https://www.facebook.com/220014607864907/

Bhagavat Katha by Dongare Maharaj, Online, Raleigh, NC (2026)

07/03/2024

🌹 *શ્રી કૃષ્ણ કન્હૈયા લાલ કી.. જય* 🌹

💐💐💐💐💐
*સ્કંધ-૧*
*ભાગવત રહસ્ય-૩૧*
💐💐💐💐💐

ધ્યાનમાં બીજા કોઈનું ચિંતન કરશો નહિ. કોઈ જીવનું કે કોઈ જડ વસ્તુનું ધ્યાન ના કરો. *અનેક જન્મથી આ મનને રખડવાની ટેવ પડી છે. ધ્યાનમાં –સહુ-પહેલાં સંસારના વિષયો દેખાય છે.તે ના દેખાય તેનો કોઈ ઉપાય ? તેનો ઉપાય એ છે કે જયારે ધ્યાન કરતાં મન ચંચળ બને –ત્યારે વારંવાર –પરમાત્માનું કિર્તન કરો.*
*કૃષ્ણ કિર્તનથી જગતનું વિસ્મરણ થાય છે.*

પરમાત્માના મંગલમય સ્વરૂપને નિહાળતા-તેના નામનું કિર્તન કરો. *વાણી કિર્તન કરે (મુખથી) અને આંખ દર્શન કરે તો મન શુદ્ધ થાય છે.*(મન શુદ્ધ થતાં -ધ્યાન થાય છે).મન-શુદ્ધિ સ્નાનથી-દાનથી-તીર્થયાત્રાથી કે (એવા બીજા કશાથી ય ) થતી નથી. તેનાથી શરીર શુદ્ધ થાય છે.ઈશ્વરના સતત –ચિંતન અને ધ્યાનથી જ મન સુધરે છે. *જરા વિચાર કરો........કે-મન ક્યારથી બગડ્યું છે ?*
*બાળક નિર્દોષ હોય છે.પણ તે મોટું થાય છે એટલે સંસારનું ચિંતન કરવા લાગે છે. એટલે તેનું મન બગડે છે.*

જેને જગત સાચું લાગે છે તે જગત સાથે પ્રેમ કરે છે. પરમાત્મા સાચા લાગે છે તે પરમાત્મા જોડે પ્રેમ કરે છે.
*જ્ઞાની મહાત્માઓ જગતમાં રહે છે પણ જગતનું ચિંતન કરતા નથી. એટલે તેમનું મન પવિત્ર રહે છે.*

*શ્રીકૃષ્ણના કિર્તન-દર્શન-ધ્યાન- સિવાય મનને શુદ્ધ કરવાનો કોઈ ઉપાય નથી.* ધ્યાન કરવાથી-મનથી-પરમાત્મા જોડે મિલન થાય છે. ધ્યાન કરવાથી જીવ-ઈશ્વરનું મિલન થાય છે.

આ શરીર જેવી મલિન વસ્તુ કોઈ નથી. આ શરીર મળમૂત્રથી ભરેલું છે. શરીરનું બીજ જ અપવિત્ર છે. *આ શરીરથી પરમાત્માને મળવું અશક્ય છે. ઠાકોરજીને મનથી મળવાનું છે.* અને –ધ્યાન- વગર મનોમિલન થતું નથી. *વૈષ્ણવો પરમાત્માને મનથી મળે છે.*

જીવ અલ્પશક્તિ છે, પરમાત્મા અનંત શક્તિમાન છે. જીવ અનંત –શક્તિમાનનું ધ્યાન કરે –તો તેનામાં અનંતશક્તિ આવે છે.આજકાલ લોકો શક્તિ માટે ગોળીઓ ખાય છે. ગોળીઓ ખાવાથી શક્તિ મળશે- તો કોઈ નિમિત્તે તે બહાર નીકળી જશે. તે ટકતી નથી.પણ *પ્રભુ નું ધ્યાન કરો તો પ્રભુની શક્તિ તમારામાં આવશે. પ્રભુ સાત્વિક શક્તિ આપે છે.* કેટલાક ફુરસદ મળે. તો-બીજાને ઘેર વાતો કરવા જાય છે. પણ *જયારે જયારે ફુરસદ મળે ત્યારે ધ્યાન કરો.*

