Santa Rosa Methodist Church

Santa Rosa Methodist Church Santa Rosa Methodist Church

NA KENA I VAKAMACALAOqo e dua na tikina kaukauwa e na i Vola Tabu, ka vakarautaka na bula vakaivakarau vakarisito. E vak...
06/17/2026

NA KENA I VAKAMACALA
Oqo e dua na tikina kaukauwa e na i Vola Tabu, ka vakarautaka na bula vakaivakarau vakarisito. E vakabibitaka kina ko Jemesa na bibi ni vakarorogo, tarovi ni cudru, kei na kena cakacakataki na Vosa.
E tolu na i dusidusi ki na i rairai ni vakabauta e via vakaraitaka ko Jemesa.
• Matai: "oi kemudou na wekaqu lomani, mo dou kusarawa yadua me vakarorogo"
• Karua: "mo dou berabera ga ni vosa"
Katolu: "mo dou berabera ni cudru"
E vica na ka eda vulica ena tikina oqori.
1. Ko iratou na tolu na i dusidusi mai cake e sega walega ni dua na i vakarau ni
bula vakatamata; ia sa i tovo ka i rairai ni bula ni vakabauta na Kalou. Ena vei tikina ka koto ena noda lesoni era dusia na i tovo ni Kalou.
2. Me da kakua walega ni rogoca na vosa, ia, me da matanataka ka bulataka yani ena noda bula ena veisiga. Sa levu na noda kila, sa levu talega na ka eda sa vulica ka rogoca ia sa vaka e mamare ka dravudravua sara na kena cakacakataki. Me da sa yadrava tale mada vakavinaka na noda vakarorogo kei na noda cakava sara yani ena noda bula ena veisıga.
3. E dusia talega na lotu dina ena noda kauwaitaki ira na malumalumu, na luveniyali kei na yada. Ogori nai yaloyalo rawarawa sara ni kena cakacakataki na noda vakabauta.
4. Ni da bula ena dua na vuravura ka vakabibitaka na ka kecega me
vakatotolo ia, me sa vakalevutaki na noda vakarorogo ka vakalailaitakı se vakaberaberataki na vosa kei na cudru.

ULUTAGA ME MASULAKI:
Meu matanataka na vakabauta dina.

NA KENA I VAKAMACALANa i vola i Jemesa e volai vakadodonu ki vei ira Jiu e ra sa lotu, ka ra sa veiseyaki ki na veivanua...
06/15/2026

NA KENA I VAKAMACALA
Na i vola i Jemesa e volai vakadodonu ki vei ira Jiu e ra sa lotu, ka ra sa veiseyaki ki na veivanua e na kaukauwa ni veivakacacani e vakayacora ko Eroti. E vakarautaki na i tukutuku e na yavu ni bula vaka Jiu, ka vakayagataka na i Vola Tabu Makawa me nodra i vurevure ni toso ki liu.
E wasea vakarua ko Jemesa na i wasewase ni nodra bula; na dravudravua kei na vutuniyau; na bula dina ga vakatamata kei na bula vakayalo. Ena bula vakayago kei na bula vakayalo era na dau sotava tikoga na veika dredre se na veivakatovolei. Na veika dredre oqori era sega ni rawa ni vakaleqai ira, ia e dua na sala ka vakatuburi kina na nodra vakabauta.
Ko Jemesa e vakauqeti ira na tamata lotu me ra raica ni veivakatovolei sa
dua na sala ni Nona veivakavulici se veibuli na Kalou.
E vica na ka e rawa me da vulica ena noda lesoni:
1 Na veivakatovolei e vaka na bukawaqa ka vakasavasavataka na koula; e vakasavasavataka na noda vakabauta.
2. Kerea na vuku vaKalou me rawa kina me da kila ka vulica na nona i naki
ena veika eda lako curuma
3. Na bula e sega ni tudei; na veivakatovolei eda lako curuma sa buli keda me da yaco me yavutaki vakayalo ka tudei ena noda vakabauta ni bera na noda lako yani.
4. Na Kalou sa dau vakayagataka na bolebole eda lako curuma me da matua ka tubu cake kina vakayalo.

