Familia na Mahusiano

23/04/2024

PHANEROO~DEVOTION
Na Mtume Grace Lubega

ROHO WA KUJITOLEA: SEHEMU YA 1

Luka 6:35 (KJV);* Bali wapendeni adui zenu, tendeni mema, na kukopesha msitumaini kupata malipo, na thawabu yenu itakuwa nyingi; nanyi mtakuwa wana wa Aliye juu, kwa kuwa yeye ni mwema kwa wasiomshukuru, na waovu.

Watu wengine hufanyia kazi tu na kuwabariki wale walio na uwezo wa kuwalipa.

Hawatawekeza muda na rasilimali kwa watu ambao hawana uwezo wa kulipa fadhila

Kuna Mtu wa Mungu ninayemjua alikataa kusafiri hadi kijiji cha mbali ili kuhubiri injili kwa sababu aliona ni ‘upotevu wa upako.’

Hii si njia nzuri ya kuishi kwa sababu moyo wa Mungu uko pamoja na wale watu wasiojiweza na wasioweza kufanya mengi kubadili hali zao.

Katika Mathayo 25:36, anasema, 'Nalikuwa uchi mkanivika, nalikuwa mgonjwa mkaja kunitazama, nalikuwa kifungoni mkanijia.'

Lazima uwe na moyo na roho ya kujitolea. Lazima kuwe na watu katika maisha haya unaowabariki bila kutarajia chochote kutoka kwao.

Tafuta mtoto ambaye hawezi kumudu karo za shule na kuzilipia. Msaidie mgeni ambaye hataweza kulipa fadhila kamwe katika maisha haya au hata kujua kwamba mkono wako ulisaidia kufanya maisha yao kuwa rahisi kidogo.

Hiki ndicho kinachotutofautisha sisi k**a wana wa Mungu, k**a andiko letu kuu linavyosema.

Haleluya!

MASOMO YA ZIADA : Mathayo 25:36; Yakobo 1:27

UJUMBE MKUU: Lazima uwe na moyo na roho ya kujitolea. Lazima kuwe na watu katika maisha haya unaowabariki bila kutarajia chochote kutoka kwao.

SALA : Baba mpenzi, nakushukuru kwa neno hili. Asante kwa nafasi na rasilimali Ulizonipa kuwabariki wasiobahatika. Ninafanya hivyo kwa jitihada na bidii kwa sababu najua hapo ndipo moyo wako ulipo, kwa jina la Yesu, Amina.

bit.ly/TheFullCounselOfGod
📜

03/04/2024

SWALI KUHUSU KILEVI/POMBE

Jumatano, 3 Aprili 2024

Na Mtume Grace Lubega

Mithali 31:4-5 (KJV): Ee Lemueli, kunywa mvinyo hakuwafai wafalme, hakuwafai wafalme. Wala haifai wakuu waseme ki wapi kileo? wasije wakanywa, na kuisahau sheria, na kuipotosha hukumu ya mtu aliye taabuni.

Mjadala kuhusu kuwa wakristo wanapaswa kunywa pombe au la umekuwa mjadala wa muda mrefu na wengi wametumia maandiko kadhaa kuhalalisha tendo hili.

Si nia yangu kuchimbua vitu vidogo vya kitheolojia katika mjadala huu. Hata hivyo, ningependa kukuuliza, k**a mtoto wa Mungu, wewe ni mfalme wa Mungu Aliye Juu Zaidi? (Ufunuo 1:6).

Je, umeitwa kutawala katika maisha haya? (Warumi 5:17).

Je, uko tayari kuamini na kuishi k**a kichwa tu na kamwe si mkia? (Kumbukumbu la Torati 28:13).

Naam, andiko letu kuu linatuambia kwamba pombe si kwa ajili ya wafalme. Mkristo anayejiingiza katika kileo haelewi mafuta ya kifalme juu yake.

Ni matarajio ya mbinguni kwa wafalme kudumisha hali ya kiasi kila mara kwa sababu mbingu inawategemea kuhukumu mambo.

Katika Mithali 20:1, Biblia inasema kwamba divai ni dhihaka, kileo ni mgomvi, na anayepotoshwa nacho hana hekima.

