Santa Rosa Methodist Church

Directions

Santa Rosa Methodist Church Santa Rosa Methodist Church

NA KENA I VAKAMACALA:E vakaraitaka na noda lesoni na lewa cecere ni Kalou ki na veika kecega e bulia. Oqo e dusia na nod...
09/30/2026

NA KENA I VAKAMACALA:
E vakaraitaka na noda lesoni na lewa cecere ni Kalou ki na veika kecega e bulia. Oqo e dusia na noda tiko vakarorogo na veika buli kecega vua na dauniveibuli. Sa vakadeitaka kina ni veika buli kecega e nona na Kalou.
Oqori na vanua saraga e yavutaki mai kina na vakasama vakayalo ni noda kacivi me da Tuirara ni vuravura oqo. E da buli me da ucuya na Kalou sa qai vauci keda na veiyalayalati ka tawamudu me yadrava na i lesilesi sa kacivi keda kina ko koya. Oqo na vanua sa qai laki vakamatana kina, na kena vakayagataki na qele e na sala vuku ka yalomatua.
Eda vulica e vica na ka ena lesoni oqo.
1. Me da tea ki na lomada ni veika kece e da garava e na vuravura ogo me sa sala ni noda so-Kalou vua na Kalou.
2. Eda sa kacivi me da tucake ka bulia vou na noda veiwekani kei na Kalou kei na veika bula kecega.
3. Eda sa vakananumi ni vuravura e sega ni noda ka sega ni taukena ia, sa nona duadua ga na Kalou.
4. Eda sa vakasalataki me da kakua ni vakasabusabutaka na i solisoli e solia vei keda na Kalou; gele, uciwai kei nai goliqoli.

ULUTAGA ME MASULAKI:
Na i tavi ni veiqaravi e da sa kacivi kina.

A KENA I VAKAMACALA:E mai vakadaberi na tamata e na lomadonu ni nona veibuli na Kalou ka lesi koya me lewa na cakacaka n...
09/29/2026

A KENA I VAKAMACALA:
E mai vakadaberi na tamata e na lomadonu ni nona veibuli na Kalou ka lesi koya me lewa na cakacaka ni liga ni Kalou. Na lewa ko ya e sega ni nona na tamata, ia, me vakadadamuria na nona lewa kei na nona i naki na Kalou. Na lewa kei na i naki ni Kalou e matata ni dauveimaroroi, dau vakatulewa maqosa, ka dau semata na nona veiwekani kei na veika buli kecega.
E vica na ka eda vulica ena lesoni oqo.
1. Eda sa kacivi kina me da vakatakila na kenai rairai na Dauniveibuli e na
kena maroroi ka tagomaki na vuravura ogo.
2. Meda kila ni vuravura ogo e nona na Kalou.
3. Me da tagomaka ka maroroya na noda veiuciwai, veikau, i goligoli kei na veika bula e ra bula wavoliti keda.

ULUTAGA ME MASULAKI:
Me maroroi na noda i lesilesi vaka i vakatawa.

NA KENA I VAKAMACALA:Na noda lesoni e dusia vakamatata na i tavi ni tamata kei na i naki ni nonakacivi ki na vuravura ka...
09/28/2026

NA KENA I VAKAMACALA:

Na noda lesoni e dusia vakamatata na i tavi ni tamata kei na i naki ni nona
kacivi ki na vuravura ka vakadaberi koya kina na Kalou. Ni cavuti "Tou ia" e vakaraitaka na tiko ni Lewetolu Vakalou, ka veivakananumi ni a buli na tamata me vakatakila na nona veiwekani na Kalou.
la, sa taqa mai e na dela ni naki ni veibuli oqori na i tavi me qarava na tamata e na vuravura oqo, oya me "lewa ... na veika bula kecega" (Vakatekivu 1:26-28). Ni dau vakayagataki cala na lewa oqori, sa kauta mai na mavoa, rusa kei na veivakalolomataki kei na nodra vakalolomataki na veika bula.
Nị dikevi vakatitobu na vosa e vakayagataki e na i Vola Tabu, sa vakatakila ni i naki ni Kalou vua na tamata oya me qarava na veika buli ena dua na sala e vakatoroicaketaka na tubu ena ruku ni veiliutaki loloma ni kalou.
Na i tavi ogori sa dusia ki vei keda me da kauwaitaka na veika talega e
kauwaitaka na Kalou, na gele, na wai kei na veika bula e ra wavoliti keda tu ka ra i talanoa kece ni nona veibuli na Kalou. Sa lewe ni vakatulewa ogori na veisusu kei na maroroi ni veika e bulia na Kalou me vaka ga na nona a maroroya mai na i vakatekivu; sa mai solia vei keda na i tavi me da mai tomana na veika sa cakava.