ULUTAGA ME MASULAKI:
Na veivakatovolei au lako curuma.

NA KENA I VAKAMACALANa uto ni nona i talanoa na Daunivolavola, na bibi ni noda loloma vei ira eda bula veimaliwai vata t...
06/14/2026

NA KENA I VAKAMACALANa uto ni nona i talanoa na Daunivolavola, na bibi ni noda loloma vei ira eda bula veimaliwai vata tu. Sa dabe na vakasama ogo ena i vunau rabailevu ni Kalou "mo lomana na Kalou me vaka ko sa lomani iko"; ia, na Daunivolavola sa veivakadeitaki ni kevaka eda vinakata me da lomana na Kalou, me saravi ena noda lomani ira na wekada.

Ni da mai vakacavara na macawa totoka oqo ni vuvale, eda sa vakaugeti me da tei lesuva tale mada na i naki ni Kalou me baleta na kena tauyavutaki na vuvale. E tukuna e dua na dauniveivakalotutaki rogolevu ko Dr Myles Munroe, ni gauna e sega ni kilai kina na i naki ena sega ni tagei rawa na veivakalolomataki - where purpose is not known, abuse (abnormal use) is inevitable.

Sa ka bibi vei keda na tamata Lotu vakarisito me da bulataka na i vakaro se vunau levu ena i Vola Tabu, sa i koya me da lomana na Kalou ena lomada taucoko, valoda taucoko kei na noda kaukauwa taucoko; ka me da veilomani me vaka ga na noda dui lomani keda. Ogo na ka e dusia toka
Vakamatata ko Joni ena noda tikina koula.
Sa ka bibi ka dodonu kina me ra taqomaki ka maroroi na tamata kecega ena noda matavuvale, kei na noda veitikotiko. Se vakacava na i tuvaki ni noda veimaliwai se i tuvaki ni bula ni dua na lewe ni vanua; sa kilikili ka dodonu sara me ra rokovi, dokai ka lomani mai vei keda kece sara na lewe ni vuvale, i tikotiko, koro se vanua.

ULUTAGA ME MASULAKI:
Me tubu cake tikoga na noda veilomanı ka me ra lomanı na tamata kecega.

NA KENA I VAKAMACALAEna tikina koula ni noda lesoni ni kua e da vulica kina na tadoka ni vakasama, tagi kei na madua e y...
06/13/2026

NA KENA I VAKAMACALA
Ena tikina koula ni noda lesoni ni kua e da vulica kina na tadoka ni vakasama, tagi kei na madua e yacovi Tema ena vuku ni ca e vakayacori vua, "A sa kaburaka ki uluna na dravusa ko Tema, ka dresulaka na nonai sulu veivolavolai sa vakaisulu kina, a sa tabaka na uluna e na ligana, ka lako voli, a tagi tiko." Na ka vakaloloma e yacovi Tema e vu ga mai e na loma ni nona vuvale; mai vua saraga na ganena ko Eminomi kei na wekana dina ko Jonatapi.
Na i tukutuku tabaki me baleta na kisi ni kucu e Viti e sa dua na i tukutuku veivakamaduataki dina. Ena yabaki 2023 e 299 taucoko era beitaki kina, ena yabaki 2024 era lewe 435 era beitaki kina, ena Janueri - Me 2025 e 73 taucoko era beitaki ena kisi ni kucu. Ena Jiune, 03 2025, e tabaki ena i tukutuku tabaki mai na tabana ni veibeitaki ni matanitu na veitukutuku ogo: e dua na cauravou yabaki 14 e sa beitaki ena rua na cala ni nona kucuva na ganena yabaki 12. E vakaraitaka ogo na valenivolavola ni Darekita ni Veivakadodonutaki ni Matanitu ena nona i wiliwili ni vula o Me ka vakaraitaki ni kua. Na i wiliwili ni veika e yaco ena loma ni vale e vakaraitaka e vitu na ka e yaco erau veiwekani kina o ira na vakalegai kei ira era beitaki. E dua na ka e yaco ka beitaki kina e dua na gonetagane yabaki 16 ena ono na cala ni nona vakalolomataka e dua na gone e yabaki 9. E dua na turaga yabaki 30 e beitaki ena nona vakalolomataka na luvena yabaki 12. E dua na cauravou yabaki 25 e beitaki ena nona vakalolomataki koya na tavalena yabaki 15.
Na veitukutuku tabaki oqori e sa vakawaqaca e dua na sikinala damudamu
vei keda kece sara e Viti ka vakabibi vei keda na vuvale Lotu vaKarisito ni sa dodonu meda sa yadrayadravaki ka vakayaçora e dua na ka ena kena tababokoci na cakacaka ni kucu se vakayacori tiko ni tovo kaukauwa ka
lolovira ogo.
Sa dodonu me da tuvata ka saqata vakaukauwa sara na i tovo veibeci ogo ni kucu; baleta ni na sega ni yacovi koya walega ena siga e vakayacori kina vua na kucu, ia, e dua na mavoa kei na tadoka ni vakasama ena tara tu na nona bula ena nona bula taucoko.