Hekima ndani yako haiwezi kamwe kukualika ujipoteze katika pombe. Hayo si mapenzi kamili ya Mungu. Mbadala wake ni katika Waefeso 5:18, “Tena msilewe kwa mvinyo, ambamo mna ufisadi; bali mjazwe Roho.”

Haleluya!

MASOMO YA ZIADA: Mithali 20:1; Isaya 5:22

UJUMBE MKUU: Ni matarajio ya mbinguni kwa wafalme kudumisha hali ya kiasi kila mara kwa sababu mbingu inawategemea kuhukumu mambo.

SALA: Baba mpenzi, nakushukuru kwa kweli hii. Asante kwa hekima ya kutenganisha kinachoruhusiwa na mapenzi kamili ya Mungu. Sitawahi kuwa mwathirika wa kileo kwa sababu nimelewa kwa Roho Mtakatifu, kwa jina la Yesu, Amina.

https://bit.ly/Dying_To_Live
Devotion 📜

27/03/2024

Watu wa Morogoro there we go.
Tukutane ZONA CHURCH chini ya mtumishi wa Mungu Apst Julius Victor Mhina

Mungu ametupa neema tena, nisaidie kualika mtu mmoja ambaye yupo Morogoro.

08/03/2024

SALAMU KWA WANAWAKE NA MABINTI.

KUSUDI LAKO LIKO WAPI?

Shauku yangu kubwa imekuwa ni kuona kile Mungu ameweka ndani ya kila mmoja wenu kisife ndani.

Haujaja tu hapa duniani, usome, upate kazi, uolewe, uzae watoto kisha historia yako iishie hapo.

Kuna kitu cha ziada cha kiroho ambacho kipo ndani yako. Kimsingi ndipo thamani na utambuliko wako halisi ulipo.

Tafuta kuijua kile Mungu amekuumba kukifanya na uanze kukiishi sasa.

Usiangalie familia yako ukaishia kusema, siwezi kwa sababu hakuna hata mmoja aliyewahi kufanya. Wewe ni wa tofauti sana, utakuwa wa kwanza kufanya na itasimama. Iwe biashara, huduma, elimu, mimi nakuambia utakuwa wa kwanza kufanya hata k**a hakuna aliyewahi kukifanya hapa duniani.

Kwa historia ya biblia wakati wa Maria mama yake Yesu hakukuwahi kutokea mwanamke aliyebeba mimba bila mwanamme kuhusika. My God! My God! My sister you canbe the first one God will use to write something in the world. Think about it !

Malaika anamwambia Maria, utapokea nguvu kutoka juu, na utazaa mwana. Hallelujah!

‭‭Luk‬a 1:34‭-‬35‬ ‭SUV‬‬
[34] Mariamu akamwambia malaika, Litakuwaje neno hili, maana sijui mume? [35] Malaika akajibu akamwambia, Roho Mtakatifu atakujilia juu yako, na nguvu zake Aliye juu zitakufunika k**a kivuli; kwa sababu hiyo hicho kitakachozaliwa kitaitwa kitakatifu, Mwana wa Mungu.

Unahitaji tu kuvikwa nguvu na kitu kilichopo ndani yako kitatoka nje na dunia itakishangilia.

Ashukuriwe Mungu ambaye pia amewatumia wengine wengi mbele yetu, na tukiwaona tunatiwa moyo na kusonga mbele.

Umesikia habari za Maria mama yake Yesu na dunia itamtaja siku zote.

Umesikia habari za akina Esther akipindua ufalme kwa nguvu ya maombi.

Umesikia kwa habari za Sara mama wa mataifa.

Umesikia habari za nabii wa k**e Anna aliyekuwa mjana, ameomba mpaka Yesu anadhihirishwa.

Huenda ukasema wale ni wa kwenye biblia, wanawake wa hivyo hatunao kwa sasa.

Umewahi kusikia kwa habari ya Catherine Kuhlman kutoka America, ameitikisa dunia kwa nguvu za Roho Mtakatifu.

