Masalia na UTUME wake, Manyara (2026)

15/01/2026

JE, KONSTANTINO ALIBADILI SIKU YA KUABUDU?
Tupate uchambuzi wa Kina wa Kimaandiko Kuhusu Sabato na Jumapili

UTANGULIZI

Katika mijadala mingi ya kidini, imekuwa desturi kuchukua hitimisho fulani kisha kutafuta maandiko ya kulilazimisha, badala ya kuruhusu Maandiko yenyewe yajijenge. Ndani ya mjadala wa siku ya ibada, changamoto kubwa si jina la siku, bali mamlaka ya kuamua ni ipi Mungu aliitakasa, aliibariki, na aliitenga kwa kusudi la kudumu. Biblia haijengi ibada juu ya hisia, matukio, au kumbukumbu za kihistoria, bali juu ya ufunuo wa Mungu uliothibitishwa tangu mwanzo.

Hoja inayomhusisha Konstantino mara nyingi hutumiwa k**a njia ya kukwepa swali kuu zaidi: Je, Biblia yenyewe inasema nini kuhusu Sabato, Jumapili, na mamlaka ya kubadilisha siku ya ibada? Jibu la swali hili halipatikani katika karne ya nne, bali linaanzia Mwanzo na kuendelea hadi Ufunuo.

ASILI YA KATIKA MPANGO WA

Maandiko yanaweka Sabato kabla ya dhambi, kabla ya taifa, na kabla ya agano la Sinai. Mwanzo 2:2–3 haisemi Sabato ilianzishwa kwa sababu ya dhambi, Misri, au Israeli, bali inaeleza tendo la Mungu mwenyewe baada ya kazi ya uumbaji: Mungu alipumzika, akaibariki siku ya saba, na akaitakasa. Kitendo cha kuitakasa ni cha kiungu; mwanadamu hakuombwa kupendekeza siku, bali kuipokea.

Hapa hakuna Myahudi, hakuna Misri, hakuna Sheria ya Musa. Kuna Mungu na mwanadamu. Sabato inajengwa juu ya uumbaji, si historia ya kisiasa. Ndiyo maana Yesu alisema Sabato ilifanyika kwa ajili ya mwanadamu, si kwa ajili ya taifa fulani (Marko 2:27). Kauli hii haiwezi kubanwa katika mipaka ya Israeli bila kupingana na simulizi la Mwanzo.

Kutajwa kwa Sabato k**a ishara kati ya Mungu na Israeli (Kutoka 31:13; Kumbukumbu la Torati 5:15) hakubadilishi asili yake. Ishara haianzishi jambo; hutambua uhusiano uliopo. Ndoa ni ishara ya agano, lakini ndoa haikuanza siku ambayo pete ilivaliwa. Vivyo hivyo, Israeli walipewa Sabato k**a ishara ya agano, si k**a chanzo chake.

NA KATIKA JIPYA

Yesu hakuwahi kuzungumzia Sabato k**a kumbukumbu ya Misri, bali k**a siku ya Mungu. Alijitangaza kuwa Bwana wa Sabato (Marko 2:28), kauli ambayo isingewezekana k**a Sabato ingekuwa kivuli cha muda au taasisi inayokufa. Mtu hawezi kuwa Bwana wa kitu kilichoondolewa.

Maisha ya Yesu yanaonyesha utiifu kamili kwa Sabato bila dalili yoyote ya kuandaa siku mbadala. Luka 4:16 inasema wazi kuwa ilikuwa desturi yake. Hili halikufanywa kwa shinikizo la kijamii, bali kwa utiifu kwa Baba. Yesu aliponya siku ya Sabato, hakuitukana Sabato; alitukana tafsiri potofu zilizokuwa zimeibana. Hakusema Sabato imepitwa na wakati, bali aliirejesha kwenye kusudi lake la awali.

Hata katika kifo chake, Yesu aliheshimu Sabato. Alipumzika kaburini siku ya saba (Luka 23:54–56), kisha akafufuka siku ya kwanza. Biblia haifundishi kuwa ufufuo ulitakasa siku ya kwanza, bali inaeleza tu tukio la kihistoria. Tukio, hata liwe kuu kiasi gani, halibadilishi amri bila tamko la wazi la Mungu.

JE WA YESU ULIBADILI MAMLAKA YA

Hakuna Mkristo anayebisha ufufuo wa Kristo; ni msingi wa imani. Lakini Biblia haifundishi kuwa kila tukio kuu linageuka kuwa siku ya ibada. Yesu alizaliwa, alibatizwa, alisulubiwa, alifufuka, na alipaa hakuna andiko linalosema siku hizo zilifanywa kuwa takatifu.

1 Wakorintho 15:14 inasisitiza umuhimu wa ufufuo kwa wokovu, si kubadilisha Sabato. Hoja ya ufufuo inaeleza kwa nini tunaokolewa, si ni siku gani ya kuabudu. Maandiko hayaelekezi kamwe kuwa kumbukumbu ya ufufuo ilibadilisha kumbukumbu ya uumbaji.

Biblia iko wazi: Mungu ndiye anayebariki na kutakasa siku (Mwanzo 2:3). Hakuna andiko linalosema Mungu aliibariki au kuitakasa siku ya kwanza ya juma.

KANISA LA NA MIKUTANO YA SIKU YA

Matendo 20:7 na 1 Wakorintho 16:2 mara nyingi hutajwa k**a msingi wa ibada ya Jumapili. Lakini maandiko haya yakisomwa kwa uaminifu, hayatoi amri, hayataji utakatifu, wala hayabadilishi Sabato. Matendo 20:7 inaeleza mkutano wa usiku, uliodumu hadi alfajiri, kabla ya safari. Huu haukuwa mpangilio wa kila wiki wa ibada takatifu, bali tukio maalumu.

1 Wakorintho 16:2 haizungumzi ibada, bali mpangilio wa akiba ya misaada nyumbani, si kanisani. Andiko halisemi walikusanyika, bali kila mmoja aweke akiba peke yake. Hii haiwezi kubeba uzito wa kubadilisha amri iliyoandikwa kwa kidole cha Mungu.

Kwa upande mwingine, Matendo ya Mitume yanarekodi mara nyingi mitume wakikusanyika na kuhubiri siku ya Sabato, kwa Wayahudi na kwa Mataifa (Matendo 13:42–44; 16:13; 17:2; 18:4). Hakuna hata andiko moja linalosema mitume waliwafundisha waache Sabato.

SIKU YA KATIKA

Ufunuo 1:10 haifafanui siku ya kwanza ya juma. Biblia yenyewe tayari ilikuwa imeshatambua Siku ya Bwana kabla hata ya Ufunuo:

Isaya 58:13 Mungu anaita “siku yangu ”.

Yesu alisema yeye ni wa (Marko 2:28).

Haiwezekani maandiko yajitafsiri kinyume na muktadha wake bila tamko la wazi la kubadilisha maana.

