Texas Chin Catholic Community of Lewisville

Texas Chin Catholic Community of Lewisville Contact information, map and directions, contact form, opening hours, services, ratings, photos, videos and announcements from Texas Chin Catholic Community of Lewisville, Religious organisation, 5201 Cross Timbers Road, Flower Mound, TX.

23rd Sunday in Ordinary Time9/6/26 TCCC
09/07/2026

23rd Sunday in Ordinary Time
9/6/26 TCCC

09/05/2026

23rd Sunday In Ordinary Time (9.6.26)(2:15pm -.

First reading Ezekiel 33:7-9

7.Mipa, nangmah cu Israel mi hna caah ralvengtu ah kan ser. Ka sinin bia kha na lak hna lai i annih sinah ralrinnak kha na pek hna lai.8.Mi pakhatkhat cu a ṭhat lo ruangah a cungah thihnak biakhiahnak ka tlunter ko lai; nangmah nih amah kha a ziaza ṭhinh awkah ralrinnak na pek lo zongah a sualnak cu amah ta a si ko i a ṭhat lonak ruangah a thi ko lai, asinain a thihnak caah cun kan mawhchiat lai.
9.Sihmanhsehlaw a ziaza ṭhinh awkah ralrinnak na pe nain a ṭhinh lo ahcun, a ṭhat lonak ruangah a thi lai, sihmanhsehlaw nang cu na luat lai.

Salm 95:1-2,6-7,8-9

*** A tu ah Bawi pa aw kha na theih ah cun, nan lung kha hat ti hlah seh.***

1.Ra u law { Bawipa } cu thangṭhat u sih. Kannih a kan khamhtu Lungpi cu lunglawmhnak in hla in thangṭhat u sih. 2.Lunglawmhnak in amah hmaiah chuak u sih law lawmhnak le thangṭhatnak hla sa u sih.

6.Ra tuah u, kun u sih law bia u sih; a kan Sertu { Bawipa } hmaiah cun kan khuk i bil u sih! 7.Amah cu kan Pathian a si, kannih cu a kan zohkhenhmi kan si, a kan cawmmi tuurun kan si. A chimmi kha nihin cu ngai tuah u; a bia cu hihi a si:

8.“Nan pupa hna kha Meribah ah lung hak in an rak um bang khan nannih cu um hlah u,9.an ca i ka tuahmi kha an hmu ko nain khaka ah khan an ka hneksak i an ka zuamcawh.

Second reading Rom Cakuat 13:8-10

8.Ahohmanh lei i ba hlah u — nan i batmi cu pakhat le pakhat i dawt lawng kha si ko seh. A minung hawi a dawmi paoh nih cun Nawlbia kha a zulh a si ko. 9.Nawlbia nih cun, “Va cungin pa i duh hlah, lai nawng hlah, fir hlah, mi thil na mit va thi hlah,” a ti. Hi vialte le hi hlei i a dang a um rihmi nawlbia hna cu, “Na innpa kha nangmah naa dawt bangin va daw,” timi nawlbia ah hin an i fun dih. 10.A innpa a dawmi nih cun a innpa cungah ṭhat lonak a tuah bal lo. Cucaah Nawlbia tling tein zulh cu dawt hi a si ko.

Thawngtha Matthai 18:15-20

15.“Na unau pakhatkhat nih na cungah sualnak a tuah ahcun, amah sinah cun va kal law a sualnak cu va chim. Sihmanhsehlaw, a thli tein nanmah pahnih lawng theih in na va tuah lai. Na bia a ngaih ahcun, na unau ah na lak khawh ṭhan asi.16.Sihmanhsehlaw na bia a ngaih duh lo ahcun, Cathiang nih, ‘Sual puhnak paohpaoh cu ahmaan hmaanlo ti hngalhnak caah tehte pahnih maw pathum dik a hau,’ a ti bang khan, mi dang pakhat maw pahnih dik naa kalpi hna lai.17.Sihmanhsehlaw an bia zong kha a ngaih hlei lo ahcun, cu thil cu Khrihfabu kha na chimh hna lai. Cun Khrihfabu bia kha a ngaih duh ṭhiamṭhiam lo ahcun, lawkihmi maw, ngunkhuai khawltu maw, cu bantuk mi ah cun va zoh. 18.“Cucaah nan dihlak in kan chimh hna: vawlei cungah nan khapmi thil paoh cu vancung zongah khap a si lai i vawlei cungah nan onhmi thil paoh cu vancung zongah awnh a si lai. 19.Cun hi zong hi kan chimh hna: hi vawlei cungah hin, nan halmi thil kong ah, pahnih nan lung aa khah ahcun, nan halmi thil cu vancung i a ummi ka Pa nih an pek hna lai.20.Zeicahtiah ka min in pahnih pathum nan i pumhnak ah kei zong nan sinah ka um ve,” tiah a ti.