Umesikia habari za Maria Woodworth-Etta, alikuwa akisimama kilomita tano mbele watu wanaanguka kwa nguvu za Mungu. What a power! 🙌

Umesikia habari za wanawake wengine wengi hata ambao unawajua kwenye taifa lako na wamefanya mambo makubwa, waangalie hao.

Ndio ninachotaka kuona ndani ya wanawake na mabinti wa wakati wetu huu. Ni kilio ndani yangu, ni shauku kubwa na namwomba Mungu anitumie kuinua watu wa aina hiyo.

You are more than average. Wewe ni zaidi ya ndoa, ni zaidi ya kazi gari, mchumba, watoto nk.

Seek for more.
Tafuta kujua kusudi lako, anza kuliishi bila kuangalia dunia inasemaje.

HAPPY WOMEN'S DAY

From your Lovely brother
Pendael L.
0717446138

01/03/2023

KUKABILIANA NA KUTOJIAMINI I

PHANEROO~DEVOTION.
Jumatano, 1 Machi 2023
Na Mtume Grace Lubega

Mwanzo 1:27 (KJV); Mungu akaumba mtu kwa mfano wake, kwa mfano wa Mungu alimwumba, mwanamume na mwanamke aliwaumba.

Kutojiamini ni kamba ambayo watu wengi wanaweza kujinyonga nayo. Hawajiamini kuhusu rangi ya ngozi yao, urefu, macho, pua, midomo, kucha, hadhi ya kijamii na mambo mengine mengi yanayohusu maisha yao.

Uliumbwa kwa mfano wa Mungu Aliye Juu Zaidi. Roho ya kutojiamini inaharibu picha hii na inakupa wazo lake la jinsi unapaswa kuonekana machoni pa wengine.

Kwa mtu yeyote anayepambana na kutojiamini, ninauliza, "ni nani aliyekuambia, wewe ni mbaya? Nani kakuambia, wewe si mrefu vya kutosha? Nani kakuambia, ngozi yako si nyeupe vya kutosha? Nani kakuambia?”

Uliumbwa kwa namna ya kutisha na ya ajabu (Zaburi 139:14).

Je, Mungu alikuwa mjinga kwa kukupa ngozi nyeusi ambayo unajiona kuwa na hekima sana ili kupata njia ya kufanya rangi ya ngozi yako kuwa nyeupe zaidi? Je, Mungu hakuwa na ustadi sana katika uumbaji Wake hata ukahisi haja ya kurekebisha vipimo vyake vya midomo, pua na nyonga yako?

Kufanya mabadiliko haya kwenye mwili wako ni uthibitisho kwamba humjui Mungu. Thamini kile Alichokupa. Zima sauti ya kutojiamini ikikuambia kuwa hautoshi.

Haleluya!

MASOMO YA ZIADA: Zaburi 139:14, Zaburi 50:2

UJUMBE MKUU: Uliumbwa kwa mfano wa Mungu Aliye Juu Sana. Roho ya kutojiamini inaharibu picha hii na inakupa wazo lake la jinsi unapaswa kuonekana machoni pa wengine. Zima sauti ya kutojiamini ikikuambia kuwa hautoshi.

SALA: Baba Mpenzi, nakushukuru kwa jinsi nilivyo. Asante kwa macho yangu, midomo, ngozi, nywele, kucha, umbo na kila inchi moja ya mwili wangu. Kila wakati ninapojitazama kwenye kioo, naona sura ya Mungu ikiakisi kwangu. Mimi ni ukamilifu wa uzuri katika Sayuni na kufurahi kwa Yeye aliyeniumba, katika jina la Yesu, Amina.

bit.ly/GloryInTribulation
📜

Phaneroo Sunday Service 238 Live Stream With Apostle Grace Lubega.►Testimonies: https://phaneroo.org/testimonies►New Converts: https://phaneroo.org/salvation...

25/02/2023

KUTUMIA VIBAYA MAMLAKA YA KIROHO

PHANEROO~DEVOTION
Jumamosi, 25 Februari 2023
Mtume Grace Lubega

2 Wakorintho 1:24 (AMP); si kwamba tunatawala [k**a madikteta] juu ya imani yenu, bali tunafanya kazi pamoja ninyi kwa ajili ya [ongezeko la] furaha yenu; kwa maana katika imani yenu mnasimama imara [katika msukumo wenu wa ndani wenye nguvu kwamba Yesu wa Nazareti—Masii—ni Mwana wa Mungu, ambaye kupitia kwake tunapata wokovu wa milele].

