21/06/2026
မရှုံးမရှိသော ဒုက္ခဒဿန
~~~~~~~~~~~~~~~~
အယုတ်အလတ်အမြတ်မရွေးရ
အော်…လူမှန်သမျှတွေ့ကြုံရတတ်တာဒုက္ခ
ဗုဒ္ဓကလဲဒုက္ခတွေ့မယ်ပြောတယ်
“နတ္ထိ ခန္ဓသမာ ဒုက္ခာ” တဲ့ “ခန္ဓာရှိသမျှဒုက္ခရှိမယ်ကွ”တဲ့လေ။
ဒါကြောင့် သစ္စာလေးပါး
ရင်ဝယ်ပိုက်ထားပြီး
တမဂ်တဖိုလ် ရလိုရငြား ဝိပဿနာလေး“သိ ပယ် ဆိုက် ပွါး”ကြပေါ့။
ခရစ်တော်ကလည်း “ဟေ့ ငါ့နောက်လိုက်တွေ ဒုက္ခအတွက် ကြိုပြင်ဆင်ထားကြ”ဆိုပြီးမှာတယ်။
ဒါပေမယ့် မစိုးရိမ်နဲ့ ငါမင်းနဲ့အတူအမြဲရှိနေမယ်“ပေါ့။
“ရှိ”ဆို
“အမြဲရှင်သန်နေခြင်း”ဆိုတဲ့ဂုဏ်အင်္ဂါတော်နဲ့ ပြည့်စုံတော်မူပေတာကိုး။
မယုံကြည်သူ ဘာသာခြား ခနအသာထား။
ခရစ်တော်ရပြီး ယုံကြည်သူရော ဒုက္ခမရှိတော့ဘူးလားလို့မေး
ဟင့်အင်း “ငါ့နောက်လိုက်ရင် ငါ့နာမကြောင့် ဒုက္ခတွေ့အုံးမှာ”တဲ့ ပြောင်းပြန်ကြီး။
ဒါဆိုရင် ဒီလိုပြန်တွေး
ဒုက္ခ၂မျိုး ရှိတယ်ဆိုပါစို့
၁ လောကမှာရှိသန်နေသူ လူသားမှန်သမျှ ကြုံရဆုံရတဲ့ဒုက္ခ။
၂ ခရစ်တော်နောက်လိုက်လို့ ခရစ်တော်
အကြောင်းပြောလို့ကြုံရတဲ့ဒုက္ခ။
ခရစ်တော်ကတော့ပြတ်တယ်” ကိုယ့် ဒုစရိုက်ကြောင့် ကိုယ်ကြုံရတဲ့ ဒုက္ခက ထူးမခြားနားဘူး ၊ အေး ခရစ်တော်ကြောင့်ဆိုရင်တော့ မင်္ဂလာရှိတယ်”
ဆိုတော့……
ဒုက္ခဆိုတာကြီးက ပြေးမလွတ်မယ့်အတူတူ
ဒီလောဓံလှိုင်းလုံးကြားမှာ
နွေးထွေးကြင်နာ ယုယညှာတာ
မေတ္တာတော်အနန္တ ခမ်းနားစွာပေါကြွယ်ဝတဲ့ ကောင်းကင်အဖနဲ့အတူတူ
ပျော်ပျော်ပါးပါး မော်တာကားစီးပီး
ဒုက္ခကြားမှာ ရင်ကော့ခေါင်းမော့စွာ
သွားကြရင်ကော မကောင်းပေဘူးလား။😇
ဒုတိယဒုက္ခကိုရွေးချယ်ကြမယ်လေ။
ဒီဒုက္ခကြားမှာ သူနဲ့အတူဆိုရင်
ကြောက်စရာကောင်းလဲ ရဲရင့်မယ်
ထိတ်လန့်စရာတွေ အံတုမယ်
စိုးရိမ်စရာကို ကျော်လွားပြီး
မေတ္တာအတိမ်နက် ဘဝရဲ့အနှစ်သာရကိုထုဆစ်မယ်
ပြီးတော့ ကိုယ်တော့်ရှေ့မှာ “မင်္ဂလာ”ရှိမယ်။
✍️ 21.6.2026
