09/03/2026
Ս. ՀՐԵՇՏԱԿԱՊԵՏԱՑ ԵԿԵՂԵՑԻՆ ՆՈՐ ՎԵՐԵԼՔ ԱՐՁԱՆԱԳՐԵՑ
- «ՀԱՅ-ՔՐԻՍՏՈՆԷԱԿԱՆ ԴԱՍՏԻԱՐԱԿՈՒԹԻՒՆԸ ՀԻՄՔՆ Է ՄԵԼՔՈՆԵԱՆ ԸՆՏԱՆԻՔԻ ԵԿԵՂԵՑԱՇԻՆՈՒԹԵԱՆ ՍԻՐՈՅՆ ՈՒ ԿԱՄՔԻՆ», ԸՍԱՒ ԱՌԱՋՆՈՐԴ ՍՐԲԱԶԱՆ ՀԱՅՐԸ
- ԳԼԽԱՒՈՐ ԲԱՐԵՐԱՐ Տ. ԵՒ Տ. ՎԱՐԱՆԴ ԵՒ ՀՈՒՐԻ ՄԵԼՔՈՆԵԱՆԻ ԿՈՂՄԷ 1.5 ՄԻԼԻՈՆ ՏՈԼԱՐԻ ՆՈՐ ՆՈՒԻՐԱՏՈՒՈՒԹԵԱՄԲ, ՄԵԼՔՈՆԵԱՆ ԱՄՈԼԻՆ ԱՅՍ ՆՊԱՏԱԿԻՆ ՆՈՒԻՐԱՏՈՒՈՒԹԵԱՆ ԸՆԴՀ. ԳՈՒՄԱՐԸ ՀԱՍԱՒ՝ 3.5 ՄԻԼԻՈՆ ՏՈԼԱՐԻ
Կիրակի, 30 Օգոստոս 2026-ի երեկոյեան, Արեւմտեան Թեմի Առաջնորդ՝ Գերշ. Տ. Գեղամ Ս. Արք. Խաչերեան, հանդիսապետեց Լա Քրեսենթայի Սրբոց Հրեշտակապետաց եկեղեցւոյ նոր որակ ու շունչ հաղորդելու կոչուած «Վերելք» կալա-ճաշկերոյթին, որ տեղի ունեցաւ Palladio Banquet Hall-ի մէջ, Կլենտէյլ, եկեղեցւոյ գլխաւոր բարերար՝ մեծարգոյ Տէր եւ Տիկին Վարանդ եւ Հուրի Մելքոնեաններու հիւրընկալութեամբ եւ յատուկ յանձնախումբի կազմակերպութեամբ, որու ատենապետութիւնը կը վարէր Տիար Վարանդ Մելքոնեան:
Առաջնորդ Սրբազան Հօր կողքին, ճաշկերոյթին նաեւ ներկայ եղան Արեւմտեան Թեմի նախկին Առաջնորդներ՝ Գերշ. Տ. Մուշեղ Արք. Մարտիրոսեան եւ Գերշ. Տ. Թորգոմ Արք. Տօնոյեան, Ս. Հրեշտակապետաց եկեղեցւոյ այժմու Հոգեւոր հովիւ՝ Արժ. Տ. Ղեւոնդ Քհնյ. Քիրազեան, առաջին հովիւ՝ Արժ. Տ. Արտակ Աւ. Քհնյ. Տէմիրճեան, ծխական այլ շրջաններու Հոգեւոր հայրեր, Ազգ. վարչութեան ատենապետ՝ Տիար Վահէ Յովակիմեան եւ անդամներ, իրենց կողակիցներով, Ազգ. Կեդրոնական վարչութեան համա-ատենապետ՝ Տիար Ստեփան Տէր Պետրոսեան եւ Տիկինը (որոնք հիւրաբար կը գտնուէին քաղաքս), Կեդրոնական վարչութեան շրջանէս անդամ՝ Տիար Կայծակ Զէյթլեան եւ Տիկինը, եկեղեցւոյ բարերար Մելքոնեան ընտանիքը, գլխաւորութեամբ իրենց մօր եւ մեծ մօր՝ Տիկին Անժել Մելքոնեանի, պատկան մարմիններու եւ ծխական շրջաններու ու քոյր միութիւններու ներկայացուցիչներ, եւ Արեւմտեան Թեմի ճամբով լոսանճե-լըսահայութեան ու ազգի կեանքին մէջ նիւթաբարոյական գործունէութիւն ծաւալած մեծաթիւ ազնիւ բարերարներ, որոնցմէ յիշատակենք՝ Տէր եւ Տիկին Արիս Սթամպօլեան եւ Տիար Մհեր Տէր Յովհաննէսեան, զօրակից ազգայիններ, բարեկամներ եւ հիւրեր:
