Theravada Buddhist Association, Michigan - TBAM

12/13/2025

၂၀၂၆ အသောကရာမဘုန်းတော်ကြီးကျောင်း ပြက္ခဒိန် ထွက်ပါပြီ။ ဒီဇင်ဘာ ၂၀ ကျောင်းမှာဆရာတော့်မွေးနေ့ပွဲလုပ်ချိန်မှစပြီး ကျောင်းမှာ ဝေဖြန့်ပေးမှာဖြစ်ပါတယ်။

ယခုနှစ်ပြက္ခဒိန်မှာ ပြက္ခဒိန်ကြည့်ရုံသာမက souvenir အမှတ်တရသိမ်းထားဖွယ်ရာ classic တခု ဖြစ်လာလိမ့်မယ်လို့ထင်မိပါတယ်။ ၂၀၂၅ မှာကျောင်းဖွင့်ပွဲရှိခဲ့တာမို့ အနယ်နယ်အရပ်ရပ်မှကြွခဲ့သော သံဃာတော်အပါး လေးဆယ်နီးနီး၏ တစုတစည်းထဲ ဓာတ်ပုံများ၊ USA ၏ထေရ်ကြီး ဝါကြီး သံဃာတော်များဖြစ်သည့် Pittsburgh ကျောင်းဆရာတော်၊ Maryland ကျောင်းဆရာတော်၊ Toronto ဆရာတော်၊ ရွှေစင်တိပိဋက္ကဆရာတော် စသည်တို့၏ပုံရိပ်များ၊ ကျောင်းဖွင့်ပွဲ ပုံရိပ်များ၊ လက်မှုအနုပညာ ပန်းပုပန်းချီကားချပ်များအား တပ်ဆင်မှုမှတ်တမ်းပုံများ ၊ ဒရုန်းနှင့် ကောင်းကင်မှ ရိုက်ကူးထား သည့်ပုံရိပ်များစသည်တို့အား သဒ္ဒါကြည်လင်မြင်တွေ့ပီတိပွါးနိုင်မည်ဟု မျှော်လင့်ထားပါသည်။

ကျွန်တော်တို့ ကျောင်းထိုင်ဆရာတော် အရှင်သဇ္ဇန၏ ဂုဏ်သတင်းကြောင့်အသောကရာမကျောင်းသည် ရပ်နီးသာမက ပံ့ပိုးပေးနေသော ရပ်ဝေး ဥပါသကာ၊ဥပါသိက များလည်းရှိပါသဖြင့်ထိုသူများအားလည်း အမှုဆောငိအဖွဲ့မှ ပြက္ခဒိန်များကိုစာတိုက်မှပေးပို့ပေးရန်အစီစဉ်ရှိပါသည်။

အထူးကျေးဇူးတင်ရမည်မှာ ပြက္ခဒိန်ကို စိတ်ရှည်လက်ရှည် format လုပ်ပေးသော Florida မှ ဘုန်းဘုန်း အရှငိစန္ဒာသီရိ ဖြစ်ပါသည်။ သံဃာ့မျက်စိဖြင့် graphic design သာမက အထားအသို အရေးအသား caption များကိုပါ အသေးစိတ် အကြံပေးပြုပြင်ပေးသဖြင့် ကျေးဇူးအထူးတင်အပ်ပါသည်ဘုရား။

11/02/2025

05/24/2025

You all are invited to join us for grand opening of our meditation center . 🙏🙏🙏🙏🙏

01/01/2025

အသောကာရာမကျောင်းတွင် တောပုလုဆရာတော် နှစ်သစ်ဦးတရားပွဲ Han Thi Theingi Thein Htut-Lwin Than Naing Oo Theravada Buddhist Association, Michigan - TBAM Aye Aye Mar Myint Kyi

12/28/2024

ဦးပေါ်ဦး၊ ဘိုးတော်မင်းတရား၏ ခြင်္သေ့ကြီးများနှင့် အသောကရာမကျောင်း၏ ပန်းပု နံရံကားချပ်များ။

