ရှိလာရင် ချက်ချင်း မျှဝေပေးသွားပါမယ်။
🙏🏻 အားလုံးဘေးကင်းကြပါစေ။

တရားဝင် အရင်းအမြစ်များ (Official Sources)
• TPS အဆုံးသတ်ခြင်းနှင့် EAD သက်တမ်း: Federal Register Notice (90 FR 53378) https://www.federalregister.gov/documents/2025/11/25/2025-21069/termination-of-the-designation-of-burma-myanmar-for-temporary-protected-status

• တရားရုံး၏ အခြေအနေ (Lawsuit): Aung Doe v. Noem, International Refugee Assistance Project (IRAP) Case Updates https://refugeerights.org/news-resources/aung-doe-v-noem-challenging-the-governments-termination-of-tps-for-burmese-nationals

By: Abel Aung - ကိုအောင် (Pending DOJ Recognition and Accreditation)

01/23/2026

📢 အခွန်ရာသီအတွက် သတင်းကောင်း! 💰😊

💵 ရှေ့အပတ် တနင်္လာနေ့၊ ဇန်နဝါရီလ ၂၆ ရက်နေ့ဟာ အမေရိကန်နိုင်ငံရဲ့ အခွန်ရာသီ (Tax Season) တရားဝင် စတင်တဲ့နေ့ ဖြစ်ပါတယ်။
✨ ဒီနှစ်မှာတော့ ပျော်ရွှင်စရာကောင်းတဲ့ အံ့အားသင့်စရာတွေ အများကြီး ရှိလာတော့မှာပါ။

✨ ကျွန်တော်တို့ရဲ့ အလုပ်လုပ်ကိုင်နေတဲ့ မိသားစုများအတွက် အခွန်လျှော့ပေါ့မှုကြောင့် အမေရိကန်မိသားစု သန်းပေါင်းများစွာဟာ ပိုမိုများပြားတဲ့ လုပ်ခလစာတွေနဲ့ ပိုမိုများပြားတဲ့ အခွန်ပြန်အမ်းငွေ (Tax Refunds) တွေကို ရရှိကြတော့မှာ ဖြစ်ပါတယ်။

💰ကိန်းဂဏန်းတချို့ကို အမြန် ပြောပြပါရစေ -
• ဒေါ်လာ ၄,၀၀၀ - ဒါကတော့ ဒီနှစ်အတွက် အမေရိကန်နိုင်ငံသားတစ်ဦးချင်းစီ ရရှိမယ့် ပျမ်းမျှအခွန်ပြန်အမ်းငွေ ပမာဏ ဖြစ်ပါတယ်။
• ဒေါ်လာ ၁၀,၀၀၀ - ဒါကတော့ အလုပ်လုပ်ကိုင်နေတဲ့ မိသားစုတွေအတွက် တစ်နှစ်တာ လက်ထဲရောက်ရှိမယ့် အသားတင်ဝင်ငွေ ပျမ်းမျှ တိုးတက်လာမယ့် ပမာဏ ဖြစ်ပါတယ်။

🤔 စဉ်းစားကြည့်ပါဦး၊ တစ်နိုင်ငံလုံး အတိုင်းအတာအရ ပျမ်းမျှ ဒေါ်လာ ၁၀,၀၀၀ တောင် တိုးလာမှာပါ။
• ၁၅ ရာခိုင်နှုန်း - ဒါကတော့ တစ်နှစ်ဝင်ငွေ ဒေါ်လာ ၁၅,၀၀၀ နဲ့ ၈၀,၀၀၀ ကြားရှိတဲ့ မိသားစုတွေအတွက် ပျမ်းမျှ အခွန်လျှော့ပေါ့မှု နှုန်းထား ဖြစ်ပါတယ်။

🥰 ကျွန်တော်တို့ရုံးမှာ လက်ရှိ Tax Return လာရောက်လုပ်ဆောင်နေကြတဲ့ မိဘပြည်သူများစွာဟာလည်း များပြားတဲ့ ပြန်အမ်းငွေပမာဏတွေကြောင့် ပျော်ရွှင်ကြည်နူးနေကြတာကို မြင်တွေ့နေရလို့ ကျွန်တော်တို့လည်း ဝမ်းသာပီတိဖြစ်ရပါတယ်။

