06/11/2026
Հնարավոր է՝ այսօր դուք հոգնել եք ձեր մտքի դեմ թշնամու հարձակումներից, նրա կեղտոտ զրպարտության ու մեղադրանքների անդադար ճնշումից։
⁉Մի՞թե ժամանակը չէ «պարսատիկի մեջ դնելու հավատքի քարը», դրանով ջախջախելու այդ բոլոր սուտ մտքերը, տապալելու դրանք գետնին, իսկ հետո «կտրելու դրանց գլուխը», որպեսզի նրանք այլևս երբեք չհամարձակվեն ձեզ սարսափեցնել։ Պատասխանը գտնում ենք Սուրբ Գրքում։
📖Եկեք անդրադառնանք Դավթի պատմությանը։ Պատանին չվախեցավ դուրս գալ փղշտացի հսկա մարտիկի դեմ, որի վրա ավելի քան 300 կիլոգրամ զրահ կար, այն դեպքում, երբ իր հետ չուներ ոչ մի զենք, բացի պարսատիկից և հինգ քարից։ Բնական տեսանկյունից Դավիթը բոլորովին պատրաստ չէր նման թշնամու հետ հանդիպմանը։ Սակայն նա ուներ այն, ինչ ոչ մի զրահ չի կարող փոխարինել՝ հավատք։ Հենց դրա ուժով նա Գողիաթին հայտարարեց.
📖 «...Դու գալիս ես ինձ վրա սրով, գեղարդով ու վահանով, բայց ես գալիս եմ քեզ վրա Զորաց Տիրոջ՝ Իսրայելի զորքերի Աստծո անունով, որին դու նախատեցիր։ Այսօր Տերը քեզ իմ ձեռքը պիտի մատնի, և ես քեզ պիտի սպանեմ ու գլուխդ կտրեմ քեզնից, և փղշտացիների բանակի դիակներն այսօր երկնքի թռչուններին ու երկրի գազաններին պիտի տամ. և բոլոր երկիրը պիտի գիտենա, որ Իսրայելում Աստված կա» (Ա Թագավորաց 17:45-46):
Եվ խոսքերը չմնացին անպատասխան։ Եվ այնուհետև գրված է. «Եվ Դավիթը ձեռքը տարավ իր պարկը, այնտեղից մի քար առավ, պարսատիկով նետեց ու փղշտացու ճակատին խփեց. և քարը մխրճվեց նրա ճակատի մեջ, և նա երեսի վրա գետին ընկավ։ Այսպես Դավիթը պարսատիկով ու քարով հաղթեց փղշտացուն, զարկեց փղշտացուն ու սպանեց նրան...» (Ա Թագավորաց 17:49-50):
💪Բայց Դավիթը սրանով կանգ չառավ։ Երբ Գողիաթն արդեն ընկած էր գետնին՝ տապալված իր պատանի հակառակորդի պարսատիկից արձակված փոքրիկ քարից, Դավիթն օգտագործեց հնարավորությունը և գործը հասցրեց ավարտին։
📖Հաջորդ համարում ասվում է. «...վազեց ու կանգնեց փղշտացու վրա, առավ նրա սուրը, պատյանից հանեց, սպանեց նրան և դրանով կտրեց նրա գլուխը...» (Ա Թագավորաց 17:51):
❗Ճիշտ այնպես, ինչպես Դավիթը չթողեց, որ Գողիաթն ապրի, դուք ևս պարտավոր չեք լսել այն անարդար մտքերը, որոնք փորձում են գերել ձեր միտքն ու զգացմունքները։ Դուք կարող եք կանգնեցնել դրանք և հեռացնել ձեր կյանքից։
✔Հիշե՛ք, Աստված ցանկանում է ձեր միտքն ազատագրել սատանայի ամեն մի սուտ մտքից։
Մենք պատրաստ ենք աղոթքով աջակցել ձեզ, որպեսզի Տիրոջից խաղաղություն, շնորհ և իմաստություն ստանաք, թե ինչպես ազատել ձեր միտքը ստից։
