What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 5pm Saturday 9am - 5pm Sunday 9am - 5pm

افغان دار الافتاء afghan darulefta, Town Center Mountlake Terrace, Mountlake Terrace, WA (2026)

05/30/2026

د ټکساس ايالت، د ډالاس په ښار کې د افغانانو جومات (مسجد الإمام أبي حنيفه) د ۱۴۴۷ هـ جـ کال د اختر لمانځه د خطبې يوه برخه.

05/29/2026

عـــيد سعـــيد مبارك
لوی أختر مو مبارك
عِــــيْدُكُمْ مُـــبَارَك
Happy Eid for all Muslims
««««««««««««««««««««««««
هيوادوالو!
افغان دار الافتاء د هيواد دننه او له هيواده بهر ټول افغان مسلمان ولس ته د لوي اختر په مناسبت د زړه له کومي مبارکي وايي، الله تعالی دې ستاسې د اختر لمونځ، د عرفې روزه، قرباني، دعاګانې او ټول عبادتونه قبول کړي.
««««««««««««««««««««««««
عـــ«««ـــيد سعــ»»»ــيد
افغان دار الافتاء صميمانه ترين تبريکات خويش را بمناسبت عید سعيد اضحیٰ، برای ملت مسلمان افغان در داخل کشور و خارج تقديم مي دارد، الله منان نماز، روزه عرفه، قرباني، دعاء وهمه طاعات شما را بدربار خويش قبول فرمايد.
از طرف: اداره افغان دار الافتاء.