ULUTAGA ME MASULAKI:
Me da masulaka me tababokoci ena noda veivuvale na kena vakayacori tiko na kucu kei na itovo kaukauwa ka lolovira vakaoqo.

NA KENA I VAKAMACALAEna noda lesoni ni kua e vakabibitaka kina na daunivolavola na bibi ni bula vakawati kei na kena vak...
06/12/2026

NA KENA I VAKAMACALA

Ena noda lesoni ni kua e vakabibitaka kina na daunivolavola na bibi ni bula vakawati kei na kena vakayagataki vakadodonu na i solisoli ni veiyacovi
ena loma ga ni bula vakaveiwatini. A rau sa yaco na rua me rau duabua, "a rau sa luvaiwale na tagane kei na watina, a rau sa sega ni madua". Sa dua na ka bibi vua na Daunivolavola e na i Vakatekivu na kena maroroi na tiko vakawati me ka tabu, dokai ka savasava.

Na i tukutuku matanidavui e mai tauri rawa ena yabaki sa oti 2025, oya ni matai ni ono na vula e tauri na i wiliwili ni lewe 498 taucoko na kisi ni bukete dole vei ira na noda goneyalewa. E lewe walu mai na i wiliwili ogo e vakadeitaki ni lailai nodra yabaki ni bula mai na 15. E kauwai vakalevu
sara tiko kina na tabana ni bula ena luluqa ni nodra yadrayadravaki na i tubutubu. Oqo e dua na kauwai dina ka dodonu me da sa taura sara ga vakabibi na i tubutubu ka me da veitalanoataka ka wasea yani se cava e rawa ni da vakayacora vata me tarovi kina na lega levu ogo.
Eda sega ni cakitaka ni tubu cake tiko ni dua na gone e tiko vata kei na veisau e yaco tiko ena yagona, nona vakasama kei na yalona. Oqo e yaco ena gauna e sa ra tekivu curuma kina na goneyalewa kei ira na gonetagane na bula vaka goneyalewa se vakacauravou ka sa tekivu me sa vakatakila hodra vakasama kei na yagodra na garogaro; ka sega ni tabu oya ni sa tiki tiko ga ni bula vakatamata. Na veisau oqo e sa na yaco mai kina na i matai ni nodra mate vakavula na goneyalewa ka dau vakayacori na kena sogo ka vakatokai na butudravu me marautaki kina na i taba ni bula vou ogo. E na gauna talega ogo sa dodonu me ra vakasalataki kina ki na bibi ni nodra maroroi ira ki na bula ni veiyacovi, baleta ni rawa ni ra na bukete dole kina.

Vei ira talega na noda gonetagane, era sa na kana i bure ka ra tekivu me ra curuma mai na bula vakacauravou.

la, sa ka bibı sara eke na nodra vakararamataki vinaka, tuberi ka vakavulici ena nodra maroroi ira ka kakua ni vakasabusabutaki ira ki na vakasama ni nodra soli ira vakarawarawa tu yani ki na bula ni veiyacovi.

