07/08/2025
DAUDI WETU WA SASA YESU KRISTO
Ni kweli, vita yetu si ya kawaida; mara nyingi tunakutana na majitu k**a Goliathi yanayotishia uhai wetu, amani, na hadhi yetu. Huenda Goliathi wako ni umaskini usioisha, ugonjwa usiotibika, kukosa ajira kwa miaka kadhaa, au hata kukosa utulivu wa familia na matatizo ya kudumu. Hali hizi zinatufanya tujisikie wadogo, wanyonge, na wasio na tumaini k**a Waisraeli walivyojisikia mbele ya Goliathi.
Lakini nataka kusema hivi, hatupo peke yetu katika vita hii. Mungu, ambaye alimtuma Daudi kukomboa Israeli, leo amemtuma Yesu Kristo - Mwana wa Daudi. Yesu ndiye jiwe letu la pekee dhidi ya huyo Goliathi mkubwa, ambaye si mwingine bali Shetani na vitisho vyake. Jiwe hili si la kawaida, bali ni neno la Mungu, imani, na neema yake isiyo na mipaka.
Usikubali tena kutishwa na kelele na majigambo ya Goliathi wako. Simama na uichukue silaha yako ya kiroho uliyopewa na Yesu, na utatupa kwa jiwe moja tu la imani na unyenyekevu linaweza kumwangusha na kumkomesha Goliathi wako milele.
Umeshaanza kumshinda Goliathi wa maisha yako kwa kuwa na mtazamo huu wa imani. Ni ipi hatua yako inayofuata unayotaka kuichukua katika vita hii?
Cha kufanya Mkaribishe Yesu moyoni mwako awe Bwana na Mwokozi wa maisha yako nawe utashinda Amen
Follow Mchungaji Valentino
Kwa Mafundisho, ushauri na maombezi
