Pathian Bia Le Hla

Pathian Bia Le Hla Keimah cu USA,Indianapolis ah khuasa mi ka si.

05/21/2026

2Korin 10:3-4
Zei caah tiah taksa in kan nung ko nain taksa duhning in ral kan do lo.
4 Zei caah tiah kannih kan hmanmi raltuknak hriamnam cu taksa thil an si lo, ralhau chimhnak i kan hmanmi cu Pathian ṭhawnnak tu kha a si. Amen 🙏

05/03/2026

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si. Rom 1:16

04/09/2026

1. Jesuh thawngin ka nung.
2. Jesuh thawngin ka dam.
3. Jesuh thawngin ka thawng.
4. Jesuh thawngin thluachuah cotu ka si.
5. Jesuh thawngin vawlei teitu ka si.
English
1. I live through Jesus.
2. I am healed through Jesus.
3. I am strong through Jesus.
4. I am blessed through Jesus.
5. I am the overcomer of the world through Jesus.

03/02/2026

Zochuntlak Mary Nun ( Luke 1:34-48) nun in thazang laa ti than usih..

1.Mary cu Pathian zangfahnak a ting comi nu a si (Luk 1:28,30).

2.Mary cu Pathian duhnak a tlam tlintertu nu a si (Luk 1:38)

3.Mary cu Thiang thlarau ṭhawnak a bochanmi nu a si (Lk 1:35)

4.Mary cu Bawipa bia bantuk in a tuahtu nu a si (Lk 1:38)

5.Mary cu Zumhnak theitlai thuachuakmi zumtu tha a si (Lk 1:45)

6.Mary cu Bawipa nawl a ngai ruangah Pathian nih thluachuah a pekmi nu a si (Mt 1;19-20)

7.Mary cu Bawipa thangṭhat nun, lawmhank nun ngeitu nu a si (Luk 1:46-48)

02/05/2026

Mathai 16:26 Cucaah, mi pakhatkhat nih vawlei hi a ningpi in hei co hmanh sehlaw a nunnak kha a sungh ṭung ahcun a ca ah zei dah a ṭhathnem? Asiloah mi nih a nunnak cu zei he dah a thlen lai..

09/18/2025

2 CHANRENAK 20

20:1-4 Jehoshafet nih harnak caan ah Bawipa a auh. Lot nih a fanule sinin a hrinmi Ammon le Moab tefa hna nih khan Meunim miphun i sawm in ram hmete Judah cu lak an timh. Hmasa bikah Jehoshafet nih Bawipa a auh. A miphun dihlak lungțhumh dingin rawl ulhnak a thanh. Raldoh dingah cun rawl tampi ei in thazaang țhawnter ding kha anmah thazaang rinh loin rawl an ul i Bawipa tu an rinh. Bawipa nih, “Harnak a phak tikah ka au u, kan khamh hna lai i nan ka thangṭhat lai,” a ti (Slm 50:15). Jehoshafet nih Bawipa a auh tikah Bawipa nih a bawmh taktak. A biakam a pel bal lo.

20:5-11 An hnulei tuanbia i Bawipa țhawnnak kha thazaang ah a hman. ‭“Maw Bawipa, kan pupa hna Pathian… Na k*t chungah lianhngannak le ṭhawnnak cu an um i ahohmanh nih an in celh lo,” a ti (20:6). Hihi a biapi tuk. Na tuanbia hnulei her hnawh ve. Bawipa lianghngannak na hmuh ko lai. Na ral a țha lai. Teinak na hmuh than lai. Ka hnulei tuanbia i Bawipa țhatnak le țhawnnak ka tehmi hi ka hmailei kan karhlannak i ralțhatnak a si zungzal ve. ‬‬‬‬‬

20:12 Kannih cu kan der, ka hrut, Bawpa cu a țhawng, a fim tuk, ti hngalh le zumh nih bochannak thinlung a kan pek. “Kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” (20‬:‭12) a ti.‬ Ngakchia pate lente aa celh lioah a langhlatpi in rangtumpi a ra lek cutmat kha a hmuh. A țih tuk i au pah in a le. Innleng ah a pa a rak țhumi țang ah a va i hlonh. Inn chungah hmunphiah aa lak i rangtumpi cu tuk a timh. Zeicahtiah a pa sin a phan cang. Amah lawng cun a ralchia nain a pa he cun a țihmi kha a doh ngam tuk cang. Cucu zumtu nun a si.‬‬‬‬‬

