Bhai Amritpal Singh Khalsa Ji

Bhai Amritpal Singh Khalsa Ji ਪੰਥ ਵੱਸੇ ਮੈਂ ਉੱਜੜਾਂ, ਮਨ ਚਾਓ ਘਨੇਰਾ

12/28/2023

ਅਨੰਦਪੁਰ ਦੀ ਨਗਰੀ ਤੋੰ ਮਾਛੀਵਾੜੇ ਦਾ ਸਫਰ ਘਾਟੇ ਨਫੇ ਤੋਂ ਪਰਾਂ ਹੈ ..ਜਿਹੜਾ ਬੰਦਾ ਇਹਨਾਂ ਸਫਰਾਂ ਨੂੰ ਘਾਟੇ ਨਫੇ ਦੇ ਦੁਨੀਆਵੀ ਪੈਮਾਨੇ ਚ ਤੋਲਦਾ ਹੈ ਉਹ ਧਰਮੀ ਨਹੀੰ ਹੋ ਸਕਦਾ .. ਸੰਸਾਰੀ ਸਭ ਕੁਝ ਲੁਟਾ ਕੇ ਵੀ ਧਰਮ ਬਚਾਉਣ ਦਾ ਫੈਸਲਾ ਕਰਨਾ ਇਹ ਗੱਲ ਅਧਰਮੀਆਂ ਨੁੰ ਪਸੰਦ ਨਹੀੰ .. ਉਹ ਇਹਨਾਂ ਫੈਸਲਿਆਂ ਨੂੰ ਸਿਰਫ ਇਸ ਕਰਕੇ ਨਿੰਦਦੇ ਹਨ ਕਿਉਕੀ ਉਹਨਾਂ ਦੀ ਸਾਰੀ ਲੜਾਈ ਇਹਨਾਂ ਸੰਸਾਰੀ ਸਾਧਨਾ ਤੱਕ ਸੀਮਤ ਹੈ .. ਉਹਨਾਂ ਨੂੰ ਸ਼ਹਾਦਤ ਦੀ ਸਮਝ ਕਿਵੇਂ ਆ ਸਕਦੀ ਹੈ .. ਸ਼ਹਾਦਤ ਦਾ ਲੇਖਾ ਜੋਖਾ ਜੇ ਬਾਣੀਆਂ ਕਰੇਗਾ ਤਾਂ ਉਹ ਇਸਨੂੰ ਸਭ ਤੋਂ ਵੱਡਾ ਘਾਟਾ ਲਿਖੇਗਾ .. ਜੇ ਧਰਮੀ ਕਰੇਗਾ ਉਹ ਇਸਨੂੰ ਲੋਕ ਪ੍ਰਲੋਕ ਚ ਸਭ ਤੋੰ ਸੱਚਾ ਸੌਦਾ ਕਹੇਗਾ .. ਦੋਵਾਂ ਦਾ ਇਹੋ ਫਰਕ ਜਦੋੰ ਵੱਡੇ ਪੱਧਰ ਤੇ ਸਾਹਮਣੇ ਆਉਦਾ ਹੈ ਤਾਂ ਸਿਧਾਂਤਕ ਵਖਰੇਵੇਂ ਜਨਮ ਲੈ ਲੈਂਦੇ ਹਨ .. ਇਹ ਵਖਰੇਵੇਂ ਗੱਲਾਂਬਾਤਾ ਨਾਲ ਸੁਲਝਦੇ ਨਹੀੰ ਹੁੰਦੇ .. ਇਹ ਵਖਰੇਵੇਂ ਸਦਾ ਰਹਿਣਗੇ .. ਪਰਵਾਨੇਂ ਸ਼ਮਾਂ ਚ ਅਜਿਹਾ ਕੀ ਵੇਖਦੇ ਹਨ ਕਿ ਜਦੋਂ ਸ਼ਮਾਂ ਬਲਦੀ ਹੈ ਤਾਂ ਉਹਨਾਂ ਨੂੰ ਕੀੜਿਆਂ ਦਾ ਜੀਵਨ ਜਿਉਣਾ ਨਾਮਨਜੂਰ ਹੋ ਜਾਂਦਾ ਹੈ .. ਇਹ ਗੱਲ ਨੁਕਤੇ ਦੀ ਹੈ .. ਓਹੀ ਨੁਕਤਾ ਜਿਹੜਾ ਪੁੱਤ ਦਾ ਕਲੇਜਾ ਮੁੰਹ ਚ ਪਵਾ ਕੇ ਮੁਸਕਰਾ ਪਵੇ .. ਦੁਨੀਆਵੀ ਅੱਖ ਨੂੰ ਉਹ ਪਾਗਲਪਨ ਲਗਦਾ ਹੈ ..।