အမရပူရမြို့တည် ဘိုးတော်မင်းတရားလက်ထက်မှာ အမတ်ကြီးဦးပေါ်ဦးဆိုတာရှိခဲ့ပါတယ်။ သူဟာ ဖြတ်ထိုးညဏ်ကောင်း၊ စကားအပြောကောင်း ၊ ဟာသ အာဝဇ္ဇာန်းရွှင်သူအဖြစ်ကျော်ကြားခဲ့ပါတယ်။ ဦးပေါ်ဦးသာ ဒီခေတ် အမေဒိကားမှာလူလာဖြစ်ရင် John Stewart တို့ Stephen Colbert တို့ Jay Leno တို့လို late night show host အလုပ်မျိုးနဲ့ ကွက်စတိပါဘဲ။

ဘိုးတော်ဘုရားဟာ မင်းကွန်းစေတီတော်၊ခေါင်းလောင်းနဲ့ အဲဒါတွေရဲ့အဝင်ဝရှိ ခြင်္သေ့ကြီး ၂ကောင်တို့ကို ဆောက်တည် ထုလုပ်လှုဒါန်းခဲ့ပါတယ်။ တနေ့တော့ဘုရင်ဟာ သူဆောက်တည်နေတဲ့ ဘုရားမှာ လိုအပ်သည်များကို စစ်ဆေးညွှန်ကြားဖို့ ဦးပေါ်ဦးအပါအဝင် နောက်လိုက်ဗိုလ်ပါတစုနဲ့ရောက်လာပါတယ်။ဘုရင်က ဘုရားကိုကြည့်နေတုံးမှာ ပေါ်ဦးက လှစ်ကနဲ ခြင်္သေ့တွေဘက်ကို ထွက်သွားပါတယ်။ ဘိုးတော်ကလဲ ပေါ်ဦးအကွက်တွေကို အံတိုနေပြီလေ။ သူမရှိရင် သူ့နောက်ကွယ်မှာ လှောင်ပြီး ဟားကွက်လုပ်တတ်မှန်းသိပြီးသား။ အဲဒါနဲ့သူမသိအောင်အသာလေးနောက်ကကပ်လိုက်သွားတယ်။ ဘိုးတော်မင်းကြီး သူ့နောက်မှာပါလာမှန်းမသိတဲ့ ပေါ်ဦးဟာ ခြင်္သေ့တွေရှေ့ရောက်တော့ စပြီးဝေဖန်တော့မလို့ ခေါင်းကြီး ဖင်ရှူးစသည်ဖြင့်ပေါ့ စကားဦး ခုလိုသန်းလိုက်ပါတယ်။ “ ခြင်္သေ့ကြီးတွေကလဲဗျာ ဆောက်ထားလိုက်ပုံများ—-“ ဆိုနေတုံးမှာ ဘိုးတော်မင်းက နောက်ကနေဗြုန်းကနဲထွက်လာပြီး “ ဟဲ့ကောင်ပေါ်ဦး မင်းငါ့ခြင်္သေ့တွေကို ဘယ်လိုဝေဖန်မလို့လဲ၊ပြောစမ်းဆိုပြီး” ငေါက်လိုက်ပါတယ်။ ဖြတ်ထိုးညဏ်ကောင်းတဲ့ပေါ်ဦးဟာ ချက်ခြင်းဘဲလေသံပြောင်းပြီးတော့ “ အရှင်ဘုရား ဖုန်းတံခိုးတော်ကြောင့် ရုပ်လုံးတွေကြွတက်ပြီး ဧရာဝတီမြစ်တဘက်ကမ်းကို ခုန်ကူးတော့မလိုလိုပါဘုရား” လို့ ပြောလိုက်ပါတယ်။ သူ့ကို အင်ထဲ့လိုက်မှန်း၊ ဂျင်းထဲ့လိုက်မှန်းသိပေမဲ့ ဘာမှပြန်မပြောသာတဲ့ ဘိုးတော်မင်းတရားဟာ “ ပေါ်ဦး နင်အလျှောက်ကောင်းလို့ သက်သာတယ်မှတ်” ဆိုပြီး ပြုံးဖြီးဖြီးနဲ့ လှည့်ပြန်သွားသတဲ့။