Շքեղ ու ճոխ երեկոյի հանդիսավարութիւնը կատարեց Թամար Թովմասեան, որուն ողջոյնի խօսքէն ետք, վաստակաւոր թենոր Պերճ Քիրազեան յաջորդաբար հնչեցուց Ամերիկայի եւ Հայաստանի քայլերգները: Առաջնորդ Սրբազան Հօր կողմէ սեղաններու օրհնութեան յաջորդեց համադամ ընթրիք, որուն ընթացքին ցուցադրուեցաւ Սրբոց Հրեշտակապետաց եկեղեցւոյ հիմնադրութեան անցեալ, ներկայ եւ ապագայ փուլերը ներկայացնող գեղեցկօրէն պատրաստուած տեսերիզ՝ ներկաները հաղորդ դարձնելով Լա Քրեսենթայի հայ կեանքէն ներս եկեղեցի հիմնելու մտածումին եւ զայն իրականութիւն դարձնող բոլոր հանգրուաններուն, որոնց ընթացքին եւ ժամանակի թաւալքին հետ համերաշխ գործակցութեամբ յաղթահարուեցան խոչընդոտները, հետզհետէ լուծուեցան դժուարութիւնները՝ շնորհիւ օրուան Առաջնորդներուն, Ազգ. վարչութեան եւ հայ-քրիստոնէական հաւատքով սնած եկեղեցանուէր հայ անհատներու եւ ընտանիքներու:
Յատկապէս այս իմաստով շատ իւրայատուկ հնչեց բարերար ամոլի որդւոյն՝ Տիար Արման Մելքոնեանի ընտանիքի անունով արտասանած խօսքը. ան նախ փառք տալով Աստուծոյ, մեծարեց իր մեծ հօր՝ հանգուցեալ Մելքոն Մելքոնեանի յիշատակը եւ վկայակոչեց սրահին մէջ ներկայ մեծ մօր՝ Տիկին Անժել Մելքոնեանի հոգեւոր ու մարդկային առաքինութիւնները: Ան նաեւ դիտել տուաւ, որ աստուածասիրութիւնն ու եկեղեցասիրութիւնը կը սկսին մեծ ծնողներու տունէն, ուր եօթը զաւակ հայ-քրիստոնէական արժէքներով սնած են, իսկ այսօր, Մելքոնեան ընտանիքը իր 21 թոռներով ահա՛ միասնաբար կը ցնծան իրենց մեծ ծնողներուն անունն ու յիշատակը յաւերժացնող Սրբոց Հրեշտակապետաց եկեղեցւոյ ամբողջական կանգնումին նուիրուած այս ճաշկերոյթին առիթով: Անդրադառնալով իր հօր եւ մօր՝ Վարանդ եւ Հուրի Մելքոնեաններու անսահման եկեղեցասիրութեան եւ բարերարութեան, Արման նշեց, որ իր հօր նիւթական կարողութիւնը չէ, որ այսօր իրականութիւն կը դարձնէ Սրբոց Հրեշտակապետաց եկեղեցին, այլ՝ Մելքոնեան ընտանիքի եւ համայնքի բազմաթիւ զաւակներու հաւատքն ու սէրը առ Աստուած եւ առ Հայ Եկեղեցի, յանուն հայ-քրիստոնէական հաւատքի ծաղկման, հայութեան հոգեւոր եւ ազգային ինքնութեան ու մշակութային արժէքներու պահպանման:
Երեկոն աւելի եւս ոգեւորուեցաւ, մանաւանդ, երբ գլխաւոր բարերար Մելքոնեան զոյգը հրաւիրուեցաւ բեմ: Տիար Մելքոնեան սրտառուչ եւ գօտեպնդիչ խօսքերով լեցուց մթնոլորտը՝ անձնական գողտրիկ մանրամասնութիւններ փոխանցելով եկեղեցւոյ կանգնման ի նպաստ իր հովանաւորութեամբ կատարուած հանգանակութեան եւ դրամահաւաքին մասին: Իր խօսքէն ի յայտ եկաւ, որ Մելքոնեան ընտանիքը, առաջին օրէն մինչեւ այս ճաշկերոյթը, եկեղեցւոյ կանգնումին ու հայացման համար նուիրած է երկու միլիոն տոլար, իսկ ներկայ ճաշկերոյթի կազմակերպման առիթով, ինք անձամբ կապուելով գաղութի մեծատուներուն եւ իր շրջապատի ազգայիններուն, հաւաքած