Ni da vakasabusabutaka na dina oqo, ka da vakaluvaiwaletaki keda vua e dua e sega ni watida, ena yaco kina na bukete dole, volitaki ni yagodra kina veiyacovi (prostitution), na lasa i tuba, kei na vakadewavi ni veimate lelevu me vaka na STD's kei na HIV.

Eda sa kerei na i tubutubu me da sa vakavulici ira sara ga vakavinaka na luveda mai vale, ka me kau tani na vakasama ni tabu e dau tu mai liu.
Me da veitalanoataka vakasavasava ka vakadreti ira vakavinaka kina na luveda.

ULUTAGA ME MASULAKI:
Me ra nanumi na luveda me ra kakua ni rawai vakarawarawa ka coriti ki na kena vakasabusabutaki na i solisoli ni veiyacovi.

NA KENA I VAKAMACALASa mai vakarau me ratou veitalatala na tisaipeli kei Jisu ka sa vakasalataki iratou na tisapeli me r...
06/11/2026

NA KENA I VAKAMACALA

Sa mai vakarau me ratou veitalatala na tisaipeli kei Jisu ka sa vakasalataki iratou na tisapeli me ratou veilomani me vaka na nona daulomani iratou.
Ogo e dua na i vunau vou ka sa mai soqoni vata kece kina na i vunau e na i vola ni lawa e 5 i Mosese; ka sa uto ni vunau oqo na nodratou veilomani na tisaipeli.

Oqo sa dua na lesoni vinaka vei keda vakavuvale, ni gauna eda sotava kina se tu e matada e dua na dredre se bolebole, me da qai veilomani sara vakavinaka ka toso vata me da curuma kina na dredre.

Sa dua tu vei ira na veileqa lelevu e tara tu na noda Viti ena gauna ni kua na kena tubu cake tiko ga na kena vakayacori tiko na i valavala kaukauwa ka lolovira ena loma ni noda veivuvale. Eda sa vulica oti mai na noda lesoni ena siga Moniti ni dua vei ira na yavu bibi ni bula vakavuvale sa i koya na veilomani.

E sega ni rawa ni da na tarova na veiveisau ni draki ni bula vakavuvale; ena so na gauna ena maravu tu; ka so na gauna ena voravora na kena sokotaki na waqa ni noda veivuvale.

ULUTAGA ME MASULAKI:
Me tubu vakalevu na cakacaka ni noda veilomani mai vale ka me tababokoca na kena vakayacori tiko na i tovo kaukauwa ka lolovira.

06/11/2026

Mai Vakayakavi Mada

NA KENA I VAKAMACALAEna noda lesoni ena siga ni kua sa i sema ni talanoa ni i vakatawa vinaka ka vakatauvatana ko Jisu k...
06/10/2026

NA KENA I VAKAMACALA
Ena noda lesoni ena siga ni kua sa i sema ni talanoa ni i vakatawa vinaka ka vakatauvatana ko Jisu kei na i vakatawa ca. Na i vakatawa vinaka sa kauta mai na bula kei na vakacegu ki vei ira na sipi, ia, na i vakatawa ca, sa kauta mai na rusa kei na veivakalolomataki.

Ni da tukuna ni da tamata lotu se da vakabauti Jisu, e dodonu me da i vurevure ni vakacegu vei ira mai vale ka sega ni da i vakarere tu vei ira. Ena tikina e ciwa ni noda lesoni e vakamatatataka kina na Turaga ni ko koya na katuba ki na bai ni sipi, ia, kevaka e dua na tamata ena curu kina