પાપ અને પુણ્યનું ફળ કાળાંતરે મળે છે.અનેક વાર -આ જન્મમાં કરેલા કર્મનું ફળ બીજા જન્મમાં મળે છે.
પણ *પરમાત્માનું ધ્યાન એવું છે કે તેનું ફળ તરત મળે છે. તમારું મન તરત પવિત્ર થશે.* ધ્યાન

05/05/2024

🌹 *શ્રી કૃષ્ણ કન્હૈયા લાલ કી.. જય* 🌹

💐💐💐💐💐
*સ્કંધ ૧*
*ભાગવત રહસ્ય-૭૨*
💐💐💐💐💐

*શમીકઋષિના પુત્ર-શૃંગીને ખબર પડી કે – પોતાના પિતાનું રાજાએ અપમાન કર્યું છે. તેથી તેમણે-રાજાને શાપ આપ્યો છે*.‘રાજાએ મારા પિતાના ગળામાં મરેલો સાપ નાખ્યો –પરંતુ *આજથી સાતમે દિવસે-તેના ગળામાં જીવતો સાપ જશે. તેને તક્ષક નાગ કરડશે. તેનું મરણ થશે.’*

આ બાજુ પરીક્ષિત ઘેર ગયા –માથેથી *મુગુટ ઉતાર્યો અને તેમને- તેમની ભૂલ સમજાઈ.* મેં આજે પાપ કર્યું છે. મારી બુદ્ધિ બગડી.મેં ઋષિનું અપમાન કર્યું. મારા વડીલો તો બ્રાહ્મણો માટે પ્રાણ આપતા. તેમના વંશમાં હું આવો થયો?

*બુદ્ધિ બગડે ત્યારે માનવું –કે કંઈક અશુભ થવાનું છે-કોઈક આપત્તિ આવવાની છે*.
*પાપ થઇ જાય તો* તેનો વિચાર કરીને –શરીરને તે માટે સજા કરો. *તે દિવસે ઉપવાસ કરો. પાપ ફરીથી થશે નહિ.* તમે તમારાશરીરને સજા કરશો-તો યમરાજ તમને ઓછી સજા કરશે.
પાપ કરે અને એવી ઈચ્છા રાખે કે –મને આ પાપની સજા ના થાય-એ પણ પાપ છે.

ધન્ય છે-રાજા પરીક્ષિતને!! જીવનમાં એક વાર જ પાપ કર્યું છે-પણ પાપ કર્યા પછી પાણી પણ પીધું નથી.

*જે વખતે પરીક્ષિતે સાંભળ્યું કે મને ઋષિકુમારનો શાપ થયો છે.પરીક્ષિતે કહ્યું-‘જે થયું તે સારું થયું. ઋષિકુમારે મને શાપ આપ્યો નથી-પણ સાત દિવસ ભક્તિ કરવાનો સમય આપ્યો છે.ખરેખર બ્રાહ્મણે કૃપા કરી છે-* જો આજ ને આજ મરે-તેવો શાપ આપ્યો હોત તો –હું શું કરી શકવાનો હતો ? પરમાત્માએ મારા આ પાપની સજા કરી છે. સંસારના વિષય સુખમાં હું ફસાયેલો હતો. એટલે મને સાવધ કરવા –પ્રભુએ કૃપા કરી.*મને શાપ ન થયો હોત તો –હું ક્યાં વૈરાગ્ય ધારણ કરવાનો હતો ? મને ભક્તિ કરવાની તક આપી છે. આજ દિન સુધી મેં મરવાની તૈયારી કરી નહોતી. હવે હું મરવાની તૈયારી કરીશ.’*

સાતમે દિવસે મરવાનો છું-તે સાંભળ્યું અને રાજાના વિલાસી જીવનનો અંત આવ્યો છે. જીવન સુધર્યું છે.