သင်တို့အနေနဲ့လည်း မိမိတို့ ရသင့်ရထိုက်တဲ့ အခွန်ပြန်အမ်းငွေတွေကို အပြည့်အဝနဲ့ အမြန်ဆုံး ရရှိနိုင်ဖို့အတွက် ကျွန်တော်တို့ရုံးကို လူကိုယ်တိုင် (Walk-in) လာရောက်ဖို့ နွေးထွေးစွာ ဖိတ်ခေါ်အပ်ပါတယ်။

*** ကျွန်ုပ်တို့ရုံးသည် အမေရိကန်ပြည်ထောင်စုရှိ ပြည်နယ်အားလုံး (All States) အတွက် Tax Returns (Individual: W2 နှင့် 1099 များ) (Business: 1099, Company LLC, INC၊ ဆူရှီ၊ အသီးဆိုင်များ၊ ကြက်ခြံများ၊ Uber Driver များ၊ Truck Driver များ၊ Limousine Driver များ) အားလုံးအားလုံးအတွက် Tax Return လျှောက်ပေးခြင်း ဝန်ဆောင်မှုများကို ဆောင်ရွက်ပေးပါသည်။

📞 ဖုန်းနံပါတ် - 770.559.4978
⏰ ရုံးဖွင့်ချိန် - Monday to Friday: မနက် ၁၀:၃၀ နာရီမှ ညနေ ၅:၃၀ နာရီအထိနှင့် Saturday: မနက် ၁၁:၀၀ နာရီမှ
ညနေ ၄:၀၀ နာရီအထိ

01/14/2026

💡သင့်အခွင့်အရေးကို သိထားပါ: ICE သင့်အိမ်ကိုလာရင် ဘာလုပ်ရမလဲ?

ICE ဆိုတာ Immigration and Customs Enforcement (လူဝင်မှုကြီးကြပ်ရေးနှင့် အကောက်ခွန်များအာဏာပိုင်အဖွဲ့) ဖြစ်ပြီး အမေရိကန်ပြည်ထောင်စုရှိ လူဝင်မှုဥပဒေများကို အကောင်အထည်ဖော်ရာဌာနဖြစ်ပါတယ်။ ICE အရာရှိများ သင့်အိမ်ကိုလာပါက သင့်အခွင့်အရေးကို သိထားပြီး အေးအေးဆေးဆေး နေဖို့ အလွန်အရေးကြီးပါတယ်။

သိထားသင့်တာနဲ့ လုပ်ဆောင်သင့်တာတွေကတော့-

၁။ အေးဆေးတည်ငြိမ်စွာနေပါ။ ယဉ်ကျေးစွာပြောဆိုပါ။
ICE အရာရှိများဟာ သင့်ကိုလှည့်စားနိုင်ပါတယ်။ သူတို့က မိတ်ဆွေ၊ ဆွေမျိုး သို့မဟုတ် အခန်းဖော်တစ်ဦးဦးကို ရှာနေတယ်လို့ ပြောကောင်းပြောပါလိမ့်မယ်။ တံခါးမဖွင့်ပါနဲ့။ အေးဆေးတည်ငြိမ်ပြီး ယဉ်ကျေးစွာနေခြင်းဟာ အဓိကသော့ချက်ဖြစ်ပါတယ်။

၂။ သူတို့ရဲ့ Warrant ရှိလားမေးပါ။ တရားသူကြီးလက်မှတ်ရေးထိုးထားသော Warrant စာရွက်နှင့် သူတို့၏ တရားဝင်အထောက်အထား (ID) များကို ယဉ်ကျေးစွာမေးမြန်းပြီး ပြသပေးရန် တောင်းဆိုပါ။ သူတို့မှာ စာရွက်စာတမ်းများရှိပါက တံခါးပေါက်အောက်ကနေ ထိုးထည့်ပေးရန် တောင်းဆိုပါ။ အတွင်းဝင်ခွင့်မပေးပါနဲ့။
အရေးကြီး - တရားသူကြီးလက်မှတ်ရေးထိုးထားသော Warrant မရှိဘူးဆိုရင် ICE ဟာ သင့်အိမ်ထဲကို ဝင်ရောက်ခွင့် (သို့) ရှာဖွေခွင့် မရှိပါ။