ULUTAGA ME MASULAKI:
Me da vakalesuya tale mai na i yaloyalo ni veibuli taumada ki na noda bula yadudua saraga.

NA KENA I VAKAMACALA:E vakabibitaka ko Niemaia e vica na i vakarau kei na i tovo vakayalo me ra tautauri kina na tamata ...
09/27/2026

NA KENA I VAKAMACALA:
E vakabibitaka ko Niemaia e vica na i vakarau kei na i tovo vakayalo me ra tautauri kina na tamata ena gauna ni veilecayaki. Era dusimaki ena vica na ka ogo. Na yalo ni nodra kauwaitaka na leqa sa tara na vanua; me ra vakasinaiti ena yalo ni daukerekere; vakadeitaki me ra tamata yaloqaqa;
kacivi me ra bulataka na vakararavi vua na Kalou; vakadeitaki me ra dauveivakayaloqaqataki. la, sa i lutua ni veitovo vakayalo kece oqori na
nodra tugana matua na vosa ni Kalou e lomadra.

E raica ko Niemaia ni vica na i vakarau se tovo vakayalo me vakayagataki me rawa ni cakava na Kalou na vakacokotaki ni dua na vanua sa kavoro se mavoa vaka ca sara.
Me ra lolo na tamata, vakaisulu taga ka boro dravusa na uludra me vaqaqacotaki kina na nodra veiwekani kei na Kalou. Sa dusia na i vakarau oqo na nodra vakamalumalumutaki ira vua na Kalou ka vakararavi kina nona veibuli vou.
E vica na ka eda vulica ena lesoni ogo.
1. Me vakasagarai matua na loma ni Kalou ena nona Vosa.
2. Me da sa soro, veivutuni ka lotu vei Jiova.
3. Me vakayagataki nai vakarau se tovo vakayalo (eda vulica ena loma ni macawa) me semata na noda veiwekani kei na Kalou.
4. Me da yalataki keda vou tale vua na Kalou.

ULUTAGA ME MASULAKI:
Me da kerea na veibuli vou Kalou ena noda vakayacora tikoga na lomana ena veisiga.

NA KENA I VAKAMACALA:Sa tukuni ena noda lesoni ni ra sa duavata na tamata ka kerea me kau mai na i vola ni vunau me mai ...
09/26/2026

NA KENA I VAKAMACALA:
Sa tukuni ena noda lesoni ni ra sa duavata na tamata ka kerea me kau mai na i vola ni vunau me mai wiliki kivei ira. Sa wiliki na i vola oqori mai na mataka ka yacova na sigalevu ka ra sa vakarorogo vakamatua kina na tamata. Sa talanoataka ko Niemaia ni a wiliki vakamalua na vosa ni Kalou, vakatakilai na kena i balebale ka vamacalataki talega vei ira na Jiu. A sa tarai ira na yalo e kavoro kei na yalomalumalumu ni sa cokai na utodra ena vosa ni Kalou.
Na Vosa ni vunau ni Kalou vei ira na Isireli tekivu mai na Vunau e Tini kei na kena e qai buli mai na loma ni vanua liwa me yaco ki Kenani sa maroroi kina na nodrau veiyalayalati. Era sa vakananumi tale kina na Isireli me vakavoui kina na bula ni ra lesu mai na vakabobulataki mai Papiloni.
E vica na ka eda vulica ena lesoni oqo.
1. Na gagadre ni tamata mai na vuni yalona dina me rogoca na vosa ni Kalou.
2. Na nodra tucake na veiliutaki me ra sa domo ni Kalou vei ira na tamata.
3. Na malumalumu ni yalo ena kena sa vorolaki ena kena sa wiliki vakamalua
ka vakamacalataki vakamatata na vosa ni Kalou.

ULUTAGA ME MASULAKI:
Na noda vakayacora na i vunau ena Vosa ni Kalou.