- ਅਮ੍ਰਿਤਪਾਲ ਸਿੰਘ

ਮਹਿਲਾਂ ਤੋਂ ਮਾਛੀਵਾੜੇ ਦਾ ਸਫਰ ਦੋ ਤਰਾਂ ਦੇ ਲੋਕਾਂ ਨੇਂ ਵੇਖਿਆ ਇਕਨਾਂ ਸਭ ਕੁਝ ਉੱਜੜਦਾ ਵੇਖਿਆ ਇਕਨਾ ਸਭ ਕੁਝ ਬਣਦਾ ਵੇਖਿਆ .. ਇਕਨਾ ਆਖਿਆ ਰਾਜ ...
12/16/2023

ਮਹਿਲਾਂ ਤੋਂ ਮਾਛੀਵਾੜੇ ਦਾ ਸਫਰ ਦੋ ਤਰਾਂ ਦੇ ਲੋਕਾਂ ਨੇਂ ਵੇਖਿਆ ਇਕਨਾਂ ਸਭ ਕੁਝ ਉੱਜੜਦਾ ਵੇਖਿਆ ਇਕਨਾ ਸਭ ਕੁਝ ਬਣਦਾ ਵੇਖਿਆ .. ਇਕਨਾ ਆਖਿਆ ਰਾਜ ਗੁਆ ਲਏ ਪੁੱਤ ਗੁਆ ਲਏ .. ਇਕਨਾਂ ਆਖਿਆ ਚਾਰ ਗੁਆਏ ਹਜਾਰ ਕਮਾ ਲਏ .. ਮਖਮਲੀ ਸੇਜਾਂ ਤੇ ਸੱਜਣ ਵਾਲਾ ਅੱਜ ਕੰਡਿਆ ਤੇ ਆ ਬੈਠਾ .. ਕੀ ਖੱਟਿਆ ਤੇ ਕੀ ਕਮਾਇਆ ਸਭ ਕੁਝ ਹੀ ਦਾਅ ਤੇ ਲਾ ਬੈਠਾ .. ਧਰਮੀਆਂ ਦੀ ਅੱਖ ਹੋਰ ਹੁੰਦੀ ਹੈ .. ਨਫੇ ਵੀ ਹੋਰ ਨੁਕਸਾਨ ਵੀ ਹੋਰ .. ਜਦ ਮਹਿਲਾਂ ਦੀ ਕੀਮਤ ਧਰਮ ਗੁਆ ਕੇ ਤਾਰਨੀ ਪਵੇ ਤਾਂ ਕੰਡਿਆਂ ਦੀ ਸੇਜ ਦਾ ਸੌਦਾ ਨਫੇ ਦਾ ਹੈ .. ਪੁੱਤ ਬਚਾ ਕੇ ਨਸਲ ਤਾਂ ਬਚਦੀ ਹੈ ਪਰ ਧਰਮ ਨਹੀਂ.. ਪਰ ਇਹ ਗੱਲਾਂ ਉਹਨਾਂ ਨੂੰ ਕੌਣ ਦੱਸੇ ਜਿਹੜੇ ਜਿਉਂਦੇ ਮਰਦੇ ਹੀ ਮਾਇਆ ਵਾਸਤੇ .. ਅਕਾਲ ਦੀ ਖੇਡ ਹੈ ਉਸ ਆਪ ਹੀ ਰਚੀ ਹੈ ਨਹੀੰ ਕੌਣ ਹੋ ਸਕਦਾ ਹੈ ਜੋ ਉਸ ਨੂੰ ਉਸ ਦੇ ਸਿੰਘਾਸਨ ਤੋੰ ਲਾਹ ਦਵੇ .. ਉਹ ਜਿੱਥੇ ਜਾਵੇ ਤਖਤ ਓਥੇ .. ਤਾਜ ਓਥੇ .. ਸਭ ਕੁਝ ਵਾਰ ਕੇ ਜਦੋਂ ਹਜੂਰ ਮਾਛੀਵਾੜੇ ਵੜੇ ਤਾਂ ਰੁੱਖਾਂ ਨੇਂ ਪੰਛੀਆਂ ਨੇਂ ਹਵਾ ਪਾਣੀ ਪੌਣ ਨੇਂ ਸਭ ਨੇਂ ਆਖਿਆ ਧੰਨ ਭਾਗ ਸਦੀਆਂ ਦੀਆਂ ਅਰਦਾਸਾਂ ਸਨ ਕਿ ਆਪਦੇ ਦਰਸ਼ਨ ਹੋਵਣ .. ਕੰਡਿਆਂ ਆਖਿਆ ਸਤਿਗੁਰੂ ਫੁੱਲਾਂ ਤੇ ਤਾਂ ਸਭ ਸੌਂਦੇ ਹਨ ਸਾਡੇ ਭਾਗ ਖੋਲ ਦਓ .. ਸਾਡੀ ਤਸੀਰ ਹੈ ਪੀੜ ਦੇਣੀ ਪਰ ਇਹ ਵੀ ਤੁਸਾਂ ਦਾ ਹੀ ਹੁਕਮ ਹੈ ਅਸੀਂ ਤਾਂ ਹੁਕਮ ਦੇ ਬੱਝੇ ਹਾਂ .. ਸਤਿਗੁਰੂ ਆਖਿਆ “ਹੁਕਮੈ ਅੰਦਰਿ ਸਭ ਕੋ ਬਾਹਰਿ ਹੁਕਮ ਨਾ ਕੋਇ ॥”

