Anij Yokwe Marshallese Christian Radio

09/07/2026

Kejota elikin JAR

09/07/2026

ÑE ANIJ EJ UKOT MOUR EO AM

Juon Katak jen Mour eo an Jacob

Gen 32:24-28

Unin kōnono: Anij emaron bōk juon armij eo ej eñtan, jab wāppen im ukōte ñan juon eo emaron kajerbale.

Mour eo an Jacob ekajur kinke ear jab wãppen. Ear kōmman bōd, riab armij, ko jen jorrāān, iion abañ ko an baamle, im kar tarinae kin mijak. Ak ilo aolep men kein, Anij ear jab bōjrak an jerbal ilo mour eo an Jacob.

1. Jacob ear kōṇaan kōjeraaṃṃan eo
Gen 25:29-34

Jen yio ko an jinoin, Jacob ear kõnan maroñ in manje eo im jerammõn eo ej ekkejellok ibben karõk ko an bujen eo an Anij. Ear bõk jimwe in manje eo an Esau im tokelik ear bõk kajerammõn eo an Isaac ikijen riap.

Jacob ear kōnaan jerammõn eo, ak ekkã an kar bõke ilo ial eo ebwid. Men in ej katakin kij kin juõn mol eaorõk: jab kajeoñ in kajejjet kitien karõk eo an Anij ilo idea an armij

Jet ien jej kajeoñ in iroij ion armij ak jekjek ko. Melele in ej bwe jej kareel, kōmman, riab, mōkaj, ak kamakit jekjek ko bwe ren etal ilo wāween eo jej kōnaan kinke jej mijak bwe karōk eo an Anij ejamin walok.

Tōmak ej ba, "Anij, inaj bokake Yuk im liki Yuk kin plan eo am" enjake an armij ej ba, "Ij aikuj in kōmmane men in ñan ña make."

Elañe Anij emol an kallimur kin juon men, jejjab aikuj in jerawiwi, m̧oņe, ak kōm̧akokoik juon bwe kojem en bellok n̄an bōke.

2. Anij Emaroñ Letok Men eo Ear Kalimur kake
Gen 28:15; Rom 4:21

Anij ear ba ñan Jacob, "I jamin illok jen yuk, mae ien eo Ij kōmmane men eo Iar konono ñan yuk kake" (Gen 28:15).

Rom 4:21 ej ba bwe ta eo Anij ear kallimur kake, Emaroñ bareinwõt kõmmane. Hebrew 10:23 ej kakememej kij bwe Eo ear kallimur ej tiljek. Bōnbōn 23:19 ej katakin bwe Anij ejjab riab; men eo Ear konono, E maroñ in kakūrmool.

Mol in katak eo: Elañe Anij ear kallimur kake, kwojjab aikuj in kareel armij ro bwe ren bōke. Kwojjab aikuj in kōmman bwe en bellok kejem eo. Lōke Anij, bokake E, im kōttar ien eo An, bwe ta eo Anij ej kallimur kake, Anij emaron in kōmmane.

3. Jacob ear iion Anij ke ear ko
Genesis 28:10-17

Ãlikin an kar m̦on̦e Esau Jacob ear etal jãn m̦weo im̦õn. Juon bon, ear kiki im bitok juon dreka, ekar ettōnak kin juon ladder ej tōpar lal ñan lañ. Anij ear kallimur bwe enaj bed ibben im kejbãrok e.

Jacob ear ko jen abañ ko an, ak ear jab maroñ ko jen iman mejen Anij.

Jet ien Bethel eo am ej itok ilo ene jemaden eo am. Jacob ear lemnok bwe ear bed ilo juon jikin eo ejelok armij ie, ak ke ear ruj ear ba, "Emool Jeovah ej bed ijin; im I ar jab jelā kake" (Jenesis 28:16).

Anij emaron iion yuk ilo jikin ko kwar jab lemnok in lo E.

4. Anij Ear Kōjerbal Leban ñan ukot Jacob
Genesis 29-31

Jacob ear m̧oņe ro jet, ak ilo m̧weo im̧ōn Leban Jacob eaar en̄jake ta eo ej en̄jake n̄e rej m̧oņe e. Ear jerbal jiljilimjuon yio ñan Rachel ak ear bōk Leah, innem ear jerbal bar jiljilimjuon yio ñan Rachel.

Anij ear jab baj ukōt wōt jekjek ko an Jacob; Anij ekar ukōt Jacob.

Jet ien jej jar, "Iroij, ukōt wāween eo io." Ak Anij ej ba mokta, "Inaaj ukōt yuk."

Iien ko rebin im armij ro rejjab eman nan kwe remaroñ erom ro Anij ej kajerbali ñan kalōk kijenmij, ettā buru, meletlet, kijenmij, im kadkad.

5. Jacob ear aikuj in jelmae ta eo ear ko jen e
Genesis 32:6-12

Āliktata Anij eaar jiron̄ Jacob bwe en ro̧o̧l n̄an m̧weo im̧ōn. Etal ñan mweo ej melelen jelmae Esau. Ke Jacob ear roñ bwe Esau ej itok im jiljino bukwi emman ibben, ear jino an mijak.

Kwojjab maroñ in ko jen inne eo am. Jet ien Anij ej bōktok nan yuk bwe En maroñ in kemour ta eo ear walok ijo.

Jacob ear kōmman karōk ko im jilkintok menin lelok ko mokta, . Ewōr tarinae ko me money, meletlet, connection ko, im karōk rejjab maroñ in kōmmane. Jej aikuji Anij.

6. Jacob ear ooktak ibben Anij
Genesis 32:24-26

Genesis 32:24 ej ba, "Im Jacob ear make ian, im juon angel ear ooktak ippān ṃae raantak."

Jet ien Anij ej kōmman bwe jen make iaad bwe En maroñ in ukot kij make - ettolok jen armij ro, men ko ad, karōk ko ad, im armij ro jej atartar ioir.

Jacob ear lamõj, "Ijjab kōtlok eok elañe kwojjab kejerammõn iõ."

Jacob ear jolok elap ien ilo an kar kajeoñ in bōk jerammõn ko ibbenn armij ro. Ilo Peniel ear katak bwe jerammōn eo ear lukkun aikuji ej aikuj itok jen Anij.

7. Anij Ear Kajjitōk ippān Jacob Etan
Genesis 32:27

Anij ear kajitōk ippān Jacob, "Ta etaṃ?" Anij ear jelā etan, ak Jacob ear aikuj in kile wōn e.

einwot ke Anij ear ba, "Mokta jen aō ukōt eok,kwoj aikuij jela wōn kwe."

Oktak ej jino ñe jej bōjrak ad pretend iman mejen Anij. Jemaroñ ba, "Irooj, na e Eñin mōjno eo ao. Eñin mour eo ao enana. Eñin ijo iar likjab ie."

Anij ej iion kij im ukot mour ko ad

8. Anij ear ukōt etan Jacob
Genesis 32:28

Anij ear ba, "rejjamin bar ņaetan etam̧ Jacob, ak naj naetam Israel."

Anij ear jab baj ukōt wōt jekjek ko an Jacob; ak Anij ear ukōt Jacob.

Ear deloñ ilo boñ einwot Jacob im diwōjtok einwot Israel. Ear deloñ ilo wrestling im ear diwōjtok im jerammōn. Ear deloñ ilo an mijak Esau im ear diojlok ke ear iion Anij.

Anij ejjab baj itoklimo wōt kin ta eo emaron lewoj ñan yuk, ak bareinwōt kin wōn eo kwoj erom.

9. Jacob ear etetal ilo juon wewein eo eoktak elikin an kar iion Anij
Genesis 32:31

Elikin an kar iion Anij, Jacob ear etetal kin an mōjņo kinke Anij ear no murin

Jacob ear bōk juon kōjeraam̧m̧an, ak ear barāinwōt ajukuk. Jet ien kein kamool eo elaptata bwe jaar iion Anij ejjab bwe jaar kajoorlok ilo kij make, ak bwe jaar katak ewi joñan ad mõjno ne ejako ilo kij

Mokta jen Peniel, Jacob ear atartar ion maroñ eo an. Elikin Peniel, kajjojo bun̄tōn ej kakeememej e, "Ij aikuj Anij."