է աւելի քան երկու միլիոն տոլար, առանց ստանալու որեւէ մերժողական պատասխան: Յանուն յանձնախումբի, մեծ թէ փոքր գումարներ նուիրող բոլոր նուիրատուներուն շնորհակալութիւն յայտնելէ ետք, գլխաւոր բարերարը յայտարարեց, որ Սրբոց Հրեշտակապետաց եկեղեցւոյ հայօրէն կանգնումի ծախսը ամբողջացնելու նպատակով, Տէր եւ Տիկին Մելքոնեան ամոլը մէկուկէս միլիոն ($1,500,000) տոլարի նոր նուիրատուութիւն մը եւս կը կատարէ: Սրահը ուրախութեամբ թնդաց, ներկաներուն որոտընդոստ ծափահարութեան ներքոյ: Հուսկ, Տիար Մելքոնեան բացատրեց, որ դրամահաւաքը չէ աւարտած, եկեղեցին նաեւ ունի առօրէական ծախսեր, հետեւաբար, փափաքողներ կրնան միանալ նուիրատուներու ցանկին:
Կազմակերպիչ յանձնախումբի փոխատենապետ, վաստակաշատ գործիչ եւ եկեղեցւոյ հիմնադիր սերունդի ներկայացուցիչ՝ Տիար Տիգրան ՏէրՍարգիսեանի խօսքը Սրբոց Հրեշտակապետաց եկեղեցւոյ հիմնադրութեան եւ օծման անդրադարձում եղաւ՝ Ազգային Առաջնորդարանի շէնքին մէջ գործելէն (2010) մինչեւ 2023, Թորգոմ Սրբազան Տօնոյեանի առաջնորդութեան օրով, Ազգ. Վահան եւ Անոյշ Շամլեան վարժարանի հանդիպակաց տարածքին մէջ օտար եկեղեցւոյ գնումն ու զայն հայկական եկեղեցւոյ վերածելու Ազգ. վարչութեան ու համայնքի զաւակներուն աշխատանքը, հիմնարար բարերարութեամբ Մելքոնեան ընտանիքի, իսկ 2025-ին, Գեղամ Արքեպիսկոպոսի առաջնորդութեամբ, Ս. Հրեշտակապետաց եկեղեցւոյ օծումը՝ ձեռամբ Ն.Ս.Օ.Տ.Տ. Արամ Ա. Կաթողիկոսի, Արեւմտեան մեր Թեմին շնորհած Իր 6-րդ Հովուապետական այցելութեան օրերուն: Տիար ՏէրՍարգիսեան նաեւ պատումը կատարեց՝ յաջորդական երեք Առաջնորդներու օրով Լա Քրեսենթա ծխական համայնքի գոյառման (2005), եկեղեցւոյ հաստատման ու աճման հանգրուաններուն եւ լուսարձակի տակ առաւ շրջանի հայութեան հոգեւոր, կրթական, ընկերային եւ մարդասիրական կեանքին մէջ արձանագրուած յաջողութիւնները: Ան նաեւ շեշտեց, որ Արեւմտեան Թեմի ուժերով նման ծանրակշիռ եւ յոյժ կարեւոր նպատակ մը իրականացնելու համար, անհրաժեշտ էին աննկուն հաւատք եւ աշխատանքի յարատեւութիւն, ապա դրուատեց գլխաւոր բարերար ամոլին, զօրակիցներուն ու կամաւորներուն աշխատանքն ու ծառայական նուիրումը եւ շնորհաւորեց բոլորը՝ Լա Քրեսենթայի մէջ հայկական եկեղեցի կանգնեցնելու երկու տասնեակ տարիներու ի գործ դրուած ճիգը նման յաջողութեամբ պսակուելուն առիթով եւ յոյս յայտնեց, որ յառաջիկայ տարեսկիզբին կարելի կ՛ըլլայ եկեղեցական արարողութիւնները կատարել ամբողջացած եկեղեցւոյ մէջ:
Ճաշկերոյթին պաշտօնական բաժինը եզրափակեց Առաջնորդ Սրբազան հայրը եւ իր խանդավառութիւնն ու շնորհաւորանքը խտացուց հիմնական երեք կէտերու մէջ՝ շեշտելով, որ եկեղեցի եւ դպրոց շինելը հայ ժողովուրդի դարաւոր առաքինութեանց մաս կը կազմէ, եւ թէ՝ հայ մարդը մի՛շտ իր ապրած տունէն աւելի ճոխ ուզած է տեսնել Աստուծոյ տունը, այս պատճառով ալ մեր բոլոր եկեղեցիները գրաւիչ են իրենց ճոխութեամբ ու գեղեցկութեամբ, ըսաւ ան եւ իր խորհրդածութիւնը աւարտեց՝ ըսելով, որ որքան ուժեղ, կանգուն ու շքեղ ըլլայ Հայ Եկեղեցին, այնքան ամուր, հզօր եւ ազգային ինքնութեամբ ու հայ-քրիստոնէական արժէքներով հասակ առած ու սնած կ՛ըլլան ներկայ եւ հետագայ հայ սերունդները, որոնք, յաջորդաբար, ազգային արժէքներու փոխանցում կը կատարեն եւ Սփիւռքի մէջ կ՛ապահովեն հայկական ինքնութեան պահպանումն ու հայ համայնքի հզօրացումը: Նաեւ, Առաջնորդ Սրբազան հայրը յատուկ կերպով գնահատեց Ազգ. Վահան եւ Անոյշ Շամլեան վարժարանի Ուսումնական մարմինն ու մեծ ընտանիքը, որ առաջին օրէն ստանձնած էր նոր կալուածի ամսական մեծագումար պարտամուրհակի վճարման պատասխանատուութիւնը եւ կը շարունակէ զայն մինչեւ օրս:
Գեղամ Արքեպիսկոպոսի օրհնութեան աղօթքով թէեւ վերջ գտաւ ճաշկերոյթի պաշտօնական բաժինը, սակայն բեմին վրայ շարունակուեցան հնչել որակաւոր հայ եւ օտար երգեր, որոնք աւելի եւս ճոխացուցին սրահը լեցուցած ներկաներուն տօնական տրամադրութիւնը: Յայտնենք, որ ճաշկերոյթի ընթացքին, պարբերաբար գործադրուեցաւ գեղարուեստական ճոխ յայտագիր:
VARANT AND HOORI MELKONIAN DONATED $3.5 MILLION TO TH HOLY ARCHANGELS CHURCH
INCLUDING AN ADDITIONAL NEW $1.5 MILLION
To advance the activities of the newly-consecrated Holy Archangels Church in La Crescenta a gala banquet was held on August 30 at the Palladio Banquet Hall in Glendale under the auspices of Western Prelate Archbishop Kegham Khacherian, hosted by the church’s founding benefactors Mr. and Mrs. Varant and Hoori Melkonian and organized by a committee chaired by Mr. Melkonian.
The Holy Archangels Church, which was established in 2005, was officially renamed the Holy Archangels Church in honor of Varant Melkonian’s mother, Angel Melkonian.
Thus, it was especially moving when Varant and Hoori Melkonian’s son, Arman, took the stage to deliver remarks on behalf of the Melkonian family.
