ST. Michael Eritrean Orthodox Church Charlotte

09/02/2026

Sunday August 30th 2026
Sacrament of Confirmation (Baptism )

ማቴዎስ 28:19-20
ስለዚ ኺዱ ንዅሎም ኣህዛብ ብስም ኣቦን ወድን መንፈስ ቅዱስን እናኣጥመቕኩም፡ ዝኣዘዝኩኹም ኵሉ ኺሕልዉ ኸኣ እናመሀርኩም፡ ደቀ መዛሙርቲ ግበርዎም። እንሆ ድማ፡ ኣነ ኽሳዕ መወዳእታ ዓለም ኵሉ መዓልቲ ምሳኻትኩም እየ።

08/28/2026

1ይ ጴጥሮስ 3:5
ቀደም ድማ እተን ተስፋኤን ናብ ኣምላኽ ዝገበራ ቅዱሳት ኣንስቲ፡ ንሰብኡተን እናተኣዘዛ፡ ከምዚ እየን እተሰለማ።

08/22/2026

08/10/2026

Merigeta Ytbarek on BBC News

ብ2001 "ታሪኽ ኦርቶዶክስ ተዋህዶ ቤተ ክርስትያን ኤርትራ" እትብል መጽሓፎም ምስ ተሓተመት፡ ኣብ መንጎ ኣቦታት ጳጳሳትን ሊቃውንትን ዓቢ ኣድናቖት ረኸቡ።

እታ መጽሓፍ ንታሪኽ ጥራሕ ኣይኰነትን ኣቕሪባ፤ ንታሪኽ ምስ ስነ-መጐት፡ ምስ ፖለቲካዊ ኵነታትን ማሕበራዊ ለውጥታትን ኣዛሚዳ ስለ ዝቐረበት፡ "መርጌታ" ዝብል መጸውዒ ንፍልጠቶም ከም ዘይመጥኖ ተሰማምዑ።

ምሉእ እዚ ዛንታ ኣብዚ ትረኽብዎ https://bbc.in/4wPj4o0

07/26/2026

ክቡር ሞቱ ለጻድቅ!
ዳዊት 116:15
ኣብ ቅድሚ እግዚኣብሄር ሞት ቅዱሳኑ ኽቡር እዩ።

ዜና ዕረፍቲ መምህር ትሕትናን ትዕግሥትን መምህር ተስፋን ለውሃትን ኣቦና ዘውገ ምሁራን መሪጌታ ይትባረክ በርሀ ምስ ሰማዕኩ ሞት መሪር ስለዝኾነ ብጣዕሚ ስንባደን ዓሚቕ ሓዘንን ተሰሚዑኒ፥
ግናኸ ነቲ ኣብ ቅዱስ ወንጌል ዮሃንስ 5:24
''ንሱ ኻብ ሞት ናብ ህይወት ተሳገረ እምበር፡ ናብ ፍርዲ ኸም ዘይበጽሕ፡ ብሓቂ፡ ብሓቂ እብለኩም አሎኹ። ዝብል ክርስቶሳዊ ቃል ዘኪረ በል ፍቓድካ ይኹን ጎይታ ኢለ ሃዲአ።
ምኽንያቱ ነቲ ጻድቃን እለ ኣስመርዎ ለእግዚኦሙ፥ ምድረ ብርህተ ወጽዕዱተ ይወርሱ! (እቶም ንእግዚኣብሔር ዘስመርዎ ጻድቃን፥ ብርሃንን ንጽህናን ዝመልኣት መንግሥተ-ሰማያት ይወርሱ! ዝብል ዝማሬ ሊቃውንት ዘኪርና ክንጸናናዕ ሠናይ እዩ።

ናይ ሞት ይጽናሕ ናይ ሕልፈት ይበኸ ከም ዝበሃል እቶም ክቡራትን ድሙቓትን ከዋኽብቲ ቅድስት ቤተ ክርስቲያንና በብሓደ ይግዕዙ ኣለዉ። ገለ ንምዝካር 3ይ ፓትርያርክ ቅዱስ እንጦንዮስ ሰማዕት እንበለ ደም፥ መምህር የነታ ዕዝራ፥ መጋቤ ምሥጢር መብራህቱ ሞባእ፥ መምህር ዓምደብርሃን ገብረማርያም፥ መምህር ኣባ ተወልደብርሃን ዓንደመስቀል ወቦዘተረፈ........ እዚኦምን ካልኦትን፥ ሎሚ ይኹን ጽባሕ ምኽሮም ደሊናን
ትምህርቶም ብሂግናን ክንረኽቦም ከም ዘይንኽእል ንኹልና ብሩህ እዩ።
እቲ ኣብ ምድራዊ ጉዕዞ ሕይወቶም ዝሓለፍዎ ከቢድ ሕልኽላኻትን ዘርዚርካ ዘይውዳእ ፈተና ዓለምን፥ ከም ሓዋርያ ቅዱስ ጳውሎስ ''መኑ ያኀድገነ ፍቅሮ ለክርስቶስ! (ካብ ፍቕሪ ክርስቶስ ዝፈልየና መን እዩ? ሮሜ 8፥35) ኢሎም ጸርፍን ውርደትን ግፍዕን ማእሰርትን ሓሳርን ስደትን ተጻዊሮም፥ ብተስፋን እምነትን ኣርምሞን ትዕግሥትን ናብ ዓዲ ኩልና ግዒዞም ኣለዉ።

