What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

http://www.turkiyeermenileripatrikligi.org/

Պատրիարքութիւն Հայոց - Ermeni Patrikligi, Sevgi Sokak 6, Kumkapı, Fatih (2026)

03/06/2026

ՓԱՐՈՍ ՀՐԱՏԱՐԱԿՉՈՒԹԵԱՆ ՆԵՐԿԱՅԱՑՈՒՑԻՉՆԵՐՈՒ ԱՅՑԸ

Ն.Ա.Տ. Սահակ Բ. Պատրիարք Հայրը 3 Յունիս 2026, Չորեքշաբթի յետ միջօրէին, ընդունեց Փարոս Հրատարակչութենէն Մարալ Ֆուքսն ու Պուրաք Սիւմէն։

Այցելուներ Նորին Ամենապատուութեան փոխանցեցին Փարոս Հրատարակչականի կողմէ ի լոյս ընծայուած «Türk sinemasının ilk kadın oyuncusu Rozali Benliyan ve Milli Osmanlı Operet Kumpanyası» (Թուրք շարժանկարի առաջին կին դերասանուհի Ռոզալի Պենլեան եւ ազգային Օսմանեան օփերեթի խումբը) գիրքին հրատարակութեան ուրախ լուրն ու առաջին օրինակը եւ մեր Հոգեւոր Պետը հրաւիրեցին 17 Յունիս 2026, Չորեքշաբթի կատարելի շնորհանդէսին։

Գիրքին հեղինակն է Պուրաք Սիւմէ։ Գիրքը հրատարակուած է Մխիթարեան Վարժարանի վարչութեան ներդրումով եւ Փարոս Հրատարակչականի կողմէ։

Նորին Ամենապատուութիւնը շնորհաւորեց գիրքի հեղինակը, հրատարակութիւնը, ներդրում ունեցողները՝ Փարոս Հրատարակչականն ու Մխիթարեան Վարժարանը ու նորանոր յաջողութիւններ եւ շնորհաւոր շնորհանդէս մաղթեց։

25/05/2026

ՔԱՌԱՍՈՒՆ ՄԱՆԿԱՆՑ ԵՐԳՉԱԽՈՒՄԲԻ 136ԱՄԵԱԿԻ ՀԱՄԵՐԳԸ

Պաքըրգիւղի Ծնունդ Ս. Աստուածածնի Եկեղեցւոյ Քառասուն Մանկանց Դպրաց Դաս Երգչախումբի հիմնադրութեան 136ամեակին առթիւ, 24 Մայիս 2026, Կիրակի երեկոյեան, Տատեան վարժարանի Տիգրան Կիւլմէզկիլ հանդիսասրահին մէջ, դասու մանկապատանեկան կազմը Սէրճան Կազէրօղլուի մականին ներքեւ համերգ մը սարքեց:

Երեկոյթը պատուեց Ն.Ա.Տ. Սահակ Բ. Պատրիարք Հայրը, իր շուրջ ունենալով Գերշ. Տ. Արամ Արքեպս. Աթէշեանը, Հոգշ. Տ. Յարութիւն Վրդ. Տամատեանը, Արժ. Տ. Արմաշ Քհնյ. Պաղտասարեանը, Արժ. Տ. Թէոդիկ Քհնյ. Չեթինքայան, թաղի հոգեւոր հովիւ եւ դասու նախագահ Արժ. Տ. Շահէն Քհնյ. Օհանեանը, Գալֆաեան Ուխտի Մայր Գայիանէ Տուլքատիրեանը:

23 երկսեռ անդամներէ բաղկացեալ երգչախումբը 2020-էն ի վեր կ’աշխատի Սէրճան Կազէրօղլուի առաջնորդութեամբ եւ հինգ ամսուան տքնաջան աշխատանքի որպէս արդիւնք սարքեց իր անդրանիկ համերգը: Տատեան եւ Գարակէօզեան վարժարաններու սաներէն բաղկացեալ փոքրիկ երգիչներ հանդէս եկան հայկական 18 երգերով:

Հանդիսավարն էր Նորա Իփեքճի: «Ես իմ անուշ Հայաստանի» բանաստեղծութիւնը արտասանեց Սիլվա Կոմիկեան: Մեներգեցին Անի Էրտողան, Երազ Քըսատուր, Անիթա Կարապետեան, Մարալ Չընար եւ Մաթիաս Շիրինկիլ: Խմբավարութեան առընթեր, «Տուն իմ հայրենի» երգի մեներգով հանդէս եկաւ Սէրճան Կազէրօղլու:

Երգչախումբին կ’ընկերանային Ատիս Տողանայէ, Արէտ Խրիմեանէ, Թադէոս Շանթ Քարափեքմէզէ, Սեւան Կարապետեանէ եւ Սեւան Ինեափանէ բաղկացեալ նուագախումբ մը:

Երկու երգի ընթացքին հանդէս եկաւ Տատեան Վարժարանի Պարախումբը, Նարօտ Կիւլէչի առաջնորդութեամբ:

Համերգին կազմակերպութեան յաջողութեան իրենց ներդրումը ունեցան Լեռնա Օհանեան Թալու, Հերմինէ Չընար, Մարի Եանճը եւ Երանուհի Պալճը:

Հուսկ բանքին մէջ Նորին Ամենապատուութիւնը հաճելի երեկոյթը նկատեց յոյսի գիշեր եւ առիթ՝ դիտելու ու քննելու թէ մենք որպէս համայնք մեր վարժարանները պահելով ի՞նչ կ’ընենք: Մեր Հոգեւոր Պետը երկսեռ երգիչները նկատեց ծաղիկներ, որոնք հանդիսատեսներու ծափահարութիւնները կը սիրեն, սակայն պէտք է ծափահարել նաեւ իրենց ծնողները, որոնք համայնքային վարժարաններ ուղարկած են իրենց հոգեհատորները եւ լաւ ալ ըրած են: Պատրիարք Հօր հրաւէրով հանդիսականներ ծափահարեցին երգիչներու ծնողները, տնօրէնուհի Երանուհի Պալճըի գլխաւորութեամբ ուսուցիչները, ատենապետ Մարի Եանճըի գլխաւորութեամբ Թաղային Խորհուրդը, օրուան աստղերը՝ երգչախումբի անդամ եւ անդամուհիները: Նորին Ամենապատուութիւնը բարձր գնահատեց մանկապատանեկան երգչախումբի աշխատանքն ու այս յաջող համերգը, շնորհակալ եղաւ իրենց, ինչպէս նաեւ Նարօտ Կիւլէչի գլխաւորութեամբ պարախումբին: Մեր Հոգեւոր Պետը յատկապէս շնորհաւորեց խմբավար Սէրճան Կազէրօղլուն, որ մեր մանուկները յայտնաբերած, զանոնք մարզած եւ այս յաջող երեկոյթը պատրաստած է: Խօսքի վերջաւորութեան Նորին Ամենապատուութիւնը ըսաւ, որ ինք սրտանց կը ծափահարէ բոլորը անխտիր:

25/05/2026

ՄԵԾԱՐԱՆՔԻ ԵՐԵԿՈՅԹ՝
ՁՕՆՈՒԱԾ ԱՍՄՈՒՆՔԻ ԻՇԽԱՆՈՒՀԻ ՍԻԼՎԱ ԿՈՄԻԿԵԱՆԻ
SİLVA GOMİGYAN’A ONUR GECESİ

Ն.Ա.Տ. Սահակ Բ. Սրբազան Պատրիարք Հօր տնօրինութեամբ, Պատրիարքական Աթոռոյս եւ Զբօսաշրջութեան ու Մշակոյթի Նախարարութեան համատեղ կազմակերպութեամբ, 4 Յունիս 2026, Հինգշաբթի, ժամը 20.00-ին, Պէյօղլուի Աթլաս շարժարուեստի սրահին մէջ պիտի կայանայ մեծարանքի հանդիսաւոր երեկոյթ մը, նուիրուած՝ հայ ասմունքի անզուգական դէմքերէն, չափածոյ եւ արձակ գործերու շունչ եւ կեանք պարգեւող, «Ասմունքի իշխանուհի» Սիլվա Կոմիկեանի։