22nd Sunday in Ordinary Time8/30/26 TCCC
08/31/2026

22nd Sunday in Ordinary Time
8/30/26 TCCC

08/29/2026

22nd Sunday In Ordinary Time (8.30.26)(2:15pm

First reading Jeremiah 20:7-9

7.Maw { Bawipa, } nangmah nih na ka hlen i hlen ka si ko cang; Keimah nakin na ṭhawng deuh i na ka tei; Mi kip nih capo ah an ka saih i chun nitlak an ka nihsawh. 8.Bia ka chim paoh ah a au in au a hau i Zaang-ennak le rawhralnak a um, tiah thanh a hau. { Bawipa, } na bia ka chim ruangah serhsat le nihsawh ka si thluangthluan ko. 9.{ Bawipa } kong cu ka lung chungah ka riahter ti lai lo i A min zongin bia ka chim ti lai lo, ka ti ah, A bia cu ka lung chungah hin mei bantukin a alh i ka ruh chungah hin mei linh bantukin aa khumh. Ka chung i tlaih peng kha ka celh ti lo i chuak loin ka tlai kho hrim ti lo.

Salm 63:2,3-4,5-6,8-9

***Bawi pa ka thlarau nih nang mah cu, ti hal bang in an haal.***

2.Hmunthiang ah cun in hmu ning law zeitluk in dah na lianhngan le na sunpar kha in hngal ning, ti ka duh.

3.A fekmi na dawtnak cu nunnak nakin a ṭha deuh, cucaah cun nangmah cu kan thangṭhat lai. 4.Ka nun chung paohpaoh cu kan lawmh lai; nangmah leiah ka k*t ka hler lai i thla ka cam lai.

5.Ka nunnak cu rawldangh bantukin aa dang lai i a khim lai, cun nangmah thangṭhat lawmhnak hla kha ka sa lai. 6.Ihkhun cung i ka ih tikah nangmah cu kan thei, zan khuadei nangmah kha kan ruat,

8.Nangmah kha kan tlaihchan i na k*t nih him tein an ka umter. 9.Keimah thah a ka zalmi kha mithi khua ah an kal lai;

Second reading Rom Cakuat 12:1-2

1.Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.2.Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

Thawngtha Matthai 16:21-27

21.Cu caan thawk cun Jesuh nih a zultu hna cu, “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah fiang tein a chimh hna. 22.Peter nih a dang deuh ah khin a hei i kalpi i a mawhchiat. “Bawipa, hi thil cu Pathian nih na cungah tlunter sawh hlah seh,” tiah a ti. 23.Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.
24.Cun Jesuh nih a zultu cu a thawh hna i, “Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh. 25.Zeicahtiah ahohmanh, mah nunnak humhak a duhmi cu a nunnak kha a sung lai i keimah ruangah a nunnak a sungmi cu a nunnak a hmumi a si lai. 26.Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo. 27.Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

21st Sunday in Ordinary Time 8/23/26 TCCC
08/24/2026

21st Sunday in Ordinary Time
8/23/26 TCCC

20th Sunday in Ordinary Time8/16/26 TCCC
08/17/2026

20th Sunday in Ordinary Time
8/16/26 TCCC

08/13/2026

20th Sunday In Ordinary Time (8.16.26)(2:15 pm -

First reading Isaiah 56:1,6-7

1.{ Bawipa } nih a mi cu a thawh hna i, “Nannih cu tuan ah kan khamh hna lai. Cucaah cun a dingmi thil le a hmaanmi thil kha tuah hna u. 6.Cun { Bawipa } nih a mi hna chung i aa tel vemi, amah a daw i a rian a ṭuanmi, Sabbath kha a ul i a biakamnak kha ṭha tein a zulmi ramdangmi kha a thawh hna i,7.“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

Salm 67:1-2,3-4,5-6,7

***Maw Bawipa vawlei cung mi vial te nih, in thang that ko hna seh***

1.Maw Pathian, vawleicung mi vialte nih na duhnak kha an hngalh i 2.miphun vialte nih na khamhnak kha an hngalh nakhnga, kan zaangfah law thluachuahnak kan pe ko, kan cungah na hmai tlanter ko.