05/24/2026

د ذو الحجې لومړئ لس ورځې = د ژوند لویه سرمایه
لیک: مفتي رحیم الله حنفي
بسم الله الرحمن الرحیم:
الله تعالی انسان ته په ژوند کې بیا بیا چانس ورکوي ترڅو د خپل آخرت لپاره هم یو څه پانګونه وکړي، د طبراني د روایت له مخې رسول الله صلی الله علیه وسلم داسې فرمایلي دي: (إن لربكم في أيام دهركم نفحات، فتعرضوا لها لعل أحدكم أن يصيبه منها نفحة لا يشقى بعدها أبداً)
ژباړه: ستاسو د رب له لوري ستاسو د ژوندانه په ورځو کې تجلیات، عطاګانې او ورکړې شتون لري، نو تاسې هغو ته ځان ورسوئ او تر لاسه یې کړئ، ښايي چې تاسې یوه ورځ د الله تعالی د غیبي خزانو له ورکړې سره مخ شئ چې له هغه وروسته به هیڅکله بدبخته نه شئ.
د ذو الحجې د میاشتې همدا لس ورځې د کال په اوږدو کې تر ټولو د لوی خیر، برکت، رحمت او الهي انعامونو ورځې دې چې آن د رمضان له ورځو هم ډېرې د برکت او خیر ورځې دي او مسلمان ته ښایي چې د الله د رحمتونو، تجلیاتو او انعامونو څخه په دې ورځو کې څه برخه تر لاسه کړي.
د دې ورځو فضیلت او غوراوی:
۱ــ قران کریم:
په دې لسو شپو الله تعالی قسم کوي او کله چې الله تعالی په خپلو مخلوقاتو کې په کوم شي قسم کوي نو دا د هغه شي په عظمت او لويي دلالت کوي، الله تعالی داسې فرمايي: [وَالْفَجْرِ (1) وَلَيَالٍ عَشْرٍ (2) وَالشَّفْعِ وَالْوَتْرِ (3)] الفجر سورت. ژباړه: په سهار قسم او په لسو شپو قسم او په جفت او طاق قسم.
په یادو مبارکو آیتونو کې سهار، لس شپې، جفت او طاق ذکر شوي دي چې مفسرینو یې په اړه بېلابېل تاویلونه کړي دي خو امام ابن کثیر رحمه الله وايي چې راجح قول دا ده چې مراد له [الفجر] څخه د لوی اختر یا قرباني ورځ ده چې د ذي الحجې میاشتې د لسو ورځو ورستی سهار دی، او مراد له [ولیال عشر] څخه د ذو الحجې میاشتې لومړۍ لس شپې او ورځې دي، چې په دې ورځو کې روژه، تلاوت، ذکر، خیراتونه او بل هر عبادت د جهاد په شمول تر تر ټولو عبادتونو الله تعالی ته ډېر محبوب او غوره ده، او همدا د ابن عباس، ابن الزبیر، مجاهد او د ډېرو سلفو او خلفو قول او خبره ده.
همداراز ابن عباس (رضي الله عنه) او نور مفسرین وايي چې مراد له [والشفع والوتر] دادی چې الوتر (طاق) یعنې د عرفې ورځ، او الشفع (جفت) یعمې د لوی اختر یا قرباني ورځ.
د مفسرینو د اقوالو پر بنسټ د ذو الحجې میاشتې لس ورځې د ټول کال هغه غوره ورځې دي چې الله تعالی قسم ورباندې کوي او قسم مقسم به ته لوی مقام او عظمت ور بښي.
۲ــ نبوي حدیث:
عبد الله بن عباس رضي الله عنه روایت کوي چې رسول الله صلی الله علیه وسلم وفرمایل: د ذو الحجې په لومړیو لسو ورځو کې چې نېک عمل الله تعالی ته څومره محبوب او غوره دی په بل هیڅ وخت کې هغومره ندی ورته غوره. صحابه کرامو پوښتنه وکړه چې: ای د الله رسوله! د الله په لار کې جهاد کول هم ندي ورسره برابر؟ رسول الله وفرمایل: د الله تعالی په لار کې جهاد هم نده ورسره برابر مګر هغه څوک چې د الله په لار کې په ځان او مال سره ووځي، سرښندنه وکړي او ځان او مال یې دواړه د الله په لار کې لاړ شي. حدیث په بخاري، مسند احمد او نور کتابونو کې راغلی دی.
د ذو الحجې لس ورځې د رمضان له ورستیو لسو ورځو نه هم غوره دي، ځکه چې په دې ورځو کې د عرفې ورځ ده چې تر هغې غوره ورخ په ټول کال کې بله نشته، خو د رمضان ورستۍ لس شپې پیا د ذو الحجې له لومړیو لسو شپو څخه غوره دي ځکه چې په هغو کې د قدر شپه ده چې هغه له زرو میاشتو زیات فضیلت لري.
۳ــ د عرفې ورځ:
په دې لسو ورځو کې د عرفې ورځ هم راځي چې د اسلام د پنځم رکن د ادا کولو ورځ ده په دې ورځ مسلمانان د عرفات په میدان کې الله تعالی ته په سختو ګرمیو کې ټول په یو ډول لباس کې د دنیا له ګوټ ګوټ څخه را ټول شوي او د حج لویه فریضه ادا کوي. هغه ورځ چې رسول الله صلی الله علیه وسلم یې په اړه داسې فرمایلي دي: عَنِ ابْنِ الْمُسَيَّبِ قَالَ قَالَتْ عَائِشَةُ إِنَّ رَسُولَ اللَّهِ -صلى الله عليه وسلم- قَالَ « مَا مِنْ يَوْمٍ أَكْثَرَ مِنْ أَنْ يُعْتِقَ اللَّهُ فِيهِ عَبْدًا مِنَ النَّارِ مِنْ يَوْمِ عَرَفَةَ وَإِنَّهُ لَيَدْنُو ثُمَّ يُبَاهِى بِهِمُ الْمَلاَئِكَةَ فَيَقُولُ مَا أَرَادَ هَؤُلاَءِ ». رواه مسلم في صحيحه.