NA KENA I VAKAMACALA:Sa vakatekivu me ra tuvai valu ko ira na meca kei Jerusalemi me ra tarova na cakacaka ni tara bai. ...
09/25/2026

NA KENA I VAKAMACALA:
Sa vakatekivu me ra tuvai valu ko ira na meca kei Jerusalemi me ra tarova na cakacaka ni tara bai. Na tuva i valu oqori era sa lomalega kina e dua na i wase ni Juta ka ra sa tekivu yalolailai ka rere ena vuku ni veika era sa rogoca ka raica. Sa tekivu talega me waicala na yalodra ka mate yani vakamalua na nodra vakabauta ni tu na Kalou me vukei ira.
E vakauqeti ira na Isireli o Niemaia ena bibi ni nodra rerevaka na Kalou ena cakacaka vinaka ni tara bai. Sa vakadeitaki na turaga kei ira era veiliutaki me ra tu ena gaga ena yaca i Jiova ka valu ena vukudra na nodra vuvale kei na nodra kawa tamata.
E vica na ka eda vulica ena lesoni ogo.
1. Na susu tamata me ra yalo bolebole ka me ra veisosomitaki ena veisiga ni mataka.
2. Me da dau veivakayalogagataki na i tubutubu kei na gasenilotu ena gauna sa dau dredre kina na i lakolako.
3. Me da vakaugeti na luveda me kakua ni rawai ena veika era raica se rogoca ia, me ra vakanamata vua na Kalou ena veika era tatadrataka.
TARO ME VEIWASEITAKI:
1. Na cava na ka eda vulica rawa ena lesoni ogo?
2. E rawa ni ra vukei kina vakacava na i tabagone lewe ni Mataveitokani?

ULUTAGA ME MASULAKI:
Na nodra rawata na rerevaka na Kalou na lewe ni Mataveitokani.

NA KENA I VAKAMACALA:E basika ena noda lesoni na nodra vosa beci na Jiu era via laki vakacokotaka tale na nodra koro. Sa...
09/24/2026

NA KENA I VAKAMACALA:

E basika ena noda lesoni na nodra vosa beci na Jiu era via laki vakacokotaka tale na nodra koro. Sa tekivu na tara bai ka ra sa tu na kai Samaria me ra cavuta na vosa ni veivakayalolailaitaki ena cakacaka tabu oqori. Oqori na vuna sa cavuta kina na masu ko Niemaia ena nona vakasaqara na veivuke ni Kalou.

Era vagolea vua na Kalou na bolebole ni nodra sasaga na meca ni tara bai e Jerusalemi. Ka sa i talanoa ni bula vakararavi kei na vakanuinui vua na Kalou.

E vica na ka eda vulica na lesoni oqo.
1. Na yalo bolebole ni kena sasagataki na veika vinaka ena bula vakaitikotiko, vakavuvale se vakalotu.
2. Na vakararavi vakatabaki dua vua na Kalou sa dau solia na i nuinui ena gauna bolebole e curumi.
3. Na masu ena dela ni vakabauta sa sereka na kaukauwa veivakurabuitaki mai na liga loloma ni Kalou.

TARO ME VEIWASEITAKI:
1. Na cava na ka eda vulica rawa ena lesoni ogo?.
2. E rawa ni ra vukei kina vakacava na i tabagone lewe ni Mataveitokani?

ULUTAGA ME MASULAKI:
Na nodra vakauqeti na lewe ni Mataveitokani me ra vakararavi vua na Kalou.

NA KENA I VAKAMACALA:E talanoataka ko Niemaia nai tuvaki ni koro ko Jerusalemi. Na i talanoa ni koro oqo sa tukuna vakam...
09/23/2026

NA KENA I VAKAMACALA:

E talanoataka ko Niemaia nai tuvaki ni koro ko Jerusalemi. Na i talanoa ni koro oqo sa tukuna vakamatata na kena vakarusai vakaca ka talaraki na kena yavu ka sa dredre ki na manumanu me lakova na kena salatu. Ni sa vakatu oqori na i tuvaki ni koro ko Jerusalemi sa dusia na kedra i yaloyalo na lewena. la, sa rauti ira ga na tamata yaloqaqa ka rai yawa ka vakararavi vua na Kalou me ra viria vou tale na bai kei Jerusalemi.

Na basuraki ka vakamai na matamata ni koro sai talanoa ni veika e vakayacora na Kalou ena gauna era sega ni vakarorogo ka nuitaki koya kina na nona tamata. Sa curumi Jerusalemi na kaukauwa ni vakaduidui le ka buka ni vakadonui koya vakataki koya. Sa basika na i tovo ni veivakalolomataki ka sa wasei na bula vakatamata ena veika era dui rawata kei na i tutu vakavanua se tutu vakalotu era dui tu kina. Sa gadreva Vakalevu ko Jerusalemi na cakacaka ni veivakabulai.

Na veika eda vulica ena lesoni ogo.
1. Na yalogaga i Niemaia sa laki vakadeuca kina na veika sa rusa tu ena koro ko Jerusalemi.