e na dau curu yani ka na dau curu mai ka na kune kakana. Oqo e dusia na vakacegu ni bula e tu vei Jisu kei Ira na tusanaka ni sa nodra Turaga ka nodra i Vakabula ko Jisu.
E a tarogi e dua na gone ni Kadavu, bau vakaevei toka ko tata? A qai sauma ni a kaya ni ko tata e vaka sara ga e dua na agilose ni tucake tu mai na tevale ni vunau, la, nı tu maı vale e sa vaka nı dua na jimoni levu ka tu mai kacei. Ogo na dina ni velka e yaco sara tıko ga ena noda bula na ı tubutubu ena loma ni veivuvale; eda răirai vinaka wale toka ga e loma ni valenilotu, ia, eda sa i vakarere tu vei ira na luveda mai vale ena veisiga.
E yalataka o Jisu ena tikina e tini, ni naki ni nona lako mai me rawati kina na bula e taucoko. la, na bula oçori ena sega ni vakilai ke vakayacori tiko na i valavala kaukauwa ka lolovira mai vale. Oqori nanodra cakacaka na yasana fari sne rarmai buea ca, raka taikavkaruai naracaele
na Turaga.
Me da vakadadamuri Jisu, me da solia noda bula ena vukudra na sipi ka kakua ni vakatolosevi ira, vakasaurarataki ira, se vakalolomataki ira mai vale.

ULUTAGA ME MASULAKI:
Me ra nanumi o ira na marama, goneyalewa kei ira na gone e kedra tu na i samu ni dawa ni veivakalolomataki mai vale.

NA KENA I VAKAMACALAEna noda lesoni ni kua eda wilika ka rogoca kina e dua na i vakaro vakadodonu mai vua na Kalou vua n...
06/09/2026

NA KENA I VAKAMACALA
Ena noda lesoni ni kua eda wilika ka rogoca kina e dua na i vakaro vakadodonu mai vua na Kalou vua na tui Juta, vei ira na nona vakailesilesi, kei ira na tamata era curu yani ki na matamata vakatui, ka vakabibitaki kina ni veiliutaki dina e yavutaki ena noda soli keda ki na kena vakayacori na lewa dodonu kei na nodra taqomaki ko ira era malumalumu. Na kaci me ia "na lewa kei na i valavala dodonu" e sega walega ni dua na i tavi vakamatanitu, ia, e dua na i vakavuvuli va-Kalou, ka vakaraitaka na uto ni veiyalayalati ni Kalou kei ira na Nona tamata.

E dau tukuni tu ni ra lewe ni vuvale malumalumu o ira na gone, goneyalewa kei ira na marama. Na Veiyalayalati Makawa kei na Veiyalayalati Vou e vakadeitaka na dina oqo ni Kalou e kauwaitaki ira na tamata era dau biligi, ka tabaki sobu vakaoqo.
E vakabibitaka o Joni Wesele na dina oqo ena nona tukuna me da "kakua ni cakava na e dua na ka cala" me da "caka dodonu". Oqo e dusia na veirokovi ka da sega ni butakoca se vakasaurarataki ira se vakalolomataki ira era malumalumu ka tiko ena loma ni noda veivuvale.

Ni da sega ni qarauna na tikina bibi oqo; e basika tiko kina na veivala ka tini ena veivakamavoataki kei na laba; nodra sa sega ni dei na gone me ra tiko e vale ka ra sa vakasaqara na veitutu ni sala ena noda veikoro lelevu me ra sa mai vakaitikotiko kina. Sa levu talega vei ira na luveda kei na marama tina era sa bula tu ga ena dela ni rere kei na taqaya ena veisiga.

Me ra maroroi ka taqomaki na watida, luveda kei ira na malumalumu era tiko ena noda loma ni vuvale ni sa i vakaro ni Kalou oqo vei keda.

ULUTAGA ME MASULAKI:
Me da masulaki ira era dau veivakasaurarataki ka veivakalolomataki me cilavi ira na rarama ni Kalou ka veisautaka na nodra i tovo kei na nodra i
valavala ni bula.

Address

492 Sonoma Avenue
Santa Rosa, CA
95401

Website

Alerts

Be the first to know and let us send you an email when Santa Rosa Methodist Church posts news and promotions. Your email address will not be used for any other purpose, and you can unsubscribe at any time.

Shortcuts

Share

Category