- ਅਮ੍ਰਿਤਪਾਲ ਸਿੰਘ

ਸਿੱਖ ਨਸਲਕੁਸ਼ੀ ਕੋਈ ਐਸਾ ਵਰਤਾਰਾ ਨਹੀਂ ਜਿਹੜਾ ਕਿਸੇ ਇੱਕ ਘਟਨਾ ਕਰਕੇ ਉਜਾਗਰ ਹੋ ਗਿਆ ਹੋਵੇ .. ਸਿੱਖਾਂ ਦਾ ਖੁਰਾ ਖੋਜ ਮਿਟਾਉਣ ਦੀ ਭਾਵਨਾ ਹਿੰਦੂ...
11/02/2023

ਸਿੱਖ ਨਸਲਕੁਸ਼ੀ ਕੋਈ ਐਸਾ ਵਰਤਾਰਾ ਨਹੀਂ ਜਿਹੜਾ ਕਿਸੇ ਇੱਕ ਘਟਨਾ ਕਰਕੇ ਉਜਾਗਰ ਹੋ ਗਿਆ ਹੋਵੇ .. ਸਿੱਖਾਂ ਦਾ ਖੁਰਾ ਖੋਜ ਮਿਟਾਉਣ ਦੀ ਭਾਵਨਾ ਹਿੰਦੂ ਬਹੁਗਿਣਤੀ ਦੇ ਅੰਦਰ ਹਮੇਸ਼ਾ ਤੋਂ ਪਈ ਸੀ ਤੇ ਉਹ ਇੰਦਰਾ ਦੀ ਮੌਤ ਨਾਲ ਫੁੱਟ ਪਈ .. ਪਰ ਸਵਾਲ ਤਾਂ ਇਹ ਹੈ ਕਿ ਜਿਹੜੀ ਕੌਂਮ ਤੇ ਨਸਲਕੁਸ਼ੀ ਦਾ ਖਤਰਾ ਹੋਵੇ ਉਹ ਕਿਸੇ ਖਾਸ ਘਟਨਾ ਨੂੰ ਰੋਕ ਕੇ ਆਪਣਾ ਆਪ ਬਚਾ ਨਹੀੰ ਸਕਦੀ .. ਬਹੁਤੇ ਲੋਕ ਨਵੰਬਰ ਚੁਰਾਸੀ ਨੂੰ ਰਾਜਨਿਤਿਕ ਵਰਤਾਰਾ ਸਮਝਦੇ ਹਨ ਪਰ ਅਸਲ ਚ ਰਿਹ ਧਾਰਮਿਕ ਮਸਲਾ ਹੈ .. ਸਿੱਖਾਂ ਦੇ ਵੱਖਰੀ ਹੋੰਦ ਤੇ ਨਿਆਰੇ ਹੋਣ ਦਾ ਦਾਅਵਾ ਹਿੰਦੂ ਨੂੰ ਕਦੇ ਬਰਦਾਸ਼ਤ ਨਹੀਂ .. ਉਹ ਹਰ ਹੀਲਾ ਵਰਤ ਕੇ ਸਿੱਖਾਂ ਨੂੰ ਹਿੰਦੂਆਂ ਦਾ ਅੰਗ ਸਾਬਿਤ ਕਰਨਾ ਚਾਹੁੰਦਾ ਹੈ ਕਈ ਵਾਰ ਉਸਦੇ ਤਰੀਕੇ ਪਿਆਰ ਨਾਲ ਸਿੱਖਾਂ ਦੀ ਹਸਤੀ ਮਿਟਾ ਦੇਣ ਦੇ ਹਨ .. ਜਿਵੇਂ ਇਹ ਕਹਿਣਾ ਕਿ ਸਿੱਖ ਸਾਡੇ ਭਰਾ ਹਨ ਸਾਡੇ ਤੋਂ ਬਾਹਰੀ ਨਹੀਂ ਇਹ ਗੱਲ ਸਿੱਖਾਂ ਦੀ ਨਿਆਰੀ ਹੋਂਦ ਨੂੰ ਰੱਦ ਕਰਦੀ ਹੈ .. ਤੇ ਜਦੋਂ ਸਿੱਖ ਇਸਦਾ ਵਿਰੋਧ ਕਰਨ ਤਾਂ ਹਿੰਦੂ ਸੱਤਾ ਦੇ ਨਸ਼ੇ ਚ ਸਿੱਖਾਂ ਦਾ ਖੁਰਾ ਖੋਜ ਮਿਟਾਉਣ ਲਈ ਤੁਰ ਪੈਂਦਾ ਹੈ .. ਚੁਰਾਸੀ ਚ ਸਿੱਖਾਂ ਦਾ ਘਾਣ ਕਰਨ ਵਾਲੀ ਭੀੜ ਉਹ ਆਮ ਹਿਂਦੂਆਂ ਦੀ ਸੀ ਜਿਹੜੇ ਇਹ ਦਾਅਵਾ ਕਰਦੇ ਹਨ ਕਿ ਸਿੱਖ ਹਿੰਦੂਆਂ ਦਾ ਹੀ ਅੰਗ ਹਨ .. ਸਿੱਖਾਂ ਦੇ ਅੱਜ ਵੀ ਨਸਲਕੁਸ਼ੀ ਦਾ ਖਤਰਾ ਓਵੇਂ ਹੀ ਹੈ ਲਾਲ ਕਿਲੇ ਤੇ ਨਿਸ਼ਾਨ ਸਾਹਿਬ ਚੜਾਉਣ ਕਰਕੇ ਇਹ ਪ੍ਰਗਟ ਨਜਰ ਆਇਆ ਸੀ .. ਪਰ ਕਿ ਨਿਸ਼ਾਨ ਸਾਹਿਬ ਚੜਾਉਣਾ ਗਲਤ ਸੀ ? ਬਿਲਕੁਲ ਨਹੀੰ .. ਆਪਣੀ ਵੱਖਰੀ ਹੋੰਦ ਦਾ ਪ੍ਰਗਟਾਵਾ ਕਰਨ ਤੇ ਜੇ ਤੁਹਾਡੀ ਨਸਲਕੁਸ਼ੀ ਦਾ ਖਤਰਾ ਬਣਦਾ ਹੈ ਤਾਂ ਓਹੀ ਤੁਹਾਡੀ ਅਸਲੀਅਤ ਹੈ .. ਉਸ ਤੋਂ ਬਾਹਰੀ ਹੋ ਕੇ ਤੁਸੀ ਸਾਹ ਵੀ ਲੈਣਾ ਚਾਹੋ ਤਾਂ ਸੰਭਵ ਨਹੀਂ.. ਗੁਲਾਮ ਕੌਂਮਾਂ ਕਦੇ ਵੀ ਆਪਣੇ ਘਾਣ ਲਈ ਜਿੰਮੇਵਾਰ ਨਹੀਂ ਹੋ ਸਕਦੀਆਂ .. ਨਸਲਕੁਸ਼ੀ ਕਰਨ ਵਾਲੀ ਕੌਂਮ ਹੀ ਹਰ ਹਲਾਤ ਚ ਦੋਸ਼ੀ ਹੈ .. ਬੇਸ਼ੱਕ ਉਹਨਾਂ ਕੋਲ ਕਿੱਡਾ ਵੀ ਬਹਾਨਾ ਹੋਵੇ ਉਹ ਕੇਵਲ ਬਹਾਨਾ ਹੈ .. ਜਿਹੜੇ ਕਾਰਨਾ ਕਰਕੇ ਸਿੱਖਾਂ ਦੀ ਨਸਲਕੁਸ਼ੀ ਹੋਈ ਉਹਨਾਂ ਹੀ ਕਾਰਨਾ ਕਰਕੇ ਕਦੇ ਹਿੰਦੂਆ ਦੀ ਨਸਲਕੁਸ਼ੀ ਨਹੀਂ ਹੋ ਸਕਦੀ ਇਹੋ ਅਜਾਦੀ ਤੇ ਗੁਲਾਮੀ ਦਾ ਫਰਕ ਹੈ।