ژباړه: حضرت عائشه رضي الله عنها وايي چې رسول الله صلی الله علیه وسلم ووفرمایل: الله تعالی په بله هیڅ ورځ کې خپل دومره بندګان د جهنم له اور څخه نه ازادوي لکه د عرفې په ورځ یې چې ازادوي، او الله تعالی په دې ورځ را لنډېږي په فضل او کرم سره، بیا د ملایکو پر وړاندې د عرفات په خلکو فخر کوي، او پوښتنه کوي چې دا خلک څه غواړي؟.
په «المستدرك» کې بیا دا حدیث تکمیل شوی دی چې: إن الله يباهي بأهل عرفات أهل السماء فيقول لهم : انظروا إلى عبادي جاؤوني شعثا غبرا
هذا حديث صحيح على شرط الشيخين و لم يخرجاه.
ژباړه: الله تعالی د اسمانونو د اهل په وړاندې د عرفات په خلکو فخر کوي او داسې وايي: زما بندګانو ته وګورئ هغوی دلته په ګردونو ډګ خړپړ او ببر راغلي دي. په بل روایت کې راغلي دي چې: الله تعالی به ورته ووايي دا زما بنده ګان دي په ګردونو ډک ببر له هر خوا له غرونو او رغونو راغلي دي زما د رحمت تمعه لري، او زما له عذابه وېرېږي، او زه یې لیدلی هم نه یم، نو که هغوی ما وګوري څه حال به یې وي؟
۴ــ یوم النحر یا د لوی اختر ورځ:
د لوی اختر ورځ د حج په موسم کې تر ټولو مصروفه ورځ بلل کېږي، د لوی اختر په شپه حاجیان له عرفات څخه مزدلفې ته راځي او سهار وختي له مزدلفې مینا ته راځي او لومړی جمره عقبه یا لوی شیطان ولي، بیا هدیه (څاروی) حلالوي، بیا سرونه خره یې او له هغه وروسته حرم شریف ته ځي او فرضي طواف ادا کوي او د صفا او مروه تر منځ سعیې کوي چې په دې سره د حج فریضه په ټوله معنا سره بشپړه ګرځي.
رسول الله صلی الله علیه وسلم د لوی اختر د ورځې د فضیلت په اړه داسې فرمايي: (إنَّ أعظمَ الأيَّامِ عندَ اللَّهِ تبارَكَ وتعالَى يومُ النَّحرِ ثمَّ يومُ القُرِّ) رواه الحاكم وأبو داود وغيره.
ژباړه: یقینا د الله تبارک و تعالی په وړاندې لویه او له برکت ډکه ورځ د لوی اختر ورځ ده بیا ور پسې ورځ ده یعنې د اختر دویمه ورځ.
۵ــ د ذو الحجې په ورځو کې غوره اعمال:
الف ــ حج او عمره، په دې ورځو کې تر ټولو غوره عبادت حج او عمره بلل شوي دي، ځکه چې رسول الله صلی الله علیه وسلم فرمایلي دي: یوه عمره تر بلې عمرې د ګناهونو لپاره کفاره ده، او د مبرور یا صحیح حج بدله له جنت پرته بل شی نشي کېدلی. روایت بخاري کړی دی.
ب ــ په دې نهو ورځو کې روژې نیول سنت دي، خصوصا د عرفې په ورځ، یعنې د ذو الحجې په نهمه باندې د عامو مسلمانانو لپاره روژه نویل سنت دي او خورا ډېر لوی ثوابونه لري،
ج ــ تکبیرات، ( الله أكبر، الله أكبر لا إله إلا الله، والله أكبر ، الله أکبر ولله الحمد) ډېر لوی ثوابونه لري. په حدیث شریف کې راځي: فأكثِروا فيهنَّ مِن التَّهليلِ والتَّكبيرِ والتَّحميدِ). رواه احمد. ژباړه: په دې ورځو کې زیات تسبیح، تکبیر او حمد د الله تعالی وکړئ.
د ــ په ایام تشریق (د عرفې له سهار نه بیا د اختر د څلرمې ورځې تر مازدیګر مانځه پورې) کې بیا د هر فرض مانځه نه وروسته په جمعه سره پورته تکبیر په جهر ویل واجب دي.
هـ ــ د قرآن کریم تلاوت یو له هغوی عباداتو څخه ده چې د الله تعالی د قرب او لوی ثواب سبب ګرځي.
و ــ توبه او استغفار، او ګناهونه پرېښودل.
ز ــ په دې ورځو کې مسکینانو ته خیرات ورکول د خوار، غریب او بېوزله لاسنیوی لویه قرباني بلل کېږي.
ح ــ په دې ورځو کې له خپلوانو سره سیله رحمي تازه کول، د هغوی پوښتنه کول له لوی قرباتو څخه بلل کېږي.
ط ــ د حنفي مذهب له مخې په هغه چا باندې قرباني واجبه ده چې مسلمان وي، مسافر نه وي او پراخي د مال ولري، پراخي د مال عبارت له دې څخه چې ۲۰۰درهم
او یا ۲۰دیناره
او یا د هغو معادل قیمت ولري چې له ضرورت څخه یې اضافه وي په هغه قرباني واجب ده
ی ــ د اختر لمونځ په ټولو نارینه مسلمانانو واجب دی، البته په احادیثو کې راغلي دي چې خپلې مېرمنې او ماشومان هم عیدګاه ته له ځان سره بوزئ تر څو د الله د له حمتونو څخه برخمن شي ، که چېرې د هغوی لپاره په جوماتونو یا عیدګاه کې د ځای ترتیب شوی وي.
۶ــ د عرفې ورځ: د ذو الحجې ۹ نهمې ورځې ته یوم العرفه وايي په دې ورځ د عامو مسلمانانوو لپاره روژه نیول د تېر او راتولنکي کال د ګنانونو لپاره کفاره او بدله ده، رسول الله صلی الله علیه وسلم فرمایلي دي: ((صِيَامُ يَومِ عَرَفَةَ، أَحْتَسِبُ علَى اللهِ أَنْ يُكَفِّرَ السَّنَةَ الَّتي قَبْلَهُ، وَالسَّنَةَ الَّتي بَعْدَهُ) رواه مسلم في صحیحه. ژباړه: د عرفې د ورځې د روژې په اړه زه په الله تعالی باور لرم چې د تېر کال او راتلونکي کال د ګناهونو لپاره به کفاره او بدله وګرځي.