Երեկոյթը պիտի համախմբէ արուեստասէր հասարակութիւնը՝ արժեւորելու տասնամեակներ շարունակ հայ բեմին ու խօսքին ծառայած սիրելի արուեստագիտուհիի վաստակը եւ իր բացառիկ ներդրումը հայ մշակոյթի ու ասմունքի աշխարհէն ներս։

Մասնակցութիւնը կարելի պիտի ըլլայ ել-հրաւիրատոմսով։

***

Cemaatimizin edebiyat ve sanat hayatının değerli isimlerinden Silva Gomigyan hanımefendi onuruna, Patrik Hazretleri’nin talimatıyla, 4 Haziran 2026, Perşembe, saat 20:00’de, Beyoğlu Atlas Sineması salonunda bir onur gecesi düzenlenecektir.

Sunuculuğunu Tamar Mangasaryan’ın üstleneceği gecede; Alin Yağcıoğlu, Karin Bozkurt, Lerna Baloğlu, Maral Ataman, Maral Ayvaz, Nıvart Avedikoğlu, Tatyana Bostan, Ari Aliciyan, Ari Barutoğlu, Ari Edirne, Arsen Zakaryan, Artür Bağdasaryan, Raffi Derkevorkyan ve Sahak Bartev Garyan, müzikal repertuarlarıyla sahne alacaklardır.

Ayrıca liselerimizde öğrencilerimiz de seslendirecekleri şiirlerle etkinliğe katılacaklardır.

İlişikte takdim edilen davetiye vesilesiyle, katılımınızı rica ederiz.

25/05/2026

ՀՈԳԵԳԱԼՈՒՍՏԻ ՏՕՆԸ ՆՇՈՒԵՑԱՒ Ս. ԵՐՐՈՐԴՈՒԹԻՒՆ ԵԿԵՂԵՑՒՈՅ ՄԷՋ

Հոգեգալուստի տօնին առթիւ Պէյօղլուի Ս. Երրորդութիւն Եկեղեցւոյ մէջ 24 Մայիս 2026, Կիրակի առաւօտ, արարողութեանց նախագահեց Ն.Ա.Տ. Սահակ Բ. Պատրիարք Հայրը եւ մատոյց Ս. Պատարագը։

Մեր Հոգեւոր Պետը թափորով առաջնորդուեցաւ եկեղեցի, առընթերակայութեամբ Պէյօղլուի Ս. Եկեղեցեաց Քարոզիչ Հոգշ. Տ. Յարութիւն Վրդ. Տամատեանի եւ Ֆիլատելֆիայէն Արժ. Տ. Արմաշ Քհնյ. Պաղտասարեանի: Ներկայ էր Պէյօղլուի Ս. Եկեղեցեաց Երէց՝ Արժ. Տ. Գէորգ Ա. Քհնյ. Չնարեան։ Ս. Պատարագի երգեցողութիւնները կատարեցին Լուսաւորիչ Դաս Դաս Երգչախումբի անդամները, առաջնորդութեամբ Յակոբ Մամիկոնեանի եւ երգեհոնահարութեամբ Շանթ Էսմէրի։ Արարողութեան մասնակցութիւն բերին նաեւ Ասողիկ Դպրաց Դասու անդամները, ինչպէս նաեւ Պէյօղլուի յարակից բոլոր մարմիններէ անդամներ։