Ion Anij eo emol ej ne Anij ej ukōt wāween ad etetal ak mour

Kōjemlok: Jen Jacob ñan Israel
Bōlen juon ej eñjake einwot Jacob rainin. Kwaar kōmman bōd ko. Kwar eñjake inebata. Kwaar ko. Ewōr am apañ ko ilo baamle eo am. Kwoj mijak kin ta eo ej bed iman.

Bwebwenato eo an Jacob ej jiron kij bwe mour eo am mokta ejjab aikuj in jebta eo eliktata ilo mour eo am.

Anij eo ear iion Jacob ilo Bethel, ear kejbãrok Jacob ilo mweo imõn Leban, ear tarinae ibben Jacob ilo Peniel, im ear ukõt Jacob ñan Israel ej Anij eo ej ukõt mour ko rainin.

Jab ko jen E. Bed ilo jar. Dāpij wōt am tōmak. Bon in aban eo am emaron erom jibboñ in oktak eo am.

Kōjemlok Katak eo
"Jacob ear deloñ ilo boñin eo im kajeoñ in bōk juon jerammõn, ak jen bonin eo ear einwõt juõn armij eo eoktak. Jet ien jerammõn eo elaptata an Anij ejjab men eo Ej likit ilo peõm - ak ej men eo Ej ukõt ilo buruõm."

09/07/2026

Kojeraman Army an Christ 5/6/26

09/04/2026

Katak: “ Jeraman eo ebed Iman— Mour eo an Ruth”

Ruth 1:16–17
Unin Tiljek: Tiljek ilo ien ko rebin emaron tellok kij ñan juon ilju eo elaplok jen ad kar lemnok kake.

Kwalok melele

Bok in Ruth ej jino kin ñūta, mij, buromõj, im ejelok tokjen, ak ej jemlok kin menin aikuj, mare, juon ajiri, im juon jolet.

Ruth ear jako leo belen. Naomi ear jako l̦eo belen im l̦õm̦aro nejin. Ak ke rar jab maroñ lo ta eo Anij ej kōmmane, Anij ekar kōpooj juon jikin kallib, juon em̧m̧aan etan Boaz, im juon epepen ilju im jekļaj.

1. Ruth ear kālet Anij ilo iien eo mour ear jab bidodo

Elikin mij eo an leo belen, Neomi ear jiroñ Ruth bwe en jeblak ñan armij ro an. Ak Ruth ear uwaak:

Ruth 1:16 (KJV):

“Ijo kwoj ilok ielok, I naj ilok ie, im ijo kwoj bed ie, I naj jokwe ie: armij ro am re naj armij ro aõ, im am Anij aõ Anij.”

Ruth ear jab lor Naomi kinke aolep men rar emõn. Ear lor ke ilju jeklaj eo an ear jab alikar.

Eñin ej tõmak eo emool.

Ejjab bin ñan ba, “Ij liki Anij,” ñe aolep men reman. Ak Ruth ej katakin kij ñan ba:

“Meñe ijjab melele kin mour eo aõ, inaj baj wot kãlet Anij.”

Jet ien jokālet eo am elaptata ñan Anij enaj walok ilo ien am buromõj.

2. Ruth ear etal jen men eo ear jelā kake

Ruth ear etal jen Moab im etal ippãn Naomi ñan Bethleem.

Ear etal jen ailiñ eo an, armij ro an, im ta eo ear jelā kake.

Ear jab jelā bwe Bethlehem enaaj kar erom jikin eo mour eo an enaaj kar oktak ie.

Jet ien Anij ej bōk kij ñan maanlok ilo an kajjitōk ibbed bwe jen kōtlok ta eo ej bed ilik.

Kwojjab maroñ in debij Moab im etal nan Bethlehem ilo juon wot ien.

Phi 3:13–14 ej katakin kij ñan meloklok kin ta eo ej bed ilik im tōpar ta eo ej bed iman.

“Elaplok men ko rej bed iman mejōm jen ta eo kwar luuji ilikim.”