TUANGALIE 2 NA 14 KATIKA SAHIHI

Wakolosai 2:16–17 inazungumzia sikukuu, miezi mipya, na sabato za kivuli mfumo wa sherehe za Kiyahudi uliokuwa unaelekeza kwa Kristo. Sabato ya uumbaji haikuwa kivuli cha tukio la baadaye, bali kumbukumbu ya kazi iliyokamilika. Huwezi kuiweka katika kundi moja na sadaka na sikukuu bila kupotosha muktadha.

Warumi 14:5 inahusu masuala ya dhamiri katika kula na desturi binafsi, si Amri Kumi. Paulo asingepunguza amri iliyoandikwa kwa kidole cha Mungu kuwa suala la maoni binafsi, wakati huohuo akithibitisha sheria kuwa takatifu, ya haki, na njema (Warumi 7:12).

TUANGALIE PIA KATIKA HISTORIA

Konstantino hakuandika Biblia, hakuanzisha ibada, wala hakuwa na mamlaka ya kiteolojia. Amri yake ya 321 BK ilikuwa ya kiraia, si ya kiibada. Ilizungumza juu ya mapumziko ya miji, si utakatifu wa siku. Kanisa la kweli halijengi ibada juu ya amri ya kaisari, bali juu ya Neno la Mungu.

Tatizo halipo kwa Konstantino, bali kwa wale wanaotafuta mamlaka ya kibiblia katika historia badala ya Maandiko.

hili nitaliongezea vizuri kwenye kwenye comment hapo

MWISHO

Biblia inabaki thabiti:

Sabato iliwekwa uumbaji, ikathibitishwa na Kristo, ikaendelea katika maisha ya mitume, na haijawahi kuondolewa kwa andiko lolote. Ufufuo wa Kristo ni msingi wa wokovu, si msingi wa kubadilisha siku aliyotakasa Mungu.

Maandiko yanapowataja watu wa Mungu katika nyakati za mwisho, yanawaelezea kwa sifa mbili zisizotenganishwa: kushika amri za Mungu na imani ya Yesu (Ufunuo 14:12). Hakuna mgongano kati ya imani na utiifu; Biblia inaviunganisha.

MUNGU AKUBARIKI SANA NAOMBA NIFOLLOW KWA MASOMO ZAIDI

03/01/2026

JE, TUNATUMIA BIBLIA IPI?

Biblia ya Vitabu 66 au Biblia ya Vitabu 73

UTANGULIZI

Bwana asifiwe Wana na Binti za Mungu.

Leo, kwa neema ya Mungu, tutafakari somo lenye uzito sana linalohusu Biblia – Neno la Mungu, ambacho ni msingi wa imani, mafundisho, na maisha ya kiroho ya Mkristo.

Mara nyingi kumekuwa na mkanganyiko mkubwa miongoni mwa waumini kuhusu idadi ya vitabu vya Biblia. Wapo wanaosema Biblia sahihi ni ya vitabu 66, wengine wakidai ni ya vitabu 73, na wengine hufikia kutoa kauli potofu kwamba Biblia ya vitabu 66 imepunguzwa, imeharibiwa, au imekatwa makusudi.

Hivyo basi, somo hili halilengi kushindana na mtu, bali ni kuwezesha kila Mkristo kufahamu msingi wa maandiko, historia, na ushuhuda wa Yesu Kristo na mitume wake, ili kuepuka kupotea au kutegwa na hoja zisizo sahihi.

SEHEMU YA KWANZA

Maneno Muhimu ya Msingi

Kabla hatujaingia kwenye historia au hoja za kitamaduni, ni muhimu kuelewa maneno matatu muhimu yanayohusiana na somo hili:

1. Maandiko – Maneno yaliyoandikwa na Mungu kwa njia ya Roho Mtakatifu, yenye mamlaka ya kudumu juu ya imani na maisha ya Kiukristo.

2. Kanuni (Canon) – Orodha ya vitabu vilivyothibitishwa rasmi kuwa ni Neno la Mungu. Kanuni hii inatofautiana na mafungamano ya kitamaduni, historia, au simulizi zisizo thibitishwa.

3. Apokrifa – Vitabu vilivyoandikwa na binadamu, ambavyo havina uthibitisho wa kinabii, havikutambuliwa na Wayahudi, na havikutumika na Yesu au mitume wake.

Ndani ya haya maneno matatu, Apokrifa ndiyo chanzo kikuu cha mjadala wa idadi ya vitabu vya Biblia, kwa sababu baadhi ya makanisa yanayojumuisha Apokrifa ndani ya Biblia yao huchanganya mafundisho ya kweli na yale yasiyo sahihi.

SEHEMU YA PILI

Historia ya Wakristo wa Mwanzo na Maandiko Waliyotumia

1. Yesu Kristo na Maandiko Yaliyoitumika

Yesu Kristo, akiwa Neno lililoletwa mwilini, hakutumia Biblia ya vitabu 73. Badala yake, alitumia Maandiko ya Kiyahudi, yaliyokuwa yamepitishwa na Wayahudi. Mgawanyo wa Maandiko haya ulikuwa katika sehemu tatu:

Torati (Sheria ya Musa)

Manabii

Zaburi / Maandiko

Luka 24:44
“Yapasa yatimizwe yote yaliyoandikwa katika Torati ya Musa, na Manabii, na Zaburi kunihusu Mimi.”

Ufafanuzi: Huu ulikuwa mkusanyiko wa vitabu 39 vya Agano la Kale, ambavyo ndiyo msingi wa Biblia ya vitabu 66.

Thibitisho la Kihistoria:

Yesu hakuwahi kunukuu Tobiti, Yudithi, Siraki, Hekima ya Sulemani, au Maccabees k**a Maandiko Matakatifu.

Ikiwa vitabu hivyo vingekuwa Neno la Mungu, Yesu asingevipuuza.

Kwa ufafanuzi wa kimantiki:

Yesu alijua umuhimu wa maandiko yalio thibitishwa na Roho Mtakatifu.

Kila neno aliolitoa au kunukuu lilikuwa na mamlaka ya kiroho.

2. Mitume na Maandiko Waliyotumia

Mitume waliendelea kutumia:

Maandiko ya Kiyahudi (39)

Na maandiko waliyoyaandika wenyewe, chini ya mwongozo wa Roho Mtakatifu

2 Petro 3:15–16
Petro anatambua maandiko ya Paulo kuwa ni Maandiko Matakatifu.

Hitimisho: Agano Jipya (vitabu 27) lilipothibitishwa rasmi na makanisa ya mwanzo, likiunganisha Agano la Kale (vitabu 39) kuunda Biblia ya vitabu 66. Hakuna mtume aliyewahi kunukuu Tobiti au Siraki k**a Maandiko Matakatifu.

SEHEMU YA TATU

Chanzo cha Biblia ya Vitabu 73

Biblia ya vitabu 73 ina:

Vitabu 66 vya awali

Vitabu 7 vya Apokrifa:

1. Tobiti

2. Yudithi

3. Hekima ya Sulemani

4. Siraki (Ecclesiasticus)

5. Baruku

6. 1 Maccabees

7. 2 Maccabees

Vitabu hivi vilipitishwa rasmi na Kanisa Katoliki:

Mwaka 1546

Katika Baraza la Trent

K**a majibu ya kupinga matengenezo ya Kiprotestanti

Thibitisho: Hii ilikuwa zaidi ya miaka 1500 baada ya Yesu na mitume kufa. Kwa hivyo, hakuna ushuhuda wa Yesu wala mitume unaounga mkono Apokrifa k**a Maandiko Matakatifu.