၃။ သတိထားပါ။
ICE အရာရှိများဟာ Warrant ရှိတယ်လို့ လိမ်ညာပြောကောင်းပြောပါလိမ့်မယ်။ ဒါမှမဟုတ် တရားဝင်ဟန်ဆောင်ထားတဲ့ စာရွက်စာတမ်းတွေကို ပြသကောင်းပြသပါလိမ့်မယ်။ မည်သည့်စာရွက်စာတမ်းကိုမဆို ဂရုတစိုက်ကြည့်ရှုပါ။ ဖြစ်နိုင်ရင် ဓာတ်ပုံရိုက်ထားပါ။

၄။ ခွင့်ပြုချက်မပေးပါနဲ့။ မေးခွန်းတွေကို မဖြေပါနဲ့။ စာရွက်စာတမ်းတွေ မပေးပါနဲ့။ ဒီလိုပြောလို့ရပါတယ်- "ကျွန်တော့်အိမ်ထဲဝင်ခွင့် ကျွန်တော် ခွင့်မပြုပါဘူး။ ရှေ့နေမပါဘဲ ကျွန်တော် စကားမပြောချင်ပါဘူး။ ကျေးဇူးပြုပြီး ထွက်သွားပါ။" (***အကယ်၍ ကိုယ့်မှာရှေ့နေမရှိရင်လည်း၊ ရှေ့နေနဲ့သာစကားပြောရန်၊ သင်တို့မေးခွန်းများကို ရှေ့နေနဲ့သာ ဖြေရန်ပြောပါ။)
သူတို့က တံခါးဖြိုဝင်ဖို့ ကြိုးစားရင်တောင်မှ (*** အဖြစ်အပျက်အားလုံးကို တတ်နိုင်သလောက် ဖုန်းကနေ ဗွီဒီရို ရိုက်ကာ မှတ်တမ်းတင်ထားပါ။) သင့်ရဲ့ ခွင့်မပြုကြောင်းကို ပြောဆိုခြင်း၊ မှတ်တမ်းရှိထားခြင်းဟာ နောင်ဥပဒေရေးရာအတွက် အရေးကြီးပါတယ်။

၅။ ICE နှင့်တွေ့ဆုံပြီးနောက်
တွေ့ဆုံမှုအကြောင်း အသေးစိတ်မှတ်စုတိုများ ရေးမှတ်ထားပါ။ အောက်ပါအချက်များပါဝင်သင့်ပါတယ်-
• အရာရှိအရေအတွက်
• သူတို့ပြောခဲ့သောစကားများ
• ပြသခဲ့သော စာရွက်စာတမ်းများ (ရှိခဲ့ရင်)
• အင်အားသုံးမှု သို့မဟုတ် ပုံမှန်မဟုတ်သော အပြုအမူများ
ဒီမှတ်စုတွေဟာ နောင်လာမည့် လူဝင်မှုဆိုင်ရာ ကိစ္စရပ်တွေအတွက် အကူအညီဖြစ်စေနိုင်ပါတယ်။

၆။ ချစ်ရသူမိသားစုအတွက် အစီအစဉ်တစ်ခု ပြင်ဆင်ထားပါ။ အိမ်ထောင်စုဝင်တစ်ဦးဦး အဖမ်းခံရနိုင်ခြေအတွက် အစီအစဉ်တစ်ခု ရှိထားရန် အရေးကြီးပါတယ်။ ယင်းတွင် အောက်ပါတို့ ပါဝင်ပါတယ်-
• ချက်ချင်းဘယ်သူ့ကို ဖုန်းဆက်ရမလဲသိထားခြင်း (ရှေ့နေ၊ မိသားစုဝင်၊ လူမှုအဖွဲ့အစည်း)
• အရေးကြီးစာရွက်စာတမ်းများ (ID၊ လူဝင်မှုစာရွက်စာတမ်းများ၊ အရေးပေါ်ဆက်သွယ်ရန်နံပါတ်များ) ကို လုံခြုံသောနေရာတွင် သိမ်းဆည်းထားခြင်း
အဖမ်းခံထားရသူကို အောက်ပါလင့်ခ်မှတစ်ဆင့် ရှာဖွေနိုင်ပါတယ်- ICE Detainee Locator - https://locator.ice.gov/odls/ #/index