20:13-30 Raldohnak cu Bawipa ta a si. Jahaziel hmang in, “Hi mibu nganpi ruangah nan thinphang in nan lungd**g hlah u; zeicahtiah hi raldohnak cu nanmah ta a si lo, Pathian i a si. Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna, a ti. Nan thinphang hlah u, nan lungd**g hlah u; thaizing ah chuahhnawh hna u law Bawipa cu nan sinah a um lai,” (20‬:‭15‬, ‭17‬) ‭ a ti hna. “Dai tein um ko u… țih hlah u,” tiah tuah lo ding le “Nan umnak hmun kha i tlaih u… chuahhnawh hna u,” tiah tuah ding a chimh fawn hna. ‬‬‬‬‬‬‬‬‬‬‬‬‬‬‬

Pathian tuah ding a um i minung zulh ding a um ve. Daite in um u, ti hi zeihmah tuah lo a si lo. Mah duhnak tuah dingah daih in Bawipa fialmi tuah tu a si. Cucaah daite in um u a ti hna nain an țhu sawhsawh lo. An lu an khun, an bawk, an biak, an dir, an thangțhat. Lukhun le bawh cu toidor le nun apnak langhtertu a si. Cucaah biak nih a zulh. Dir cu i biatak langhternak a si. Biak ah thangțhat le lawmh bia chim hi a muru a si fawn. Zeicahtiah a hmunmi dawtnak a ngei i zumh awktlak cu Bawipa lawng a si. Cucaah Jehoshafat cu a dir i, “Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” a ti hna. An zumh, an bochan, an biak, an thangțhat bantukin a bia bantukin anmah doh hau loin an ral cu anmah le anmah an i hrawk dih taktak. Zumh hi fehnak a si. Pathian minung nawlngaih hi teinak a si.

20:31-37 Jehoshafet nih k*m 25 ram a uk i Bawipa aa tlaih chung cu a ral a tei hna, ram a dai. Hawi țhalo bal nih an hrawh. Mi țhalo pa Ahab he an i komh caah Jehu nih a s*k cang. A d**ghnak ah mițhalo Ahaziah he an i komh țhan caah Eliezer nih, “Ahaziah he nan i komh caah na ser ciami cu Bawipa nih a hrawh lai,” tiah a ti. Cun tilawng hna cu an rawk i Tarshish ah khan an kal kho lo,” (20:37) tiin a tuanbia a d**g. Hawi țhalo hi hmuitinh phanh lo le hlawhtlin lonak, rawhnak le thihnak tiang an si philh hlah usih.

Cuccah Paul nih, “Hawi ṭhalo nih ziaza ṭha a hrawh,” ti pei a si kha. Nan lung i fim ṭhan u law nan sualnak kha ngol hna u,” (1Kor 15:33-34) a ti. Solomon zong nih, “Mihrut cu hrial ko hna,” a ti (Phungt‬ ‭14‬:‭7). “Mifim hna sinah i chawk ve lengmang law na fim lai, mihrut hna he i kom law a ping ah an in hruai lai,” a ti fawn (Phungt ‭13‬:‭20‬). Cucaah Pathian a țih lomi mihrut le mi țha lo cu hrial hna usilaw Pathian a țihmi mi fim mițha tu kom hna usih. ‬‬‬‬‬‬‬‬‬‬‬‬‬‬‬‬‬‬‬‬

Cațialtu: Rev. Dr. William Khen Chum Bik

08/28/2025

3 JOHAN 1 : 4
Afa le biatak chungah khua an sa, ti thawng hlei in a ka lawmhter deuhtu zeihmanh a um ti lo. Amen 🙏 haleluijah haleluijah haleluijah..

07/31/2025

Kolose 3

Paul nih cakuat a țialmi a dang bantukin Kol 1-2 ah Pathian vel (Amah tuahpiakmi, indicative) a kan chimh hnuah Kol 3-4 ahhin Kanmahlei tuah ding fialmi (imperative) a kan chimh țhan.
1) Sehchih ding,
2) Phoih ding le hruk ding,
3) Kan chungah umter ding,
4) Chungkhar ah tuah ding,
5) Philh lo ding, tii thil biapi panga in kan țhen lai.