SEHEMU YA NNE

Changamoto na Makosa ya Apokrifa

Aina ya Kwanza: Havina uthibitisho wa kinabii

Havikuandikwa na nabii

Havina kauli ya “Bwana asema”

Havina unabii wa Masihi

Havikutunzwa katika Hekalu la Kiyahudi

Havikutumika na Wayahudi

Warumi 3:2
Wayahudi walikabidhiwa maneno ya Mungu.

Wayahudi walikataa vitabu hivi, na hii ni ishara wazi kwamba havina uthibitisho wa Neno la Mungu.

Aina ya Pili: Yanapingana na mafundisho ya Biblia

Mfano 1: Kuombea wafu

2 Maccabees 12:45
“Ni vizuri kuomba wafu, ili wafiwe na masalio yao…”

Lakini Biblia inasema:

📖 Waebrania 9:27
Baada ya kufa, hukumu.

Kuombea wafu ni mafundisho yasiyo ya Biblia. Hakuna sadaka wala sala inayoweza kumwokoa mtu baada ya kifo.

Mfano 2: Wokovu kwa sadaka

📖 Tobiti 12:9
Sadaka huokoa mtu

Lakini Biblia ya kweli inasema:

📖 Waefeso 2:8–9

Si kwa matendo, mtu asije akajisifu.

Sadaka haiwezi kumwokoa mtu. Wokovu ni kwa imani pekee.

Aina ya Tatu: Uhasidi wa uchawi na ushirikina

Ukisoma katika Tobiti 6:7–8 utaona Pepo anafukuzwa kwa kuchoma ini la samaki

Hakuna sala, hakuna Roho Mtakatifu

Hakuna jina la Yesu Kristo

Lakini Biblia ya kweli inasema:

Marko 16:17
Kwa jina langu watatoa pepo

Uchawi uliovishwa mavazi ya dini haupo kwenye Biblia ya kweli.

SEHEMU YA TANO

Kwa nini tunatumia Biblia ya Vitabu 66

1. Ndiyo iliyotumika na Yesu Kristo

2. Ndiyo iliyotumika na mitume

3. Ndiyo iliyojaa uthibitisho wa kinabii

4. Ndiyo isiyo na mgongano wa mafundisho

5. Ndiyo isiyo na uchawi wala ushirikina

📖 Isaya 8:20

Waende kwenye sheria na ushuhuda; wasiposema sawasawa na neno hili, hapana asubuhi kwao.

Biblia ya vitabu 66 ni msingi thabiti wa imani na maisha ya kiroho ya Mkristo.

HITIMISHO

Kwa hivyo, Biblia ya vitabu 66 ndio tunayotumia kwa sababu:

Ni ile aliyotumia Yesu na mitume wake

Ni ile inayopinga uchawi, ushirikina, na mafundisho yasiyo sahihi

Ni ile iliyo thibitishwa kihistoria na kiroho

Apokrifa (vitabu 7 vya ziada) vina changamoto kubwa za kinabii, kihistoria na kiroho

Kumbuka: Kutumia Biblia ya vitabu 66 ni kushikilia msingi wa kweli wa Neno la Mungu, bila kuruhusu mabagu na mabadiliko ya kibinadamu kuharibu mafundisho ya Kristo.

Everyone
Mungu akubariki sana. Endelea kufuatilia masomo ya kina ya Biblia na mafundisho ya kweli kupitia Channel ya WhatsApp ili kujenga imani thabiti, kufahamu ukweli, na kuepuka upotoshaji wa Apokrifa.

18/04/2024

JE, ?
Bwana Asifiwe Wana na Binti za Mungu.
Kwa Neema ya Mungu nimetamani tutafakari somo linalohusu KUOKOKA, kwa sababu mara nyingi kumekuwa na mitazamo mbalimbali juu ya Kuokoka, na hata wakati Fulani maneno ya kashfa kwamba watu Fulani hawajaokoka.
Yapo maneno matatu yenye maana tofauti, zenye kuelekeana:-
KUOKOKA
KUONGOKA
UKAMILIFU

Katika maneno hayo hapo juu neno , ndo linatumika sana

NINI MAANA YA ?
Kuokoka, Ni kitendo/ hali ya mtu kuwa salama dhidi ya janga au hatari Fulani >>Au Ni kitendo cha mtu kutoka mahali pabaya kwenda sehemu yenye usalama.
Mfano Daudi aliokoka dhidi ya adui yake ambaye ni Sauli:
1 19:10
Sauli akajaribu kumpiga Daudi hata ukutani kwa mkuki wake, ila yeye akaponyoka kutoka mbele ya Sauli, nao huo mkuki akaupiga ukutani; naye Daudi akakimbia, usiku ule.
1 Samweli 19:12 Basi Mikali akamtelemsha Daudi dirishani; naye akaenda akakimbia na .

Kitendo cha Paul kuwakimbia wayahudi, ina maana dhidi ya kifo:
2 Wakorintho 11:33 nami nikatelemshwa ndani ya kapu, katika dirisha la ukutani, katika mikono yake.

Familia ya Nuhu kwenye gharika:
1 Petro 3:20-21
watu wasiotii hapo zamani, uvumilivu wa Mungu ulipokuwa ukingoja, siku za Nuhu, safina ilipokuwa ikitengenezwa; ambamo ndani yake wachache, yaani, watu wanane, kwa maji.

Mfano gari likipata ajali, halafu wakapona baadhi ya watu, basi watu hao waliopona tunasema .

Sasa tukirudi katika mambo ya kiroho, Biblia inasema:
Marko 16:16-17
Aaminiye na kubatizwa ; asiyeamini, atahukumiwa.

Kwa hiyo kuna vigezo viwili vya kuokoka
Aamini
Abatizwe

NB: Yesu hasemi Aaminie na kubatizwa AMEOKOKA, bali anasema ATAOKOKA, kuonesha kwamba Future/ kauli ya wakati ujao.

AINA YA KWANZA YA :

ni kwamba katika ulimwengu tunaoishi, kuna aina mbili za utawala
Ulimwengu Nuru
Ulimwengu Giza

Sasa mwanadamu yeyote ambaye bado hajampokea Yesu yupo katika ulimwengu wa giza ambayo ni sehemu hatari, yaani matendo yake yanakuwa ni yale ya anasa k**a Ulevi,Uzinzi, Uwongo, Dhuluma NK. Kwa hiyo mtu ambaye yupo katika upande huu yupo katika hatari, kwa kuwa kiongozi mkuu katika ulimwengu huu ni shetani, ambapo kazi kubwa ya shetani ni kuangamiza na sio kuokoa..

Sasa mtu anapohubiriwa Injili na akampokea Yesu kuwa Bwana na mwokozi wa maisha yake, mtu huyu anakuwa kutoka katika ulimwengu wa giza na kuingia katika ulimwengu wa Nuru.