પરીક્ષિતને ખાતરી હતી કે હું સાતમે દિવસે મરવાનો છું, પણ આપણ ને –એ –ખબર નથી- તેથી આપણે વધુ સાવધાની રાખવાની છે. *મૃત્યુ હર સમયે માથે છે-એમ માનશો –તો નવું જીવન શરુ થશે. આત્મભાન થશે.*

પરીક્ષિત ઘરનો ત્યાગ કરી-દોડતા દોડતા –ગંગા કિનારે આવ્યા છે.ગંગાસ્નાન કર્યું અને દર્ભ પર વિરાજ્યા છે. અન્નજળનો ત્યાગ કરી-ભગવત-સ્મરણમાં તલ્લીન થયા છે. મોટા મોટા ઋષિઓને આ વાતની ખબર પડતાં વગર આમંત્રણે મળવા આવ્યા છે.રાજા –રાજમહેલમાં વિલાસી જીવન ગાળતા હતા ત્યાં સુધી-કોઈ ઋષિ ર

04/30/2024

🌹 *શ્રી કૃષ્ણ કન્હૈયા લાલ કી.. જય* 🌹

💐💐💐💐💐
*ભાગવત રહસ્ય -૪૬૧*
💐💐💐💐💐

*રુક્મિણીજીને ત્યાં પ્રદ્યુમનનું પ્રાગટ્ય થયું છે.* પ્રદ્યુંમને શમ્બરાસુરનો વધ કર્યો.

શ્રીકૃષ્ણનું બીજું લગ્ન સત્યભામા સાથે,
ત્રીજું લગ્ન જાંબવતી સાથે,
ચોથું યમુનાજી,
પાંચમું મિત્રવૃંદા,
છઠ્ઠું લક્ષ્મણાજી,
સાતમું નાગ્નજીતી અને
આઠમું ભદ્રા સાથે થયું છે. આ પ્રમાણે આઠ લગ્નો થયાં છે.

*શ્રીકૃષ્ણની આઠ પટરાણીઓ છે.*

થોડો વિચાર કરવામાં આવે તો ધ્યાનમાં આવે છે કે –પ્રકૃતિ અષ્ટધા છે (ગીતામાં અષ્ટધા પ્રકૃતિનું વર્ણન છે) અષ્ટ (આઠ) પટરાણીઓ તે અષ્ટધા પ્રકૃતિ છે. *પ્રકૃતિના માલિક ઈશ્વર છે.પ્રકૃતિ ઈશ્વરને આધીન છે.*
જયારે જીવ એ પ્રકૃતિને આધીન બને છે (પ્રકૃતિનો દાસ બને છે) તેથી બંધનમાં આવે છે.

*પછી સોળ હજાર રાજકન્યાઓ સાથેના શ્રીકૃષ્ણના લગ્નની કથા આવે છે.*
_વેદની સોળ હજાર ઋચાઓ (મંત્રો-શ્લોકો)માં ગૃહસ્થાશ્રમનું વર્ણન છે._
_વેદો પરમાત્માનું વર્ણન કરતાં થાકી ગયા પણ પરમાત્માનો અનુભવ થયો નહિ,ઈશ્વરનો પત્તો લાગ્યો નહિ,_
_એટલે આ વેદની ઋચાઓ કન્યાઓ થઇ અને શ્રીકૃષ્ણને વરવા આવેલી._

*વેદના મંત્રો કેવળ શબ્દ-રૂપે છે તેવું નથી,દરેક મંત્રના ઋષિ અને દેવ છે.*

આ વેદમંત્રના દેવો તપશ્ચર્યા કરી થાકી ગયા પણ બ્રહ્મ-સંબંધ થયો નહિ, એટલે તેઓ રાજકન્યા રૂપે આવ્યા છે.ભગવાન શ્રીકૃષ્ણની સેવા કરવા આવ્યા છે.

(વેદના ત્રણ કાંડ છે અને
એક લાખ મંત્રો છે.