1) I Sehchih Ding (To Set mind, 3:1-4): “Khrih sinah nunnak ah thawhter mi nan si caah” tiin kan sinak taktak a kan chimh hmasa:
1) Khrih nih a kan thawhpi (We are raised with Christ, 3:1a)
2) Khrih nih a kan thihpi (We died with Christ, 3:3a)
3) Khrih chungah kan nun thuh a si (We are hidden in Christ, 3:3b)
4) Khrih chungah a tu hi kan nung (We live in Chrisr, 3:4a)
5) Khrih chungah sunparnak hrawmh kan si (We are glorified in Christ, 3:4b) ti a kan chimh hmasa.
Cunglei mi kan si cang caah cunglei thil sehchih a kan fial. Sehchihmi nih kan sinak a sersiam ve. Tanglei vawlei thil, suingun chawva le thil le ri lawng kan i sehchih ahcun tanglei vawlei ah kan nun a pil chin lengmang ko lai. Cunglei van thil sehchih in kan nun ahcun kan thih hlan in ka thinlung hi van ah khua a sa cia ve ko lai. Zeidah naa sehchih?

2) I Phoih ding le Hruk ding (To put off and on, 3:5-14): Khrih kan ai ah a thi (substitution) ti lawng a za lo. Khrih he sual ah a thi țimi le dinnak ah a tho țimi (Identification/ Participation) si a herh. Nuamhnak hmun ah kal a huam tukmi nungak unau pahnih an um. Voi khat cu an kal tawnnak nuamhnak hmun ah an kal ti lo. An sawm lengmang hna tikah hitihin ca an leh hna. “Naite ah khan kan thi cang i kan ra kho ti lai lo,” ti a si. Thih hnuah cakuat țial cu a um bal lo. Sual tuah ding tu ah kan thi cang an ti duhnak a si.

Cucaah Khrih a a simi nih i phoih ding le hruk hruk ding ziaza a kan chimh. Phoih a kan fialmi cu vawlei thisa duhnak a si (3:5). Zeicahtiah Pathian thinhun tertu, kan mihlun nih a rak i hruk tawnmi thihnak uniform a si (3:6). Cu mihlun cu Khrih nih a thihpi cang caah Khrih chungah a nungmi mithar uniform tu i hruk a kan fial (3:7-8). “Hi mi thar hi a sertu Pathian nih amah mui lo chin lengmang in a tharchuah lengmangmi cu a si” (3‬:‭10‬) a ti.

3) Kan Chungah Umter Ding (thing to dwell in us, 3:15-17): Mi thar hi a tling rih lo. A tlin chin lengmangnak dingah thinlung chunglei ah i chiah peng ding a kan chimh. “Khrih daihnak nih nan thinlung uk seh… Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u,” a ti (3‬:‭15‬-‭16‬). ‭Khrih velngeihnak le khamhnak, a nuncan le a cawnpiaknak, nifa zanfa kan mit in zoh, kan kaa in rel le phuan, kan thinlung in ruah, kan k*tke in zulh hi Khrih lawh chin lengmangnak lam a si.

Jesuh aiawh in vawlei ah ngakțah 10024, sifak fa 120,000 a cawm i missionary 187 a thlahtu George Mueller nih Bawipa caah USD nuai 98 hrawng a hloh. Zumhnak pa (Man of Faith) an ti. Cu ti a si khawh nakding ah Baibal a hram in a d**gh tiang voi 200 a rel. Voi 100 cu khukbil thlacam (tuah ding Pathian hal bu) in a rel. “Baibal na rel deuhdeuh le rel na duh deuhdeuh lai, na thlacam a tlawm deuh le thlacam na huam lo deuhdeuh lai. Thlacam le Baibal rel huamnak lam țha bik cu cam le rel lengmang a si,” a ti. Kan thinlung chungah Pathian bia a um lo ahcun zei thei țha cu dah a tlai rua hnga?