Kizazi chetu kinashuhudia watumishi wa Mungu ambao wametumia vibaya sana neema na mamlaka ambayo Mungu amewakabidhi.

Tumeona waamini wakitendewa k**a watu duni wanaocheza au kutii kila amri ya mtumishi wa Mungu hata k**a ni ya kipuuzi na isiyo na akili.

Wengine hupigwa na katika visa vingine vikubwa sana, wakilazwa chini k**a aina fulani ya zulia la kibinadamu kwa ajili ya "mtu mtumishi we Mungu."

Kesi za ulaghai wa fedha zimekithiri na baadhi ya watu sasa wanawachukulia watumishi wote wa injili kuwa ni wezi.

Je, Yesu aliishi maisha yake k**a mdanganyifu? Bila shaka hapana!

K**a vile andiko letu kuu linavyoonesha, mtu mwenye mamlaka ya kiroho hapaswi kutawala juu ya imani ya watu k**a dikteta. Sehemu yake ni kutafuta kuongeza furaha ya wale wanaoamini ujumbe wake.

K**a wahubiri wa Injili, Mungu hajatuita kuwa miungu kati ya wana wa Mungu kwa sababu k**a watoto wa aliye Juu Sana, wao pia ni miungu na warithi pamoja na Kristo.

Haleluya!

MASOMO YA ZIADA: 1 Petro 5:3, 2 Timotheo 2:24-26

UJUMBE MKUU: K**a vile andiko letu la mada linavyoonesha, mtu mwenye mamlaka ya kiroho hapaswi kutawala juu ya imani ya watu k**a dikteta. Sehemu yake ni kutafuta kuongeza furaha ya wale wanaoamini ujumbe wake.

SALA: Baba Mpenzi, nakushukuru kwa kweli hii. Asante kwa kunifundisha mambo yanayomfanya mhudumu wa injili. Nina hekima katika jinsi ninavyokutumikia Wewe. Kamwe haitasemwa kwamba nilichukua fursa ya wale ambao nina jukumu juu yao. Haitasikika kamwe kwamba nilitumia vibaya karama ulizonipa. Katika yote nifanyayo, naleta utukufu katika Kanisa la Kristo na Jina lako, katika jina la Yesu, Amina.

bit.ly/PerfectVisionOfChrist
📜

03/11/2022

GOD'S LOVE SERIES.
LIFAHAMU PENDO LA MUNGU.
PART 11.

11. PENDO LAKE HALIPUUZI AU KUKIUKA KANUNI ZAKE.

Warumi 10:9-10 "Kwa sababu, ukimkiri Yesu kwa kinywa chako ya kuwa ni Bwana, na kuamini moyoni mwako ya kuwa Mungu alimfufua katika wafu, utaokoka. Kwa maana kwa moyo mtu huamini hata kupata haki, na kwa kinywa hukiri hata kupata wokovu."

Mungu wetu ni Mungu ambaye anafanya kazi kanuni alizojiwekea tangu kuwekwa kwa misingi ya dunia. Kati ya vitu vitu vinavyomfanya Mungu awe Mungu k**a alivyo ni uwaminifu wake katika kuishi ndani ya kanuni alizoziweka.

Mungu anaheshimu na kusimamia kanuni zote alizojiwekea. Ndio maana hata sisi watoto wake tunapaswa kujua kanuji zipi ambazo Mungu ameziweka iki kuweza kuishi kwa hizo.

Upendo wa Mungu kwetu haumfanyi avunje kanuni zake alizoweka kwa ajili ya sisi kuweza kupata baraka zake na vyote vilivyoko kwake.

Tunapozungumzia kanuni zinakuwa na pande mbili za uhusika au uwajibikaji katika kutekeleza, upande wa Mungu na upande wa wanadamu (sisi). Tukifanya wajibu wetu katika kanuni moja unatufungulia mlango wa kuona matokeo ya yale tunayoyahitaji.