- ਅਮ੍ਰਿਤਪਾਲ ਸਿੰਘ

ਸਿੱਖ ਹਰ ਦਿਨ ਦੋ ਵਾਰ ਅਰਦਾਸ ਚ ਪੜਦੇ ਹਨ “ ਰਾਜ ਕਰੇਗਾ ਖਾਲਸਾ” ਇਹ ਸਿੱਖਾਂ ਦੀ ਨਿਆਰੀ ਹੋੰਦ ਦੀ ਤਰਜਮਾਨੀ ਕਰਦਾ ਰਾਜ ਹੈ, ਇਹ ਜਬਰ ਜੁਲਮ ਦੇ ਖਿਲ...
10/28/2023

ਸਿੱਖ ਹਰ ਦਿਨ ਦੋ ਵਾਰ ਅਰਦਾਸ ਚ ਪੜਦੇ ਹਨ “ ਰਾਜ ਕਰੇਗਾ ਖਾਲਸਾ” ਇਹ ਸਿੱਖਾਂ ਦੀ ਨਿਆਰੀ ਹੋੰਦ ਦੀ ਤਰਜਮਾਨੀ ਕਰਦਾ ਰਾਜ ਹੈ, ਇਹ ਜਬਰ ਜੁਲਮ ਦੇ ਖਿਲਾਫ ਊਚ ਨੀਚ ਦੇ ਖਿਲਾਫ ਬੇਗਮਪੁਰਾ ਹੈ, ਧੰਨ ਗੁਰੂ ਨਾਨਕ ਦੇਵ ਜੀ ਨੇਂ ਇਸ ਰਾਜ ਦੀ ਨੀਂਹ ਰੱਖੀ ਹੈ, ਜੇ ਕਿਸੇ ਨੂੰ ਇਹ ਲਗਦਾ ਹੈ ਕਿ ਸਿੱਖ ਰਾਜ ਦਾ ਸੰਕਲਪ ਛੱਡ ਦੇਣਗੇ ਤਾਂ ਇਹ ਉਹਨਾਂ ਦਾ ਵਹਿਮ ਹੈ ਤੇ ਇਹ ਵਹਿਮ ਸਮੇਂ ਸਮੇਂ ਦੀ ਹਕੂਮਤਾ ਨੂੰ ਲੈ ਡੁੱਬਿਆ ਹੈ। ਖਾਲਿਸਤਾਨ ਕੋਈ ਹਊਆ ਨਹੀਂ ਇਹ ਸਾਡੇ ਘਰ ਦਾ ਨਾਮ ਹੈ ਇਸ ਦੀ ਪ੍ਰਾਪਤੀ ਦਾ ਯਤਨ ਏਨਾ ਕ ਪਵਿੱਤਰ ਹੈ ਕਿ ਸਾਨੂੰ ਉਹਨਾਂ ਲੋਕਾਂ ਦੇ ਪੈਰ ਧੋ ਕੇ ਪੀਣੇ ਚਾਹੀਦੇ ਹਨ ਜਿਹੜੇ ਖਾਲਿਸਤਾਨ ਲਈ ਸੰਘਰਸ਼ਮਈ ਹਨ। ਜਿਹਨਾਂ ਨੇਂ ਆਪਣੇ ਘਰ ਪਰਿਵਾਰ ਸਭ ਇਸ ਸੰਘਰਸ਼ ਚ ਲੇਖੇ ਲਾ ਦਿੱਤੇ। ਹਕੂਮਤਾਂ ਨੇਂ ਬਾਰ ਬਾਰ ਇਹ ਚਾਹਿਆ ਕਿ ਸਿੱਖ ਰਾਜ ਦੀ ਗੱਲ ਨਾਂ ਕਰਨ ਪਰ ਸਿੱਖਾਂ ਨੇਂ ਬਾਰ ਬਾਰ ਰਾਜ ਦਾ ਐਲਾਨ ਕੀਤਾ, ਤੇ ਕਰਦੇ ਰਹਿਣਗੇ .. ਜਦੋੰ ਤੱਕ ਦੁਨੀਆਂ ਦੇ ਨਕਸ਼ੇ ਤੇ ਇੱਕ ਵੀ ਸਿੱਖ ਜਿਉਦਾ ਹੈ ਖਾਲਿਸਤਾਨ ਦਾ ਸੰਘਰਸ਼ ਜਾਰੀ ਰਹੇਗਾ।