4) Chungkhar ah tuah ding (To practice in family, 3:18-4:1):
1) Nuleva: Nupi nih va tang i dor, va nih nupi dawt (Love & Submission, 3:18-19)
2) Nulepa le Fale: Nulepa nih thapek thiam, Fle nih Nawlngaih (Encourgement & Obedience, 3:20-21)
3) Bawi le Sal: Sal nih zumhtlak tein Pumpek le Bawile nih ding tein pehtlaih (Devotion & Honesty, 3:22-4:1)
5) Philh Lo Ding (Thing to be always remembered, 3:23-24): “Zei thil nan tuah paoh ah, minung caah si loin Bawipa caah ka ṭuan ti lungput ngei in, nan lungthin dihlak in ṭuan u. Bawipa nih nan ṭuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan ṭuanmi Bawi taktak cu Khrih kha a si,” a ti. Hihi sal pawl a cahmi hna a si nain zumtu Pathian salle a kan cahmi zong a si ve.

Voi khat cu lam kam ah minung pathum lung an khuai. A hmasa bik pa kha, “Zei na tuah?” tiah an hal i “Lung ka khuai ko,” a ti hna. A pahnihnak pa cu an hal ve i “Kuli ka lek,” a ti hna. A pathumnak pa tu nih cun “Kei cu biakinn ka sa,” a ti hna. An țuanmi rian, an i tlaihmi sobul, an țuannak hmun aa khat ko nain an riantuanning lungput aa dang. Suimilam pakhat $20 company rian in Pathian ka rianh, Arzuat in sifak mihar ka bawm, Sushi dawr in thlarau tlau ka tlai, ti philh hlah. Ka țuanmi rian zeihmanh hi Pathian rian an si dih ti lungput țha he lungthin dihlak in țuan ding hi Paul nih a kan cawnpiak duhmi si.

Țuan man hmuh ding zong a kan kamh fawn. Vawlei ah kan țuan man cu kan țuan zet in phaisa le chawva kan hmu. Bawipa nih kan țuan man nihlawh a kan pekmi tu cu vawlei thluachuah lengah man sung bik van thluachuah lawmhnak aa tel chih zungzal.

Cațialtu: Rev. Dr. William Khen Chum Bik

07/30/2025

Kolose 2

2:1-5 “Khrih cu Pathian fimnak le hngalhnak aa thupmi hunnak tawh a si.” (2‬:‭3‬) Inn pakhat chung luh kan duh tikah amah innka tawh tein hun a herh. Kan Pathian hi a fim. Phungt 3:19 ah, “Bawipa nih fimnak in vawlei kha a rak dirh,” a ti (Phungt 3:19). A fimmi kan Pa nih fim hna seh ti a kan duh ve. Cucaah A fimnak innpi chung luhnak tawh cu a kan pek. Cu tawh cu Khrih a si, a ti.

Kolose Khrihfabu hi Paul nih a dirhmi a si lo caah chungtel zong nih an hngal ve lo. Cucaah fakpi in Khrih rian a țuannak kong hngalhter a duh hna. Cucu amah mințhatnak caah si loin Kolose Khrihfabu nih amah bantukin ralțhatnak, dawtnak le hngalhnak thiang an ngeih nakhnga caah a si. Lawh ngai țung in a tak a si lomi le a hmaan lomi thil in i hlenter lo ding le fek tein hmun khatte i dirți ding a cah hna.

2:6-7 Zumhnak fek he an țhannak ding caah:
1) Thingkung bantukin Pathian bia chungah hram thuk thlak ding,
2) Inn bantukin foundation a fekmi cung ah an zumhnak bunh ding,
3) Sianginn bantukin hngalhnak kau a ngeimi zumhnak ngeih ding,
4) Tiva ti bantukin a liam in a liammi lunglawmhnak in khah ding, a fial hna.

2:8-10 An zumhnak a hrawktu thil i kham ding zong a chimh hna; Abikin Nostik (gnostic) cawnpiaknak a si lai tiah an zumh. Thlarau lei thil lawng a uar i pumsa in Jesuh nih a intuarnak a zum duh lomi, an si. Cucaah, “Pathian sining cu tling khitkhet tein Khrih a minung sinak ah khan a um” (2:9) a tinak a si. Thlaraulei khuaruahhar thil lawng uar i minung lei țuannak le tuarnak a duh lomi zumhnak ralrin a kan pek. Thlarau deuhdeuh, tuar ngamh deuhdeuh ding a si.
2:11-21 Minung tuahmi cungah si loin Khrih limpiak ciami cungah hram a bunhmi zumhnak, dawtnak kha lawmhnak in a lehrultu, Khrih he a fekmi chunglei pehtlaihnak ngeih a kan duh. Cucaah, “Kan leiba ṭialnak ca cu a chung i a ummi upadi vialte hna he khan a hrawh dih cang i vailamtahnak cung i a khenhchihnak thawng khan kanmah dawntu si ti lo dingin a hlonh,” a tinak a si (2‬:‭14). ‭Khrihfa zumhnak dik cu si dingah tuah si loin sinak in tuah tu a si.