မကျီးကန်ရွာသား ဘဦးဆိုသူတဦးက အခုပြောပါသည်။ အသောကရာမဘုန်းတော်ကြီးကျောင်းကို အရင်တလောက ရောက်ရှိလာတဲ့ ပန်းပုရုပ်ပွါးတော်၊ ပန်းပုကားချပ်များဟာလည်း ဖေါင်းကြွသပ္ပါယ်ဖို့ကောင်းလိုက်တာ ပန်းပုထဲက ဂေါတမမြတ်စွာဘုရားနဲ့ ပဉ္စဝဂ္ဂီငါးပါး၊ အောင်ခြင်းရှစ်ပါး၊ ဇတ်တော်ကြီးဆယ်ဖွဲ့ထဲမှ ဇာတ်ကောင်များသည် အသက်ဝင်ပြီး အပြင်သို့ တကယ်ကိုလှမ်းကြွတော့မည့်အတိုင်းဘဲတဲ့။ ဒါကတော့ရင်တွင်းဖြစ်ပါ။ ဘဦးဟာ ပေါ်ဦးဝင်စားသူမဟုတ်၊ မယုံရင်ပုံတွေကြည့်။ အောက်တွင်အကျယ်ဖွင့်ပါမည်။

ဘဦးတို့ မကျီးကန်ရွာ အသောကရာမဘုန်းကြီးကျောင်းအသစ်ကို လွန်ခဲ့တဲ့၄နှစ်ကရွှေ့ပြီး အများကြီးrenovate လုပ်ခဲ့ကြပါသည်။ ၁၉၆၀ ခန့်ကဆောက်ထားတဲ့ အဆောက်အဦးဟာ ခိုင်ခိုင်ခန့်ခန့် ထုထည်ကြီးနဲ့ဆောက်ထားတဲ့အုတ် buildingပါ။ ပထမက စာသင်ကျောင်း၊ နောက်တော့ ခရစ်ယန်ဘုန်းတော်ကြီးကျောင်းအဖြစ်တည်ရှိ ခဲ့ပါတယ်။ စာသင်ကျောင်းဘဝ က gymnasium ဖြစ်တဲ့အခန်းဟာ Church ဘဝမှာ assembly hall ဖြစ်သွားပီး အသောကရာမမှာတော့ ဓမ္မာရုံဖြစ်လာပါတယ်။ 40 x 100 ရှိပြီးအမြင့်ကလဲ 20’ ရှိတဲ့အခန်းကျယ်ကြီးပါ။ အဲဒီအခန်းမှာ နံရံမှာဆေးရေးပန်းချီထားမဲ့အစား၊ ဘုရားစင်ထားမဲ့အစား 15x35 နဲ့ထု 8” ရှိတဲ့ ရုပ်လုံးကြွ ပန်းပုပန်းချီကားချပ်ကြီးတခုကိုမြန်မာပြည်က မှာယူတင်သွင်းဖို့ လုပ်ခဲ့ကြပ်တယ်။ တန်နဲ့ချီပြီးလေးတာမို့ ၅ချပ်ခွဲထုခဲ့ရပြီး တချပ်စီကိုကရိန်းနဲ့မချရအောင်ကြီးကျယ်ခန်းနားတဲ့ပန်းပုပန်းချီကားချပ်ကြီးပါ။

ဒါ့အပြင် နံရံတွေမှချိတ်ဖို့ အောင်ခြင်းရှစ်ပါးနဲ့ ဇတ်တော်ကြီး ၁၀ဖွဲ့ စသည့် ဗုဒ္ဓဝင်ပန်းပုပန်းချီကားချပ် များကလည်း ၂လက်မခွဲ ထုနဲ့ အချပ် ၁၈ချပ်ခန့်ပါပါသည်။ ပို့ခကချည်းပဲ ဒေါ်လာသောင်းဂဏန်းခန့်ကျခဲ့ပြီး၊ ခိုင်ခိုင်မာမာ professional installation ကလဲ ထောင်ဂဏန်းအနဲဆုံးကျမည်မှန်းပါသည်။ Install မလုပ်ရသေးခင် နံရံတွင်ထောင်ထားစဉ်ကပင် သပ္ပါယ်လွန်းရျ် ဓာတ်ဖမ်းသွားသူအတော်များနေပါပြီ။