Kwa hiyo mtu k**a huyu ndio tunasema , maana amemkimbia mkuu wa giza ambaye ni shetani na kukimbia machafu ya Dunia, na kumkimbilia Mkuu wa Nuru ambaye ni Yesu.

AINA YA PILI YA

Sasa suala la kuamini na kubatizwa haina maana mtu huyu tayari Yupo salama au ameumaliza mwendo hapana: bali anakuwa ametangaza vita na shetani kwa sababu amemkimbia shetani, na hivyo siku zote shetani atakuwa akimuwinda mtu huyu ili amrudishe kulekule kwenye uovu wa kwanza.

Kwa hiyo baada ya mtu kwa kumkimbia shetani , kinachohitajika ni kuanza kuitendea kazi ile imani aliyoipokea na kuiishi maisha matakatifu, Ina maana hata k**a AMEOKOKA haina maana hawezi akapitia majaribu, laa hasha bali Yesu ataendelea Kumuokoa kutoka kwenye majaribu ya shetani k**a Ajali, magonjwa, nguvu za giza, njaa, nk, sasa kitendo hicho kuokolewa katika majaribu na mitego ya shetani na kuendelea kusimama imara na kuachana na machafu ya dunia ndo kinaitwa , Sasa Wongofu ni hatua ya ukomavu wa Imani, ambalo ni badiliko kutoka hatua moja kwenda hatua nyingine,
Yesu anasema: 18:3-4
akasema, Amin, nawaambia, Msipoongoka na kuwa k**a vitoto, hamtaingia kamwe katika ufalme wa mbinguni.
Basi, ye yote ajinyenyekeshaye mwenyewe k**a mtoto huyu, huyo ndiye aliye mkuu katika ufalme wa mbinguni.

Hebu fikiria mahali unapo Sali, ni watu wangapi uliwashuhudia walipompokea Yesu walikuwa vizuri katika imani, Lakini sasa hivi wamekuwa Walevi kupindukia, Makahaba, Wezi, wengine wanavuta sigara na bangi, na wengine wameasi Kanisa kwa kuoa mitara?.

Ni kwa sababu walipookoka hawakutaka kuvunja mikataba na shetani, hivyo walikuwa ndani ya kanisa lakini hawakuwa tayari kuongoka, au kuyaacha mapito yao ya zamani.

2 Petro 2:20-22
Kwa maana wale waliokwisha kuyakimbia machafu ya dunia kwa kumjua Bwana na Mwokozi Yesu Kristo, k**a wakinaswa tena na kushindwa, hali yao ya mwisho imekuwa mbaya kuliko ile ya kwanza.
Maana ingekuwa heri kwao k**a wasingaliijua njia ya haki, kuliko kuijua, kisha kuiacha ile amri takatifu waliyopewa.
Lakini imetukia kwao sawasawa na ile mithali ya kweli, Mbwa ameyarudia matapiko yake mwenyewe, na nguruwe aliyeoshwa amerudi kugaa-gaa matopeni.

Je, hao nao mwanzoni si walikuwa wanasema ? Je huko waliko kwenye ulevi, uzinzi, wizi, uuaji NK ndio mbinguni?
Ninasema hivyo kwa sababu kila mtu ana ushuhuda wa watu k**a hao katika kanisa lake analo Sali.

Na laiti k**a KUOKOKA ni kitendo tu cha kumwamini Yesu na kubatizwa tayari UMEOKOKA, basi Yesu hangekuwa anafuta majina ya watu katika kitabu cha UZIMA, wanaofutwa majina yao katika kitabu cha uzima ni Wale tunaojiita NIMEOKOKA, wakati bado HUJAONGOKA matendo bado yanakuwa ni ya giza.

Ufunuo wa Yohana 3:5-6
Yeye ashindaye atavikwa hivyo mavazi meupe, wala sitalifuta kamwe jina lake katika kitabu cha uzima, nami nitalikiri jina lake mbele za Baba yangu, na mbele ya malaika zake.
Yeye aliye na sikio, na alisikie neno hili ambalo Roho ayaambia makanisa.

Kwa hiyo kuna hatua tatu za Mwanadamu hadi anaingia Mbingini:

KUOKOKA: ambacho ni kitendo cha kumuamini Yesu na Kubatizwa.

KUONGOKA. Ni hatua ya mabadiliko ya kitabia na mwenendo kwa mtu aliye OKOKA

UKAMILIFU. Hii ndio hatua ya mwisho kwa mtu aliyeokoka, ina maana mtu k**a huyu dhambi kwake Haiwazwi wala kutendwa, na mtu k**a huyu tayari anakuwa anamsubiri tu Yesu:
# Ufunuo wa Yohana 14:4-6 Hawa ndio wasiotiwa unajisi pamoja na wanawake, kwa maana ni bikira. Hawa ndio wamfuatao Mwana-Kondoo kila aendako. Hawa wamenunuliwa katika wanadamu, malimbuko kwa Mungu na kwa Mwana-Kondoo. Na katika vinywa vyao haukuonekana uongo. Maana hawana mawaa.

Mtu k**a Henoko ndio alifikia hatua hii, na ndio maana alihamishwa Duniani na kupelekwa mbinguni.

Mathayo 5:48 Basi ninyi mtakuwa wakamilifu, k**a Baba yenu wa mbinguni alivyo mkamilifu.

Sasa wengi tunajidai kwamba TUMEOKOKA lakini Lugha zinazotolewa ni hatari, mtu anajiita ameokoka lakini tunaona lugha zinazotumiwa ni za KIPAGANI, Kwa hiyo wengi tunasema TUMEOKOKA, lakini bado HATUJAONGOKA. Na wala hatujui nini maana ya kuokoka.

Kuokoka ni hatua moja kweda nyingine:

2 Wakorintho 1:10
aliyetuokoa sisi katika mauti kuu namna ile; tena atatuokoa; ambaye tumemtumaini kwamba atazidi kutuokoa;

Soma vizuri hilo fungu utagundua Neno OKOKA limejirudia Mara 3, likiwa katika nyakati 3
Aliyetuokoa, ina maana ni muda uliopita, wakati ulipokuwa gizani Mungu alikuokoa utoke huko gizani kwenye wizi, ulevi NK.
Atatuokoa, ina maana hata k**a umempokea Yesu, bado shetani ataendelea kukusak**a, Mungu ndiye Atakuokoa, ni mara ngapi Umeokoka lakini bado unapitia majaribu na Mungu ana kuokoa?
Atazidi kutuokoa. Ina maana Mungu ataendelea kukuokoa kutoka kwenye mitego ya shetani, mpaka Yesu anarudi mara ya Pili.

AINA YA TATU YA

# KIINI_HALISI CHA _NENO_KUOKOKA:

Sasa Biblia inasema: Marko 16:16 Aaminiye na kubatizwa ; asiyeamini, .

Ahadi hii ni ya wakati ujao, maana ameambatanisha na Hukumu, sasa siku ya Mwisho kutakuwa na makundi mawili ya watu:
Watakaorithi uzima wa milele
Watakaohukumiwa na kutupwa katika ziwa la moto.