3. Ruth ear tiljek wōt ilo an kar jerbal ilo field .

Ke Ruth ear tōpar Bethlehem, ear jab jijet im kõttar juon men in bwilōñ.

Ear etal in jerbal.

Ruth 2:2:

“Kwon kōtlok bwe in etal ñan jikin kallib eo, im aini grain...”

Ear bōk ta eo ro ri-m̧adm̧ōd raar ilok jeni.

Ear jab juon jerbal eo elap an aiboojoj.
Ejelok ear nebar e.
Ear jab lukkun jelā kake.
Ear baj tiljek wōt.

Jen lemnok eo an Ruth, ear walok an deloñ ilo jikin kallib eo an Boaz.

Ak jen lemnok eo an Anij, men in ej juon karok.

Ear lemnok bwe ej kappok grain.

Anij ear tel e ñan destiny eo an.

Jet ien kwoj lemnok bwe kwonaj baj jerbal wōt.
Kwoj lemnok kwoj baj jibañ wōt juon armij.
Kwoj lemnok ej bar juon raan ekaal.

Ak Anij emaron likit juon kōjerammōn eo elap ilo juon raan eo ekaal.

Wōnm̧aanļo̧k wōt Wōnm̧aanļo̧k wōt im jerbal. Jar wōt. Wōnm̧aanļo̧k wōt im tiljek.

4. Boaz ear loe Ruth

Ruth 2:5:

“Kora in ia lien?”

Boaz ear lo Ruth.

Etke?

Reputation eo an ekar tōpar Boaz.

Ruth 2:11:

“.Boaz ear uak im ba, emwij ao ron kin aolep men ko kwar kommoni nan jinom elikin an leo belem mij ijela kin am kar likit ailin eo am, kab jemam im jinom, bwe kwon itok im jokwe ibwiljin armoj rein kwoj jab jela kajjeir..”

Ruth ear jab kajeoñ in kareel Boaz.

Ear baj mour wōt ilo tiljek.

Im kadkad eo an ear konono kin e mokta jen an kar konono kin e make.

Ej juon men ekajur.

Jab jolok am mour bwe armij ren lo yuk.

Kwon tiljek ijo Anij ear likit eok ie.

Ñe ejjejet ien eo am Anij ejelā kilen kōmman bwe armij ro rejejjet ren lo ta eo Ear likiti ilo kwe.

5. Ruth ear etal jen. Jabwe nan lutoklok

Ilo jinoin Ruth ekar bōk bwe ko ilo jikin kallib.

Ak Boaz ear jiroñ ri jerbal ro an:

Ruth 2:16:

“Komin bar kanek jet barley jen tir ko im ilok jeni im kotlok bwe en aini...”

Ruth ear jino ilo an bōk ta eo ear nan lal.

Innem Boaz ear jiroñ:

“Kwōn jolok jet men ñan e ilo purpose.”

Ewōr kōjeraam̧m̧an ko Anij ej kōtļo̧k bwe ren wōtlo̧k ilo mour ko ad me jejjab maron̄ kar kōpooji nan kōj make.

Kwomaroñ naetan men in coincidence.

Ak jet ien lañ ej ba:

“Ekar jab juon coincidence. Ikar likit ijo ñan kwe.”

Ruth ear itok ñan Bethlehem kin ejjelok, ak Anij ear keboj elōñ men ko nan Ruth.

6. Boaz ear erom ri-redeemer eo an Ruth

Boaz ear laplok jen an kar juon ri wia bwidej eo elap an jouj. Ear erom ri-redeemer eo an Ruth.

Menin ej letok ñan kij juon pija eaiboojoj ej kwalok kin Jesus Christ.

Ruth ekar juon ri ailiñ ko eo ekar jab maroñ in keboj ilju im jeklaj eo an make.

Ak juon ri lomor ear deloñ ilo bwebwenato in mour eo an.

Enin bwebwenato in mour ko ad ilo Jitob.

Jar jebel jen Anij kin jerawiwi, ak Jesus ear itok in bin mour ñan kij.

Eph 1:7:

“Bwe kin botoktokin Christ Anij ear kanomkwoj kij, melelein ear jerlok bwid ko ad…”

Boaz ear kōllā wōnāān eo ekkar ñan an maroñ in wiaiki.