ဘုန်းတော်ကြီးကျောင်းဟာ ဗုဒ္ဓရဲ့ ဓမ္မတွေကိုဖြန့်ချီပေးဖို့သာအဓိက၊ ယခုကဲ့သို့ ရုပ်ပိုင်းအဆောင်ယောင်ပစ္စည်းဥစ္စာများ မှာသာမညသာဖြစ်သင့်သည်ဟု ယူဆသူများအချို့ကို ဘဦးဖြေရှင်းပြလိုပါသည်။ ကျွန်တော်တို့ယခုနေနေရတာ တိုင်းတပါးမှာဖြစ်ပါသည်။ မြန်မာဆိုတာ၊ ဗုဒ္ဓဘာသာ ဆိုတာကိုအများစုကမသိကြပါ။ ဒီနိုင်ငံမွေး ကျွန်တော်တို့၏ သားသမီးများကပင် မြန်မာ့ယဉ်ကျေးမှု၊ လက်မှုပညာ စသည်တို့နှင့်အကျွမ်းမဝင်ပါ။ Third world country ဆိုပြီး ဗိုက်မှာရွှံ့လူး တဲပုတ် နှင့်နေသူများ၊ အိမ်မွေးတိရိစ္ဆာန် ကြောင်ကိုဟင်းချက်စားသောလူရ်ုင်းများဟု ဒေါ်နွယ်ထွန်းက ပုတ်ခတ်ထားတာကိုဘဲနားဝင်နေသူများရှိနေနိုင်ပါသည်။

ထိုလိုသူများကို မြန်မာပြည်မှာ sophisticated culture ဆိုတာရှိပါသည်။လက်မှုပညာဆိုတာရှိပါသည်။ ကိုယ့်မင်းကိုယ့်ချင်းနှင့် civilization ဆိုတာ နှစ်ရာချီရှိခဲ့ပါသည် ဆိုတာများကိုလည်း မြင်လာစေချင်လို့ သက်သေအနေနဲ့ ဤကဲ့သို့ ခမ်းနားခိုင်ခန့်သည့်ပန်းပုပန်းချီကားချပ်များကိုတင်သွင်းခဲ့ကြချင်းဖြစ်ပါသည်။ “ The whole is greater than sum of its parts” ဆိုသလိုဘဲ ပန်းပုဆိုတာတခုထဲ ကိုဘဲပွဲထုတ်ခြင်းမဟုတ်ပေမဲ့ ပန်းပုအပါအဝင် ဤဘုန်းတော်ကြီးကျောင်းထိုင်ဆရာတော်၏ သာသနာပြု သွန်သင်ဆုံးမမှု တို့ပေါင်းစပ်လိုက်သောအခါ မြန်မာဗုဒ္ဓဘာသာ ဆိုသည်မှာ impressive and culturally sophisticated ပါလားဆိုသည့် အမြင် impart ဖြစ်ပေးနိုင်အောင်ရည်ရွယ်သာသနာပြုပါသည်။ ဆရာတော်က လိုအပ်သလို နိုင်ငံခြားသားများကို အင်္ဂလိပ်ဘာသာနှင့် ဟောကြားပေးပါသည်။ ဘဦးရောက်ဖူးသမျှ USAရှိ မြန်မာဘုန်းတော်ကြီးကျောင်းများတွင်တော့ ဤသို့ ကြီးမားသောပန်းပုကားချပ်မတွေ့ဘူးပါ။

အသောကရာမဘုန်းတော်ကြီးကျောင်း - Theravada Buddhist Association Michigan (TBAM) ၏သာသနာပြုလုပ်ငန်များတွင်ပါဝင်လှုဒါန်းလိုပါက http://tbamichigan.org တွင်ကြည့်ပါ။ (သို့) Zelle 616 723 1911 သို့လှုဒါန်းနိုင်ပါသည်။ email - [email protected]

Attached are some photos of wall sculpture pieces intended to be installed at the Asorkarama monastery. They were imported from Myanmar and were painstakingly sculpted by the famous Myanmar artisans in sophisticated details depicting various life events of Gottama Buddha. You are welcome to come see those by yourself and immerse in Myanmar culture and Buddhist teachings.

12/26/2024

အသောကရာမ ဘုန်းတော်ကြီးကျောင်း၊ ၅ရက်တရားစခန်း၊ ပထမနေ့ ကုသိုလ်ပုံရိပ်များ။ ယနေ့ဆွမ်းအလှုရှင် Dr ဟန်ဟန်သီမိသားစုနှင့် ကိုထွန်းသိန်း-မမြင့်မိသားစု။