01/02/2026
NA GAUNISALA KI NA BULA.
Fijian Bible Study.
Ulutaga- BESE NI LAKO VATA KEI IRA NA ISIRELI NA KALOU.
Lesoni: Na Lako Yani 33:1-3
Uto ni vakasama.
Sa bese ni lako vata kei ira na tamata ko Jiova, 1-3.
Era sa tagi ka rere kina na tamata, 4-6.
1 “A sa kaya vei Mosese ko Jiova, Mo ia, mo toki tani eke, ko iko kei ira na tamata ko a kauta cake mai na vanua ko Ijipita, ki na vanua ka'u a bubului kina vei Eparaama, vei Aisake, kei Jekope, ni'u a kaya, Ka'u na solia vei ira na nomu kawa: 2 ia ka'u na tala e dua na agilose me liutaki iko; ia ka'u na vakasevi ira tani na kai Kenani, kei ira na Amoraiti, kei ira na Itaiti, kei ira na Perisaiti, kei ira na Aivaiti, kei ira na Jepusaiti
3io, mo lako ki na vanua sa dave kina na wai-ni-sucu kei na oni: ni'u na sega ni lako cake e na kemudou maliwa; ni dou sa tamata domoqa: de'u vakarusai kemudou e na gaunisala”.
Uto ni vakasama.
Sa bese ni lako vata kei ira na tamata ko Jiova, 1-3.
Era sa tagi ka rere kina na tamata, 4-6.
Vs 1- Nai vakaro- Command
Vs 2- Veivakarautaki- Provision
Vs 3-Veika sa yalataki tu- Promise
Historical Background
Na wase ni vola e mai volai tiko oqo ni oti nona cudruvi ira na Isireli na Kalou ena nona vakaduri na Pulumakau parasa mai na ruku ni ulunivanua ko Sainia. Ka tukuna vei ira nina sega ni lako vata kei ira, ena vuku ni nodrai valavala ca,ka sa rawa ga vua me tala e dua na nona agilosi me kauta ira tani mai na vanua koya.
1. Nai Vakaro.
Na cava nai vakaro e solia na Kalou vei Mosese? Nai vakaro sai koya me ra toki tani mai na ruku ni ulunivanua ko Saniai.
Ko cei na tamata e tukuna Kalou vei Mosese me ra toki tani mai kea? Ko ira na tamata sa kauti ira cake mai Ijipita ko Mosese.
Ena i vakaro oqo, ea kaya vei Mosese me kauti ira na tama mai kea(ruku ni ulunivanua ko Saniai) ki vei? Me kauti ira kina vanua yalataki, sa yalatka oti na Kalou vei Eparama, Aisake kei Jekope.
Na cava nai yalayala ni Kalou vei ira na Isireli? Ni ra na taukena na vanua yalataki, “ ki na vanua ka'u a bubului kina vei Eparaama, vei Aisake, kei Jekope, ni'u a kaya, Ka'u na solia vei ira na nomu kawa:”.
Vakasama vakayalo
Solia na Kalou na vakaro me ra biuta na vanua koya ka ra lako tani mai kina. Qo na vanua ni valavala ca kei na vanua ni qaravi matakau parasa. Mera biuta nai valavala ni tovo vakavuravura(Ijipita) ka lako tani mai kina.Matakau parasa e tukuna tiko na vuki tani mai vua na Kalou.
Nai duisdusi oqo e dusia tiko na mataqali tamata vakacava e via kaya tiko na Kalou vei keda. Na tamata e se bula tu ena bula vakavuravura. Na tamata makawa. Kaya na Kalou vei Mosese “Mo ia, mo toki tani eke, ko iko kei ira na tamata ko a kauta cake mai na vanua ko Ijipita”. Era biuti Ijipita mai e se bula vinaka tu nai tovo vakaIjipita.
Ni sa rawa ni biu na tavo makawa sa na rawa vua na Kalou me na qai cakacaka taco kina noda bula me da rawata na kina na vei sa yalataki oti tu vei keda. Na kalou ena sega ni rawa ni cakacaka taco kina noda bula me taco ni da sa biuta tani nai tovo makawa.
2. Nona veivakarautaki na Kalou.- Provision.
V3 “2 ia ka'u na tala e dua na agilose me liutaki iko; ia ka'u na vakasevi ira tani na kai Kenani, kei ira na Amoraiti, kei ira na Itaiti, kei ira na Perisaiti, kei ira na Aivaiti, kei ira na Jepusaiti:
Na cava na nona veivakarautaki na Kalou vei Mosese ni oti nona tukuna me ra sa biuta na ruku ni ulu ni vanua ko Sainiai?Ni na sega ni rawa ni kalo vata kei Mosese Ko Koya, ia ena tala ga mai e dua na nona agilosi me lako vata kei koya.