3.Maw Pathian, miphun kip nih in ṭhangṭhat hna seh, miphun vialte nih in thangṭhat hna seh.
4.Nangmah nih miphun vialte cu dinnak in bia na ceih hna i mi vialte cu na hruai hna caah miphun vialte cu i lawm hna seh law lunglawmhnak in hla sa hna seh.

5.Mi kip nih in thangṭhat hna seh, Maw Pathian; miphun vialte nih in thangṭhat ko hna seh.6.Vawlei nih rawl kha a chuahter cang, Pathian kan Pathian nih thluachuah a kan pek cang.

7.Pathian nih thluachuah a kan pek; vawleicung mi zakip nih upat hna seh.

Second reading Rom Cakuat 11:13-15,29-32

13.Atu cu nannih Jentail mi kha kan chimh hna: Jentail mi sin lamkaltu ka si chung paoh cu ka rian cu kaa chor ko lai. 14.Ka phun hawimi kha an nahchuahter kaa zuam i cuticun tlawmpal tal ka khamh kho phum hna hnga maw ka ti.15.Zeicahtiah annih cu hlawt an si hmanh ah pei vawlei cu Pathian hawikom i ser a si cu. Cucaah cun annih cu cohlan an si tikah cun zeidah a si chinchin lai? Mithi hna caah nunnak a si lai. 29.zeicahtiah Pathian nih cun a auhnak hna le laksawng a pekmi hna kongah a lung a let ṭhan bal lo. 30.Nannih Jentail mi nih a hlanah cun Pathian kha a nawl nan rak zul lo; sihmanhsehlaw atu ah cun Judah mi nih khan a nawl kha an zulh lo caah nannih nih a zaangfahnak kha nan hmuh. 31.Cu bantuk ṭhiamṭhiam in nannih nih nan hmuhmi a zaangfahnak kha annih zong nih an hmuh ve nakhnga atu ahcun a nawl kha zul loin an um. 32.Pathian nih mi vialte kha nawlngaih lonak chung thongtla i a ser hna cu an dihlak in zaangfah a duh hna caah a si.

Thawngtha Matthai 15:21-28

21.Jesuh cu cuka hmun cun a chuak i Tair le Sidon khua pawng ram ah khan a kal. 22.Cuka ram i a ummi Kanaan minu pakhat cu a sinah a ra i, “David Fapa, ka zaangfah tuah. Ka fanu cu khuavang nih a tuah i awlokchong in a um ko,” tiah fak piin a au.
23.Sihmanhsehlaw Jesuh nih bia kaa khat hmanh a let lo. A zultu kha an ra i, “Hi nu hi kalter ko. A kan zul lengmang, a kan auhnawh lengmang i hna a kan hnawh,” tiah an ti. 24.Cun Jesuh nih cun a vun leh i, “Israel mi lak i a tlaumi tuu hna sin lawngah pei thlah ka si ko cu,” tiah a ti. 25.Cu tikah minu cu a ra i a hmaiah khuk bil in a kun i, “Bawipa, ka bawm ko,” tiah a ti. 26.Jesuh nih cun, “Ngakchia rawl cu i lak riangmang i uico pek cu a hmaan lo,” tiah a leh ṭhan. 27.Minu nih cun, “Cucu a si taktak ko, bawipa; sihmanhsehlaw bawi cabuai cungin a tlami rawl ṭilṭawt cu uico nih an ei ve tawn ko hen pei,” tiah a leh.28.Cucaah Jesuh nih cun, “Nangmah cu zumhnak ṭhawng ngaingai a ngeimi na si. Na duhmi cu kan tuahpiak ko lai,” tiah a ti. Cu caan hrimhrim ah cun a fanu cu a rak dam.