Sasa lengo kubwa la kifo cha Yesu ni KUTUOKOA dhidi ya moto wa Jehanamu, ambao ni kifo cha Milele.
Na Yesu anasema: Mathayo 24:13 Lakini mwenye kuvumilia hata mwisho, ndiye atakayeokoka.

Kumbuka hawa anaowaambia maneno hayo sio wapagani, bali ni wale waliomwamini na wakabatizwa, Kwa hiyo Yesu mwenyewe anafahamu kwamba wapo watu waliomwamini watakosa uvumilivu, na mwishowe wakashindwa kuokolewa siku ya mwisho.

INSHORT: kwa sasa mimi naweza nikasema nimeokoka kweli, lakini hakuna anayefahamu mawazo yangu na hisia zangu na matendo yangu ya siri, kwa hiyo siku ya mwisho ndipo pana ukweli halisi wa KUOKOKA, yaani UTAOKOKA kwenye ziwa liwakalo moto? Au UTARITHI UFALME WA MILELE? Hii sasa inabaki ni siri ya kila mtu na Mungu, maana Biblia inasema:

Mhubiri 12:14 Kwa maana Mungu ataleta hukumuni kila kazi, pamoja na kila neno la siri, likiwa jema au likiwa baya.

Kwa sasa unaweza ukajiita umeokoka lakini bado Unawivu, Unatamaa, Una kiburi, Una dharau, na mambo mengine ya siri, ambayo kwa sasa unatumia mwavuli wa dini kwamba umeokoka, lakini siku ya mwaisho ndio tutajua ni kweli UMEOKOKA.

1 Wakorintho 10:12
Kwa hiyo anayejidhania kuwa amesimama na aangalie asianguke.

Mimi binafsi naungana na mtume Paulo anayesema sijidhanii kwamba tayari nimeshaokoka bali nazidi kukaza mwendo.

Wafilipi 3:12-15
Si kwamba nimekwisha kufika(KUOKOKA), au nimekwisha kuwa mkamilifu; la! Bali nakaza mwendo ili nipate kulishika lile ambalo kwa ajili yake nimeshikwa na Kristo Yesu. Ndugu, sijidhanii nafsi yangu kwamba nimekwisha kushika; ila natenda neno moja tu; nikiyasahau yaliyo nyuma, nikiyachuchumilia yaliyo mbele;
nakaza mwendo, niifikilie mede ya thawabu ya mwito mkuu wa Mungu katika Kristo Yesu.

Warumi 7:24-25 Ole wangu, maskini mimi! Ni nani atakayeniokoa na mwili huu wa mauti? Namshukuru Mungu, kwa Yesu Kristo Bwana wetu. Basi, k**a ni hivyo, mimi mwenyewe kwa akili zangu naitumikia sheria ya Mungu, bali kwa mwili wangu sheria ya dhambi.

HITIMISHO:
Hakuna hatari kubwa na anguko kubwa kiroho k**a kujiona ni mkamilifu, wakati bado upo Duniani, Kumbuka sababu ya Petro kuzama ni kwamba aliwaona wenzake hawawezi na yeye akajiona ni bora zaidi kwamba anaweza kutembea juu ya maji, pasipo kumtazama Yesu aliyemwezesha kutembea juu ya maji,

Ukimtazama Yesu ambaye ni nuru, yeye atamulika uovu wako kila wakati, na hivyo utakuwa unamhitaji yeye kila muda ili akukamilishe. Na ndipo Kiburi cha uzima na majigambo yataondoka.

Hivyo ndugu zangu ni kweli hapa Duniani tunaokoka, lakini haina maana ndio umesha kata tiketi ya kuingia mbinguni laa hasha!!!

MUNGU AKUBARIKI SANA ENDELEA KUFUATILIA MASOMO MBALIMBALI KATIKA Channel yangu kupitia Whatsapp https://whatsapp.com/channel/0029VaHJBBp8PgsG6BQ6cJ3t

17/04/2024

YA SHETANI KWA WATU WA MUNGU:

Tangu dhambi iingie Duniani vita vimekuwa vikipiganwa kati ya Nuru na giza au kati ukweli na uongo. Shetani amekuwa akitumia mawakala wake wa kibinadamu kuhakikisha watu wa Mungu wanaokuwa waaminifu wanakandamizwa na hata kuuwawa, chuki imetanda kila kona .Iwe ni ofisini ukionekana unasimamia uaminifu kwa kukataa rushwa basi utachukiwa na wafanyakazi wenzako, Uwe mwanafunzi ukionekana unasimamia ukweli basi utachukiwa na wanafunzi wenzako, iwe ni muunini ndani ya kanisa unasimamia kweli au kuhubiri ukweli basi utachukiwa na waumini wenzako, liwe ni Kanisa au dhehebu linasimamia ukweli wa Biblia basi ni lazima lichukiwe na madhehebu mengine. Kwa hiyo mtu yeyote anayesimamia kweli ni lazima achukiwe na shetani kupitia mawakala wa kibinadamu: 2 3:12 Naam, na wote wapendao kuishi maisha ya utauwa katika Kristo Yesu wataudhiwa.

Tunaona Kaini na Habiri katika Mwanzo sura ya 4, shetani alimtumia Kaini kujenga chuki na kumuua Habiri kwa sababu Habiri alionesha uaminifu kwa maagizo ya Mung katika utoaji wa sadaka.

Danieli alipokuwa katika Ikulu ya mfalme alikuwa muaminifu, hadi akachukiwa na wafanyakazi wenzake na hatimaye akatupwa katika tundu la simba, Danieli sura ya 6,

Yohana Mbatizaji alikatwa kichwa kwa sababu ya kuongea ukweli juu ya Herode kumuoa mke wa ndugu yake, Mathayo sura ya 14.

Dunia hii haipendi kukakaa na watu ambao ni waaminifu wala Dunia hii haitaki kukaa na dhehebu ambalo linafundisha Ukweli. Tangu zamani watu ambao walionekana kusimamia Ukweli wa Neno la Mungu walitengwa na jamii na hata kuuwawa: 11:36-38 wengine walijaribiwa kwa dhihaka na mapigo, naam, kwa mafungo, na kwa kutiwa gerezani; walipigwa kwa mawe, walikatwa kwa misumeno, walijaribiwa, waliuawa kwa upanga; walizunguka-zunguka wakivaa ngozi za kondoo na ngozi za mbuzi; walikuwa wahitaji, wakiteswa, wakitendwa mabaya;(watu ambao ulimwengu haukustahili kuwa nao), walikuwa wakizunguka-zunguka katika nyika na katika milima na katika mapango na katika mashimo ya nchi.

Yesu mwenyewe alichukiwa na watu wa Taifa lake Wayahudi kwa sababu alikuwa akihubiri ukweli tofauti na wao, mwishowe wakamsaliti kwa Warumi na Akafa.

Muda hautoshi kuzungumzia habari za mitume jinsi kila mmoja walivyokufa vifo vya ajabu kwa sababu tu walikuwa wakisimamia Ukweli, ya Mitume 14:22 wakifanya imara roho za wanafunzi na kuwaonya wakae katika ile Imani, na ya kwamba imetupasa kuingia katika ufalme wa Mungu kwa njia ya dhiki nyingi.