Hapa mitakupa mifano michache ya baadhi ya kanuni ambazo Mungu anasizimamia na kuziheshimu licha ya upendo wake kwetu.

Kwenye andiko letu la msingi hapo juu tunapata kanuni mojawapo ya kupokea wokovu ni mtu kuamini kwanza moyoni na kisha kukiri kwa kinywa chache.

Ni kweli Mungu ameupenda ulimwengu, amewapenda watu wote na Yesu alikufa kwa ajili ya ulimwengu wote, wokovu umetolewa bure lakini sio wote ambao wanao huo wokovu hapa duniani. Sio wote ambao watakwenda mbinguni kwa sababu tu Mungu anawapenda, kuna wajibu wa mtu kuamini akakiri na kisha kuupokea wokovu wa Mungu.

Maaandiko yako wazi kabisa kwenye kitabu cha Yohana 3:16 "Kwa maana jinsi hii Mungu aliupenda ulimwengu, hata akamtoa Mwanawe pekee, ili kila mtu amwaminiye asipotee, bali awe na uzima wa milele."

Kwa mujibu wa andiko hilo tunapata kujua kuwa wokovu ulikusudiwa kwa kila mtu, hakuna mtu ambaye Mungu angependa aende kwenye moto wa jehanamu, lakini sio kila mtu ambaye ameokolewa na wengine wameondoka hapa duniani bila kuupokea.

Wokovu ni kweli umetokelewa kwa kila mtu lakini ili kuumiliki unahitaji kumwamini Yesu na kukiri kwa kinywa chako.

Ile kwamba Mungu ameupenda ulimwengu wote haimfanyi yeye kukiuka kanuni ya imani kwa kila anayehitaji kupokea wokovu huo.

Sio tu kwenye wokovu ila ni katika kila eneo la maisha yetu, tunapswa kujua kanuni ambazo Mungu ameziweka ili kuweza kufanikiwa katika maeneo hayo.

Kwa mfano, eneo la afya ya kiungu Mungu alishashugulikia magonjwa yetu yote kwa mauti ya Kristo Yesu (1PETRO 2:24), lakini mpaka sasa kuna watu wanateswa na magonjwa licha ya kwamba kuna uzima Yesu alitununulia kwa mauti yake. Ili kuweza kufaidi afya ya kiungu kuna kanuni ya imani kuhusu afya ya kiungu mtu anapaswa kutafuta kujua ndipo hiyo afya ya kiungu iwe sehemu ya maisha yake.

Ni kweli Mungu anatupenda na ana mpango mzuri juu ya maisha yetu lakini tukiwa wajinga juu ya yale ambayo tunapaswa kuyajua ili kutembea naye, tutaangamia na licha ya kuwa ni watoto wake.

Ndio maandiko yanasema kwenye kitabu cha Hosea 4:6 Watu wangu wanaangamizwa kwa kukosa maarifa; kwa kuwa wewe umeyakataa maarifa, mimi nami nitakukataa wewe, usiwe kuhani kwangu mimi; kwa kuwa umeisahau sheria ya Mungu wako, mimi nami nitawasahau watoto wako.

Kwanini watu wa Mungu waangamizwe kwa na Mungu yupo na anawapenda? Biblia imetoa jibu la hili swali, ni kwa sbabay ya kukosa maarifa (kujua kanuni zitakazowasaidia wao kutembea na Mungu).

Upendo wa kweli wa Mungu hauvunji kanuni za Mungu. Hatupaswi kuvunja au kukiuka kanuni mbali mbali za Mungu kwa kigeso cha upendo wake.

Heshimu kila kaununi aliyotupa Mungu kwenye neno lake na maisha yako hayatakuwa ya kawaida.

Kanuni sahihi za mkristo zinatoka kwenye Biblia na sio kwenye misemo ya dunia. Kwa kadiri unavyosoma Neno la Mungu ndivyo utakavyokuwa unagundua kanuni mbali mbali ambazo zitakusaidia kwenye maisha yako.

Muhimu:

▪︎ Upendo wa Mungu haupuuzi wala kukouka kanuni alizojiwekea.

▪︎ kanuni zina wajibu wa pande mbili, upande wa Mungu na Upande wetu sisi binadamu, tunapaswa kufanya upande wetu (wajibu wetu) na Mungu atafanya wajibu wake.