19th Sunday in Ordinary Time8/9/26 TCCC
08/10/2026

19th Sunday in Ordinary Time
8/9/26 TCCC

08/07/2026

19th Sunday In Ordinary Time (8.9.26)(2:15 pm -

First reading 1Siangpahrang 19:9,11-13

9.Cun khika ah lungkua pakhat ah a phan i a riak; cun zohhmanh, { Bawipa } bia cu a sinah a ra i amah cu, “Elijah, hika ah hin zeidah na tuah?” tiah a ti. 11.Cun anih nih a thawh i, “Chuak tuah, Pathian hmaiah tlang cungah va dir tuah,” tiah a ti. Cun { Bawipa } cu a lan i a thlichia a hrang ciammam i tlang cu a cheu i { Bawipa } hmaiah cun lung hna cu a khuai cikcek hna, sihmanhsehlaw { Bawipa } cu thli chungah cun a um lo; cun thli a hran dih cun li a hnin, sihmanhsehlaw { Bawipa } cu lihnin chung zongah cun a um lo; 12.lihnin a dih cun mei a hung chuak, sihmanhsehlaw { Bawipa } cu mei chung zongah cun a um lo; cun mei a dih cun aw ṭhia aw dinte a hung chuak. 13.Cun Elijah nih a theih tikah a puan in a hmai kha aa huh i a va chuak i lungkua luhnak ah cun a dir. Cun zohhmanh, aw pakhat kha a sinah a ra i, “Elijah, hika ah hin zeidah na tuah?” tiah a ti.

Salm 85:9-10,11-12,13-14

*** Bawi pa na zang fah nak thawng in, run ka khamh hram ko***

9.Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai.10.Dawtnak le zumhawktlak sinak cu an ra ṭi lai; dinnak le daihnak cu an i tong lai.

11.Minung nih zumhawktlak a sinak kha van leiah a kai lai i Pathian dinnak nih vancung khin a run zoh lai.12.{ Bawipa } nih kumvui ṭha a kan pek lai i kan ram nih rawl tampi a chuahter lai.

13.{ Bawipa } hmaiah khan dinnak cu a kal lai i a lam kha a rak sialpiak lai.

Second reading Rom Cakuat 9:1-5

1.Ka chimmi hi ahmaanmi bia a si: Khrih ta ka si i ka lih ka chim lo. Thiang Thlarau nih a ukmi ka chiaṭha thleidannak zong nih lih ka chim lo kha a hngalh.
2.Ka miphun, ka thi le ka sa a simi hna caah ka ngaih a chia hringhran ko i ka lung chung fahnak cu a d**g lo. 3.Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.4.Annih cu Pathian thimmi an si: a fa ah a ser hna i sunparnak kha a hrawmh hna. Anmah sinah a biakamnak kha a tuah hna i Nawlbia kha a pek hna, biaknak taktak cu anmah nih khan an ngeih, Pathian biakamnak kha an hmuh, 5.Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

Thawngtha Matthai 14:22-33

22.Jesuh nih mizapi kha a tlunter hna lioah khan, a zultu kha lawng in rili khattelei kamah khan, a hmaiah a rak kalter hna. 23.Mi kha a tlunter dih hna hnu in Jesuh cu thlacam awkah amah lawng tein tlang ah khan a kai. Khua a hung tlai i Jesuh cu amah lawng tein cuka ah cun a um lioah khan,24.lawng cu rili cungah khan hlat nawn a phan cang i thli kha hmaitonh in a hran caah tilet nih khan a hlawh len ko. 25.Cun khuangter hrawngah khin Jesuh cu an sin leiah cun a ke in ti cung cun a ra. 26.A zultu nih ti cung i a ke in a kal kha an hmuh tikah an lau ngaingai i, “Mithla a si,” tiah an ti i an ai.
27.Jesuh nih cun hmakhatte ah a hei chawnh hna i, “Nan thinphang hlah u. Keimah pei ka si ko cu. Hnangam in um ko u,” tiah a ti hna. 28.Cun Peter nih khan a hun chawnh i, “Bawipa, nangmah na si taktak ahcun, na sinah ka ke in ti cungin ka ratter tuah,” tiah a ti. 29.Jesuh nih cun, “Ra ngat,” tiah a ti. Cucaah Peter cu lawng cun a vung ṭum i ti cungah cun a ke in Jesuh leiah cun a kal.
30.Sihmanhsehlaw thlitu a fah zia kha a vun hmuh tikah a thin a phang i ti chungah cun a pil cuahmah i, “Bawipa, ka khamh tuah,” tiah a au.31.Hmakhatte ah Jesuh nih a hei banh i a tlaih i, “Na zumhnak a va hme hringhran dah! Zeicahdah lungawṭawm in na um?” tiah a ti. 32.An pahnih in lawng chungah cun an lut i thlitu kha a dai. 33.Lawng chung i a ummi a zultu hna nih khan Jesuh cu an biak i, “Nangmah cu Pathian Fapa na si hrimhrim,” tiah an ti.

Address

5201 Cross Timbers Road
Flower Mound, TX
75022

Opening Hours

2pm - 4pm

Website

Alerts

Be the first to know and let us send you an email when Texas Chin Catholic Community of Lewisville posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Texas Chin Catholic Community of Lewisville:

Shortcuts

Share

Category