2:18-23 “Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw,” a ti (2:18). Hihi Nostic (Gnostic) zumhnak phun khat a si i taksa le thlarau țhen in taksa pum a intuar deuhdeuh ah thlarau aa lawm tiin tlang ah kai, rawl ulh, pum i hrem in thlarau bia ka thei a timi an rak um caah a si.

Langhnak hmuh uar rawlulh, hawi nakin thlarau lei in ka sang deuh, mah ruahnak Pathian aw puh, tbk thlaraulei porhlawtnak a chuah tertu thlaraulei cawlcanghnak hi ralrin a herh. Rawlulh muru cu kan thinlung nun ah mah taksa duhnak thih deuhdeuh, Pathian duhnak țhawn deuhdeuh, i toidor deuhdeuh, minung hawi dawt deuhdeuh, bawmhnak thazaang chuah deuhdeuh a si (Is 58:6-8). Khuaruahhar tuah khawhnak Thlarau laksawng hmu dingin Pathian mithmai țha cawknak lam zong a si lo. Pathian hmaikawlnak tu a si.

2:16-17,20-23 Lenglei thil a uarmi si loin chunglei pehtlaihnak chungin a chuakmi chiațha thleidannak tu ah hram a bunhmi zumhnak ngeih ding a forh hna. Lenglei cuarpartan, puai le zarh tbk ah hrambunhmi zumhnak si loin chunglei cuarpartan a timi chiațha thleidannak thiang in biachahnak, lungkhiahnak le biakamnak fek tuah in Pathian he i pehtlaih a kan duh. ‬

Khrihfa zumhnak cu nawlbia hlun a simi “hlah” (don’t) timi ah hram a bunhmi si loin “dawtnak” (love) tu ah hram a bunhmi zumhnak a si. “Ei hlah, tuah hlah” tiah fialmi cu ngakchia an si tawn. Upapi kha “hlah” ti lengmang a hau lo. Dawtnak in thilțha tuah tu a herh. Rom 13:8-10 ah, “A minung hawi a dawmi paoh nih cun Nawlbia kha a zulh a si ko… A innpa a dawmi nih cun a innpa cungah ṭhat lonak a tuah bal lo. Cucaah Nawlbia tling tein zulh cu dawt hi a si ko,” timi nih hin a fianter tuk. Dawtmi minung kha “that hlah” tiah thlauh len a hau lo. Kan innpa kan dawt hmasa ahcun anih sung in kei miak ning tiah a thil ka firpiak bal lai lo.

Cucaah Bawi Jesuh zong nih, “Pathian nih tuah hna seh, ti an duhmi hna tuahnak ah, Phungbia cawnpiaktu saya hna le Farasi mi hna nakin nan fel deuh lo ahcun, Vancung Pennak chungah cun nan lut kho lai lo,” a ti (Mt‬ ‭5‬:‭20‬). ‭”Nan fel deuh lo ahcun” ti hi “an tuahmi lonh in” (transcend) tinak a si. A tuah zet (quantity) nakin a lungput (quality) kha a chimduh deuhmi a si. Dawtnak ah hram a bunhmi nunzia hi nawlbia a lonhmi Vancung pennak minung nunzia a si.

Cațialtu: Rev. Dr. William Khen Chum Bik

07/17/2025

Tuazan kan sin ah, Evan .Bah Sui Thawngtha a chim lai.Adress-155 Tulip Dr,46227(Acaan 7:00 pm)

Address

Indianapolis, IN

Website

Alerts

Be the first to know and let us send you an email when Pathian Bia Le Hla posts news and promotions. Your email address will not be used for any other purpose, and you can unsubscribe at any time.

Shortcuts

Share

Category