Տէրունական Աղօթքէն առաջ քարոզեց Նորին Ամենապատուութիւնը, բնաբան առնելով Տէր Յիսուս Քրիստոսի «Կատարեալ եղէք, ինչպէս որ ձեր երկնաւոր Հայրը կատարեալ է» (Մատթ. 5.48) խօսքը: Մեր Հոգեւոր Պետը յիշեցուց, որ մարդուն կատարեալ ըլլալու միակ ճամբան է Աստուծոյ հետ միասին ըլլալ, իր կեանքին մէջ զԱստուած ունենալ: Նորին Ամենապատուութիւնը ապա խօսեցաւ ու մեկնեց Պենտեկոստէի՝ Հոգեգալուստի տօնն ու անոր խորհուրդը եւ իւրաքանչիւր հաւատացեալ հրաւիրեց Ս. Հոգին հրաւիրելու, որ գայ ու բնակի մեր մէջ, Անով նորոգուինք, նոր մարդ դառնանք, նոր սկիզբ ունենանք:

Նորին Ամենապատուութիւնը անդրադարձաւ Հոգեգալուստի տօնին Ս. Երրորդութիւն Եկեղեցւոյ տօնախմբութիւնը ըլլալու պարագային եւ շնորհաւորեց այս եկեղեցւոյ օրը։ Մեր Հոգեւոր Պետը հակիրճ կերպով խօսեցաւ Ս. Երրորդութիւն պատմութեան մասին, ապա օրհնեց այս եկեղեցիին ծառայողները՝ Աքսէլ Թօփալեանի ատենապետութեամբ Թաղային Խորհուրդը, Էսաեան Վարժարանը յարակից մարմինները, Ասողիկ եւ Լուսաւորիչ Դպրաց Դասերը, Քարոզիչ՝ Տ. Յարութիւն Վարդապետը եւ Երէց՝ Տ. Գէորգ Ա. Քահանան։

Հուսկ՝ Ամեն. Ս. Պատրիարք Հօր գլխաւորութեամբ կատարուեցաւ մատաղօրհնութիւն։ Այս առթիւ յիշատակուեցան Ամենայն Հայոց Կաթողիկոս Յակոբ Ջուղայեցին, Պատրիարքական Աթոռոյ երանաշնորհ գահակալները, ինչպէս նաեւ Ս. Երրորդութիւն Եկեղեցւոյ հանգուցեալ քարոզիչները, քահանաները, հիմնադիրները, երախտաւորները, վարիչները, հաւատացեալները եւ բարերարները։

Ապա, մեր Հոգեւոր Պետը առաջնորդուեցաւ վարչային շէնք, ուր խաղաղութեան խորհրդանիշ աղաւնիներ արձակուեցան եւ արարողութիւնը իր աւարտին հասաւ օրհնութեամբ։

Եկեղեցական հանդիսութիւններէ ետք, Ամեն. Ս. Պատրիարք Հօր նախագահութեամբ Նարեկեան Սրահին մէջ սարքուեցաւ սիրոյ սեղան։

Հանդիսութիւնը իր աւարտին հասաւ Տէրունական Աղօթքով։

Ս. Պատարագը ուղիղ եթերով տեսասփռուեցաւ համացանցի միջոցաւ ( https://www.facebook.com/TRHayBad/videos/1570784831049970 ):

24/05/2026

ՊԱՏՐԻԱՐՔԱԿԱՆ ԱԹՈՌԸ 565 ՏԱՐԵԿԱՆ
PATRİKLİK MAKAMININ 565. YILDÖNÜMÜ

Պատրիարքական Աթոռոյս հաստատութեան 565րդ տարեդարձը նշուեցաւ 23 Մայիս 2025, Շաբաթ առաւօտ, Ս. Աստուածածին Աթոռանիստ Մայր Տաճարի մէջ։

Ն.Ա.Տ. Սահակ Բ. Պատրիարք Հայրը ժամը 10.00-ին հոգեւորականաց թափորով առաջնորդուեցաւ Մայր Տաճար։ Արարողութեան մասնակցեցան Գերշ. Տ. Արամ Արքեպս. Աթէշեան, Աթոռոյս միաբան հայրերը եւ քահանայից դասը, սարկաւագներ, ժառանգաւորներ, Գալֆաեան Ուխտի միաբանուհիներ։

Նախ կատարուեցաւ առաւօտեան կանոնական ժամերգութիւն, որուն յաջորդեց Պատրիարքական Աթոռոյ մաղթանքը։

