17/01/2026
ကံ ကံ၏အကျိုး(သို့)
ရက်စက်သည့် ကံကြမ္မာ၏
ယုတ္တိမဲ့ သံသရာ
ဗုဒ္ဓရဲ့ဝါဒ(အယူဆ)က ကံ ကံ၏အကျိုးဝါဒဘဲ။
ကံဆိုတာက ကမ္မ(အလုပ်)ကနေလာတာ။
“ကံ ကံ၏အကျိုး”ဆိုပြီး ကံကိုနှစ်လုံးဆင့်ပြောတာက
ရှေ့တလုံး”ကံ”က ပြုလုပ်တဲ့အကြောင်းကံဖြစ်ပြီး နောက်တလုံးက”ကံ၏အကျိုး”ဆိုတာ
ပြုလုပ်ထားတဲ့အကြောင်း”ကံ”ရဲ့ အကျိုးဆက်”ကံ”
ဒါကိုဘဲ ကံ ကံ(ထိုပြုထားတဲ့ကံ၏)အကျိုး လို့ဆိုတယ်။
ကံကလဲအမျိုးမျိုးရှိနေရော
ဒိဋ္ဌဓမ္မဝေဒနိယကံ (ယခုဘဝချက်ချင်း အကျိုးပေး)
ဥပပဇ္ဇဝေဒနိယကံ(နောက်ဘဝမှအကျိုးပေး)
အပရာပရိယဝေဒနိယကံ(တတိယဘဝကနေစပြီး နိဗ္ဗာန်မရောက်မချင်းပေးနေမယ့်ကံ၊ဘဝအဆက်ဆက် အကျိုးပေးကံ ဆိုပါတော့)
ကိလေသာ အာသဝေါကုန်တဲ့ ရဟန္တာ ၊နိဗ္ဗာန်သွားမယ့်ရဟန္တာတွေမှာတောင်သက်ရောက်နေသေးတဲ့ကံလို့ဆိုတယ်)
အဲ့ဒီကံတွေအားလုံးကိုလဲ ဂရုကကံ လဟုကကံဆိုပြီးနှစ်မျိုးခွဲခြမ်းလို့ရနေသေး။
ဂရုကဆိုတာ ကြီးလေးတယ်ဆိုတဲ့အဓိပ္ပာယ်ရတယ်။ ဂရုကကံဖြစ်ရင် မဖြစ်မနေအကျိုးပေးကိုပေးမယ့်သဘော။
လဟုကကံဆိုတာတော့ပေါပါးတဲ့ကံပေါ့။လဟုကကံဖြစ်ရင် အကျိုးပေးချင်မှပေးမယ် ပေးချင်လဲပေးမယ်။
ကဲလာပြီ
ကံကံ၏အကျိုးဝါဒ၏ ယုတ္တိမဲ့သံသရာ
မောင်မည်းက ဂရုကကံဖြင့် မောင်ဖြူကိုသတ်
လိုက်တယ်ဆိုပါဆို့။
မောင်မည်းမှာလူသတ်တဲ့အကုသိုလ်ကံရှိသွားပြီ ။
ဂရုကလဲဖြစ်နေတော့ မဖြစ်မနေအဲ့ဒီအကုသိုလ်ကိုပြန်ဆပ်ရတော့မယ်။
အဲ့ဒါနဲ့ အကုသိုလ်အကျိုးပေးချိန်တန်တော့
မောင်မည်းလည်းပြန်သတ်ခံရတယ်
သတ်တဲ့သူက မောင်နီ။
မောင်နီကိုလဲ မောင်ဝါပြန်သတ်။
မောင်ဝါကို မောင်ပြာပြန်သတ်။
မောင်ပြာကို မောင်ညိုပြန်သတ်။
မောင်ညိုကို မောင်စိမ်းပြန်သတ်နဲ့
ကံကံ၏အကျိုးသံသရာက အဲ့လိုလည်ပတ်နေတာ။
ဒါကိုဘဲ”ပြုသူအသစ် ဖြစ်သူအဟောင်း” ဆိုပြီး ဖွဲ့ဆိုထားကြလေတယ်။
“ကဲရိုးရိုးလေးဆင်ခြင်ကြည့်”