Na hivyo hata katika nyakati hizi za mwisho wale wote wanaosimamia Ukweli wa Biblia ni lazima Watachukiwa na watu wengine, na hata Kanisa au dhehebu linalojitahidi kufunua Ukweli wa Neno la Mungu litachukiwa na madhehebu mengine, Yesu anasema: 24:9 Wakati huo watawasaliti ninyi mpate dhiki, nao watawaua; nanyi mtakuwa watu wa na mataifa yote kwa ajili ya jina langu.

Shetani yupo kazini baada ya Yesu kumshinda pale msalabani, vita ya shetani aliielekeza katika Kanisa la masalio ambao Wanashika Amri za Mungu na kuwa na Ushuhuda wa Yesu. wa Yohana 12:17 Joka akamkasirikia yule mwanamke, akaenda zake afanye vita juu ya wazao wake waliosalia, wazishikao amri za Mungu, na kuwa na ushuhuda wa Yesu; naye akasimama juu ya mchanga wa bahari.

Lengo la shetani ni kuandaa mawakala wa kila namna ili kulichafua Kaniisa hili linaloshika Amri za Mungu na Ushuhuda wa Yesu ili watu wasijue Nuru na wapotelee gizani, maana shetani anafahamu mtu k**a anasema anampenda Yesu lakini hashiki Amri basi huyo ni wake na ataena naye motoni tu maana ni Muongo, 1 2:3-4 Na katika hili twajua ya kuwa tumemjua yeye, ikiwa tunashika amri zake. Yeye asemaye, Nimemjua, wala hazishiki amri zake, ni mwongo, wala kweli haimo ndani yake.

Shetani anajua mtu akitii amri atauona ufalme wa Mungu: 19:16-17 Na tazama, mtu mmoja akamwendea akamwambia, Mwalimu, nitende jambo gani jema, ili nipate uzima wa milele? Akamwambia Kwani kuniuliza habari ya wema? Aliye mwema ni mmoja. Lakini ukitaka kuingia katika uzima, zishike amri.

Shetani anajua kigezo cha kujua k**a wewe unampenda Mungu ni kushika Amri; 1 5:3 Kwa maana huku ndiko kumpenda Mungu, kwamba tuzishike amri zake; wala amri zake si nzito.

Huu ndio ukweli kwamba Kanisa la SDA ndio kanisa pekee Duniani linalosimamia ukweli wa Biblia kwa asilimia kubwa tofauti na madhehebu mengine yote ya Kikristo, na ndio Kanisa ambalo linatunza na kuzifundisha Amri 10 za Mungu k**a zilivyo, Lakini kinyume chake ndio Kanisa linaloongoza kwa kutukanwa, kudhihakiwa kila siku, Kanisa la SDA ndilo kanisa linalojitahidi kusimamia ukweli lakini linachukiwa na madhehebu yote ya Kikristo na lipo vitani kila siku. 24:9 Wakati huo watawasaliti ninyi mpate dhiki, nao watawaua; nanyi mtakuwa watu wa na mataifa yote kwa ajili ya jina langu.

: : Wale wanaoendelea kuwadhihaki na kuwatukana wanaoshika Sheria za Mungu tujue tunafanya kazi kinyume na Kristo, na mwisho wake ni mbaya: Neno la Mungu linasema: 51:7-8 Nisikilizeni, ninyi mjuao haki, watu ambao mioyoni mwenu mna sheria yangu; msiogope matukano ya watu, wala msifadhaike kwa sababu ya dhihaka zao. Maana nondo itawala k**a vazi, na funza atawala k**a sufu; bali haki yangu itakuwa ya milele, na wokovu wangu hata vizazi vyote.

Jambo ambalo shetani hataki kulisikia masikioni mwake ni kusikia mtu anafundisha Amri 10 za Mungu.

Mungu Akubariki:

07/04/2024

JE MWANAMKE ANAPASWA KUNYAMAZA NDANI YA KANISA?

BAADHI YA WATU HUTUMIA1 Wakorintho 14:34-35

KUDAI KUWA WANAWAKE HAWAPASWI KUFANYA CHOCHOTE NDANI YA KANISANI

1 Wakorintho 14:34-35
Wanawake na wanyamaze katika kanisa, maana hawana ruhusa kunena bali watii, k**a vile inenavyo torati nayo. Nao wakitaka kujifunza neno lo lote, na wawaulize waume zao wenyewe nyumbani mwao; maana ni aibu wanawake kunena katika kanisa.

JE PAULO ALIKUWA AKIPINGANA NA MAELEZO YAKE YA AWALI KWA KUWATAJA WAHUDUMU NDANI YA KANISA K**A INAVYOSOMEKA HAPA CHINI?

Warumi 16:1,3-4,6

Namkabidhi kwenu Fibi, ndugu yetu, aliye mhudumu wa kanisa lililoko Kenkrea;

Nisalimieni Priska na Akila, watenda kazi pamoja nami katika Kristo Yesu; waliokuwa tayari hata kukatwa kichwa kwa ajili ya maisha yangu; ambao ninawashukuru, wala si mimi tu, ila na makanisa ya Mataifa yote pia;

nisalimieni na kanisa lililomo katika nyumba yao. Nisalimieni Mariamu, aliyejitaabisha sana kwa ajili yenu.

KWANINI PAULO ALIWAKEMEA
WANAWAKE WA KORINTHO?

Baada ya mahubiri ya paulo katika mji wa korntho kumalizika watu wengi walijiunga na kanisa, nao walitoka kutoka katika matabaka tofauti ya jamii ambazo zilikuwa zimeathiriwa na mila, desturi na tamaduni zao .

waumini hawa wapya walijikuta wakiunda kanisa la korntho likiwa na mchanganyiko wa tamaduni za Wayahudi, Wayunani na Waroma na walipojiunga na kanisa baadhi yao waliendelea kushikilia asili zao, desturi zao na tamaduni zao katika muktadha mzima wa kuabudu.

1. WAONGOFU WAPYA KUTOKA KWA
HEKALU LA DIANA

Kwa mfano wanawake walioamini kutoka katika hekalu la mungu mke Artemis au Diana waliingilia mafundisho yaliyotolewa na wahudumu kwa kupiga makelele ndani ya kanisa wakati wa maombi k**a walivyokuwa wakifanya katika hekalu lao la Artemis kwakuwa ibada ya maombi iliongozwa na wanawake kwakuwa hata mungu wao alikuwa mwanamke pia. Hawa nao walidai wapewe nafasi ya kuhudumu kanisani

USHAURI WA PAULO KWA WANAWAKE WAONGOFU KUTOKA KWA HEKALU LA
MUNGU MKE DIANA(Artemis)

Kundi hili lilidai haki ya ya kuhudumu ndani ya kanisa k**a walivyokuwa wamezowea kuhudumu katikaa hekalu la mungu mke Diana kwakuwa makuhani na waonaji wake walikuwa wanawaake tu. Na dai kubwa kabisa lilidaiwa ni ibada ya kunena kwa lugha kwa wanawake wote wakati wa maombi
Pauloaliwajibu k**a ifuatavyo.........