Հանգստեան աղօթքով յիշատակուեցան Աթոռոյս երանաշնորհ գահակալները։

Ապա կազմուած թափորը առաջնորդուեցաւ Պատրիարքարանի դահլիճը, ուր խօսեցաւ Նորին Ամենապատուութիւնը եւ փառք մատուցանեց Աթոռոյ տարեդարձին առթիւ։ Մեր Հոգեւոր Պետը անդրադարձաւ, որ Սուլթան Մեհմետ Բ-ի շրջանին ինչպէս հաստատուեցաւ Պոլսոյ Պատրիարքական Աթոռը եւ առաջին պատրիարքը եղաւ Պրուսայի Յովակիմ Եպիսկոպոսը։ Յիշելով պատմական սոյն Աթոռի դերն ու կարեւորութիւնը, ըսաւ որ պատմութիւնը կը շարունակուի մեր Պատրիարքութեան պարագային եւս եւ ան կը շարունակէ ծառայել եւ հովանաւորել մեր ժողովուրդը։

Մեր Հոգեւոր Պետը ըսաւ թէ այս Աթոռը՝ Յովակիմեան պատմական աւանդը 565 տարիներ շարունակած է գոյատեւել եւ հովուել իրեն վստահուած հօտը այս երկրի սահմաններուն մէջ, հոգեւոր մատակարարութիւն ջամբելու ջանքով: Նորին Ամենապատուութիւնը խօսքի աւարտին բազում տարիներ մաղթեց Պոլսոյ Աթոռին եւ իր հօտին:

Ամեն. Ս. Պատրիարք Հայրը կտրեց տարեդարձի կարկանդակը, որմէ ետք ներկաներ շնորհաւորեցին Նորին Ամենապատուութիւնը։

***

Patriklik Makamımızın tesisinin 565. yıldönümü, 23 Mayıs 2026, Cumartesi sabahı, Surp Asdvadzadzin Patriklik Kilisesi’nde kutlandı.

Kadasetli Patrik Sahak II. Hazretleri, saat 10:00’da ruhani geçitle kiliseye girdi. Törene Başepiskopos Aram Ateşyan, Patriklik Makamı ruhban sınıfı üyeleri, pederleri, diyakoslar, din adamı adayları ile Kalfayan rahibeleri katıldılar.

Tören sabah duaları ile başladı. Ardından Patriklik Makamı için özel dualar edildi.

Patriklik Makamı’nın müteveffa patriklerinin ruhlarının esenliği için dualar edildi.

Daha sonra oluşturulan kortej Patrikhane kabul salonuna geçti. Burada konuşan Patrik Hazretleri, Patriklik Makamının yıldönümü vesilesiyle şükürlerini sundu. Ruhani Önderimiz, Sultan II. Mehmed döneminde İstanbul Ermeni Patrikliği’nin nasıl kurulduğuna değinerek, ilk Patrik Episkopos Bursalı Hovagim olduğunu anlattı. Bu tarihî makamın rolü ve önemine dikkat çeken Patrik Hazretleri, Patrikliğimizin tarihinde olduğu gibi bugün de varlığını sürdürdüğünü, halkımıza hizmet etmeye ve onu himaye etmeye devam ettiğini ifade etti.

Ruhani Önderimiz, tarihi mirası olan Makam’ın, Hovagimyan tarihi mirasının 565 yıldır varlığını sürdürdüğünü ve bu ülkenin sınırları içinde kendisine emanet edilen halkın ruhani gereksinimlerini sağlamaya çalıştığını söyledi. Patrik Hazretleri, konuşmasının sonunda, İstanbul Ermeni Patrikliği Makamı’na ve cemaatine uzun yıllar diledi.

Patrik Hazretleri daha sonra yıldönümü pastasını kesti. Bunun ardından hazır bulunanlar Patrik Hazretleri’ni tebrik ettiler.