Na cava beka na vuna e kaya kina na Kalou ni na sega ni rawa ni lako vata kei Mosese? “ni'u na sega ni lako cake e na kemudou maliwa; ni dou sa tamata domoqa:
Na cava ea kaya na Kalou ena cakava kevaka ena lako vata kei ira na Isireli? de'u vakarusai kemudou e na gaunisala”.
Na cava ea kaya na Kalou ena kitaka vei ira na kedra meca na Isireli? Ena vakasevi ira tani na kai Kenani, kei ira na Amoraiti, kei ira na Itaiti, kei ira na Perisaiti, kei ira na Aivaiti, kei ira na Jepusaiti:
Vakasama Vakayalo
Tukuna na Kalou vei Mosese ni na tala na agilosi me liutaki koya, ni oti nona vakaroti koya me kauti ira tani na tamata mai ruku ni ulunivanua mai Sainiai. E da raica ni nodra liutaki na tamata na Isireli ni oti nodra biuta na Kalou, e taura na nona vei vuke na agilosi ni Kalou vei Mosese me ra tuberi tiko kina na tamata domoqa. Qo nai vakaraitaki ni cakacaka ni Yalo Tabu ni Kalou ena nona dau vei tukberi tiko vei keda, ka vukei keda ena noda i lakolako kina na vanua yalataki.
Na Kalou e na sega ni rawa ni dau tokona nai bulai vlavalava ca. Ena sega tale ga ni rawa vua me lako vata kei ira na tamata domoqa. Ia baleta walega na loloma ni Kalou (grace) ena rawa kina vua me vosota tiko kina nanodai valavala ca me rawa ni veiveivutuni ka vuki lesu ka lesu tale vua(Reprentance)
Kaya na Kalou kevaka au na lako vata kei kemuni, au na vakarusai kemuni. Sai sau ni valavala ca na mate(Roma 6:23). Tukuna na Kalou dou sa rui tamata domoqa(stiffneck people). Qo era tamata ddau sega ni vakarorogo kina nai vakaro ni Kalou, tamata murimuri lomadra, ka ra tamata yalokaukauwa.
Kaya na Kalou ena vakarusai ira na kedra meca. Kalou ena vakarusa nai valavala ca kei ira era na vakatara tiko nai valavala ca. Ko ira na kai Kenani, kei ira na Amoraiti, kei ira na Itaiti, kei ira na Perisaiti, kei ira na Aivaiti, kei ira na Jepusaiti: qo ko ira na vakaraitaki ni tamata bula vakavuravura. Qo na ka e na dau vakatataotaki keda ena ena nodau sasaga me tiko donu tiko ena i serau ni Kalou.
3. Veika sa Yalataki tu- Promise.
3 “io, mo lako ki na vanua sa dave kina na wai-ni-sucu kei na oni: ni'u na sega ni lako cake e na kemudou maliwa; ni dou sa tamata domoqa: de'u vakarusai kemudou e na gaunisala”.
Na vanua cava sa yalataka oti na Kalou vei ira na nora qase? Kaya na Kalou, na vanua sa dave kina wai-ni-sucu kei na oni.
Ko cei na vanua oqo, ka kocei na kedrai taukei? Qo na vanua ko Kenani, kara taukena na Amoraiti, kei ira na Itaiti, kei ira na Perisaiti, kei ira na Aivaiti, kei ira na Jepusaiti:
Na cava e tukuni baleta na vanua oqo? Na vuna e drodro kina na wai ni sucu kei na oni- vanua ni vei vakalougata taki. Vanua ni sautu, Vanua ni vakacegu, sa vakarautaka vei ira na Kalou me nodra kei ira na nodra kawa. Qo e dua na kawa tamata e vakavuna na Kalou, ka vakarauataka vei ira e duan na vanua me ra taukena ka tiko kina vakadua.. Oqo o ira na tamata na mataqali i Isireli.
Na cava nai balebale ni vanua yalataki?Na vanua yalataki sai koya na vanua ka yalataka na Kalou vei ira Eparama , Aisake kei Jekope me ra na taukena nodra kawa mai muri, o sai koya na Kenani vou.Vei keda na tamata vakabauta qo nai yalayala ni kalou vei ira ersa vakabauta me ra rawa ni rawata ni cava na bula e na vuravura eke.Nodai votavota na tamata vakabulai na Lomalagi vou.
Vakasama Vakayalo.
Yalataka na Kalou vei ira na Isireli ni ra na taukena na Kenani vou, ena vanua sa vakarautaka koya me nodra.O keda na tamata vakabulai edua tale na nodai votavota, oya sai koya na Lomalagi vou. Ko ira esa vakabulai sa nodra i votavota na bula tawa mudu ena lomalagi vou..