غوښتنه: زما هیله او غوښتنه له تاسو څخه دا ده چې دا پوسټ له ځان سره شېر کړئ ترڅو ډېرو مسلمانانو ته ورسېږي او رسول الله صلی الله علیه وسلم ویلي دي: څوک چې د خیر د کار په اړه خلکو ته خبر ورکوي داسې دی لکه هغه د خیر کار یې چې کړی وي.
ښايي چې یو مسلمان په دې عمل وکړي تاسو ټول به په ثواب کې شریک شئ.
او د صحفې لایک هم مه هېروئ.. عرض أقل

03/21/2026

عـــيد سعـــيد مبارك
وړوکی أختر مو مبارك شه
عِــــيْدُكُمْ مُـــبَارَك
Happy Eid for all Muslims
««««««««««««««««««««««««
افغان دار الافتاء د هيواد دننه او له هيواده بهر ټول افغان ولس ته د وړوکي اختر په مناسبت د زړه له کومي مبارکي وايي، الله تعالی دې زموږ او ستاسې روژې تراويح، دعاګانې او ټول مالي او بدني عبادتونه قبول کړي.
««««««««««««««««««««««««»»»»»»»»»»
عـــ«««ـــيد سعــ»»»ــيد
افغان دار الافتاء صميمانه ترين تبريکات خويش را بمناسبت عید سعيد فطر، برای ملت مسلمان خويش در داخل کشور و خارج تقديم مي دارد، الله منان نماز، روزه، دعاء وهمه عبادات مالی وبدنی ما و شما را قبول فرمايد.
اداره افغان دار الافتاء

02/18/2026

رسول الله صلی الله علیه وسلم فرمايلي دي: خپلو ځانونو ته ښيرا مه کوئ؛ ځکه چې ملايکې ستاسې په دعا او ښېرا باندې آمين وايي.
او کله چې ملايکې آمين ووايي، غالبا هغه بلنه نه ردېږي، نو ځان په خپله د هلاکت کندې ته غورځول دي.