- ਅਮ੍ਰਿਤਪਾਲ ਸਿੰਘ

ਦੀਪ ਜਦੋਂ ਜਗਦਾ ਹੈ ਤਾਂ ਰੌਸ਼ਨੀ ਚੁਫੇਰੇ ਹੁੰਦੀ ਹੈ ਉਸ ਰੌਸ਼ਨੀ ਤੇ ਕਿਸੇ ਇੱਕ ਦੀ ਮਲਕੀਅਤ ਨਹੀਂ ਹੋ ਸਕਦੀ .. ਕੋਈ ਇੱਕ ਧਿਰ ਜਾਂ ਮਨੁੱਖ ਉਸ ਰੌਸ...
10/28/2023

ਦੀਪ ਜਦੋਂ ਜਗਦਾ ਹੈ ਤਾਂ ਰੌਸ਼ਨੀ ਚੁਫੇਰੇ ਹੁੰਦੀ ਹੈ ਉਸ ਰੌਸ਼ਨੀ ਤੇ ਕਿਸੇ ਇੱਕ ਦੀ ਮਲਕੀਅਤ ਨਹੀਂ ਹੋ ਸਕਦੀ .. ਕੋਈ ਇੱਕ ਧਿਰ ਜਾਂ ਮਨੁੱਖ ਉਸ ਰੌਸ਼ਨੀ ਤੇ ਦਾਅਵਾ ਨਹੀਂ ਕਰ ਸਕਦਾ .. ਦੀਪ ਐਸਾ ਸੂਰਜ ਹੈ ਕਿ ਸਾਰੇ ਉਸ ਕੋਲੋੰ ਚਾਨਣ ਉਧਾਰਾ ਲੈ ਸਕਦੇ ਹਨ ਪਰ ਕੀਮਤ ਅਦਾ ਕਰਨੀ ਪੈਂਣੀ ਹੈ .. ਉਸਦੇ ਚਾਨਣ ਦਾ ਹੱਕਦਾਰ ਓਹੀ ਹੈ ਜਿਹੜਾ ਗੁਲਾਮੀ ਖਿਲਾਫ ਸਿਰ ਧੜ ਦੀ ਬਾਜ਼ੀ ਲਾ ਦੇਵੇ, ਜਿਹੜਾ ਦਿੱਲੀ ਦੀਆ ਅੱਖਾਂ ਚ ਅੱਖਾਂ ਪਾ ਕੇ ਕਹੇ ਕਿ ਪੰਜਾਬ ਤੇ ਦਾਆਵਾ ਸਾਡਾ ਹੈ ਕਿਉਕੀ ਸਾਡੇ ਪੁਰਖਿਆਂ ਨੇਂ ਏਥੇ ਲਹੂ ਡੋਲਿਆ ਹੈ .. ਜਿਹੜਾ ਹੱਥ ਚ ਕਿਰਪਾਨ ਫੜਕੇ ਕਹੇ ਹਲੂਣਾ ਦੇਵੇ ਕਿ ਸ਼ਸ਼ਤਰ ਤੋਂ ਬਿਨਾਂ ਰਾਜ ਨਹੀਂ ਮਿਲਦੇ .. ਦੀਪ ਨੇਂ ਗੁਲਾਮੀ ਦੇ ਹਰ ਪੱਖ ਨੂੰ ਉਜਾਗਰ ਕੀਤਾ ਹੈ .. ਉਹ ਕਿਸੇ ਇੱਕ ਧਿਰ ਦੇ ਵਿਰੁੱਧ ਨਹੀਂ ਲੜਿਆ ਸਗੋਂ ਪੂਰੀ ਹਕੂਮਤ ਖਿਲਾਫ ਜੰਗ ਵਿੱਢ ਗਿਆ .. ਉਹ ਕਿਸੇ ਇੱਕ ਧਿਰ ਚ ਨਹੀੰ ਸਮਾਂ ਸਕਦਾ .. ਦੀਪ ਦੇ ਚਾਨਣ ਨੂੰ ਸਮਝਣ ਲਈ ਸਿਰ ਜੋੜ ਕੇ ਬੈਠਣ ਦੀ ਲੋੜ ਹੈ .. ਉਹ ਜੋ ਕੁਝ ਕਰ ਗਿਆ ਹੈ ਇਹ ਸਮਝ ਲੈਣਾ ਵੀ ਵੱਡੀ ਪ੍ਰਾਪਤੀ ਹੈ..।