24/05/2026

ՄԱԼԱԹԻՈՅ ՀԱՅՐԵՆԱԿՑԱԿԱՆ ՄԻՈՒԹԵԱՆ ՎԱՐԻՉՆԵՐՈՒ ԱՅՑԸ
MALATYALILAR DERNEĞİ YÖNETİM KURULU’NUN ZİYARETİ

Ն.Ա.Տ. Սահակ Բ. Պատրիարք Հայրը 22 Մայիս 2026, Ուրբաթ , ընդունեց Մալաթիոյ Հայրենակցական Միութեան (Մալաթիա ՀայՏէր) վարչութեան անդամները, գլխաւորութեամբ ատենապետ Նուպար Օփանի։

Այցելուները մեր Հոգեւոր Պետին ներկայացան որպէս նորընտիր վարչութիւն եւ տեղեկութիւններ տուին Միութեան գործունէութեան, ելմտական վիճակին եւ ծրագիրներուն մասին։

Մեր Հոգեւոր Պետը շնորհակալութիւն յայտնեց սոյն այցելութեան համար, գնահատեց Միութիւնն ու իր աշխատանքները, ընդգծեց նման միութեանց կարեւորութիւնը համայնքային կեանքէն ներս։ Նորին Ամենապատուութիւնը հայրաբար խորհուրդներ տուաւ հիւրերուն եւ յաջողութիւն մաղթեց իրենց ծրագիրներուն մասին։

***

Kadasetli Patrik Sahak II. Hazretleri, 22 Mayıs 2026, Cuma, Malatyalılar Derneği (Malatya HayDer) Yönetim Kurulu üyelerini, başkan Nubar Opan’ın öncülüğünde kabul etti.

Ziyaretçiler, yeni seçilmiş yönetim kurulu olarak Patrik Hazretleri’ne kendilerini takdim ederek derneğin faaliyetleri, mali durumu ve geleceğe yönelik projeleri hakkında bilgi verdiler.

Ruhani Önderimiz, bu nazik ziyaretlerinden dolayı teşekkür ederek derneğin çalışmalarını takdir etti ve bu tür kurumların cemaat hayatı içerisindeki önemini vurguladı.

Patrik Hazretleri, misafirlerine pederane tavsiyelerde bulunarak planladıkları çalışmalar ve projelerde başarılar diledi.

24/05/2026

ԳԱՒԱՌԱՊԵՏ ՊԵՐՔ ԱՃԱՐԻ ԱՅՑԸ

Ն.Ա.Տ. Սահակ Բ. Պատրիարք Հայրը 22 Մայիս 2026, Ուրբաթ, ընդունեց Չանաքքալէի Իպրատը գաւառակի գաւառապետ Պերք Աճարը։

Գաւառապետ Աճար յայտնեց, որ քաղաքս գտնուիլը առիթ համարելով փափաքած էր քաղաքավարական այցելութիւն մը տալ մեր Հոգեւոր Պետին:

Նորին Ամենապատուութիւնը շնորհակալութիւն յայտնեց սոյն այցելութեան համար եւ յաջողութիւն մաղթեց իր պաշտօնին մէջ։

21/05/2026

ՑԱՒԱԿՑԱԿԱՆ ԱՅՑ Տ. ՎԱՐԴԱՆ ԳԵՐԱՊԱՅԾԱՌԻՆ
BAŞRAHİP VARTAN KAZANCIYAN’A TAZİYE ZİYARETİ

Ն.Ա.Տ. Սահակ Բ. Պատրիարք Հայրը, 20 Մայիս 2026, Չորեքշաբթի, Սաքըզաղաճի Հայ Կաթողիկէ Արքեպիսկոպոսարանին մէջ այցելութիւն տուաւ Հայ Կաթողիկէ համայնքի Պատրիարքական Կառավարիչ Գերպ. Տ. Վարդան Ծ. Վրդ. Գազանճեանին, որ կորսնցուց տիրամայրը:

Նորին Ամենապատուութիւնը յայտնեց, որ եկած էր իր, Աթոռոյս հոգեւոր դասու եւ համայնքի անունով ցաւակցելու Հայ Կաթողիկէ Եկեղեցւոյ քաղաքիս Պատրիարքական Կառավարիչին եւ Ս. Հոգւոյ մխիթարութիւն հայցեց Գերպ. Տ. Վարդան Գերապայծառին եւ ընտանիքին:

Այցելութեան ընթացքին մեր Հոգեւոր Պետին հետ էին Հոգշ. Տ. Յարութիւն Վրդ. Տամատեան եւ Արժ. Տ. Գրիգոր Ա. Քհնյ. Տամատեան:

Նոյն առթիւ Ս. Աստուածածին Հայ Կաթողիկէ Աթոռանիստ Մայր Եկեղեցւոյ մէջ հոգեհագստեան Ս. Պատարագ մատուցուեցաւ, որուն մասնակցեցաւ Հոգշ. Տ. Յարութիւն Վրդ.։

***

Kadasetli Patrik Sahak II. Hazretleri, 20 Mayıs 2026, Çarşamba, annesini kaybeden Türkiye Katolik Ermeni cemaati Patriklik yöneticisi Başrahip Vartan Kazancıyan’ı, Sakızağacı Ermeni Katolik Başepiskoposluğu’nda ziyaret etti.

Patrik Hazretleri, Patrikliğimiz ruhban sınıfı ve cemaati adına taziyelerini iletmek üzere geldiğini ifade ederek, Ermeni Katolik Kilisesi’nin İstanbul’daki Patrik Vekili Başrahip Vartan Kazancıyan’a ve ailesine başsağlığı dileklerini iletti. Merhumenin ruhu için Tanrı’dan rahmet, ailesi için ise Kutsal Ruh’un teselli ve huzurunu diledi.

Ziyaret sırasında Ruhani Önderimize Üstrahip Harutyun Damadyan ve Patrik Vekili Kd. Peder Krikor Damadyan eşlik ettiler.

Aynı vesileyle, Surp Asdvadzadzin Ermeni Katolik Katedrali’nde merhume için bir “Hokehankisd” töreni icra edildi. Üstrahip Harutyun Damadyan da bu törene katıldı.

19/05/2026

ԱՐՈՒԵՍՏԱԳԷՏ ԵԱՇՈՒՅԻ ՇՆՈՐՀԱԿԱԼԱԿԱՆ ԱՅՑԸ
SANATÇI YAŞU’NUN TEŞEKKÜR ZİYARETİ

Ն.Ա.Տ. Սահակ Բ. Պատրիարք Հայրը, 19 Մայիս 2026, Երեքշաբթի, ընդունեց արուեստագէտ Վալերենա Եաշույի եւ ընտանիքին այցելութիւնը։

Այցելութեան ընթացքին Եաշու յայտնեց, որ եկած էր Նորին Ամենապատուութեան շնորհակալութիւն յայտնելու համար, քանի մեր Հոգեւոր Պետը անցեալ 2 Մայիսին այցելած էր Արուեստագիտուհիին ցուցահանդէսը: Եաշու ծանօթ է զանազան ծանօթ անձերու, ընդ որս հոգեւոր պետերու նկարները պատրաստելով ու կրօնական թեմայով նկարներով:

Նորին Ամենապատուութիւնը բարի գալուստ մաղթեց իր հիւրերուն ու շնորհակալութիւն յայտնեց Վալերենա Եաշույի սոյն այցելութեան համար: Անգամ մը եւս գնահատեց զինք ու իր արուեստասիրական ոգին, շնորհաւորեց արձանագրած յաջողութեան համար եւ նորանոր յաջողութիւններ մաղթեց իրեն:

***

Kadasetli Patrik Sahak II. Hazretleri, 19 Mayıs 2026, Salı, sanatçı Valerena Yaşu’yu ve ailesini kabul etti.

Ziyaret sırasında Yaşu, Ruhani Önderimize teşekkür etmek amacıyla geldiğini ifade etti. Patrik Hazretleri, 2 Mayıs’ta sanatçının sergisini ziyaret etmişti. Valerena Yaşu, çeşitli tanınmış şahsiyetlerin, özellikle de ruhani önderlerin portrelerini hazırlaması ve dinî temalı eserleriyle tanınmaktadır.