Melkonian family matriarch Angel Melkonian with her familyThe new generation of Melkonians
He began by honoring the memory of his grandfather, the later Melkon Melkonian, and praised the spiritual and human virtues of his grandmother, Angel Melkonian, who was in attendance at the banquet.
Arman Melkonian explained that the love of church was engrained in him at the home of his grandparents, where they had raised seven children with Armenian-Christian values.
Today, he said, the Melkonian family, with its 21 grandchildren, is rejoicing together as the banquet dedicated to the completion of the construction of the Holy Archangels Church, which perpetuates the name and memory of his grandparents.
Arman Melkonian also praised his parents’ boundless love of the church and their many philanthropic endeavors, saying that it was not his father’s financial contribution that makes the Holy Archangels Church a reality today, but rather it is the faith and love of the many children of the Melkonian family and the community toward God and the Armenian Church, all for the preservation of the spiritual and national identity and cultural values of the Armenian people.
Varant Melkonian, who was joined on stage by his wife, Hoori, delivered moving and inspiring remarks, sharing his personal journey and some insights into the family’s decision to become benefactors of the church and the fundraising efforts for the construction project and ensuring that the new church would have the unique Armenian characteristics.
It became apparent from his remarks that the Melkonian family, from the very first day until that evening, had donated $2 million for the construction and advancement of the church. Melkonian explained that in organizing the gala, he had personally contacted community benefactors and leaders, whom he knew, and was able to raise an additional $2 million from them without hesitation.
Mr. Melkonian expressed the Committee’s gratitude to all the donors and announced that he and his wife, Hoori, were making an additional $1.5 million donation toward the construction of the Holy Archangels Church. The announcement was met with thunderous applause.
Melkonian added that the fundraising activities were not over and they will continue to ensure the daily operation of the church, and encouraged the community and other donors to contribute.
In his remarks, banquet committee vice-chairman Dikran DerSarkissian reflected on the origins of the La Crescenta Church parish, which was established in 2005 during the tenure of former Prelate Archbishop Moushegh Mardirossian. He explained that from 2010 until 2023, the church was operating out of the Western Prelacy headquarters.
DerSarkissian explained that during the tenure of former Prelate Archbishop Torkom Donoyan the current church compound, located across the street from the Vahan and Anoush Chamlian School, was purchased with a generous donation by the Melkonian family.
During his pontifical visit to the California last year, His Holiness Aram I, Catholicos of the Great House of Cilicia, consecrated the Holy Archangels Church.
He then praised the Melkonians for their dedication and unwavering efforts. DerSarkissian also thanked the supporters and volunteers, congratulating the community on their effort to make the La Crescenta Church parish a success during its more than two decades of service.
In his remarks, Prelate Khacherian reflected on Catholicos Aram I’s message during the consecration event last year, reminding the attendees that the pontiff had stressed that building a church and a school is part of the centuries-old virtues of the Armenian people. He said that the stronger the church becomes, the more the future generations of Armenians will be empowered to preserve their Armenian identity.
The Prelate specifically thanked the Vahan and Anoush Chamlian School Board and family, who since the purchase of the compound have assumed the payment of the mortgage and will continue to bear that responsibility.
Welcoming remarks by Mistress of Ceremonies Tamar Tovmassian were followed by the singing of the American and Armenian national anthems by renowned tenor, Berdj Kirazian. After the Prelate blessed the tables, the attendees were treated to a video presentation chronicling the history of the La Crescenta Church parish and the establishment of the Holy Archangels Church.
Also attending the gala banquet were former prelates Archbishop Moushegh Mardirossian and Torkom Donoyan; the current and former parish priests of the Holy Archangels Church, Reverent Ghevont Kirazian and Very Reverent Ardag Demirdjian, as well as clergy from other parishes; chair of the Western Prelacy Executive Council, Vahe Hovaguimian, who was accompanied by other members of the body; the chair of the Cilician Catholicosate Central Executive Council, Stepan Der Bedrossian, and his wife, who were visiting Los Angeles; member of the Cilician Catholicosate Central Executive Council, Gaidzag Zeitlian, and his wife, Dzovig, who is a member of the Prelacy Executive Council. Also present were community benefactors, among them Aris Stamboulian and Meher Der Ohanessian.
