01/09/2026
"...เฮาอยู่กับครูบาอาจารย์
#มาอยู่เพื่อ_ให้ท่าน_อบรมสั่งสอน
เพิ่นเว้า เพิ่นสอน ก็ให้ฟัง ให้ใส่ใจ
น้อมนำมาพิจารณาใส่ตนเองอยู่เสมอๆ
บ่แม่นสิไปดื้อ ไปค้านเพิ่นตลอด
เพิ่นเว้า เพิ่นด่า เพิ่นว่า กะเคียดขมไปเบิด
แบบนี้เรียกว่า พวกหัวดื้อ ใช้บ่ได้
ผมอยู่กับหลวงปู่ครูบาอาจารย์มา
เวลาเพิ่นใช้สอย ใช้งาน บอกกล่าว
บ่ได้ให้เพิ่นเว้าถึงสองครั้งดอก
ครั้งเดียวให้รู้ทันที ให้ไปทันที
มีสติรู้ระลึกในความเคารพอยู่เสมอ
ทุกมื้อนี้มันบอกกันยาก เว้ากันยาก
พระเณรก็ดี ฆราวาสญาติโยมก็ตาม
มีเเต่พวกเก่งๆ มาอยู่กับครูบาอาจารย์
เว้าบ่ฟังกันล่ะ มีแต่ภูมิรู้สูงๆ ทั้งนั้น
มันกำลังหลงในทิฏฐิเจ้าของบ่รู้โต
จนลืมไปว่า มาอยู่กับครูบาอาจารย์เพื่อหยัง
หรือมาอยู่เพื่อพอกพูนกิเลสใส่ตนเอง
มาอยู่เพื่อกอบโกยเอามานะทิฏฐิให้เพิ่มขึ้น
จนบอกไม่ได้ ใช้ไม่ฟัง กันแล้วทุกมื้อนี้
นี่..ให้พากันพิจารณาแน่เป็นหยังล่ะ..."
...................
~●~ หลวงปู่เผย วิริโย ~●~
วัดถ้ำผาปู่ ต.นาอ้อ อ.เมือง จ.เลย