કર્મકાંડના ૮૦ હજાર મંત્રો બ્રહ્મચારીઓ માટે,
ઉપાસનાકાંડના ૧૬ હજાર મંત્રો ગૃહસ્થાશ્રમીઓ માટે અને
૪ હજાર મંત્રો સન્યાસી અને
વાનપ્રસ્થીઓ માટે છે-જે વિરક્ત છે એણે માટે વેદાંતનું જ્ઞાન છે.
જે વિલાસી છે તે વેદાંતનું તત્વજ્ઞાન સમજી શકતો નથી)

*ભૌમાસુરે સોળ હજાર કન્યાઓને કેદમાં રાખેલી. ભૌમાસુરનો વધ કરી શ્રીકૃષ્ણે તેમને છોડાવી.*
*પરંતુ કન્યાઓ ભૌમાસુરના કેદખાનામાં રહેલી એટલે જગતનો કોઈ પુરુષ તેમની સાથે લગ્ન કરવા તૈયાર થતો નથી.* રાજકન્યાઓ દીન બનીને શ્રીકૃષ્ણના શરણે આવી છે. *નિરાધારના આધાર શ્રીકૃષ્ણ છે.*
*શ્રીકૃષ્ણે તે સોળ હજાર રાજકન્યાઓ જોડે લગ્ન કર્યા છે.*

જરા વિચાર કરવાથી ખ્યાલમાં આવશે –કે-વેદ-મંત્રોને ભૌમાસુરે કેદમાં રાખેલા.
ભૌમ એટલે શરીર. શરીર ભૂમિમાંથી ઉત્પન્ન થયું છે અને ભૂમિમાં મળી જાય છે.
શરીર સાથે રમવામાં સુખ માને તે કામી-વિલાસી જીવ તે ભૌમાસુર.
આવા જીવના હાથમાં વેદ-મંત્રો જાય તો તે પોતાની

03/22/2024

🌹 *શ્રી કૃષ્ણ કન્હૈયા લાલ કી.. જય* 🌹

💐💐💐💐💐
*સકંધ-૧૦*
*ભાગવત રહસ્ય -૩૮૩*
💐💐💐💐💐

*કનૈયો કહે છે-કે-બાબા, ગોવર્ધનનાથ આપણા બધાનું રક્ષણ કરે છે.*
ગોવર્ધનનાથે મને ઘણી વાર દર્શન આપ્યા છે.
નંદબાબા પૂછે છે કે-લાલા, તને ગોવર્ધનનાથનાં દર્શન ક્યારે થયેલાં?

શ્રીકૃષ્ણે કહ્યું કે-બાબા, એક વખત વનમાં મને બે વાઘ મળ્યા.હું તો ગભરાયો.ત્યારે ગિરિરાજમાંથી ચાર ભુજા વાળા દેવ બહાર આવ્યા, અને બંને વાઘને મારી નાંખ્યા. અને મારે માથે હાથ મૂકી કહ્યું કે-“તું ગભરાતો નહિ,હું તારું રક્ષણ કરું છું.”
બાબા,મારો ગોવર્ધનનાથ જીવતી જાગતી જ્યોત છે, તેમની તમે પૂજા કરો,તે બધાને દર્શન આપશે.

નંદબાબાને આનંદ થયો છે, લાલાને ગોવર્ધનનાથનાં દર્શન થયાં છે.માટે લાલો આટલા ચમત્કારો કરે છે.

*શ્રીકૃષ્ણે આજે ઇન્દ્રનો ગર્વ ઉતારવાનો નિર્ણય કરેલો. તેથી શ્રીકૃષ્ણ બધાને સમજાવે છે કે-આ વર્ષે ઇન્દ્રની પૂજા કરવાને બદલે ગોવર્ધનનાથની પૂજા કરીએ.*

નંદબાબાએ કહ્યું-કે-લાલા, અમે કોઈ ગોવર્ધનનાથનો પૂજાવિધિ જાણતા નથી. તો પૂજા શી રીતે કરીશું ?
ત્યારે લાલો જવાબ આપે છે કે-બાબા,હું પૂજાવિધિ જાણું છું.તમે ચિંતા ના કરો.
બધા ગોવર્ધનનાથની પૂજા કરવા તૈયાર થયા છે.

