01/01/2026
~ 2025ም እንደ ሌሎቹ ዘመናት ከነክፋቱ ማለፉ ነው። በጣም ክፉና ተለዋዋጭ ቀናትን ይዞ መጥቶ ነበር ብዬ ብደመድም ከእኔ ጋር የምትስማሙ ይመስለኛል። ደግነቱ ቶሎ ማለፉ። ክፋቱ ግን ከሱ በሚከፋ ሌላ ዓመት መተካቱ።~
>>>የሚመጣውም የሚገፉ፤ ቢችሉ ሊጥሉ እና ሊነጥሉ የሚሞክሩ ሞገደኛ ነጣቂ ጊዜያትን ያቀፈ እንደሚሆን ማጤን አለብን። >>>በዓለም ሳለን ይህ ይሆን ዘንድ የግድ ነው ተብሎ ተጽፏል።
>>>ደግነቱ የእኛ ተስፋ መለዋወጥም ሆነ እርጅና የማይሞክረው እግዚአብሔር መሆኑ በጀን። “ይብላኝለት ጌታ ለሌለው” እንዳለችው ነው።
~~ነገሩ ሰቆቃወ ኤርምያስ ምዕራፍ 3:21-25
እንደሚመክረን ነው~~~~~~
"21 ይህን አንድ ነገር በማስብበት ጊዜ
በተስፋ እሞላለሁ።
22 ይኸውም ሳንጠፋ የቀረነው
የእግዚአብሔር ምሕረት ከቶ
የማያቋርጥና ፍቅሩም ዘለዓለማዊ ስለ
ሆነ ነው። 23 እነርሱ በየማለዳው
ይታደሳሉ፤ ስለዚህ የአንተ ታማኝነት
ታላቅ ነው። 24 የእኔ አለኝታ
እግዚአብሔር ስለ ሆነ፥ እርሱን ብቻ
ተስፋ አደርጋለሁ። 25 እግዚአብሔር
በተስፋ ለሚጠባበቁትና
እርሱን ለሚፈልጉ መልካም ነው።”
ስለዚህ እግዚአብሔርን ብቻ ተስፋ የምታደርጉ ቅዱሳን በዚህ የምስጋና ጸሎት
ተባበሩኝ።
እግዚአብሔር የሰማይ አባት አንተ ብቻ
ታማኝ ነህ። አትለወጥም፤ ዓመታትህም አያረጁም። ታድናለህ፤ ትታደጋለህ፤ ታሻግራለህ። በዚህ ባለፈው ዓመት በምህረትህ ብዛት በቤትህ እንዳኖርከን በመጭዎቹ ዘመናትም አንተኑ ብቻ ተስፋ እናደርጋለን። ራራልን፤ በፊትህ ደስታ አጥግበን- በህይወት እንኖራልን።
የልጅህ የኢየሱስ ክርስቶስ ወንጌል ለቤተሰቦቻችን፣ ለጎረቤቶቻችን፡ ለህብረተሰባችንና ለምድራችን ህይትን እንዲሰጥ እንለምንሃለን።
በጭንቀትና በደዌ ለተያዙ ሁሉ፣ በእስራት ላሉ ሁሉ፤ በስደት እና በመከራ ለሚያልፉት ሁሉ እንድትራራ እንለምንሃለን።
ሁሉ ለስምህ ክብር ይሁን።
ጌታም ክርስቶስም በሆነው በውድ ልጅህ በኢየሱስ ስም።
አሜን
አቤት ጌታ ባለመላ Telegram - https://t.me/AbetgetaBalemelaAlbumBotApple Music - https://music.apple.com/us/album/abet-geta-balemela/1629903357Spotify - https://ope...