1 Wakorintho 14:1,5,13,23-24,27,29

"Ufuateni upendo, na kutaka sana karama za rohoni, lakini zaidi kwamba mpate kuhutubu.

Nami nataka ninyi nyote mnene kwa lugha, lakini zaidi sana mpate kuhutubu,

maana yeye ahutubuye ni mkuu kuliko yeye anenaye kwa lugha, isipokuwa afasiri,ili kusudi kanisa lipate kujengwa.

Kwa sababu hiyo yeye anenaye kwa lugha na aombe apewe kufasiri.

Haya! Ikiwa kanisa lote limekusanyika pamoja, na wote wanene kwa lugha, kisha ikawa wameingia watu wajinga au wasioamini, je! Hawatasema ya kwamba mna wazimu?

Lakini wote wakihutubu, kisha akaingia mtu asiyeamini, au mjinga, abainishwa na wote, ahukumiwa na wote; K**a mtu akinena kwa lugha, wanene wawili au watatu, si zaidi, tena zamu kwa zamu, na mmoja na afasiri.

Na manabii wanene wawili, au watatu, na wengine wapambanue."

2. WAONGOFU WAPYA KUTOKA KATIKA MASINAGOGI YA WAYAHUDI.

maneno wanawake wanyamaze ndani ya kanisa yalitokana na hali ilivyokuwepo kwa kanisa la korintho Kwa kawaida wanawake waliketi upande mmoja wa kanisa wakati wanaume waliketi upande wa pili.

kwakuwa mambo mengi yalikuwa yakifanyika wakati wa huduma hususani wakati ambao wahudumu walikuwa wakihubiri Wanawake wenye asili ya kiyahudi walikuwa wakiongea kwa sauti wakati wa ibada

Kwa mujibu wa mila na desturi za wayahudi mwanamke wa kiyahudi hakuruhusiwa kumuuliza mwanaume yeyote swali isipokuwa mumewe tu.

kwa sababu hiyo iliwalazimu wanawake wa kiyahudi waliohudhuria ibada kusimama na kuwauliza maswali waume zao waliokuwa wameketi upande wa pili wa kanisa maana ya maneno ambayo walihubiriwa na mhubiri na huenda hawakuyaelewa baadhi ya mambo waliyoambiwa.

USHAURI WA PAULO KWA WANAWAKE WAONGOFU WA KIYAHUDI

Kwasababu hiyo paulo aliingilia kati akiwazuwia wasifanye mambo ambayo si ya utaratibu kwakuwa wanaingilia taratibu za ibada. Paulo aliwashauri wanawake wa kiyahudi hivi...

1 Wakorintho 14:34-36

Wanawake na wanyamaze katika kanisa, maana hawana ruhusa kunena bali watii, k**a vile inenavyo torati nayo. Nao wakitaka kujifunza neno lo lote, na wawaulize waume zao wenyewe nyumbani mwao; maana ni aibu wanawake kunena katika kanisa.
Au je! Neno la Mungu lilitoka kwenu? Au kuwafikia ninyi peke yenu?

PAULO ALIWASHAURI WASIWAULIZE WAUME ZAO MASWALI WAKATI IBADA IKIENDELEA BADALA YAKE K**A WANA MASWALI KUTOKANA NA HUDUMA ILIYOTOLEWA WAKAWAULIZE WAUME ZAO NYUMBANI.

3. WAONGOFU KWA TAMADUNI ZA
KIRUMI

Kundi la tatu lilikuwa wanawake waliotokakutoka katika tamaduni za Warumi na kujiunga na kanisa ambao walikuwa wakishindana wao kwa wao baada ya kuamini katika ukristo iwapo wanapaswa kufunika vichwa vyao kwa vitambaa au la.

Hii ni kwakuwa baadhi ya wanawake wa kirumi wenye uwezo na wasioolewa waliingia kanisani bila kufunika vichwa vyao kwa vitambaa.

Mazowea ya wanawake kufunika vichwa vyao yalitokana na desturi za kirumi na kiyunani.

Katika desturi za kirumi malaya walikatazwa kufunika vichwa vyao kwa vitambaa na pia wanawake walitakiwa kufunika vichwa vyao kwa vitambaa wakati wa ibada k**a ishara ya unyenyekevu wakati wa kuabudu.

Katika utamaduni wa kirumi tendo la mwanamke kuvaa kilemba lilikuwa ni heshima na maadili ya hali ya juu sana kwa mwanamke aliyeolewa na iliaminika kuwa kitambaa cha mwanamke kilimpa heshima mumewe na pia kilikuwa ishara ya utiifu.

USHAURI WA PAULO KWA WANAWAKE WAONGOFU WA KIRUMI

Japokuwa desturi za kufunikakichwa hazikutokana na wayahudi wala Biblia, Paulo aliona thamani kubwa ya kufunika kichwa inakubaliana na maadili mema.

Hii ni kwakuwa kitambaa kilichofunika kichwa kiliambatana na vazi la chini (gauni) lenye kusitiri mwili na lilifanana kabisa na vazi wanalovaa masista wa kikatoliki.

Iwapo paulo angekataa vazi hilo jamii iliyokuwepo isingethamini mafundisho yake wengi wao wakiwa wanaume wa kirumi wenye wake zao waliojiunga na kanisa.

Paulo aliingilia jambo hili ili kulinda umoja wa kanisa na jambo hili aliwashauri hivi.......
1 Wakorintho 11:3,5-6,10

Lakini nataka mjue ya kuwa kichwa cha kila mwanamume ni Kristo, na kichwa cha mwanamke ni mwanamume, na kichwa cha Kristo ni Mungu.

Bali kila mwanamke asalipo, au anapohutubu, bila kufunika kichwa, yuaaibisha kichwa chake; kwa maana ni sawasawa na yule aliyenyolewa.

Maana mwanamke asipofunikwa na akatwe nywele.

Au ikiwa ni aibu mwanamke kukatwa nywele zake au kunyolewa, na afunikwe.

Kwa hiyo imempasa mwanamke awe na dalili ya kumilikiwa kichwani, kwa ajili ya malaika.

kutokana na madai ya makundi haya matatu viongozi wa kanisa walishindwa kuzuwia vurugu iliyokuwepo ikabidi wamuombe paulo awasaidie kutuliza hali hiyo ili kanisa libaki katika hali yake ya kawaida

Ushauri wa paulo haukuwanyima wanawake haki yao ya kujifunza bali aliwaelekeza njia sahihi ya kujifunza.

Aliwaambia kuwa ndani ya kanisa wanapaswa kujifunza kwa utulivu bila kuwauliza waume wao maswali bali watulie wakisikiliza maelekezo wanayopewa Na kisha baadaye waombe wajifunze na kuhutubu

1 Wakorintho 11:5
[5]Bali kila mwanamke asalipo, au anapohutubu, bila kufunika kichwa, yuaaibisha kichwa chake; kwa maana ni sawasawa na yule aliyenyolewa.
Paulo hakuwaambia wanawake wanyamaze kabisa vinginevyo hata kuimba wasingeruhusiwa bali alikuwa akizuwia mazungumzo baina ya mtu na mkewe au mtu kwa mtu kuzungumza kanisani wakati ibada ilipokuwa ingali ikiendelea na kusababisha migongana baina ya hao waliokuwa wakiendesha ibada.
HITIMISHO
Katika historia yote ya ulimwengu Mungu amekuwa akiwatumia wanawake katika majukumu mbalimbali. Wanawake wamekuwa vyombo vya muhimu sana katika kueneza wokovu kwa wanadamu wote wapo manabii wa k**e waliofanya kazi ya Mungu kwa ufanisi sana.