Jesus ear kōllā wōnāān eo elaptata ñan kij ilo Calvary.

Drebwel eo ej jiron kij:

Men ko remotlok rejjab laplok jen jouj eo An.
Likjab eo am ejjab laplok jen bōtōktōkin.

7. Metak eo an Ruth ear erom mõttan karõk eo an Anij elaplok

Eliktata Rut ear Mare Boaz.

Ear wõr juon nejierro l̦addik etan Obed.

Obed ear keotak Jesse.

Jesse ear keotak David.

Innem epepen ko tokelik, jen David, ear itok Jesus Christ.

Lale ta eo Anij ear kōmmane!

Ruth ear jino einwõt juõn kõrã ejako belen jen Moab.

Ear jab maroñ in lemnok bwe etan enaj kar erom mõttan menmenbwij eo ej kwalok ñan Christ.

Ear lemnok bwe bwebwenato eo an ej kin an jako leo belen.

Anij ear jelā bwe bwebwenato eo an enaj ñan epepen ko.

Ruth Ear lo metak.

Anij ear lo purpose.

Ruth ear lo juon jikin kallib.

Anij ear lo juon baamle.

Ruth ear lo Boaz.

Anij ear lo bloodline.

Ruth ear lo rainin.

Anij ej lo epepen ko.

Ruth ear lo men kein:
Kwōle.
Mij.
Kōrā eo emej pāleen.
Jeramol.
Ej etal jen Moab.
Jerbal ilo jikin kallib eo an bar juon armej.

Ak Anij ej lo men eo emanlok.

Ro jera, kwomaroñ kalimjek inne eo am ak ta ko rar waloklale lik in tapestry eo

Anij ej lo pija eo emoj an dedelok.

Jab Bōjrak ilo Jebta Juon

Elañe Ruth ear bōjrak ilo chapter juon, bwebwenato eo an enaj kar kin mij im jako.

Ak ekar wor juon jebta ruo.

Ekar wor juon jebta jilu.

Im ekar wor juon jebta emān.

Juon ej aikuj in roñjake men in:

Jab ekajete aolepen mour eo am kin chapter eo kwoj mour ie kiõ.

Jebta juon: Ruth ekar buromõj.

Jebta ruo: Ruth ekar mōñā.

Jebta jilu: Ruth ekar tõmak.

Jebta emen: Ruth ekar lo joij im bar restore.

Ruth ear jino kin mij leo belen im jemlok kin juon baamle.

Ta eo ear jino kin ejelok ej jemlok kin obrak.

Ta eo ear jino kin jako ear jemlok kin jolet.

Kin men in, kwõn jab give up ak kwon wonmanlok enwot Ruth.

Ñe kwojjab melele—like Anij.
Ñe kwoj metak—kwon tiljek.
Ñe ejelok armij ej lo eok—wōnm̧aanlok wōt im jerbal.
Ñe kwoj aini mõñã ko rej bed wot—wõnmanlok wõt im aini.
Ñe ilju im jeklaj eo am ejjab alikar —wõnmanlok wõt im tõmak.

Im kwomaroñ lo bwe jikin eo kwar lemnok kwoj baj mour wōt ie...

ekar jikin eo Anij ekar kōpooje ilju im jeklaj eo am.

Naan in kōjemlok

jab bōjrak ilo jebta juon.
Aō jako ejjab jemlokin bwebwenato eo aõ.
Metak eo aõ ejamin jolok karõk eo an Anij.
Inaaj tiljek wōt ilo jikin kallib eo aō.
Inaaj lōke aō ri lomor.
Im ij tõmak bwe Anij emaron ukõt jorrãn eo aõ ñan jolet eo aõ!”
◦

08/24/2026

Yokwe followers ro an AY jeraman jen Rikaki rein Jemed

07/20/2026

07/10/2026

Speech eo an Jazel ilo UN komol Iroij kin mour in an Jazel Iroij jiban e im bed ibben. Anij en laplok an jiban yuk im kojeraman yuk ilo men otemjej love you

06/18/2026

Anij en Kojeraman aolep followers ro an AY