လူတဦးက လူသတ်ထားတဲ့အကုသိုလ်ကံကျူးလွန်မိရင် အဲ့ဒီလူရဲ့အကုသိုလ်အကျိုးဆက်(ပြန်သတ်ခံရမယ့်အကျိုးဆက်)ပြည့်စုံစေဖို့ တခြားလူတဦးက မဖြစ်မနေ အကုသိုလ်ကျူးလွန်ပြီးပြန်သတ်ပေးဖို့လိုနေအပ်နေတယ် ။
(ဗုဒ္ဓဝါဒအရ လူသားကံကြမ္မာကို လူတဦးတယောက်ကစီရင်ဆုံးဖြတ်ပေးတာမဟုတ်ဘဲ ကံကဘဲဆုံးဖြတ်ပေးတာ)
အဲ့ဒီလူတဦးရဲ့အကုသိုလ်ကံအကျိုးပြန်ဆပ်ပေးဖို့ တခြားသူတဦးဦးကလဲ မဖြစ်မနေပြန်သတ်ပေးရမယ့်သဘော။(ယုတ္တိမဲ့)
ဒါဆိုရင် ဘယ်တော့မှ အတောမသတ်နိုင်တဲ့ ကံကံ၏အကျိုးရဲ့သားကောင်ဖြစ်သွားပီ။
အဆုံးဆိုတာလဲမရှိနိုင်တော့ဘူး။
ကဲဒီလိုပြန်တွေး
အကယ်၍ မောင်မည်းက မောင်ဖြူကိုသတ်တဲ့အခါမောင်ဖြူက ရဟန္တာဖြစ်နေလို့ခွင့်လွတ်လိုက်ရင်ရောပြီးပြတ်သွားမှလားဆိုတော့။
အဖြေက…….Noပါ
မောင်မည်းသတ်ထားတဲ့ အကုသိုလ်ကံ က မောင်မည်းကိုဘယ်တော့မှခွင့်မလွှတ်ဘူး။ ခွင့်လွှတ်ခြင်းဟူသည် ကံကြမ္မာ ၌အလျင်းမရှိ။”ဇနေတိ သဒိသံ ပါကံ” ကိုယ့်ပြုသည့်ကံ ပဲ့တင်သံ ကိုယ့်ထံပြန်လာမည် လို့ပြောတာကိုး။
ကိုယ်လုပ်ကိုယ်ခံ ဘယ်သူ့မှလာခံပေးလို့မရ ဘာညာ ဘာညာ blah blah blah….
ဆိုတော့မောင်မည်းရဲ့အကုသိုလ်ကံကိုဆပ်ပေးစီရင်ဖို့ မောင်နီက(သို့)မောင်????တဦးဦးက မဖြစ်မနေသတ်ကို သတ်ပေးရမယ်။မောင်နီကိုမောင်ဝါ မောင်ဝါကိုမောင်ပြာစသည် အစဉ်တိုင်းမှတ်ပါလေ………
ဟူး…. ရင်လေးစရာ အဲ့ဒီကံကြွေးသံသရာကို သင်ရွေးမလား ခင်လေးရာ……..
ဆိုတော့….
အဲ့ဒီသံသရာ အကျိုးပေးကံကို ဆပ်ပေးဖို့
အဆုံးသတ်ဖို့ ရပ်တန့်သွားဖို့ ကျေအေးသွားဖို့
အကုသိုလ်ကြမ္မာဆိုး ဆက်မလည်စေဖို့
တစုံတဦး(လူပုဂ္ဂိုလ်) သို့မဟုတ်
တစုံတရာ (မေတ္တာ၊စွန့်လွတ်ခြင်း)
စသည်တော့လိုအပ်နေလိမ့်မယ်။
အဲ……
အဲ့ဒီလူကလည်း သာမှန်နဲ့မရဘူး
သံသရာကို ရပ်တန့်နိုင်တဲ့သူတဦးဦးဖြစ်ရမယ်ပေါ့။
#သံသရာ
#ကံကံ၏အကျိုး
❤️
✍️