- ਅਮ੍ਰਿਤਪਾਲ ਸਿੰਘ

10/27/2023

ਕਾਂਸ਼ ਉਹ ਵੇਲੇ ਫੇਰ ਪਰਤ ਆਵਣ ਜਦ ਪੰਥ’ਚ ਨਾਮ ਦਾ ਪਰਵਾਹ ਮੁੜ ਵਗਣ ਲੱਗਾ ਸੀ। ਬਾਂਕੇ ਗੱਭਰੂਆਂ ਦੇ ਪਿੰਡਿਆਂ ਤੇ ਗੁਰੂ ਦੇ ਬਾਣੇ ਉਹਨਾਂ ਦੀਆਂ ਦੇਹਾਂ ਤੋਂ ਰੂਹਾਂ ਤੱਕ ਖਾਲਿਸ ਕਰ ਰਹੇ ਸਨ। ਅਕਾਲ ਤਖ਼ਤ ਸਾਹਿਬ ਤੋਂ ਤੁਰ ਕੇ “ਖਾਲਸਾ ਵਾਹੀਰ” ਪੰਜਾਬ ਦੀ ਪਲੀਤ ਹੁੰਦੀ ਜਾ ਰਹੀ ਮਿੱਟੀ ਨੂੰ ਮੁੜ ਜਰਖੇਜ਼ ਕਰਨ ਲਈ ਪਿੰਡ-ਪਿੰਡ ਵਿੱਚੋਂ ਲੰਘ ਰਹੀ ਸੀ। ਜਦ ਦੁਨੀਆਵੀ ਚਮਕਾਂ ਦਮਕਾਂ ਤੋਂ ਕਿਨਾਰਾ ਕਰਕੇ ਨੌਜਵਾਨ “ਅਨੰਦਪੁਰ” ਵੱਲ ਮੁੱਖ ਕਰਨ ਲੱਗੇ ਸਨ। ਜਦ ਸਿੱਖ ਕੌਮ ਮੁੜ ਆਪਣੇ ਅਵਚੇਤਨ ਨਾਲ ਵਰਤਮਾਨ ਤੋਂ ਚੁਰਾਸੀ ਅਤੇ ਚੁਰਾਸੀ ਤੋਂ ਅਠਾਹਰਵੀਂ ਸਦੀ ਵਿਚੋਂ ਦੀ ਸਫ਼ਰ ਤਹਿ ਕਰਕੇ ਗੁਰੂ ਕਾਲ ਦੀ ਸਿਫ਼ਤੀ ਦਾ ਨਿੱਘ ਮਾਨਣ ਵਾਲਾ ਅਹਿਸਾਸ ਪਾਲ ਰਹੀ ਸੀ। ਕਾਂਸ਼ ਉਹ ਵੇਲੇ ਮੁੜ ਪਰਤ ਆਵਣ ਤੇ ਉਹ ਨਾਮ ਦਾ ਪਰਵਾਹ ਫੇਰ ਉਸ ਤਰ੍ਹਾਂ ਵਗੇ ਅਤੇ ਉਹ ਸੋਹਣੇ ਬਾਣਿਆਂ ਵਾਲੇ, ਗੋਲ ਦਸਤਾਰਿਆਂ ਵਾਲੇ ਸਸ਼ਤਰਧਾਰੀ ਗੱਭਰੂ ਪੰਜਾਬ ਦੀ ਧਰਤੀ ਨੂੰ ਮੁੜ ਦੁਆਰਾ ਭਾਗ ਲਾਉਣ।Bhai Amritpal Singh Khalsa Ji

10/27/2023

ਸ਼ਹੀਦ ਸਿੰਘਾਂ ਦੇ ਪਹਿਰੇ

ਮੈਂ ਇੱਕ ਵਾਰ ਕਿਸੇ ਗੋਰੇ ਨੂੰ ਮਿਲਿਆ ਉਹ ਅਮਰੀਕਾ ਦੇ ਟੈਕਸਸ ਇਲਾਕੇ ਦਾ ਵਾਸੀ ਸੀ .. ਮੈਂ ਉਸ ਨਾਲ ਹਥਿਆਰਾਂ ਦੀ ਗੱਲ ਛੇੜ ਲਈ ਕਿਉਕੀ ਉਸ ਸਮੇਂ ਅਮ...
10/27/2023