၇။ အဓိက သတိပေးချက်များ
• Warrant မပြဘဲ တံခါးမဖွင့်ပါနဲ့။
• တရားသူကြီးလက်မှတ်ရေးထိုးထားသော Warrant ကို တောင်းဆိုပါ။
• သင့်အိမ်ထဲ ICE ဝင်ခွင့် သင့်အနေနဲ့ ခွင့်မပြုကြောင်း ပြောပါ။
• တွေ့ဆုံမှုအပြီး မှတ်စုများနှင့် အထောက်အထားများကို သိမ်းထားပါ။
• တစ်စုံတစ်ဦး အဖမ်းခံရပါက ဘယ်သူ့ကို ဆက်သွယ်ရမလဲသိထားပါ။

သင့်အခွင့်အရေးများဟာ အမေရိကန်ဥပဒေအရ ကာကွယ်ပေးထားပါတယ်။ ကြိုတင်ပြင်ဆင်ထားခြင်းဟာ သင့်အတွက်ရော သင့်မိသားစုအတွက်ပါ ကြီးမားတဲ့ ခြားနားချက်ဖြစ်စေနိုင်ပါတယ်။ ဤအချက်အလက်များကို အိမ်နီးချင်းများ၊ မိတ်ဆွေများနှင့် ချစ်ရသူမိသားစုများနှင့် မျှဝေပေးပါ။ လူတိုင်း ဘာလုပ်ရမလဲသိအောင်ပါ။

*** မှတ်ချက်။ အိမ်အတွင်းသို့ ICE (လူဝင်မှုကြီးကြပ်ရေး) သို့မဟုတ် အစိုးရအရာရှိများ ဝင်ရောက်ခွင့်ကို ငြင်းဆန်ပိုင်ခွင့်

ဤအခွင့်အရေးကို အမေရိကန်ပြည်ထောင်စု ဖွဲ့စည်းပုံအခြေခံဥပဒေ ၏ စတုတ္ထပြင်ဆင်ချက် (Fourth Amendment) ဖြင့် အဓိက ကာကွယ်ပေးထားပါသည်။

စတုတ္ထပြင်ဆင်ချက် - လူများအား မသင့်လျော်သော ရှာဖွေစစ်ဆေးမှုများနှင့် ဖမ်းဆီးမှုများမှ ကာကွယ်ပေးပါသည်။

ဆိုလိုသည်မှာ - ICE သည် သင့်အား တရားသူကြီး၏ လက်မှတ်ရေးထိုးထားသော ဝင်ခွင့်လက်မှတ် (warrant) မရှိဘဲ သင့်အိမ်သို့ ဝင်ရောက်ခွင့် မရှိပါ။ သို့မဟုတ် သင် သူတို့အား ဝင်ခွင့် မေတ္တာရပ်ခံခြင်း (consent) မပေးဘူးဆိုပါက ဝင်ခွင့်မရှိပါ။

ထို့ကြောင့် သင် က ICE အား "ကျွန်ုပ်၏ အိမ်သို့ ဝင်ရောက်ခွင့်ကို ကျွန်ုပ် ခွင့်ပြုခြင်း မရှိပါ" ဟု ပြောဆိုသည့်အခါ၊ သင်သည် သင်၏ စတုတ္ထပြင်ဆင်ချက် အခွင့်အရေးများကို အသုံးပြုနေခြင်း ဖြစ်ပါသည်။

By: Abel Aung - ကိုအောင် (Pending DOJ Recognition and Accreditation)

01/09/2026

2026 New Year Message: "Priority GOD above all" 'Na vannuoi ah T**A a khatna ah koi den ding'

Speaker: Pastor, Thang Lian Khai

January 4th, 2026