1. MIRIAM

Kutoka 15:20

Na Miriamu, nabii mke, ndugu yake Haruni, akatwaa tari mkononi mwake; wanawake wakatoka wote wakaenda nyuma yake, wenye matari na kucheza.

2. DEBORA

Waamuzi 4:4-5

Basi Debora, nabii mke, mkewe Lapidothi, ndiye aliyekuwa mwamuzi wa Israeli wakati ule. Naye alikaa chini ya mtende wa Debora, kati ya Rama na Betheli, katika nchi ya vilima vilima ya Efraimu; wana wa Israeli wakakwea kwake, awaamue.

3. HULDA

2 Wafalme 22:14
Basi Hilkia kuhani, na Ahikamu, na Akbori, na Shafani, na Asaya, wakamwendea Hulda, nabii mke, mkewe Shalumu, mwana wa Tikva, mwana wa Harhasi, mtunza mavazi ya mfalme; (naye alikaa Yerusalemu katika mtaa wa pili;) wakasema naye.

4. ANA

Luka 2:36-38

Palikuwa na nabii mke, jina lake Ana, binti Fanueli, wa kabila ya Asheri, na umri wake ulikuwa miaka mingi, alikuwa amekaa na mume miaka saba baada ya uanawali wake.

Naye ni mjane wa miaka themanini na minne; haondoki katika hekalu, ila huabudu usiku na mchana kwa kufunga na kuomba. Huyu alitokea saa ile ile akamshukuru Mungu, na wote waliokuwa wakiutarajia ukombozi katika Yerusalemu akawatolea habari zake.

5. MABINTI WA PHILIPO MUHUBIRI

Matendo ya Mitume 21:9
Mtu huyu alikuwa na binti wanne, mabikira, waliokuwa wakitabiri.

6. KAZI YA WANAWAKE KATIKA SIKU ZA.
MWISHO

Matendo ya Mitume 2:17-18

Itakuwa siku za mwisho, asema Mungu, nitawamwagia watu wote Roho yangu, na wana wenu na binti zenu watatabiri; na vijana wenu wataona maono; na wazee wenu wataota ndoto.

Naam, na siku zile nitawamwagia watumishi wangu wanaume na wanawake Roho yangu, nao watatabiri.

paulo mwenyewe anasema kuwa mwanamke anaweza kusali na kuhutubu ndani ya kanisa.

Hivyo isingewezekana kumnyamazisha kabisa mwanamke ndani ya kanisa.

Mungu amewapatia wanawake karama za kumtumikia ndani ya kanisa.

1 Wakorintho 11:5
Bali kila mwanamke asalipo, au anapohutubu, bila kufunika kichwa, yuaaibisha kichwa chake; kwa maana ni sawasawa na yule aliyenyolewa.

K**a jinsi tulivyoona moja ya matatizo paulo aliyokutana nayo katika kanisa la korinto ni kurekebisha mwenendo safi ndani ya kanisa .

kwakuwa makundi tofauti tofati yakiwa na mitazamo tofauti yaliibua kuchanganyikiwa na mvurugano ndani ya kanisa.

1 Wakorintho 1:10

PAULO ALIELEKEZA UTARATIBU WA IBADA NA SIO KUWAZUWIA WANAWAKE KUNENA

Basi ndugu, nawasihi, kwa jina la Bwana wetu Yesu Kristo, kwamba nyote mnene mamoja; wala pasiwe kwenu faraka, bali mhitimu katika nia moja na shauri moja.

1 Wakorintho 14:23-24,26-29,33-35,39-40

Haya! Ikiwa kanisa lote limekusanyika pamoja, na wote wanene kwa lugha, kisha ikawa wameingia watu wajinga au wasioamini, je! Hawatasema ya kwamba mna wazimu?

Lakini wote wakihutubu, kisha akaingia mtu asiyeamini, au mjinga, abainishwa na wote, ahukumiwa na wote; Basi, ndugu, imekuwaje? Mkutanapo pamoja, kila mmoja ana zaburi, ana fundisho, ana ufunuo, ana lugha, ana tafsiri.

Mambo yote na yatendeke kwa kusudi la kujenga. K**a mtu akinena kwa lugha, wanene wawili au watatu, si zaidi, tena zamu kwa zamu, na mmoja na afasiri.

Lakini asipokuwapo mwenye kufasiri na anyamaze katika kanisa; aseme na nafsi yake tena na Mungu.

Na manabii wanene wawili, au watatu, na wengine wapambanue.

Kwa maana Mungu si Mungu wa machafuko, bali wa amani; vile vile k**a ilivyo katika makanisa yote ya watakatifu.

Wanawake na wanyamaze katika kanisa, maana hawana ruhusa kunena bali watii, k**a vile inenavyo torati nayo.

Nao wakitaka kujifunza neno lo lote, na wawaulize waume zao wenyewe nyumbani mwao; maana ni aibu wanawake kunena katika kanisa.

Kwa ajili ya hayo, ndugu, takeni sana kuhutubu, wala msizuie kunena kwa lugha. Lakini mambo yote na yatendeke kwa uzuri na kwa utaratibu.

Tatizo halikuwa nani ahubiri wala mjadala haukuwa iwapo mwanamke anapaswa kuhubiri au kuwa na nafasi ya uongozi ndani ya kanisa ila msisitizo wa Biblia ni kuwa pawepo na utaratibu mzuri na utulivu wakati maelekezo yalipokuwa yakitolewa ndani ya kanisa.

Kitendo cha kuwazuwia wanawake wasifundishe ndani ya kanisa kikifanyika kitakuwa ni upotoshaji wa aya hii.

JAMBO LA KUZIGATIA ZAIDI TUNAPOHITIMISHA NI KUWA;

HUDUMA YA MAKUHANI ILIKOMA BAADA YA KUPASUKA KWA PAZIA LA HEKALU SIKU YA IJUMAA WAKATI YESU ALIPOMWAGA DAMU YAKE JUU YA MSALABA KWAAJILI YA ONDOLEO LA DHAMBI ZETU KWA SASA TUNAYE KUHANI MMOJA TU YESU KRISTO KATIKA HEMA YA MBINGUNI
KWA SABABU HIYO IWAPO ATASIMAMA MWANAMKE AU MWANAMKE NDANI YA KANISA ANATUHUBIRI SISI TUMUANGALIE KUHANI WETU YESU KRISTO ANAYETUPATANISHA NA MUNGU BABA KWA DAMU YAKE.

BARIKIWA SANA

Address

Manyara

Website

https://masalianautume255.blogspot.com/

Alerts

Be the first to know and let us send you an email when Masalia na UTUME wake posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Masalia na UTUME wake:

Masalia na UTUME wake