▪︎ Ni wajibu wetu kuyajua yale ambayo tunapaswa kujua ili tusiangamizwe kwa sababu ya ujinga wetu.

Umebarikiwa sana.
Asante kwa kufuatilia na kujifunza.
Somo litaendelea tena...

BREADOFLIFE Devotion
GOD'S LOVE SERIES | UPENDO WAKE HAUPUUZI WALA KUKIUKA KANUNI.
Ap Pendael Long'ida
0717 446 138
03 November 2022.

29/10/2022

GOD'S LOVE SERIES
LIFAHAMU PENDO LA MUNGU.
PART 10.

10. PENDO LAKE HALINA UPENDELEO | ANAWEZA KUMTUMIA YEYOTE.

Matendo ya Mitume 10:34-35 "Petro akafumbua kinywa chake, akasema, Hakika natambua ya kuwa Mungu hana upendeleo; bali katika kila taifa mtu amchaye na kutenda haki hukubaliwa na yeye."

Katika sehemu ya 9 iliyopita nilizungumzia zaidi upande wa namna Mungu anavyookoa, anavyohudumia, anavyowatendea wema wote kwa usawa bila kuwapendelea. Tukapata kuona kuwa kuwa Mungu amekusudia mazuri kwa watu wote na hakuna ambaye anapatwa na mabaya ambayo ni Mungu ameyapanga yatokee kwake.

Leo nataka tuangalie upande mwingine wa pendo la Mungu kutokea kwenye andiko letu la msingi hapo juu. Hasa kwenye msati wa 35 anaposema "Bali katika kila taifa mtu amchaye na kutenda haki hukubaliwa na yeye".

Kuna mtu anaweza akausoma msari huu akaishia kujua kwamba huenda Mungu alimaanisha haki itokanayo na matendo ya sheria, na kwa hiyo ataishia kujiona hafai kutumiwa na Mungu kwa sababu hana matendo mazuri, kila akijiangalia anaona hajakamilika kutumiwa na Mungu, hafai na hana vigezo vya kutumiwa na Mungu.

Kila akifikiria kwa habari ya mtu ambaye Mungu anaweza kumtumia kwa kiwango kikubwa kwenye taifa na dunia kwa ujumla yeye hajioni, anafikiri huenda ni watu wa aina fulani wenye sifa na vigezo vya kutosha ndio Mungu anawatumia kufanya mambo makubwa. Haya ni mawazo mabaya kwa sababu kuhesabiwa kwetu kuwa wenye haki wa Mungu hakutokani na yale matendo mazuri tuliyonayo bali kunatoka na ile imani yetu kwa Yesu Kristo ambaye ametukamilisha.

Ulipomwamini Yesu Kristo siku hiyo hiyo ulipokea haki ya Mungu na kwa hiyo unepata kila kigezo cha Mungu kukutumia kufanya mambo makubwa kwenye ufalme wake. Acha kujiona kana kwamba huna vigezo, kigezo chetu kikubwa ni IMANI. Je unaamini?

Maandiko yanasema kwenye kitabu cha 2 Wakorintho 3:5, "Si kwamba twatosha sisi wenyewe kufikiri neno lo lote kwamba ni letu wenyewe, bali utoshelevu wetu watoka kwa Mungu."

Paulo anasema sisi wewenye hatuwezi kufikiri neno lolote kwamba Mungu angeweza kuwatumia watu k**a sisi, wenye mapungufu kibao lakini ndio hao ambao Mungu amewatumia. Utoshelevu wetu, ukamilifu wetu haupo katika yale tuliyonayo au tunayoweza kufanya bali upo katika Kristo.

Kwenye 2 Wakorintho 3:6, akaendelea zaidi kusema "Naye ndiye aliyetutosheleza kuwa wahudumu wa agano jipya; si wa andiko, bali wa roho; kwa maana andiko huua, bali roho huhuisha."