Patrik Hazretleri, misafirlerine hoş geldiniz dedi ve nazik ziyareti için teşekkür etti. Sanatçıyı ve sanatına olan bağlılığını bir kez daha takdir ettiğini ifade eden Patrik Hazretleri, elde ettiği başarılarından dolayı kendisini tebrik ederek gelecekteki çalışmalarında başarılar diledi.

19/05/2026

ԿԵԼԵՃԷՔ ԿՈՒՍԱԿՑՈՒԹԵԱՆ ՍՏԱՆՊՈՒԼԻ ՆԱԽԱԳԱՀԻ ԱՅՑԸ
GELECEK PARTİSİ İSTANBUL İL BAŞKANI’NIN ZİYARETİ

Ն.Ա. Տ. Սահակ Բ. Պատրիարք Հայրը 19 Մայիս 2026, Երեքշաբթի, Պատրիարքարանի պաշտօնարանին մէջ ընդունեց Կելեճէք Կուսակցութեան Ստանպուլի Նախագահ Արիֆ Օսման Կենչթիւրքի գլխաւորութեամբ պատուիրակութիւնը, որուն մաս կը կազմէր նաեւ մեր համայնքէն Արթիւր Ասլանեան։

Հանդիպման ընթացքին Արիֆ Օսման Կենչթիւրք յայտնեց, թէ այցելութիւնը իրականացուցած են ծանօթացման, համայնքի խնդիրներուն եւ ակնկալիքներուն մասին տեղեկութիւն ստանալու եւ այդ հարցերով մօտէն հետաքրքրուելու նպատակով։ Կենչթիւրք նշեց, թէ իրենց նպատակն է աշխատիլ այս երկրի ու ժողովուրդի խաղաղութեան եւ բարգաւաճման համար։

Նորին Ամենապատուութիւնը շնորհակալութիւն յայտնեց այցելութեան համար, ծանօթացուց մեր համայնքն ու համայնքային կառոյցը, հակիրճ տեղեկութիւններ տուաւ համայնքի հոգեւոր կեդրոն Պատրիարքական Աթոռոյ մասին: Մեր Հոգեւոր Պետը յաջողութիւն մաղթեց Ստանպուլի Նախագահ Արիֆ Օսման Կենչթիւրքին եւ ընկերակիցներուն:

***

Kadasetli Patrik Sahak II. Hazretleri, 19 Mayıs 2026, Salı, Gelecek Partisi İstanbul İl Başkanı Arif Osman Gençtürk başkanlığındaki heyeti makamında kabul etti. Heyette cemaatimiz mensuplarından Artür Aslanyan da yer aldı.

Görüşme sırasında Arif Osman Gençtürk, bu ziyareti tanışmak, cemaatin sorunları ve beklentileri hakkında bilgi edinmek ve bu konularla yakından ilgilenmek amacıyla gerçekleştirdiklerini ifade etti. Gençtürk ayrıca, hedeflerinin ülkenin ve halkın huzuru ile refahı için çalışmak olduğunu belirtti.

Patrik Hazretleri, nazik ziyaretlerinden dolayı teşekkür ederek cemaatimizi ve cemaat yapısını tanıttı; ayrıca toplumumuzun ruhani merkezi olan Patriklik Makamı hakkında kısa bilgiler verdi.

Ruhani Önderimiz, Gelecek Partisi İstanbul İl Başkanı Arif Osman Gençtürk’e ve beraberindeki heyet üyelerine çalışmalarında başarılar diledi.

Պատրիարքութիւն Հայոց - Ermeni Patrikligi

03/06/2026

25/05/2026

25/05/2026

25/05/2026

24/05/2026

24/05/2026

24/05/2026

21/05/2026

19/05/2026

19/05/2026

Address

Opening Hours

Website

Alerts

Contact The Place Of Worship

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00