*કનૈયો કહે છે કે-બાબા, ઇન્દ્રના યજ્ઞમાં માત્ર બ્રાહ્મણોનું જ સન્માન થાય છે,પણ ગરીબોનું સન્માન થતું નથી,મારે તો ગરીબોને ખવડાવવું છે.* બાબા,મારા ગુરુએ કહ્યું છે કે-ગરીબોને અન્નદાન થાય, ગાયોની સેવા થાય અને સાધુઓનું સન્માન થાય એટલે પરમાત્મા પ્રસન્ન થાય છે.મારે ગાયોનો વરઘોડો કાઢવો છે.

*(ગોવર્ધનલીલામાં ગાયોનો વરઘોડો થાય છે)*

બેસતા વર્ષે અન્નકૂટ કરીશું, ઠાકોરજી આરોગવાના છે, માટે તમે સુંદર વાનગીઓ લઇ આવજો.

*શ્રીકૃષ્ણ દરેકને પોતપોતાના ઘરેથી ભાતભાતની વાનગીઓ લાવવાનું કહે છે.અને કહે છે કે-જેના ઘરથી સામગ્રી નહિ આવે તેને ઘેર અન્નપૂર્ણા પધારશે નહિ.*

નંદબાબા પૂછે છે કે-લાલા,તારો ઠાકોરજી આરોગશે તે અમને દેખાશે ?
લાલો કહે છે-કે- હા,બાબા,ઠાકોરજી આરોગશે તે સર્વને દેખાશે. વ્રજવાસીઓને અતિશય આનંદ થયો છે.

*બેસતા વર્ષે વ્રજવાસીઓ બધા ગોવર્ધનનાથ પાસે આવ્યા છે.*

મથુરાથી સત્તર અઢાર માઈલ દૂર જતીપુરા કરીને ગામ આવેલું છે,ત્યાં આ સ્થળ આવેલું છે.

*જતીપુરામાં ગોવર્ધનનાથનું મુખારવિંદ છે.*
જુદા જુદા પ્રકારની સર્વ સામગ્રીઓ ગાડાં ભરીને સામગ્રીઓ પોતાની સાથે વ્રજવાસીઓ લાવ્યા છે.

*સર્વ બ્રાહ્મણોને આમંત્રણ આપ્

03/21/2024

🌹 *શ્રી કૃષ્ણ કન્હૈયા લાલ કી.. જય* 🌹

💐💐💐💐💐
*સકંધ-૧૦*
*ભાગવત રહસ્ય -૩૮૧*
💐💐💐💐💐

માનવ સમાજમાં રહી માનવ થવું સહેલું છે,પણ માનવ સમાજના વિલાસી મનુષ્યો સાથે રહી ભક્તિ કરવી કઠણ છે.વિલાસીના સંગમાં રહેવાથી ભક્તિમાં વારંવાર વિક્ષેપ આવે છે. *ભજનાનંદી મહાત્માઓના સત્સંગ થી-કે-ગીતા-ભાગવતના સત્સંગથી ભક્તિ કરવાની પ્રેરણા મળે છે.*

પ્રવૃત્તિ ધર્મ છોડ્યા વગર ભક્તિનો ઉદય થતો નથી.
પરંતુ મનુષ્યને જ્યાં સુધી “શરીરમાં શક્તિ” હોય ત્યાં સુધી પ્રવૃત્તિ છોડવાની ઈચ્છા થતી નથી.
પછી બ્લડ-પ્રેસર વધે,શરીર રોગી થાય,શરીર બગડે,શરીરની શક્તિ જતી રહે એટલે ફરજીયાત પ્રવૃત્તિ છોડવી પડે અને નિવૃત્તિ લે તેનો કોઈ અર્થ નથી.
ફરજીયાત છોડવું પડે એટલે ત્રાસ થાય છે. *શક્તિ વગરનું શરીર ભક્તિ કરી શકતું નથી.*

વિષયાનંદ જલ્દી મળે છે પણ ભક્તિનો આનંદ મેળવવા પ્રયત્ન કરવો પડે છે.
*શરીરમાં શક્તિ હોય ત્યારે જ ભક્તિ કરવાનો પ્રયત્ન થઇ શકે છે.* અને ભક્તિ કરવા માટે થોડી નિવૃત્તિનો સમય કાઢીને પ્રયત્ન કરવો જરૂરી છે.

