29/09/2022
Hindi dahil malakas sila at sila ang takbuhan ng barkada kapag may problema, hindi na sila dadapuan ng kahit anong problema. Meron silang dinadala sa mga puso nila, hindi lang natin alam dahil ang pinapakita nila sa atin ay ang matatamis nilang ngiti, sabay sabi na "Okay lang ako," o di kaya naman ay biglang magbibiro.
Sana maalala natin silang kumustahin nang masinsinan at sana maalala nating banggitin sila sa ating mga panalangin. Pasalamatan natin ang Panginoon sa mga buhay nila dahil sa kanilang pagtulong sa atin sa mga oras na kailangan natin ng kaibigan. Sila ang instrumento ng Panginoon para sa ating paghilom, kaya kung makakatulong tayo sa paghilom nila, especially by praying, sana ay mag-intercede tayo para sa kanila, ngayon na tayo naman ang kailangan nila, and of course, mas kailangan nila ang Panginoon.