2. Sa gadreva vakalevu ko Jerusalemi na tamata gaga me viria tale na kena bai.
3. Ni gadrevi me vakavoui na lotu kei na vanua e Viti ia sa gadreva na tamata yalogaga ka bulia na Kalou.
4. Na maroroi ni vuvale sa gadrevi kina na yaloqaqa ni tama, tina kei ira nai solisoli.
TARO ME VEIWASEITAKI:
1. Na cava na ka eda vulica rawa ena lesoni ogo? Yadudua, Vakavuvale se
Vavakoso Lotu.
2. E rawa ni ra vukei kina vakacava na i tabagone lewe ni Mataveitokani?

ULUTAGA ME MASULAKI:
Na noda rawata na yaloqaqa mai vale ena kena tokoni na cakacaka vinaka kecega.

NA KENA I VAKAMACALA:Sa cavuti ena noda lesoni na veika e vakayacora ko Niemaia ni oti na nona rogoça na kena sa vakarus...
09/22/2026

NA KENA I VAKAMACALA:

Sa cavuti ena noda lesoni na veika e vakayacora ko Niemaia ni oti na nona rogoça na kena sa vakarusai na bai kei na matamata ni koro mai Jeruisalemi. E cokai na utona ni rogoca na kena sa vakalolomataki na nona koro ka dau cibitaka tu. Sa tu ena doudou ni oti na nona masu me kerea vua na Tui me vukei koya ena cakacaka ni kena vakacokotaki na nona vanua.

Sa qai vakayagataka na kaukauwa vaka Tui Peresia na Kalou me vakatara ka vakadonuya na kerekere ni vakacoko. Na veivakadonui ni kerekere oqo sa cakacakataki kina na veika e gadrevi me taracake kina na matamata ni koro, na bai ni koro kei na vale me tiko kina ko Niemaia.
1. E vica na ka eda vulica ena lesoni ogo.
2. Na kerekere sa i tovo vinaka me da vakavulica mai vale.
3. Na kerekere sa i tovo vinaka me dau vakayagataki ni da gadreva na
velvakadonui ni kena vakayacori e dua na ka.
TARO ME VEIWASEITAKI:
1. Na cava na ka eda vulica rawa ena lesoni ogo?
2. E rawa ni ra vukei kina vakacava na i tabagone lewe ni Mataveitokani?

ULUTAGA ME MASULAKI:
Na nodra rawata na luveda lewe ni mataveitokani na i tovo vinaka ni dau kerekere ena veivanua kecega.

NA KENA I VAKAMACALA:E vakamacalataka ko Niemala na veika e a vakayacora ena gauna e rogoca kina na i tukutuku ni sa kab...
09/21/2026

NA KENA I VAKAMACALA:

E vakamacalataka ko Niemala na veika e a vakayacora ena gauna e rogoca kina na i tukutuku ni sa kabasu na bai kei Jerusalemi; ka vakamai talega na kena matamata ni koro. Sa vakarusai na veika e dodonu me maroroya ka taqomaka na koro ko Jerusalemi; ka tagica ni sa sega ni dua tale nai nuinui e tiko. la, sa vo duadua ga vua na nona Kalou me tagica na veivakabulai ena gauna bolebole e donumaka.

E rua na ka lelevu e vakarusai ka tagicaka ko Niemaia; na bai ni koro kei na matamata ni koro. Ogo e rua nai yaragi kaukauwa ni kena maroroi na vanua. la, ni sa kabasu na bai ka talaraki na matamata ni koro; sa tarava sara ga mai na veiseyaki kei na veilecayaki ni bula ena dua na koro.
E vica na ka eda vulica ena lesoni ogo.
Na yalo ni kauwai nei Niemaia ka vakaugeti koya me sotava na bolebole e donumaka.
Na nona kauta vua na Kalou na leqa ni nona vanua kei na kena kawa tamata.
Na nona vakabauta ni tu vua na Kalou nai wali ni nona leqa.

Na noda kauwaitaka na kena taqomaki ka maroroi na bai kei na matamata ni noda vuvale, koro, matanitu kei na vanua.
TARO ME VEIWASEITAKI:
1. Na cava na ka eda vulica rawa ena lesoni ogo?
2. E rawa ni ra vukei kina vakacava na i tabagone lewe ni Mataveitokani?

ULUTAGA ME MASULAKI:
Na nodra kauwaitaki na luveda lewe ni mataveitokani mai vale.

Address

492 Sonoma Avenue
Santa Rosa, CA
95401

Website

Alerts

Be the first to know and let us send you an email when Santa Rosa Methodist Church posts news and promotions. Your email address will not be used for any other purpose, and you can unsubscribe at any time.

Shortcuts

Share

Category