વિષય અને ઇન્દ્રિયોનો સંયોગ થાય એટલે થોડો સમય વિષયાનંદ તરત મળે છે.પણ.....
શરૂઆતમાં ભલે ભક્તિમાં આનંદ ના આવે -પણ *ભક્તિ માટે પ્રયત્ન કરવામાં આવે તો-સતત આનંદનો વરસાદ વરસે છે.*
*અનેક જન્મના વાસનાના સંસ્કાર મનમાં હોવાથી,મનને ભક્તિમાં જોડવા માટે પ્રયત્ન કરવો જરૂરી છે, પરમાત્મા માટે પ્રવૃત્તિનો ત્યાગ કરવો જરૂરી છે. એક વાર ભક્તિનો નાદ લાગે તો બેડો પાર છે.*

નિવૃત્તિના સમયે નિવૃત્તિનો જ આનંદ (ભક્તિનો જ આનંદ) લેવો જોઈએ.
બાકી ઘણા લોકો તો ગંગા કિનારે કે નર્મદા કિનારે પણ નવો સંસાર ઉભો કરી નાખે છે.(આશ્રમો)

ગોવર્ધનલીલામાં “ગો” શબ્દનો અર્થ “ઇન્દ્રિયો”અને .”વર્ધન” એટલે “વૃદ્ધિ” એવો થાય છે.
ઇન્દ્રિયોની વૃદ્ધિ (પ્રવૃત્તિ ના) ત્યાગથી અને ભક્તિ વધારવાથી થાય છે,ભોગથી નહિ.
ભોગમાં તો ઇન્દ્રિયો ઘસાય છે.માટે ઇન્દ્રિયોને ભોગમાર્ગમાંથી હટાવી ભક્તિ માર્ગમાં વાળવાની છે.
અને આવે વખતે ઇન્દ્ર (દેવો) બહુ વરસાદ (વાસનાઓ નો) પાડે છે.

ભાગવતમાં વર્ણન આવે છે કે-વ્રજવાસીઓ ગિરિરાજના ચરણમાં આવ્યા (નિવૃત્તિ લઇ ભક્તિના શરણમાં આવ્યા)-ત્યારે ઇન્દ્ર રાજાએ ખૂબ વરસાદ (વાસનાઓ નો વરસાદ) વરસાવ્યો.

મનુષ્ય જયારે નિવૃત્તિ લઇ જ્ઞાન-ભક્તિ વધારવાનો પ્રયત્ન કરે છે તે દેવોથી (ઇન્દ્ર વગેરે દેવો) સહન થતું નથી. *ઉપનિષદમાં વર્ણન આવે છે કે-જો કોઈ સતત બ્રહ્મચિંતન કરે

03/19/2024

🌹 *શ્રી કૃષ્ણ કન્હૈયા લાલ કી.. જય* 🌹

💐💐💐💐💐
*સકંધ-૧૦*
*ભાગવત રહસ્ય -૩૭૪*
💐💐💐💐💐

સોહામણી શરદ ઋતુ આવી છે. વૃંદાવનની શોભા અનેરી બની છે. મંદમંદ સુગંધી પવન વહેતો હતો.
એવા *વૃંદાવનમાં ગાયો અને ગોવાળ મિત્રો સાથે શ્રીકૃષ્ણ ગાયો ચરાવે છે.શ્રીકૃષ્ણ પોતાના હોઠ પર વાંસળી મૂકી અને મધુર સુરો વહાવે છે. ગોપીઓ આ વાંસળી સાંભળે છે.*