እቲ ኣዝዩ ዘሕዝንን ዝርንዝሕ ዘንብዕን ከኣ እዚ ኹሉ ዓመታት ዝወረዶም ግፍዕን ዘሕለፍዎ ሓሳረ መከራን ብውዲት ሰይጣን፥ በቶም ኣኅዋቶምን (መገላግልቶም) ኣብ ውሽጢ እታ ዝዓበዩላ ቤተ ክርስቲያንን ብምዃኑ ብሓቂ ዘስደምም እዩ።
ንሳቶም በቲ ኣምላኽ ኣብ ልቦም ዘቐመጦ መንፈሳዊ ቅንእን ዝዓደሎም ሰፊሕ ጸጋ ኣእምሮን ንትንሣኤ ተዋሕዶ ቤተ ክርስቲያንን ረብሓ ህዝብን ብዘይ ዕረፍቲ ለይትን መዓልትን ክጽሕፉ፥ ክመኽሩ፥ ክጽዕሩን ከመሓድሩን ከለዉ፥ ኣብ ክንዲ ኣጆኹም ኢልካ ምትብባዕን ምሕጋዝን ( መመኽሊትካ ምሽራፍን) ካብ ቅንእን ጽበተ-ኣእምሮን ተበጊስካ ንዕዮኦም ምዕንቃፍ፥ ንሞያኦምን ኣበርክትኦምን ምንእኣስ፥ ምስጓግ፥ ምጽላም፥ ምስዳድን ኣብ ማእሰርቲ ክበልዩ ንመንግሥቲ ኣሕሊፍካ ምሃብን እዮም ተፈድዮም።

ስለ ምንታይ እዩ ግና ከምዚ ዝኸውን? ከምዚ ንዕዘቦ ዘሎና፥ ፈቲና ጸሊእና ንሕናን መጻሕፍትናን ኣይተሳነናን ዘሎና፥ ብኣንጻሩ ከም ምዕራብን ምብራቕን ኢና ዘሎና።
1ይ ጴጥሮስ 2:21
ነዚ ኢኹም እተጸዋዕኩም እሞ፡ ክርስቶስ ከኣ፡ ምእንቲ ኣስኣሰሩ ኽትስዕቡ፡ ኣርኣያ ሓዲጉልኩም ምእንታኹም መከራ ጸገበ። ይብለና፥ ንሕና ኸኣ ኣብ ክንዲ በቲ ጸቢብ መገዲ ሓቅን ጽድቅን ኣስኣሰር ክርስቶስ ምስዓብ፥ በቲ ድኹምን ድኻን ገፊሕ መገዲ ዓለም እንጎዓዝ ውሑዳት ኣይኮናን።

ከም በዓል የነታ ይትባረክ ዝበሉ ጽቡቅ ስምን ክቡር ዝናን ዝኽርን ዝሓዙ መንፈሳውያን ኣቦታት ግና ካብ ክብሪ ሰብን ዓለማዊ ረብሓን ሽመትን፥ ሰማያዊ ዓስብን ትእዛዝ ኣምላኽን ኣኽቢሮም፥ ብርሃን ዓለምን ጨው ምድርን ብምዃን ንብዙሓት ውሉደ-ክህነት ግሩም ኣርኣያን ኣብነትን ኮይኖም ምሂሮምን መኺሮምን ብዕረፍተ ስጋ ደቂሶም '' ሰናይ ገድሊ ተጋዲለ፡ እቲ ጕያ ወዲኤ፡ ነታ እምነት ሐልየ። (2ይ ጢሞ 4፥7) ብምባል ሓዲጎምና ተፋንዮምና ኣለዉ።

ይቕጽል!

መዘከርታ ጻድቕ ንዘለአለም ይነብር። መዝ 112፥6

ንነፍሲ ኣቦናን መምህርናን ዕረፍቲ ነፍሲ፥ንምሉእ ስድራ ቤትን ፈተውትን ጽንዓትን ኑዛዜን ይሃብ ጎይታ።

ቀሲስ ሓለፎም ዓንደማርያም

06/28/2026

ናብ ቤት እግዚኣብሔር ንኺድ ምስ በሉኒ ተሓጎስኩ! መዝ 122፡1 I was glad when they said to me, “Let us go into the house of the LORD''! Psalm 122:1
ቤተ ክርስቲያን ቅዱስ ሚካኤል ሻርሎት ሰፊሕን ለምለምን ቦታ