Yesu Kristo amefanyika utoshelevu wetu (ametupa sifa na vigezo vyote vinavyohitajika). Ni makosa kwa mwamini kuona kwamba hastahili kutumiwa na Mungu, labda k**a huyu hajajua kikamilifu kile ambacho amekifanya Yesu msalabani. Yesu amekukamilisha, amekutosheleza na wala hujapungua kigezo chochote cha kutumiwa na Mungu.

Pale unapokuwa dhaifu ndipo nguvu zake zinakuwa halisi kwako. Usiangalie mapungufu yako ili Mungu akutumie, usiangalie ni nini ambacho huwezi kufanya uakaanza kujishusha na kujidharau. Neema ya Mungu inakutosha, neema ya Mungu ndio kibali chako, ndio leseni yako ya kufanya mambo makubwa duniani.

Kuna wakati Paulo alijiona hafai kwa sababu ya udhaifu wake, lakini Mungu akamwambia usiangalie udhaifu wako kwa sababu mimi nikitaka kumtumia Mtu naangalia neema yangu.

2 Wakorintho 12:9 Naye akaniambia, Neema yangu yakutosha; maana uweza wangu hutimilika katika udhaifu. Basi nitajisifia udhaifu wangu kwa furaha nyingi, ili uweza wa Kristo ukae juu yangu.

Neema ya Mungu inayo uwezo wa kufunika udhaifu wako na ukatumiwa na Mungu kwa namna ambayo duniani itashangaa.

Wewe k**a wewe hujakamilika, ila ukiwa ndani ya Kristo kwa Imani unakuwa na ukamilifu wote.

Acha kujiona kwamba Mungu hawezi kukutumia wewe, huenda anao watu maalum aliowaandaa kiwatumia. K**a basi k**a wapo na wewe ni mmoja wapo kwa sababu umekuja duniani.

Ukitafuta kigezo chako binafsi kwanini Mungu akutumie huwezi kuwa nayo, ila ukitafuta kigezo cha Mungu utapata kwa sababu NEEMA YAKE IPO.

Ukisoma biblia utagundua kwamba watu waliotumiwa na Mungu kufanya mambo makubwa ni wale ambao hawakudhaniwa au wao wenyewe hawakudhani kuwa Mungu anaweza kuwatumia. Angalia watu k**a Daudi, aliua mtu akamchukulia mke wake (zinaa), angali Mtu k**a Paulo alikuwa muuaji ambaye amelitesa kanisa kwa muda mrefu (mpinga Kristo) lakini utagundua hao wao wana sehemu kubwa walioyofanya na kutumiwa na Mungu kwa sababu ya neema yake.

Orodha ya watu wa aina hii ni wengi sana, kwa hiyo na wewe ukijiona hufai na wala huna kigezo hiyo ndio sababu moja wapo kubwa kwanini Mungu atakutumia.

MUHIMU:

▪︎ Mungu hana watu maalum, kwenye kila taifa anaweza kumtumia mtu yeyote ambaye atachukua hatua ya kuamini kuwa Mungu anaweza kumtumia.

▪︎ K**a Mungu anao watu aliwachagua kuwatumia basi na wewe ni MIONGONI mwao ndio maana upo duniani.

▪︎ Usiangalie madhaifu yako, angalia neema ya Mungu. Kristo Yesu ndio utoshelevu wako.

▪︎ Wewe ni mwenye haki kwa sababu ulishamwamini Yesu. Haki yako binafsi haiwezi kukuokoa, haiwezi kujuoa kigezo cha kutumia na Mungu. Ikubali haki ya Mungu.

Asante kwa kufuatilia na kujifunza.
Somo litaendelea tena...

Devotion
GOD'S LOVE SERIES | MUNGU ANAMTUMIA YEYOTE.
Ap Pendael Long'ida
29 October 2022.

28/10/2022

GOD'S LOVE SERIES.
LIFAHAMU PENDO LA MUNGU.
PART 09.

09. UPENDO WAKE HAUNA UPENDELEO.

Matendo ya Mitume 10:34 Petro akafumbua kinywa chake, akasema, Hakika natambua ya kuwa Mungu hana upendeleo;

Mungu anawapenda watu wote bila upendeleo. Kwenye andiko letu la msingi hapo juu, Petro alidhibitisha jambo hili baada ya kuona watu ambao ni wapagani wokovu umewafikia. Petro akapata kujua ya kuwa wokovu haukuwa kwa ajili ya wayahudi tu bali ni kwa ajili ya watu mataifa pia.

