Savali O Le Filemu

06/19/2023

Sleepy

08/31/2022

08/30/2022

04/26/2022

Aso Lua.
Aperila 26, 2022.
Teuterenome 22:1-4
1. A e iloa le povi a lou uso poo lana mamoe ua se, aua nei e lafi ia te ia; a ia e matuā taitaiina atu i lou uso.
2. Afai fo'i lua te le felatai ma lou uso, po ua e leiloa o ia, ona e taitaiina ai lea i lou fale, ona i ai lea ia te oe se ia sailia mai e lou uso, ona e avatu ai lea ia te ia.
3. Ia e faapea fo'i ona fai i lana asini; e faapea fo'i ona fai i lona ofu, ia faapea fo'i ona fai i mea uma ua leiloa a lou uso, ua leiloa e ia, a ua e maua; e le mafai ona e lafi ai.
AUA LE TAOFIA LAU FESOASOANI.
( You may not withold your help.)
Ua faamālō le soifua, mālō fo'i folau. Faafetai i le Atua i lona alofa fua, e le liliu o ananafi ma le asō e faavauvau lava. E fo'i ina pepesi lenei faama'i, ae ua faaalia fo'i le alofa o le Atua e auala mai vailaau ua tepena e Fomai.
Ua talafeauga fo'i le faamanatu mai a le Faitauaso mo i tatou uma...Aua le taofia lau fesoasoani. Soo se avanoa lava ua maua, fesoasoani atu. Aua le faatali se i fesili mai pe ole mai fo'i, ae ia ofoina atu lava i le taimi talafeagai.
Ou te manatua ona po a o ola a'e i Foalalo Savaii. E iai la le sauauli e tataa uma ai puaa a le nuu, ua faapitoa lava fagaga a lea aiga ma lea aiga. E galulue faatasi la tagata uma e vaai lafu puaa. A su'e sau aumatua, e iloa e tagata uma lau faailoga...faavī le taliga taumatau. E le mafai lava ona taofia le taufai fesoasoani a'i.
Ioe le au uso e, ofo atu le fesoasoani mo le ua moomia. O lea fo'i ua aofia tagata uma, i le alofa o le Atua Soifua e ala ia IESU lo tatou Faaola.
Ia manuia ona o IESU...

04/14/2022

Aso Tofi Pa'ia. (Maundy Thursday.)
📖 Luka 23:1-17 (f.3&4)
3. Ona fesili mai lea o Pilato ia te ia, "O oe ea o le tupu o tagata Iutaia?" Ua tali atu o ia i a te ia, "O lea lava."
4. Ona fai ane lea o Pilato i le au ositaulaga sili ma le motu o tagata, "Ou te le iloa se mea e sala ai lena tagata."
O le a lau mea e fai pe a ua maua lou avanoa.
(What will you do with the opportunity.)

04/07/2022

📖
Aso Tofi.
Aperila 7, 2022
Luka 20:20-40 (37,38)
37. A o le faatuina o e ua oti, ua faailoa mai lea mea e Mose i le lau talatala i lona ta'ua o le Alii o le Atua o Aperaamo, o le Atua fo'i o Isaako, o le Atua fo'i o Iakopo.
39. E le o le Atua ia o e ua oti, a o e ola; auā ua ola uma ia te ia,"
NAI MEA MANAOMIA
(The bear necessities.)
E aogā fo'i le fesili, e malamalama ai se mea.
Ua talafeauga lava le fesili a le au satukaio, auā latou te le talitonu i le toetu. O lea ua faamamino atu ai e le Alii lenei fo'i mataupu.
Faafofoga fo'i...
O tagata o le olaga nei, ua fai avā ma nofotane i latou; a o e tauaogaina ia maua e i latou lea olaga, ma le toe tu mai o e ua oti, latou te le faiava pe nofo tane; e le mafai fo'i ona toe oti o i latou; auā ua latou tutusa ma agelu; o fanau fo'i i latou a le Atua, o tagata o le toe tu.
Ioe, amuia e ua muamua atu, auā ua fai
lava i latou ma agelu.

03/15/2022

📖
Aso Lua 15, 2022
1 Tupu 19:1-18 (f.13)
Ua oo mai ia te ia le Leo ua faapea mai, Elia e, se a lau mea e fai ina?
UA LE MAUTONU ELIA
O ituaso o le le mautonu, ona ua le tutusa o tatou mana'o ma mea e tutupu mai, ia tatou toamalie pea ma faalologo i le musumusuga a le Agaga Paia.

03/14/2022

Aso Gafua.
Mati 14, 2022.
📖 2.Samuelu 12:20-23
20. Ona tulai lea o Tavita nai le eleele, ua taele, ma uu, ma sui ona ofu, ona alu atu lea o ia i le fale o le ALII, ma ifo, i le sau ai i lona fale, ua fai atu ia i latou, ona latou laulau mai lea ni mea e 'ai, ona 'ai ai lea o ia.
21. Ua fai mai ana auauna ia te ia, o le a ea lenei mea ua e faia? Na e anapogi ma tutulu, a o soifua le tama; a o lenei, ua maliu le tama, ona e tulai lea ma taumafa.
22. Ona tali atu ai lea o ia, Na ou anapogi ma tagi ina o ola le tama, auā na ou faapea, E iloa e ai, pe alofa mai le ALII ia te au, ia ola le tama.
23. A o lenei ua oti o ia, se a le mea ou te anapogi ai? Ou te mafaia ea ona toe faafoisia mai o ia? ou te alu ia te ia, ae le fo'i mai o ia te au.
OTI O LE ATALII O TAVITA.
Ua talafeauga lelei lenei faitauga, ma le ogasami o loo folau ai si o matou aiga, ma le aulotu SOF i lenei vaitau. Auā
ua tuua le mālō e le alii tiakono fai Pese o Peniamina. E ui la ina tagi u u, a o lea
ua faamanatu mai afioga a le Alii... ou te alu ia te ia, ae le fo'i mai o ia ia te a'u.
Ioe le Tinā pele Mona ma le fanau ma aiga, ia tatou loto tetele pea i le Alii manumalo o IESU.