02/18/2026

. [د رمضان المبارک لومړئ شپه]

أبو هريرة - رضي الله عنه وايي چې، رسول الله صلى الله عليه وسلم فرمايلي دي: کله چې د رمضان لومړۍ شپه راشي نو:
*▪️صفدت الشياطين ومردة الجن *
۱- شيطانان او سرکشه پېريان وتړل شي
*▪️وغلقت أبواب النار فلم يفتح منها باب .*
۲- او د دوزخ ټولې دروازې بندې شي.
*▪️وفتحت أبواب الجنة فلم يغلق منها باب .*
۳- او د جنت ټولې دروازې پرانیستل شي.
*▪️وينادي مناد يا باغي الخير أقبل ، ويا باغي الشر أقصر .*
۴- او يو اواز کونکي غږ وکړي: ای د نېکيو لټونکې رامخته شه، او ای د بدیو لټونکې ځان کنټرول کړه.
*▪️ولله عتقاء من النار وذلك كل ليلة )*
۵- او د رمضان په هره شپه کې الله تعالی ډېری انسانان د دوزخ له اوره د تل لپاره خلاصوي.
سنن الترمذي

02/18/2026

بسم الله الرحمن الرحیم
سبا چهارشنبه د ۱۴۴۷ جهرې قمري کال د ۱۴۴۷ هـ ق کال د رمضان المبارک مياشتې لومړئ ورځ ده
د امريکا واشینګټن ايالت قدرمنو هیوادوالو؛ وروڼو او خويندو.
السلام علیکم و رحمت الله و برکاته،
د تل په څېر د سعودي عربستان د رسمي اعلان پر بنسټ، سبا چهار شنبه د ۲۰۲۶ زېږديز کال د فبرورۍ ۱۸ مه د روژې مبارکې میاشتې لومړۍ ورځ ده.
زه د هيواد دننه او له هيواده بهر خپلو ټولو مسلمانو ولسونو ته د دې له برکتونو ډکې مياشتې مبارکي وايم.
الله تعالی دې ټولو ته د غوره روژې، تراويح، تلاوت، صدقاتو او ټولو نېکو اعمالو توفیق را په برخه کړي.
په درنښت
حنفي
«»«»«»«»«»«»«««»«»«»«»«»«»«»«»«»«»
بسم الله الرحمن الرحیم
فردا روز چهارشنبه، نخستین روز ماه مبارک رمضان سال ۱۴۴۷ هجری قمری می‌باشد.
هموطنان گرامی ما در ایالت واشنگتن آمریکا؛ برادران و خواهران عزیز!
السلام علیکم و رحمت الله و برکاته،
همان‌گونه که همیشه معمول است، بر اساس اعلان رسمی عربستان سعودی، فردا روز چهارشنبه، ۱۸ فبروری سال ۲۰۲۶ میلادی نخستین روز ماه مبارک رمضان می‌باشد.
من فرا رسیدن این ماه پُر از برکت را به تمام هموطنان عزیز در داخل کشور و خارج از کشور صمیمانه تبریک و تهنیت عرض می‌نمایم.
از الله متعال می‌خواهم که به همه توفیق روزه‌داری بهتر، ادای نماز تراویح، تلاوت قرآن کریم، صدقات و انجام تمام اعمال نیک را نصیب و عطا فرماید.
با احترام
حنفي

09/02/2025

زما د کونړونو درېدلي ولسه، يقينا ستاسې غم، درد او مصيبت دومره دروند دی چې زغمل يې ډېر مشکل کار دی، خو په دې باور او ايمان لرو چې دا د الله تعالی له جانبه پر تاسې او موږ ټولو لويه ازموينه او امتحان دی، خدای تعالی دې تاسې ته جزيل صبر او عظيم اجر درکړي.
تاسې مايوسه نشئ، ځکه چې دا مصيبت د الله تعالی له جانبه ده او
الله تعلی تاسې ته بشارت درکوي چې: وبشر الصابرين الذين اذا اصابتهم مصيبة قالوا انا لله وانا الله راجعون، ؤلٰئك عليکم صلوات من ربهم ورحمة وؤلٰئك هم المهتدون.
الله عزوجل دې ستاسو شهيدان غريب رحمت کړي، زخميانو ته له الله تعالی نه عاجله شفا غواړم او باقي ژونديو ته صبر او اجر غواړم.

افغان دار الافتاء afghan darulefta

05/30/2026

05/29/2026

05/24/2026

03/21/2026

02/18/2026

02/18/2026

02/18/2026

09/02/2025

Address

Opening Hours

Telephone

Website

Alerts

Contact The Place Of Worship

Shortcuts

Share

Category

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm
Saturday	9am - 5pm
Sunday	9am - 5pm