28/10/2024
ECT YAUNGANA NA KANISA LA WAADVENTISTA WA SABATO ULIMWENGUNI KUSHEHEREKEA MIAKA 150 YA UTUME.
Konferensi ya Mashariki-kati mwa Tanzania (ECT) imeshiriki kikamilifu katika sherehe hizi zilizoanza tarehe 25 -26, Oktoba 2024, zikifunguliwa rasmi na Mheshimiwa Daniel Baran Sillo, Naibu Waziri wa Mambo ya Ndani ya Nchi. Katika hotuba yake, alilishukuru kanisa kwa mchango wake mkubwa katika kujenga taifa kupitia taasisi zake za elimu, afya, na huduma mbalimbali kwa jamii.
Sherehe hizi zilikuwa na kaulimbiu, “Bwana Fufua Kazi Yako - Nitakwenda kwa Utume,” ambapo Mchungaji Godwin Lekundayo, Mwenyekiti wa Kanisa la Waadventista wa Sabato Union ya Kusini mwa Tanzania, aliwahimiza waumini wote kuendelea kudumu katika imani na kuhubiri injili kwa watu wote.
Pamoja na mengi yaliyofanyika Kilizinduliwa kitabu cha utume (Pambano Kuu) pia ECT ilitoa vyeti vya shukrani na pongezi kwa waasisi wa Utume katika ECT na baadhi ya viongozi wa kale wa konferensi hiyo.
Sherehe hizo zilifanyika katika Uwanja wa Jamhuri, Morogoro.
Yafuatayo ni matukio mbalimbali yaliyojiri kwenye sherehe hizo, katika picha.
