06/22/2026
ჩრდილოეთ ამერიკის ქართული ეპარქიის სამღვდელო, სამონაზვნო დასისა და მორწმუნე ერის სახელით, დაბადებისა და ეპისკოპოსად ქიროტონიის დღეს ვულოცავთ ჩვენი ეპარქიის მმართველს, ყოვლადუსამღვდელოეს ეპისკოპოს საბას.
მეუფე, ქიროტონიის წმინდა საიდუმლოში თქვენზე გარდამოსულმა საღმრთო მადლმა განამტკიცა თქვენი მოწოდება ქრისტეს ეკლესიის მსახურებაში და დაგადგინათ მწყემსად იმ სამწყსოსა, რომელიც უფალმა მოგანდოთ თავის დიდ ვენახში. ეს მაღალი მსახურება არის არა მხოლოდ პატივი, არამედ მძიმე ჯვარი და პასუხისმგებლობა, რომელსაც თქვენ მამობრივი თავგანწირვითა და სიყვარულით ემსახურებით.
ჩვენ ვმადლობთ ყოვლადწმიდა სამებას თქვენი მოწოდებისა და მსახურებისათვის და ვევედრებით უფალს, რათა მოგანიჭოთ სიბრძნე სოლომონისა, სიმტკიცე მოციქულთა, თავმდაბლობა წმინდა ღირს მამათა და სიყვარული უფლისმიერი, რომელიც აღემატება ყოველგვარ განსჯას.
ღმერთმა მოგმადლოთ ჯანმრთელობა, მშვიდობა და სულიერი ძალა მრავალ სულთა ცხონებისათვის.
მრავალჟამიერ თქვენი არქიპასტორალური მსახურება!
ქრისტესმიერი სიყვარულითა და პატივისცემით,
ჩრდილოეთ ამერიკის ქართული ეპარქიის სისავსე.