*કનૈયાની વાંસળીનો નાદ સાંભળી ગોપીઓ જે વર્ણન કરે છે તેને _વેણુગીત_ કહે છે.*

_નામ અને નાદની ઉપાસના કરવાથી ચિત્તની શુદ્ધિ થાય છે._
*“નાદ” માં રૂપની (દેહની) વિસ્મૃતિ થાય છે.* વાંસળી એ નાદ બ્રહ્મની ઉપાસના છે.
_નાદ બ્રહ્મની ઉપાસના વગર પ્રભુના દર્શન થતા નથી._
કનૈયાની વાંસળીનો નાદ જ્યાં સુધી ના સંભળાય ત્યાં સુધી કૃષ્ણનાં દર્શન થતા નથી.
*કનૈયાની મધુર વાંસળીનો નાદ સાંભળતાં ગોપીઓને સમાધિ લાગી છે.*
મધુર નાદમાં મનનો લય કરવા આ વેણુગીતની કથા છે.

_વેણુનાદના આ નાદબ્રહ્મના આનંદ આગળ બધા આનંદો ફિક્કા છે._

વેણુગીતમાં પ્રત્યેક શ્લોક બોલનારી ગોપી ભિન્ન ભિન્ન છે.
શ્રીધર સ્વામીએ લખ્યું છે કે-દરેક શ્લોક બોલનારી ગોપી જુદીજુદી હોવાના કારણે, એક બીજા શ્લોક વચ્ચે સંભંધ નથી.

શ્રીકૃષ્ણ ગિરિરાજમાં છે.અને ત્યાં જે વાંસળી વગાડે છે,તે ગોપીઓ પોતાના ઘરમાં બેઠાં બેઠાં સાંભળે છે.
કહેવાય છે કે – *ભક્તિ વધે એટલે દૂરદર્શન અને દૂરશ્રવણની શક્તિ આવે છે.*
ગોપીઓની ભક્તિ વધી છે,એટલે તેમને આ બંને સિદ્ધિઓ પ્રાપ્ત થઇ છે.

પહેલાં તો ગોપીઓ લાલાના દર્શન કરવા નંદબાબાના મહેલમાં દોડી જતી હતી, પણ આજે હવે તેને તેમ કરવાની જરૂરત રહી નથી. ગોપીઓને ઘરમાંથી જ શ્રીકૃષ્ણનાં દર્શન થાય છે.
લાલાની વનની લીલાઓ તે ઘરમાં બેઠે બેઠે જ જોઈ શકે છે,લાલાની વાંસળીનો નાદ સાંભળી શકે છે.

ઘરનું કામ કાજ પતાવીને ગોપીઓ ટોળે વળીને બેસે છે અને આપસમાં લાલાની વાતો કરે છે.
એક કહે છે-કે- અરે,સખી,જયારે શ્યામસુંદર શ્રીકૃષ્ણ અને ગૌર સુંદર બલરામની જોડી ગોપબાળકો સાથે ગાયોને હાંકીને વનમાં લઇ જતા હોય કે-વ્રજમાં પરત આવી રહ્યા હોય,અને જયારે,
શ્રીકૃષ્ણે હોઠ પર મુરલી ધારણ કરી હોય-પ્રેમભરી તિરછી ચિતવનથી અમારી સામે તે જોઈ રહ્યા હોય
અને તે સમયે આપણે તેમના મુખની માધુરીનું પાન કરતા હોઈએ,ત્યારે, આપણા જીવનમાં શરીરને જે બે આંખો મળી છે,તેની સફળતા સમજાય છે.
*કૃષ્ણ-બલરામ ઉત્તમ નટોના સમાન શોભે છે. આવા શ્રીકૃષ્ણના જેઓએ દર્શન કર્યા છે, તેઓને જ આંખનું ફળ પ

Bhagavat Katha by Dongare Maharaj

07/03/2024

05/05/2024

04/30/2024

03/22/2024

03/21/2024

03/19/2024

Address

Website

Alerts

Shortcuts

Share

Category