Maandiko yanatueleza kwamba "Kwa maana jinsi hii Mungu aliupenda ulimwengu, hata akamtoa Mwanawe pekee, ili kila mtu amwaminiye asipotee, bali awe na uzima wa milele." Yohana 3:16.

Hii ikitusaidia kujua ya kwamba mpango wa Mungu wa wokovu haukuwa kwa watu wachache bali ulimwengu wote. Mungu hakuwapendelea watu fulani akawaacha wachache, alimtoa mwanaye kwa ajili ya ulimwengu wote. Sasa hii haina maana kwamba ulimwengu wote umeokolewa ijapokuwa wote wamepewa nafasi kuupokea.

Mungu amekusudia wokovu kwa watu wote na nia yake ni kwamba watu wote waupokee wokovu kupitia Kristo. 1 Timotheo 2:4 anasema "ambaye hutaka watu wote waokolewe, na kupata kujua yaliyo kweli."

Moyo wa Mungu ni kwa watu wote kuokolewa na kumjua yeye. Nia yake ni watu wote kuwekwa huru, kukombolewa, kuponywa na kuishi maisha mazuri.

Mungu hajapanga kwamba baadhi ya watu wapatwe na mabaya na wengine wapatwe na mazuri. Ukiona mabaya yanatokea hayajatoka kwa Mungu. Yeye alikuja ili tuwe na uzima tu na sio mabaya (Yohana 10:10)

Mungu amekusudia mambo mema kwa ajili ya kila mtu hapa duniani. Sasa unaweza ukajiuliza, mbona wengine wanapatwa na hayo mabaya na Mungu anaona? Jibu ni hili, Mungu si mwasisi wa mambo mabaya yanayowapata wanadamu, yanatoka kwa shetani na mengine kwa sababu ya ujinga.

Mungu yeye anatoa mazuri tu. Bibilia kwenye kitabu cha Yakobo 1:17 tafsiri ya KJV inasema "kila zawadi nzuri na kila zawadi kamilifu inatoka kwa Mungu mbinguni". Hii ikiwa na maana Mungu hana vitu viovu mbinguni, na hajakusudia yeyote kupatwa na hayo. Yeye anatoa zawadi nzuri na kamilifu (zisizo na kasoro au mapungufu).

Unapoona kuna mtu amefanikiwa, amepiga hatua kabla yako isikupe shida na ukaanza kuona kuwa pengine ni baadhi ya watu tu ndio Mungu amewapendelea kufanikiwa. Hapana hayo sio mawazo mazuri, subiri wakati wako kwa sababu hakika Mungu hana upendeleo. Yeye anakuwazia mazuri na k**a ukiuelewa upendo wake na ukweli huu ukakaa moyoni mwako utaanza kuona mambo makubwa yakitokea.

Sio wengi ambao wameweza kuuona upendo wa Mungu katika picha hii. Na hii imepa nafasi shetani ya kuleta uonevu katika maisha ya watu wengine kwa sababu ndani yao kuna huu mtazamo mbaya kuwa Mungu anaweza kuwapendelea watu wengine na kuwaacha wengine wateseke.

Muhimu:

▪︎ Mungu hana upendeleo ndani yake, amekusudia mambo mema kwa watoto wake wote.

▪︎ Unapaswa kuua mtazamo na mawazo mabaya ambayo yanakufanya umwone Mungu katika namna ya kupendelea watu.

▪︎ Hakuna mabaya yanayotoka kwa Mungu kwenda kwa watu wake, shetani ndio mwasisi wa mabaya yote.

▪︎ Kila unapokuwa kwenye hali ambayo huielewi unapaswa kukaa chini na kuchunguza kikamilifu ujue chanzo chake ni nini kwa sababu haiwezi kuwa ni Mungu.

Asante kwa kufuatilia na kujifunza.
Somo hili litaendelea tena....

Devotion
GOD'S LOVE SERIES | HAUNA UPENDELEO
Ap Pendael Long'ida
0717 446 138
28, October 2022.