ਮੈਂ ਇੱਕ ਵਾਰ ਕਿਸੇ ਗੋਰੇ ਨੂੰ ਮਿਲਿਆ ਉਹ ਅਮਰੀਕਾ ਦੇ ਟੈਕਸਸ ਇਲਾਕੇ ਦਾ ਵਾਸੀ ਸੀ .. ਮੈਂ ਉਸ ਨਾਲ ਹਥਿਆਰਾਂ ਦੀ ਗੱਲ ਛੇੜ ਲਈ ਕਿਉਕੀ ਉਸ ਸਮੇਂ ਅਮਰੀਕਾ ਚ ਹਥਿਆਰਾ ਤੇ ਪਾਬੰਧੀ ਦਾ ਰੌਲਾ ਚਲਦਾ ਸੀ.. ਮੈਂ ਉਸਨੂੰ ਕਿਹਾ ਅਮਰੀਕਾ ਚ ਤਾ ਇੱਕ ਦੋੰ ਮਿੰਟਾ ਚ ਪੁਲਸ ਸਹਾਇਤਾ ਲਈ ਪਹੁੰਚ ਜਾਂਦੀ ਹੈ ਫਿਰ ਤੁਹਾਨੂੰ ਹਥਿਆਰਾਂ ਦੀ ਲੋੜ ਕਿਉ ਹੈ ਉਹ ਅੱਗੋ ਕਹਿੰਦਾ ਕਿਸੇ ਹੋਰ ਤੋਂ ਸਾਨੂੰ ਪੁਲਸ ਬਚਾ ਸਕਦੀ ਹੈ ਪਰ ਜੇ ਕੱਲ ਨੂੰ ਪੁਲਸ ਹੀ ਸਾਡੇ ਤੇ ਚੜ ਕੇ ਆਈ ਤਾਂ ਫਿਰ ਕਿਸਦੇ ਮੁੰਹ ਵੱਲ ਝਾਕਾਂਗੇ?
ਮਹਾਂਰਾਜੇ ਰਣਜੀਤ ਸਿੰਘ ਦੇ ਰਾਜ ਚ ਜਦੋਂ ਜੁਰਮ ਬਿਲਕੁਲ ਖਤਮ ਹੋ ਗਿਆ ਤਾਂ ਲੋਕਾਂ ਨੇਂ ਸ਼ਸ਼ਤਰ ਵੇਚਣੇ ਸ਼ੁਰੂ ਕਰ ਦਿੱਤੇ ਜਦੋੰ ਮਹਾਂਰਾਜੇ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਹਨਾਂ ਨੇਂ ਪਿੰਡਾ ਚ ਸ਼ਸ਼ਤਰ ਭੇਜੇ ਤੇ ਨਾਲ ਚਿੱਠੀ ਭੇਜੀ ਜਿਸ ਚ ਲਿਖਿਆ ਸੀ ਕਿ ਜੇ ਕੱਲ ਨੂੰ ਮੈਂ ਹੀ ਤੁਹਾਡੇ ਤੇ ਹਮਲਾਵਰ ਹੋ ਕਾ ਆ ਜਾਂਵਾ ਤਾਂ ਤੁਸੀ ਬਿਨਾਂ ਸ਼ਸ਼ਤਰਾਂ ਤੋੰ ਆਪਣਾ ਬਚਾਅ ਕਿਵੇਂ ਕਰੋਗੇ?
ਯੁੱਗ ਬਦਲਣ ਨਾਲ ਸਿਧਾਂਤ ਨਹੀਂ ਬਦਲਦੇ ਰਾਜ ਕੋਈ ਵੀ ਹੋਵੇ ਜਿਹੜਾ ਮਨੁੱਖ ਆਪਣੀ ਤੇ ਆਪਣੇ ਪਰਿਵਾਰ ਦੀ ਰਾਖੀ ਲਈ ਕਿਸੇ ਹੋਰ ਤੇ ਨਿਰਭਰ ਹੈ ਉਹ ਖਤਾ ਖਾਵੇਗਾ.. ਗੁਰੂ ਸਾਹਿਬ ਦਾ ਸਿੱਖਾਂ ਨੂੰ ਸ਼ਸ਼ਤਰਧਾਰੀ ਹੋਣ ਦਾ ਹੁਕਮ ਵਖਤੀ ਲੋੜ ਚੋਂ ਨਹੀਂ ਸੀ ਉਪਜਿਆ ਇਹ ਸਦੀਵੀ ਸਿਧਾਂਤ ਹੈ.. ਹਥਿਆਰ ਸਮੇਂ ਸਮੇਂ ਨਾਲ ਬਦਲਦੇ ਰਹਿੰਦੇ ਹਨ ਪਰ ਕਦੇ ਵੀ ਕਿਤਾਬ ਕਿਰਪਾਨ ਦਾ ਬਦਲ ਨਹੀਂ ਬਣ ਸਕਦੀ…।

- ਅਮ੍ਰਿਤਪਾਲ ਸਿੰਘ

Address

Los Angeles, CA

Website

Alerts

Be the first to know and let us send you an email when Bhai Amritpal Singh Khalsa Ji posts news and promotions. Your email address will not be used for any other purpose, and you can unsubscribe at any time.

Shortcuts

Share

Category